Project Canterbury

O Tataro Mora Gagapalag Tara Sul Amoa Nan O Ganarono

Preparation of Priests and People at the Foot of the Altar in Mota.

Taroaniara: Melanesian Mission Press, 1952.

PRIEST. Alo Sase Mama, wa o Natui, wa o Vui we Rono.
RA GAG. Amen.

Na te van ape Tano-oloolo non God.
Sur God na we qaraqara raka sage ape Neia.

Lord, Ka veveg inau, Ka leleasag pirin inau goro o sul gate lolomagarosa: Ka lav inau nan i gene galegale wa we variava.
Apeniko God we ge vavakae inau; ape sava Ko me gevtag reag inau? ape sava na we vanvan lolowono alo ra tavalalea we qisan nau siwo?

Ka vatran ma Nom o marmararan wa Nom o nun, a tursalemoa inau: a vantak inau ape tauwema we rono, wa ape tano vano toga anoma.
Na te van ape Tano-oloolo non God, sur God na we qaraqara raka sage ape Neia; wa na te vareaniko alo vigo, God, God inau.

Ape sava, atak, ko we sertaqa, wa ape sava ko we matiko alo lolok?
Ka sov apen God; ape nau te qale varean taso Ineia, o esuva nane mun nanagok, wa God inau.

Log ronoga o Mama, wa o Natui, wa o Vui we Rono;
Tama we tuai, wa ilokenake, tete paso lai. Amen.

Na te van ape Tano-oloolo non God.
Sur God na we qaraqara raka sage ape Neia.

Nasasan Lord napirininina.
Ni me tin o vunana wa o lalanana.

Na we gaganag lue mun God Turmana, wa alo nagora Angel tara Rono nan, wa mun kamiu, si na me ava, alo nonomia nan, wa alo vavae nan, wa alo nok o gagapalag nan: mun napugak, naturpugak, naturpugak ran. O manigiu ilone, na we tias kamiu a tataro mun i Lord God inina ape nau.

God Turmana, Ni magarosa Iniko, Ni nomvitag napugama, Ni vantak iniko ilo esu galava.
Amen.

Na we gaganag lue mun God Turmana, wa alo nagora Angel tara Rono nan, wa muniko, mama, si na me ava, alo nonomia nan, wa alo vavae nan, wa alo gagapalag nan: mun napugak, naturpugak, naturpugak ran. O manigiu ilone, na we tias iniko, mama, a tataro mun i Lord God inina ape nau.

God Turmana, Ni magarosa kamiu, Ni nomvitag napugamiu, Ni vantak kamiu ilo esu galava.
Amen.

God Turmana, Tur magarosa, Ni lolowia kamam, Ni nomvitag napugamam, Ni lav kamam ilo esu galava. Amen.

Lord, la lue ma Nom o magarosa mun kamam.
Vasoal ma mun kamam naesuma.

Lord, Ka ronotag nomam o tataro.
Nomam o awoawo ni nina laiko.

I Lord Ni toga amen kamiu;
Wa amen naatama.

Project Canterbury