¶ NE agwa hentewaterente ne Orhonkene, nonen agwegon heniat-kesgwen ne tsagononsa, henionterennaien--tenhonwanonweraton ne Rawenniio tsi skennon tha-hakorhenne. Tsie iatha gati henieriwagaratate, nok ne tsiui-iakon ne ganenskon henieterontake, agwa a-iagothahonskateke, nok, a-iawenhens, tokenske-onwe Rawenniioke nongati nagonikonra na-iotieraton, tsinigariwes a-iagoterennaientake.

TEWATERENNAIEN.

Tahonwaroniaienton ne Niioh Ronwaniha, nok oni ne Niioh Ronwaienha, nok oni ne Niioh Ronikonratokenton.

Tagwaienha ne garonhiake tesiteron; a-iesasennatokentiste; a-onwe ne Sawenniiotsera; Tsini-sanikonroten etho ni-iawenn nonwentsiake, tsiniio ne garonhiake; Tagwanataranon ne kenwente niatewenniserake iagionnhekon; nok sasanikonrhen tsinikon gwanikonraksaton; tsiniio nii tshiongwanikonrhens nothenon ionkhinikonraksaton nongwe; Nok heren tagwaiatenhawit tsi nonwe nothenon na-iongwanikonrotago: nok heren tagwahawiten ne gariwaksen; ise Sawenniiotsera, iah othenon Tesanoronse, nok agwa saiataneragwat, iah tegagonte otho nen-iotonhake.

A-men.

1. NIIOH iah othenon tesanoronse, tiotkon tse senakere nok iah tegagonte hensenakereke; sonhake thi'o-ientakon tsi iagionnhe, ise seri=onnis tsi sekon nonwa iagwatori'anerongwas, nok oni, tsi sekon onwentsiake iagionnhe: Tagwat-hontates nisa, O sewenniio tsi iagionnhe, tsi nonwa thegwanonweratons tsi thagwentenron thagwaiatanonstaton tsi-nahe tsi iagionahe;--ieganihare thagwaiatanonstaton nonwa ne ken-wenniserate: nok ne senha agwa thegwanon weratons tsi wasgwentenre was-gwaiatanonstate ne ken-wasonte, nok seknnongowa saiagwat-gatho sontasawen ne ken-wenniserate. Agwegon tsinikon thagwentenron, agwa ongweri'a sagwegon thegwanonweartons nok ghwasennanoronstha; nok genniten tase nasgwentere as-gwat-hontatse-he nonwa ne ken orhonkene tsi gwatonraserons nok thegwanonweratons, tsini-iawetha thagwats-hennonniatenni tsi-nahe onwentsiako tsi iagionnhe: ne ra-o-ri-onniat thagwat-hontats nisa, ne songwenheiase nok sotonnheton ii-on swariwa, iken, IESOS KERISTOS songwawennii.

A-men.

2. NIIOH ise tagwaienhogonha; ne tsini-satennitenraskon sekon oiah sasgwenniseron ne ken-wenniseratenion; ne gati waonni tsini-iawetha tiotkon thagwentenronhaties, onen kentho wagwawenniioste nongwatonnhets nok oni ne iagwaieronke; ise tasennonon tsi nathagwaier tsinigariwes heniagionnheke nonwentsiake: nok tagwaienawas tsi a-iagionnhiiohake;--a-iongwariwatokenton nok tokenske-onwe tsi aion-gwariwiiostonhake: Tsi etho ni-iongwanikonrotenthagwentenr nisa sewenniio, tagwanikonranirat nok thagwaienawas, tsi teiongwatonwentsioni ne senha a-honteiaron tsini-iagwas-hatste nonwa tsi iah-gwats-teristha ne sariwatokenti; nok oni, senha a-honteiaron tsinisagwaienteri ne songwaenniino nok sesongwaskontagwen, IESOS KERISTOS. A-men.

3. SEWENNIIO tsi iagionnhe; sate-rientaratsihon wahi tsinateio iah teiongwanikonraniron, nok oni tsiniiotaksen tsini-iagionnhoten; nok oni tsini-iawetha tsi-ok nahoten ne iongwa-nikonrotagwas: ne gati waonni gwennitentase, nas-gwentenrheke tsi iah teiongwariwaniron; nok oni gwennitentase, nas-gwentenre ne tiotkon a-songwaienawaseheke ne Ronikonratekenton ne thosa a-iagwariwanerake; nok oni, a-songwaretsiaronheke nongwanikonrakon nontaiagwariwaierite tsinigariwatokentitseroten tagwariwaienni. Twagwanikonraientat nisa, tsini-garewatatserowanen nensgwarewathagwe ne iah tentsiagwatatrewatane; nok tagwanatonhas tsini-iawetha tagwatshennoniatenni; etho gati nontawe a-iagwatshaniske nok a-iagwatehenseke nagwanikonraksate. Nok tagwaienawas ne tiotkon a-iagweiarake nongwanikonrakon tsi nateiotenonianiton ne wenniserate, non hengatokenne agwegon tsinikon iongwennontonnionhon, tsinahoten iongwatati nok oni tsini-iongwatieren: Tagwaienawas oni a-iagweiarake tsi-ioriwentahon ga-ok nigaiea tsineniongwaiatawen, thoga-ken hensongwatshennonniaten, thoga oni-ken hensongwarewathe iategagonte, ne hetserihonte ne tensgoiatorete nongwe neniagonnheke nok oni ne iagowentahon, nonen hensewatonwenstiarisi; ne wahi hetserihonte ne Etsienha Iesos Keristos songwawenniio.

A-men.

* * * *

4. SEWENNIIO ise tagwaiatison, sonhaha gwaniahesen, aseken, iah othenon tesaneronse; Thagwat-hontats nisa tsi nonwa gwennitentase nas-gwarion ne sariwatokenti; nok oni gwennitentase nas-gwaiatanonstate ne kenwenniserate, thosa othenon iongwagarewat; thoso oni iagwariwanerak, thosa oni onga nongwe iak-hinikonraksat: Thagwentenr sewenniio thagwanikonriiost; thosa iagwanikonraksenhak; thosa oni othenon a-iongwanikonrotago ne gariwaksen nagarihoten, ne ken-tho onwentsiake gariwanakere: Thagwanatonhas oni-tsina-iagwaiere ne ontaiagwariwaierite, tsinigarihoten Noriwatokentigowa thagwariwaienni: Thagwaienawas oni tsi tokenske-onwe agwegon nongwe a-iak-hinorongwakel ne waonni a-iak-hinorongwake, aseken, songake agwegon thikongwaientakon;--ise wahi agwegon thagwaiatison, nok oni, ise thagwawenniio; ne gati wonni, ise nonwa gwawenniiostha tsi iagionnhe. Thagwentenr sewenniio, tagwathontats tsi-nigariwake nonwa wagwennitentase, ne ra-o-ri-onniat tagwat-hontats ne Etsienha IESOS KERISTOS songwawenniio.

Tsi nonwe ni iotsisthogwaronnion ne iaiak niwaterennaienthatserak ne Orhonkene ionterennaienthagwa, etho-nonwe nenionterennaien neken ne thake tegaristhoranakon.

A-HONTATOKENTIKE WENNISERATE.

Thagwentenr sewenniio, thagwaienawas tsi tokenske-onwe a-iagwenniseranoronsthake nonwa ne ken wenniserate, ise sennisera: Thagwaienawas oni tsi tokenske-onwe nonwa, agwa ongwanikonragwegon, tsi agwasenaienseke, nok oni, tsi agwawenniiosthake tsi iagionnhe: Thosa nisa othenon teiongwanikonrawenrie tsi heniongwaterennaienthake, nok oni, thosa othenon iagwariwanerak nonwa tsiniwenniseres.

Ronwennitentase ne Rawenniio, ne asagotenre nagwegon nongwe ne tasagoswat-heten nagonikonragon, nok aieriwaienterene tsi nigarihoten ne gariwiioston.

Sewenniio iah othe-non tesanoronse, ise wahi agwegon seiatison nongwe nonwentsiake ienakeronnion; Setenr nisa nongwe ne sekon tsi thiogaras nonweni-ieteron; iah wahi tokenske-onwe te-iesaienteri; iah oni teieriwaienteri ne sariwatokenti, iken, gari-iioston, agwa oriwatoketigowa iah; oni te-honwaienteri ne sesongwasgontagwen; ne gati waonni, O sewenniio ne nisa ne ronikonratokenton tesagoswatheten nagonikonragon, nok, aieriwaienterene tsinigarihoten ne gariwiioston, nok oni ahonwaienterhane ne IESOS KERISTOS songwawenniio.

THOGA ONI KEN-GAIEN A-IONTSTHE.

Gwennitentase sewenniio, nasetenre ne ongwatatekenhogon Nogwe-onwe, nekentho ionwentsiate ienakere, ne thaseswat-heten nok a-iont-gathe tsinisariwatokentitseroten; etho gati nonta-we, a-iesasenna-ienseke, a-iesanorongwake, a-iesawennaragwake, nok a-iesawenniiosthake. Tonsasteni nisa sewenniio, nonwa tsini iagonikonroten nok oni tsini-iagon-nhoten; ne ok nia nonwa, ne sariwatokentigowa a-iothiathagweniiostonhake nagonikonrakon, nok agwa a-iagoriwiiostonhake.

Iontataterennaienni ne ia-gononwaktani.

Sentenr nisa swewenniio, agwegon nongwe ne iagononwaktani, sas-hetsient nisa, iah wahi othenon tesanoronse; nok setenr, agwa iagonikonraientann tsi ise nonwa serewatha, nok-etho nitewe tsi nonwa teiontonnhagariss, agwa tokenske-onwe tsi onsaiontatrewathe nok iah-tegagonte aiesawenniiosthake tsi iagonnhe.

I O K A R A S N E.

IONTERENNAIENTHAGWA.

¶ Nonen wahogarawe, agwegon a-iontatiataroroke ne tsiniiagononsa, nok tsie-iatha a-ieriwagaratate; ensga-gati tsi thahonwanonweraton ne Rawenniio tsi wasagotenre wasagoiatanonstate ne tsiniwenniseres: nok oni ensga tsi a-honwennitentase ne a-sogoiatanonstate tiniwasontes nok skennon thaiagorhenne.

Tahonwaroniaienton ne Niioh Ronwaniha, nok oni ne Niioh Ronwaienha, nok oni ne Niioh Ronikonratokenton.

Tagwaienha ne garonhiake tesiteron; a-iesasennatokentiste; a-onwe ne Sawenniiotsera; Tsini-sanikonroten etho ni-iawenn nonwentsiake, tsiniio ne garonhiake; Tagwanataranon ne kenwente niatewenniserake iagionnhekon; nok sasanikonrhen tsinikon gwanikonraksaton; tsiniio nii tshiongwanikonrhens nothenon ionkhinikonraksaton nongwe; Nok heren tagwaiatenhawit tsi nonwe nothenon na-iongwanikonrotago: nok heren tagwahawiten ne gariwaksen; ise Sawenniiotsera, iah othenon Tesanoronse, nok agwa saiataneragwat, iah tegagonte otho nen-iotonhake.

A-men.

1. NIIOH agwa satenniternraskon, nok agwa saiatatokentigowa; iah etho thesiatoten nasat-gatho ne gariwaneren nagarihoten. Ne tsini-satennitenraskon, sariwison hentsisanikonrhen tsinikon iesanikonraksaton nongwe, ne tokenske-onwe hentsiontat-rewathe nok hentsiagorihonti tsi iagoriwanera-aksgon. Sonhake non gati nonwa nagwaierate nongwanikonra, nok agwa iongwennitenton, ne waonni tsi sotsi iongwariwanera-aksgon. Tes-ganere nonwa, O Sewenniio tsi iagionnhe, tsi gwariwakeronnis tsi ni-iawetha tsongwateriwatewaton. Agwa iongwaiesaton ne sariwatokentigowa. Nok, O sewenniio, ne tsinisatennitenraskon, iah tesenonwes nahont-garonni nagontonnhets nongwe ne iagoriwaner-aksgon, nok tennon, ne senonwes nonsaiontat-rewathe tsinikon iagoriwaneren, nok garonhiake a-ionts-hennonni. Ne tsinisatennitenraskon thagwentenrhek-nisa, nok tontagwarongwas tsinikon iongwariwaneren; nok thagwanatonhas tsiniserwaswens ne gariwaneren; nok thagwanatonhas tsiniserwaswens ne gariwaneren nagarihoten; nok thagwaienawas tsi tokenske-onwe-agwa ongweriasagwegon honsaiagwatat-rewathe tsinikon iongwariwannhikon; etho gati nontawe honsesanikonrhen tsinigwanikonraksaton. Tiotkon-wahi nise o sewenniie, sataeweiennentahon nase-iat-hontatshe nok oni nase-tenre nongwe, ne iagonitenton nok tshiontat-rewatha tsi iagori-waner-aksgon: thagwat-hontats gati nisa tsinonwa gwenntentase ne onsas-gwarongwase tsi-nikon iongwariwaneren; ne ra-o-ri-onniat thagwat-hontats ne Etsienha IESOS KERISTOS, iken, sesongwasgontagwen. A-men.

2 SEWENNIIO tsi iagionnhe, gwennitentase nasgwanikonranirate, ne thosa sekon ne eh honsaiongwanikonrotago tsinahoten tiotkon iongwanikonratgwas; etho wahi, nitewes tsi tiotkon gwanikonraksatha. Thagwentenr nisa songwatogaten nok songwaienawas ne Ronikonratokenton, tsina-iagwaiere ne hontaiagwariwaierite ne sonhake nongatigwen: heren nisa sewenniio tagwahawiten ne iotaksen; nok sasanikonrhen tsinikon ne iah tet-gariwaieri tsini-iongwaterernhaties: Thagwa ienawas nisa thosa othenon iagwennontonnion ne iotaksen; thosa oni othenon iagwatati ne iah tet-gariwaieri; thosa oni othenon ni-iagwater tsinahoten agwa seriwaswens. Thagwentenr nisa sewenniio, tsi tokenske-onwe a-iongwariwiiohake, a-iongwatonnitenraskon nok a-iak-hinorongwake agwegon nongwe: etho gati nontawe as-gwentenre as-gwatshennoniaten, tsinigariwes nonwentsiake heniaionnheke, nok oni garonhiake as-gwaiatinionte nonen heniagwatonnhokten; ne ra-o-ri-onniat tsi asgwentenre ethonaiawenne ne IESOS KERISTOS songwawenniio. A-men.

3. TAGWAIENHA ne garonhiake tesiteron; agwa thegwanonweratons tsini, iawetha onen tsiniio thagwatshennonniatennis; thegwanonweratons tsi nonwa skennon thi-iagionnhe; nok oni tsi thagwawis tsi nahoten iagionnhekon, nok oni, tsinahoten iagwats-heronniatha: nok, O sewenniio ne senha thegwanonweratons tsini, satennitenraskon iken tsi songwenheiase nok sesongwas gontagwen ne E-tsienha IESOS KERISTOS; thegwanonweratons oni tsi songwariwaienni, tsina-iagwaiere ne hontaiagwariwaierite ne sonhake nongatigwon. Thegwanonweratons oni tsini-sanikonriio, aekho thasgwarewathe, ioneragwat-se tsini-iawetha onen gwanikonraksaton: thegwanonweratons oni tsi tesongwaswathetennis nok oni, songwatonnhaganonnis ne Ronikonratokenton: sekon nisa thagwentenrhek, nok thagwawisek tsinahoten teiotonwentsioni nongwatonnhets, nok oni, ne iagwaieronke: ne ra-o-ri-onniat thagwat-hontats ne Etsienha IESOS KERISTOS songwawenniio.

A-men.

* * * *

4. SEWENNIIO sonhatsiwa tsinisaiataneragwat, iah othenon tesanoronse, nok agwa satennitenraskon; gwennitentase nonwa nas-gentenre as-gwaiatanontate, [ne ken wasontate, thosa othenon a-iongwagarewate, thosa oni othenon tha-iongwatonharenron tsini-wastontes, skennongowa gati thataiogwatasontongote;] nok tsinigariwes a-iagionheke nonwentsiake, tiokon ne tha0iongwaioteke ne thagewanonweratonseke nok oni, nagwawenniiosthake tsi iagionnhe. Thagwentenr sewenniio thagwaienawas ne tiotkon a-ia-gweiarake tsi-iengahewe tens-gwaiatorote, nok ethone agwegon henwatothasi tsinikon iongwariwaneren. Thagwentenr oni sewenniio, sewaterakef nisa tsinikon gwanikonraksaton; ne nisa sgarakewat ne IESOS KERISTOS rahonegwensakenha, iken, tegaiasontne nonwe ne-ionek-wahon, i-i hongwariwa ne tsini-iongwariwanera-aksgon: thagwat-hontats nisa tsi nonwa, gwennitentase ne ra-ori-onniat ne Etsienha IESOS KERISTOS. A-men.

Tsi nonwe ni-iotsisthogwaronnion ne iaiak niwaterennaienthatserake ne Iokarasne ionterennaienthagwa, etho-nonwe nen-ionterennaien.

A-HONTATOKENTIKE WENNISERATE.

NE tsini-satennitenraskon O sewenniio tsi iagionnhe. thagwennisera-tokentisterawi sewennisera;--nok etho nonwe seron nen-iagwaterennaienseke;--etho nonwe oni sernon nen-iagwarongaseke tsini-sanikonratokentisteroten;--etho nonwe oni seron nen-gwanekenseke tsinahoten nongwatonnhets nok oni ne iagwaieronke teionatonwentsioni; etho nonwe oni seron natengwanonweratonseke tsini-iawetha thagwats-hennonniatennis. Thagwentenr gati nisa, thosa nonwenton iagwenniseraiesat ne ken wenniserate, nok tennon tsinigwanorongwa, tsi oni, nigwasennanorongwa, etho na-iagwenniseranorongwake ne ken wenniserate, ise sennisera.

AGWEGON NONGWE IONTATATERENNAIENNI.

Thagwat-hontats nisa sewenniio, tsi nonwa iak-hi-iaterennaienni agwegon nongwe; gwennitentase nasetenre ne thatseswat-heten, nok tokenske-onwe a-ieriwiiosthe, nok tsinigariwes aiagonnheke nonwentsiake a-iesanorongwake nok a-iesawennaragwake: gwennitentase oni, ne thosa sekon ne a-iothiathagwenniiostonhake nagonigonrakon ne tsi nahoten ne kentho onwentsiake gariwanakere; nok tennon, O sewenniio setenr nisa, sonhake nongati tiotkon nagonikonra naioteraton, nok tokenske onwe tsi a-iesawenniiosthake tsi iagionnhe; nok setenr nonen heniontonnhokten nonwentsiake, garonhiake nisa wasthenonni na-gatonnhets.

Sagorihonte ne Rawenniio nongwe naionterennaienseke.

NE tsinihotennitenraskon ne Rawenniio sagorihonte nongwe na-ionterennaienseke. Tsi etho nigarihoten sagoriwaienni raweron henionts-hennonniathagwe. Ioneragwat gati wahi, nothiake nongwe tsini-iagonikonroten, tsi iah othenon te-iontsteristha ne ATERENNAIEN nagarihoten: Ioneragwat se-wahi tsinigariwiio nok oni tsiniionts-hennonnia-thagwa ne onga ke ok nongwe ne tokenske-onwe wahontsteriste ne ionterennaienthagwa tewannatongwa.

Ioneragwat oni tsini-ieriwanera-aks ne onga ki ok nongwe ne iah twionterennaiens, aseken wahi, iah tetieriwaierits tsi nahoten sagorihonte.

OH-GATI honte na-ieiere nongwe nontaieriwaierite tsi a-ionterennaienseke; agwaki-wahi, no tokenske-onwe hontaionnikonrasahate nonen othenon wahonwaneken ne Rawenniio tsinahoten te-iotonwen-tsioni nagotonnhets nok oni ne ieronke. Ne wa-onni tokenske-onwe hontaionnikonrasahate nongwe nonen wahonterennaien, aseken, iah wahi etho tehaiatoten ne Niioh ne ok tahonwaieron! Ok wathi iawe tihon-waieron ne iah togesnke-onwe tethiagonikonrasahaton tsi nahoten ronwanekenni. Othiake nongwe tokenske agwa iagotsieniaron tsi ionterennaiens, nok, tennon iah tokenske-onwe teken tsi ionterennaiens; ne wahi waonni, tsi iah tethiagonikonrasahaton. Etho wahi ioken tsi ni-iagonnhoten nok oni tsini-iagoierenhaties tsi iah tokenske-onwe teken tsi ronwasennaiens ne Rawennio.

OKHONKENE,

Ionterennaienthagwa ne tsi-iatha nongwe.

¶ Agwa ne-ok hensie ne Orhonke ne nisa thasatierent nats-hennontonnion ne Niioh nok a-sat-rennaien; a-satonheke:

Tehonwaroniaienton ne Niioh Ronwaniha, nok oni ne Niioh Ronikonratokenton; asen nihati nok saiata ne Niioh; ahonwasennaien nok tahonwanonwearton nonwa nok oni tsini-ienhenwe iategagonte.

NONEN WASAT-KETSGO, TSIRON.

Wagathiathionnite ne kenwasonte nok honkitawe, nok sekon sagat-ketsgo, ne waonni tsi wagagiatanontate ne Rawenniio.

Sewenniio tsi wasiete ne gieronke nonwa orhonkene tsi iotasgwe, takitenr nisa a-siete oni nagwatonnhets ne thosa sekon honsakeriwanerake nok tagienawas tsi hontagonnikonraierite nonwa ne ken wenniserate, nok oni, tsi nenwe agonnheke; etho gati nontawe nonen iengahewe hensesgonnhete, as-kitenr garonhiake agatshennonni ne raorionniat ne IESOS KERISTOS.

Nonen wasats-heronniagwisa tesatonts-hoten, tsinihaier-hagwe ne Iesos Keristos songwawenniio tehatonts-hot-hagwe nonen wahaterennaien; nok seiarak tsi teiaganere ne Niioh, ne gati waonni agwa gasennikonrasahat hensatere naien.

Ne waonni teiotonwentsiohon nontaiagonikonrasahaton nonen wahonterennaien, aseken, agonikonragon nongwe tiotkon tehaganere ne Rawenniio; ne waonni etho nonwe natehaganere, aseken, etho nonwe niwatonnis ne ioianere nok oni-ne iotaksen. Those gati, onga nongwe iagorharek ne asagot-hontats he ne Rawenniio tsi henionterennaienseke, ne iah tokenske-onwe tenthiagonikonrasahaton. Aiawenhens gati, agwegon nongwe ne teiagotonwentsioni ne hontaieriwaierite ne tsi nigarihoten ne Niioh sagoriwawaien; tiotkon a-iakeiarake, tsi ok tokenske-onwe agwa agaweriasagwegon tsi heniagoterennaientake nok oni tsi henhonwawenniiosthake tsi iagonnhe, ethone ok onen iorharats nasagot-hontatshe ne Rawenniio.

Iongwaterihonte ne thiongwe ne thatsitewanonweratonseke ne songwaiatison, ne waonni thatsitewanonweratonseke tsini-iawetha onen tsini-io songwats-hennon-niatennis.

Thatsitewanonweratonseke oni tsi songwentenron songwariwawi ne gariwiiosten, nok oni, tsi songwentenron songwenheiase ne roienha, iken IESOS KERISTOS songwawenniio.

Thatsitewanonweatonseke oni ne Niiok, tsi songwentenron songwatogatennis ne Ronikonrotokenton, ne tsi nahetewaiere ne hontetewariwaierite ne gariwiiostonke nongatigwen. Ne wahi songwaiatisahaton ne Niioh ne atsitewasennaienseke nok oni natsitewawenniiosthake tsi tionnhe. Ioneragwat gati tsi niiagonnhoten nothiake nongwe; tsiniio tsi-ionnontonnion ne iah tharonnheke no Rawenniio, etho waki ioken tsini-iagoienrenhaties, tsi iah othenon tehonwatshanise nok oni, tsi iah tiokon tehonweiare.

Aiawenhens agwegon nongwe, hontaieriwaierite tsi niiorihoten ne gariwiiston otho gati nontawe garonhiake a-ionsthennonni; Ethonaiawenne.

Tahonwaroniaienton ne Niioh Ronwaniha, nok oni ne Niioh Ronwaienha, nok oni ne Niioh Ronikonratokenton.

Tagwaienha ne garonhiake tesiteron; a-iesasennatokentiste; a-onwe ne Sawenniiotsera; Tsini-sanikonroten etho ni-iawenn nonwentsiake, tsiniio ne garonhiake; Tagwanataranon ne kenwente niatewenniserake iagionnhekon; nok sasanikonrhen tsinikon gwanikonraksaton; tsiniio nii tshiongwanikonrhens nothenon ionkhinikonraksaton nongwe; Nok heren tagwaiatenhawit tsi nonwe nothenon na-iongwanikonrotago: nok heren tagwahawiten ne gariwaksen; ise Sawenniiotsera, iah othenon Tesanoronse, nok agwa saiataneragwat, iah tegagonte otho nen-iotonhake. A-men

IOKARASNE.

IONTERENNAIENTHAGWA NE TSIENIATHA NONGWE.

¶ Nonen wahogarawe, thosa sasanikonrhen tsi saterihonte ne thatse-nonweraton ne Niioh tsi waiaiatanonstate ne tsini-wenniseres, nok tennon, saterennaien; a-satonheke:

Tehonwaroniaienton ne Niioh Ronwaniha, nok oni ne Niioh Ronwaienha, nok oni ne Niioh Ronikonratokenton; asen nihati nok saiata ne Niioh; ahonwasennaien nok tahonwanonweraton nonwa nok oni tsini-ienhenwe iategagonte.

NONEN ISERE A-HONKITAWE TSIRON,

Onen skennon thagathiathionnite, nok wagatorishen, aseken ise sewenniio, agwa sonhaha-ok hensgweni hens-giatanonstate.

NOK SEKON TSIRON.

Sewenniio, iah tewagaterientare tsi nahagiere ne agwa hontakeriwaierite tsi agaterennaien, ne gati wa-onni takitenr, ne nisa ne Ronikonratokenton ragiatakennha nok ragienawas nok tagwat-hontats tsi nonwa gonsenaiens ne ra-o-ori-onniat ne IESOS KERISTOS.

Tagwaienha ne garonhiake tesiteron; a-iesasennatokentiste; a-onwe ne Sawenniiotsera; Tsini-sanikonroten etho ni-iawenn nonwentsiake, tsiniio ne garonhiake; Tagwanataranon ne kenwente niatewenniserake iagionnhekon; nok sasanikonrhen tsinikon gwanikonraksaton; tsiniio nii tshiongwanikonrhens nothenon ionkhinikonraksaton nongwe; Nok heren tagwaiatenhawit tsi nonwe nothenon na-iongwanikonrotago: nok heren tagwahawiten ne gariwaksen; ise Sawenniiotsera, iah othenon Tesanoronse, nok agwa saiataneragwat, iah tegagonte otho nen-iotonhake. A-men.

Project Canterbury