Taroaniara, British Solomon Islands. |
1. Masi arikosina ikira muni rihunai suli haudina talana mai Haiulana, na talana mwai puo, na ni hairara ani gaoolana maia ruruha.
2. Kira anai nii nina hautaai suli halisi ana haudina S. James, mala kira haetolaia taana na district. Masi nina inihou Priest ana district e asi nia munia Mama Bishop ni maia mwa Haiulana ilaola mwai arikosina ikira maia mwai puo.
3. Kira anai ruru tainalu ni rihunai suli Friday.
4. Kira anai ruru tainalu haarua suli halisi ana haudina S. Matthias na ana haudina S. Ames. Ana ea madau sira ahutada ana ahutana district, wa na roto ana district kira anai ruru tainalu ana haudina S. James munia Nauna Maea, na ana haudina S. Matthias sulia mwa hanua ikira haleite.
5. Pulita ana hanua kira anai lio hilisia nada Leader, na kira anai luluisulia walana.
6. Na ile esie hehesia walana Leader.
7. Pulita kira anai ta haluna ikira i Nima Maea i naona Altar, na Priest easi tola konira.
8. E 6 inoni wa 12 e haidadana ana tae pulita.
9. Mwai mane wa mwai keni kira malisina.
10. Ana kira a lio haaroia 18, e madau ni haauresia na ite pulita lou e urina lou urina ana 24, 30, 36, 42.
11. E madau lou uri na hanua aopa eta na pulita maraada, taa esie liutaha ana 12 e noia na tae pulita.
12. Kira toleasia masi arikosina inihou munia ahutana Soihataina kei ana Melanesia.
[3] 13. Kira anai toleasia sapemawa ana naile, talaaehana e olu masi ola, wa ohia e haidadana ana, ohia e asa munia wa e qai mwadausia ni maia na ile aopa.
14. Ero masi ola e sie haa parasia naile, wa nina ana Nauna Maea, wa nina ni maia Soehataina, wa ea nii nina ni maia na hanua ea suka na mailana, wa ea nii nina munia ile e malisina na mailana taa ana moola kei ana walumalau, wa ohia ana haseo, kira sie haa parasia na ile mane esie nia masi niina.
15. Na ile ana pulita ea usu, Leader ea nai konia masi daumwana munia ani adomaiolina munia mala a Priest ea adomainia, na ile ine ea nai hairara luitaha, ani unu hatai ana na adomaina ole ineia.
16. Kira anaitola oli ana haolu ana ile ea usu ilaona orahaa.
17. Taana na ile i laona pulita muni e tola konia mai Haiulana ilaona mai nima ikira, na ni haa naura ani naula na wai ani haa urasia, hatai ure ineia huna malahuda, ikira mai Haiulana mala e malisina muni e taa.
18. Ana na ile ea tau talahia mai Haatolana inihou na mai Tolahani Leader ineia ea nai Haaananaua. Na ana ea qai tolaana Leader, Leader muni e tolea lou maia na ile wa olu ile ana pulita. Ana ea qai adomai oli Leader muni e unu Hatai ana isiena Priest, na Priest ea nai si pai asia mani pulita.
19. Kira sie tola ole ana ilaona pulita. Taa ea hehesia mai Haatolana na ea io maia hehesina. Taa kira anai tola oli ana ile ea usu ilaona orahaa, na ea soe huu na ea adomai oli diena.
20. Ile ea qaike helesia uwa lotomaea e sie noi Laladohana Pulita inihou.
21. Qaike taa alai Haausuli haleite kira e naku ana lebu ni Leader, na taana naihei manatada e hai dadana ana na e malisina.
22. Uri ana na kotaha ea talaae maia na ite pulita, wa na opana unuhatai ana isiena Priest, na ea nai ii haa manoa masi opana ine i matolada.
23. Ana na ile ea sare mamalo mania Pulita ile ine ni unu luhasia isiena Priest, na a Priest easi toleasia ani dailamaa.
_________________ [4] MASI HAATOLANA IKIRA MWAI COMPANION.
______1. Haatolana munia God. E haa tolaiau muni nee hiwalaimoli ana, nee qaoola munia nee hairara ni saepaina ana liutaha, nee adoadomai onioni ana, nee arikosi ni mane isiena nee haasaedienaa ne norutoo ilenina, ne qaaola isiena nee adomai hiahia ana Satana e Maea na Walana, nee daudaumwa walaimoli munia suli haudina aku hula ana maena.
2. Haatolana munia noni. E usunainiau nee saepaina ana mala nau saepaina aku alihoi, nee taua munia ahutana mai ioni mala nau haihunia kira e taui muniau; muni nee saepaina ana amaku na nikeku, nee adomai hiahia adarua, muni nee mai rarua, nee adomai hiahia ana alaile ea lioisuliau, nee qarono isulira; nee haa haoraau honosia alaile e paina, na alaile ea haausuliau, na alaile e saelemai liutaha aku; na mane nau taunaniia na ile, na maine nau taunoraupu mumuni munia na ile ilaona saeku; na nee ura honosi sapeku, mane amoamo, mane nau ni pota liutaha, wa mane tono liutaha, mane nau roroa ani roroana, mane nau holi haakae: mane nau tautalahia haluna; mane nau talei hele ana toolana ile aopa na mania pelina; mane nau tau taiwau ana na ile; na mania heotaina, mane nau saehanalia toolana ile aopa; na taa nee daudaumwa diena talana mai naula akui, nee io ni saemano ani iona ine God e saenia nee io honosia ana.
_________________ [5] NA HALUNA.
________1. Na olotaha o halu maia God ma holo kira Lotomaeamu?
Nau halu ana olu masi ola.
Etana: muni nee maasia oto a Satan na ahutana mai arikosina ineia na mai ola ahutata na moola uuru kei ana walumalau ni orahaa inihou: na mai saehanalina kei ana hasio.
Ruana: muni nee hiwalaimoli ana ahutana mai haiwala ana tolahana Christ.
Oluna: muni nee haakenetainia mai haatolana maea a God e hai hunii e haatola kau ani, nee luluisulii mai haatolana ine suli haudina aku hula ana maena.
2. O haihunia namua ni maia ma Companion ikira mai Haiulana?
Siuwa nau hai huni na kua urina.
3. Oa halu uri oa nai luluisuli haakenetai ana mai Haatolana ana?
O siuwa naa halu oto urina.
AMI a tolakonio maira Companion inihou, na a God, Ineie e talaae ana masi adomaina inihou wau i laona saemu, muni e rapeio tarau. Na a God Mama, na a Kale, na a Spirit Maea, muni e haadienaao na muni e haakenetainio oto nihou na otu huu. Amen.
_______________ [6] NWAI QAOLANA NI QAOLA ANI.
_______Suli Haudina-- ANA Satana Mama, na Kale, na a Spirit Maea. Amen.
LORD Jesus Christ, O usunainia alai Haatola Maea Ioe muni kiree houleinia Tataloha diena munia taana na ruruha: ami a tola sui o muni O haadiena mwai arikosina kei ana Soihataina ioe maira mwai puo. O toleasia munia mwai Haiulana taena na moola e diena e haidadana ana mailada O ta mai arikosina ikira e madamadau, O paraira, O ahesira, O haadienara nao hai usunai ni maia lou masi arikosina i nihou, uri muni alaile ea maemae ilaona orahaa kiree helesia nada na Maurina, kuluhaamu e paina mai walumalau; Oa mauri maia Mama, na a Spriit e tae God isie mano oto oo. Amen.
GOD Huuna nanama, O amasira maile e qai manatainio uwa, alaile e io rorodoa, i mamalutani maena. O usunainia a Spirit Maea io, muni e arikosi mauta wau isaeda, muni haa lio haahuilala ada ana mwai orahaa ikira, uri na puotainilamu kira e rono ni hiwalaimoli mai haiwala ana Jesus a Haauri, kire e helesia ana saedienana na tataloha diena e haidadana ana Maurina hau; ana Jesus Christ a Lord iami. Amen.
¶ Ilehu Leader o toomaia Soihataina, taana na laladoha ana-- GOD Huuna nanama, Ioe o qonia kau uri, Oa nai rono munia mai Teanaina alaile ea areo i noruhana Satana Kalemu nu ami a tola suuio ana amasina Ioe ouwa lina mai tale ami teanainio oto hou ani arelamu; na onia mai ami e akauri mano moola ine ami sukai ani hiwalaimolina sulia saemu; muni lauhi ami ma holo ami a taleola, na munia hatalinia manikulua hamu, ana Jesus Christ a Lord iami. Amen.
[7] NILANA Lord iami a Jesus Christ, saepainana a God, lokona ana Spirit Maea, muni e io mai kia ahutaka onioni. Amen.
_______ ¶ Leader muni e lio hilisia Hymn e malisina Qaolana inihou, na na roto ni Usuusu Maea e malisina S. John 15. 1, ma S. John 14. 1-13.
Kira anai saea e ro Teanaina inihou, ni hai olioli adarui na ile ana na Friday na na ile ana Friday.
1. Leader-- LORD Tahania dawamani, Ohaa manola saemami ami e soi hea manekulua Satama e maea isulia ana Jesus Christ a Lord iami. Amen.
¶ Oto Hymn na roto ni Usuusu Maea. Leader-- ANA Satana Mama, na Kale, na a Spirit Maea. Amen.
Kia adomai alihoi ana isiiri, na suli haudina muni kie haa manekulua God. Amen.
Haaurasia Alahana ineia mai orohana. Amen.
Ura honosia sapeka. Amen.
Adomai oli mania mai roroana ikia. Amen.
Ioio diena mania holainao. Amen.
Eeli mania iina oto huu. Amen.
Tau akakau losia losia Maurina huu. Amen.
Ariarikosi diena mai i walumalau. Amen.
Maira mai auhanua ikia. Amen.
Maasia waluola uuru kei ana walumalau. Amen.
Ipalu honosia hiona kururaqa. Amen.
Aailaa honosia hasioka. Amen.Ohia, kia anai mae, wa ananai ii.
Kia hiwalaimoli ana God maia na palahelana
Ilaona lehu ni Lotomaea
Kia helesia nanamana ni spirit.[8] Ilaona lehu ni Rapeita
Kia helesia nanamana ni spirit.Ilaona lehu ni Tapaolita
Kia helesia na awana alihoi.Ilaona lehu ni Nauna Maea
Kia helesia naka mwai Naula ni Hiona.¶ Ahutada kira a mani walaa tainalu-- Kia hiwalaimoli na kia unu hatai ana e tapaolisi kia, ea rapeikia, ea haanau kia na ea haa awakia alihoi.
Leader-- E urina ea soi kia suli haudina muni
Kie ioio maia Christ. Amen.
Unu haatoo ana Christ. Amen.
Haihai raretai munia Christ. Amen.
Sasae rukeruke maia Christ. Amen.
Christ. Amen.Talahea, Haasaedienaa, Lord Jesus Christ, ana ahutana mwai nina Ioe o soe ami munii, talaaehana O ronohita isuliami.
E! Tapaolita Maea, Malahumami, Ulamami, O mai ami ami e manatai diena amu mania holainao, ami e saepainamu mania holainau, ami e luluisuli diena amu mania holainao.Lord, Ohaa usuliami ana mwai tala ni haiwala ni haausulina Ioe.
Na am anaisi haakenetai isulii.Onia mai muni ami ami e saelemai ni haakenetai nia mwai haatolana ioe.
Na ami anai si luluisuli ana ahutana saemami.
Ami hiwalaimoli amu, God,
Ana ahutana mwai adomaina iami, ana ahutana maurihaamani, ana ahutana hairarana iami.[9] Ami sae paina amu, God,
Ana ahutana mwai adomaina iami, ana ahutana maurihaamani, ana ahutana hairarana iami.Ami a haamau amu, God,
Mailamami e keikei mai amu.Ami e palaheo God,
Mailamami e keikei mai amu.Ami anai norutoo amu, God,
Ana mwai nina keikei mai amu.Ami a totoloo God
Mai lamami e keikei mai ami.Ami a adomai haihia ana Satamu e Maea na ana mwai Walamu e maea
Mai lamami e keikei mai ami.Ami e daudauma walaimoli namua suli haudina amami
Mai lamami e keikei mai ami.GOD Huuna nanama, O nia oto mai muni ami e haamano telainia mwai arikosina e malisi mami ami e taui munia mwai auhanua iami, ami e saepainada mala ami saepainamami alihoe, ami e haihunia ni taui munira mwai inoni mala ami haihunia kire e taui oto muni ami. Amen.
Uri ami e saepaina ami e adomai hiahia ni maia mwai amamami na mwai nikemami muni maemae honosia Queen na abhtana alaile e alaha parasiami ilalo ana satana, ami eio ni haa haora ami honosia alaile ea haa usuli ami na alaile e saelemai liutaha amami. Amen.
Ami e io maneko, mano haa hitooa na ile ana walamami na ana mwa arikosina lami, ami sie holi haakae na tae odotai mola haleite, ami sie susuisulia mwai roroana ami sie tau noraupu mumuni munia na ile ilaona saemami. Amen.
Ami e haakenetai honosia sapemami mwania amoamona, mane nau nipote liutaha mwane tono ni mahiri, mwane sae hanalia tootoolana na ile aopa, taa ami o daudaumwa diena talana mwai naula amami, ami e io ni saemano ana iona ine God O lio hilisia ami e io honosio ana.
[10] GOD O paraia, alaile e norutoo amu, ana ami a ahoa amu ami sie io mautaa ami sie io ni maea; O haahunaa sae ni amasina io muni ami, ana Ioe o alaha parasiami na oa nao nanami, ami asi tahania urina moola ahutata, ami sie huutala ana moola ea nai io huu, Mama ileni O nia mai na masi ola inihou muni ami tohuna Jesus Christ a Lord iami. Amen.
Ahutada-- Ami a haatohu ana ahutana moola hou ana satana Jesus Christ a Lord iami. Amen.
Leader-- LORD Tahania dawamami, Haamanolaa Saemami, ami e soihaa manekuluna Satamu e Maea isulia, ana Jesus Christ a Lord iami. Amen.
___________________2. ¶ Muni e lio hilisia na Hymn e malisina na Qaoolana inihou. Na roto ni Usuusu Maea. Inihou na Mwai halu roto, S. Luke 10. 1-20; Rome 10. 1.
Leader-- ANA Satana Mama, na Kale, na a Spirit Maea. Amen. Lord, o amasi ami.
Christ, o amasi ami.
Lord, o amasi amiGOD Huuna nanama, Ioe o qonia kau uri oa mai ronoa naihei ea nai areo ana Satana Kalemu; nee o qaronoami ami a areo oto inihou, ami e akaurisia moola, ami a sukai ani hiwalaimolina; ana Satana Jesus Christ a Kalemu a Lord. Amen.
AMAMAMI ile ileni, Satamu e maea. Alahana Ioe e lae mai. Moola saemu ani taulani e lae i mwado huu mala oto ileni. Tamai siiri muni ami naula e haidadana ana isiiri. Na o sae asia mwai roroana iami, mala iami ami sae asia mwai roroalaile ea haa roroaira muni ami. Na o suuri toliami munia [10/11] malaohona lamami; O haa uri ami mwania laa ni orahaa. Ana o tooana alahana, na nanamana, na manikuluana, e sie aopa oto oo. Amen.
Leader--
Lord, o suri adoado mainia nwai roroana iami na mwai roroana mwai wauwamami, na taa naohai ola ana o tapaoli siami ana Apumu,
Lord diena, o haauri ami.
Lord, ami alaile ni orahaa ami a tola suio mani O lio ni saedienana munia Soihataina ioe suli hanua ilaona walumalau, na O haadienaa tana na mwai arikosina maia mwai puo uri muni alaile ea houleinia tataloha diena Ioe, kire e aka urisia mwai nina ni maira na alahana Ioe muni e too laulau mai i Melanesia na ilaona ahutana walumalau;
Lord diena, ami a areo, o rono isuliami.
Uri muni O haadienaa na O ahesia alai Haiulana kei ana Melanesia, muni mwai arikosina ikira e lae tarao suli hanua kira io ani uri muni alai puo kire e qarono isulia mwai haiwala ni houhouleina ikira;
Lord diena, ami a areo, o rono isuliami.
Uri muni alaile ea school ana mwai hanua kira tahanii oto kire e paina tarao ana mwai nina Ioe, kira e maasia taataana na tolaha ni puo, na na tolahana mwai hiona kururaqa na taataana na kaena kira e rarao ana huna hiwalaimolina lae hulana na alahana Ioe ea nai io oto huu;
Lord diena, ami a areo, o rono isuliami.
Uri muni alaile ea haa school mwai haausuli maira i Tabalia, kire e io maia hiwalaimolina, na na saeolana na na ronomanekona, uri muni alaile ea haitalea na lehu ni haiulana ilehunakire e helesia na saelemaina na na haa haoolalada, na na nanamana muni arikosi ana na maholo;
Lord diena, ami a areo, o rono isuliami.
Uri muni Soehataina io i Mala e io mala mataqana munia alai puo, ana hanua ine ana iolada na mwai arikosina diena na muni ohaa dienaa mwai Haiulana ilehuna na muni ohaa kenetai honosira ilaona malahonolada na orapeira maholo ea asaira na ilaona rono hitoona ilaona mwai arikosina ikira;
Lord diena, ami a areo, o rono isuliami.
[12] Uri muni Soihataina i Santa Cruz o mautaa tarao, uri muni apuna mwai Martyr io e talaae ana na soikonina paina ilehuna, uri alai Haiulana ilaona hanua ine kire e luluisulia teapeada kira noii oto ilehuna, na muni kira o suluia Soihataina io maira;
Lord diena, ami a areo, o rono isuliami.
Uri muni Soihataina ioe i Guadalcanar o madomadoro ana Spirit io, muni houleinia walamu wala ni mauriha, uri mwai Halulana ilaona hanua ine e honu ana manatamu e diena, na kire e io sapemaioa ilaona mwai arikosina ikira;
Lord diena, ami a areo, o rono isuliami.
Uri muni Soihataina io i Bugotu, Gela, Laube, Savo, San Cristoval, Ugi na Ulawa kire e luluisulia wa amu kire e lae haaqarono isuli walu ola haa hola kire o suluta maia sae ni rukina, ni arikosi tarao maia na rono maneko a;
Lord diena, ami a areo, o rono isuliami.
O rapiena Soihataina io i Sikaiana, Tikopia muni e lae tarao, muni kira e maia mwai auhanua ikira ana mwai hanua aopa, na muni na mataqana ioe e ra tautaha, ana hanua puo uwa i Lord Howe uri muni na tolaha ni puo e aia, na na tataloha diena io e dauhahira;
Lord diena, ami a areo, o rono isuliami.
Uri muni Soihataina io New Hebrides, Banks na Torres, kira e silitaha ni haitalea mwai sheep ioe kira takalo kau ana mwai hanua ine, na muni kira e tola alihoe ada mai ilaona para ioe maia na sae ni rukena;
Lord diena, ami a areo, o rono isuliami.
Uri muni alaile e hiwalaimoli kau i Fiji, kire e ura mautaa ilalo ana tolaha ni maurhiha, kire e maia na ni houleinia tataloha diena ioe maunia mwai auhanua ikira;
Lord diena, ami a areo, o rono isuliami.
Uri alaile ea daudauma nana mwai Government, na ilaona mwai Plantation, na maira mwai mai holiholi, na ilaona mwai haka, kira o daudauma munio Ioe huuna aunada, na muni kire e luluisuli hairara, ana mwai haatolana Ioe;
Lord diena, ami a areo, o rono isuliami.
[13] Uri muni alai China kira io mai ami ilehu i Melanesia kira e sae hanalia na mataqana Ioe, na muni kire e sili mai na komu haolu mwai ami;
Lord diena, ami a areo, o rono isuliami.
Haiwala ni Palahena. MAMAA Hahuana amasina, ami a Haasaedienaao ana O Taurarahia Soihataina ioe muni e houlei ani maemaena, na tataloha diena ioe munia taena na mwai ruruha; ami a palaheo ana alaile e silitaha muni raretainio ana mwai hanua e io haatau na ana isulia na mwai haadienana hunahunaa Ioe hahia mwai arikosina ikira; na ami a haasaediena ao ana alaile isuli hanua kira hiwalaimoli amu talaae hana ikira, isulia mwai houhouleina ikira: ana kira haalaunia urina mwai holoholo ni haa usulina Ioe ilaona taatana na moola; na talaahana lou mwai haahausuli na mwai ariarikosi kei maira mwai auhanua inihou kira houleinia nada na walamu wala mauriha; na ami a haadienaa na Satamu e Maea ana mwai hairaretai Ioe kira mwai adomai hiahia ana na maurihaada; taa kira io haakenetai hula ana maega ani houleinia na tataloha diena Ioe, ani haa manotelainia maia na sae ni rukena na laehada; na ami a tola suio muni o toliasia mai muni ami mwai niga Ioe, ami eluluisulia na peapaeda e diena, mai e ruru loko ana na maholo ilaona na alahana Ioe kei legi; ana Jesus Christ a Lord iami. Amen.
Teanaina a S. Chrysostom. GOD Huuna nanama, O nia oto mai muni ami ana maholo inihou ami e area tainalu; na o qonia kau uri na ro ile wa olu ea ruru ana Satamu, oa naisi ta na moola kira a tola suio munie: Lord, O haa tooa isiiri moola saemami ani maia tolesuina iami mala ea nai diena muni ami; O nia mai muni ami saemani e taha isulia walaimolina ioe ilaona walumalau hou na ami e mauri huu ana hanua uwa mai. Amen.
________ [14] ¶ Leader muni a haamano, LORD, O taua mwai Haiwala ami sihoani ana dawamami, ami e Hiwalaimoli ani i saemami, ami e luluisulei ana io lamami, ana Jesus Chrsit a Lord iami. Amen.
¶ Mae ni Teanaina ana Sunday ahutada marada haahulee.
LORD, Tahania dawamami haa manolaa saemami ami e soi haamanekulua Satamu e Maea isulia Jessu Christ a Lord iami. Amen.
¶ Leader muni e lio hilisia na Hymn e malisina na qaolana na Psalm 121 na na roto ni Tatoloha diena, wa na roto ni Usuusu Maea.
Leader-- ANA Satana Mama, na Kale, na a Spirit Maea. Amen. Lord, o amasi ami.
Christ, o amasi ami.
Lord, o amasi ami.AMAMAMI ile ileni, Satamu e maea. Alahana ioe e lae mai. Moola saemu ani taulani e lae i mwado huu mala oto ileni. Tamai siiri muni ami naula e haidadana ana isiiri. Na o sae asia mwai roroana iami, mala iami ami sae asia mwai roroalaile ea haa roroaira muni ami. Na o suuri toliami munia malaohona lamami; O haa uri ami mwania laa ni orahaa. Ana o tooana alahana, na nanamana, na manikuluana, e sie aopa oto oo. Amen.
Leader-- Kie teanai. AMI a unu Luhasia mwai roroana iami munio God Mama, God Kale, God a Spirit Maea, na inaona alai Angel Maea, uri ami tau orahaa ani adomaina, na ani wala, na ani arikosina. Talaaehana ine ami a tola suio God Mama, na Kale, na a Spirit Maea, munio amasiau O sae asia mwai orahaa inau inihou sulia Jesus Christ a Lord inau. Amen.
GOD Huuna nanama, huuna maurina huu, ioe O qaike aani tau noraupu ana na masiola O haahola kau, na oa saesae asia mwa orahaa alaile ea adoadomai oli; O haahola namami [14/15] na masi sae haolu na e maa menamena muni sae mami o huu e hai dadana ana mwai orahaa iami ani unu hataana siohaamami ea tataala ami asi akaurisia i siemu a God ana amasina na sae asilana ahutana moola, ana Jesus Chrsit a Lord iami. Amen.
Ana mwai Arikosina i Melanesia. GOD Huuna nanama, mwai malau mou ea totorio, O uuru toli mai na haadienana io hahia Bishop na ahutana Alaile ea kakali ilaona arikosina inihou i Melanesia, na mwai pulita ni Haiulana, na mwai pulita ni Companion, na pulita ni Nike, na mwai G.S.S., na hahia ahutana alaile ea haahausuli na alai qarono isuli ilaona mwai School ana muni kire e houleinia na Satamu i walumalau na maurina amu maira mwai ruruha. Lord, O haasae manoa saeda maholo kira a saehuu, O paraira maholo kira a haidoi maia mwai maela hulahula; O rapeira ilana taena na malaohona na otoleasea nada na sae ni nonorutoona ilenimu kire e daudaumwa maneko namua. Lord, aunani halisi, O usunainia mai alai daudaumwa ilaona lalo ioe, O ahesia manatana alaile ine ana a Spirit Maea, alaile ine kira malisina dauwana inihou muni kire e toleasira alihoe maraada namua, na O nanamainira muni kire e houleinia na manikuluahamu; ana Jesus Christ a Lord iami. Amen.
¶ Haiwala ni paalahena hahia taena na moola. GOD Huuna nanama, Mama sae ni amasina, iami mwai masi inoni ioe ami a palaheo hahia saemu e diena muni ami, na oa saepaepaina amami maia ahutana mwai inoni; [ilehu o paalahea hahia mwai nina e mai kia ani].
Ami a paalaheo ana O haahola ami na O lio talamami kau, ani toleasilana lou mai muni ami moola e diena e malisina iona mai lehu, na ami a paalaheo oto liutaha hahia saepainana ioe ana tapa olisila walumalau ana Jesus Christ a Lord iami; na hahia lou o holaia mwai Sacrament ami, ami anai si tooana mwai nina ioe ani; na hahia toroilana iona didienaa; na ami a tolasuio, oniaa mai muni ami saemami e taha isulia mwai manatana diena ioe; muni ami e paalaheo oto walaimoli ana saemami, na suuri ana mwai qeruqeru haleite; ami e toleasi ami muni daudau mwa namua, ami e helehele ni mwane hele [15/16] odotai inaomu suli haudina; itohuna Jesus Christ a Lord iami ne muni omolu na a Kale na a Spirit Maea, adomai hiahiana e sei mano oto oo. Amen.
Teanaina a S. Chrysostom. GOD Huuna nanama, O nia oto mai muni ami ana maholo inihou ami e area tainalu; na o qonia kau uri na ro ile wa olu ea ruru ana Satamu, oa naisi ta na moola kira a tola suio munie: Lord, O haa tooa isiiri moola saemami ani maia tolesuina iami mala ea nai diena muni ami; O nia mai muni ami saemani e taha isulia walaimolina ioe ilaona walumalau hou na ami e mauri huu ana hanua uwa mai. Amen.
NIILANA Lord aimi a Jesus Christ, saepainana a God, lokona ana Spirit Maea, muni e io mai kia ahutaka onioni. Amen.
¶ Mwai roto ni usuusu ni saesae ilaona mwai teanaina mwai roto ni Tataloha Diena na mwai Usuusu Maea.
M.M. Press, B.S.I. 300 9-'56.