EN VELVELE TATA PAH
GA TATA VAL MATPEH MEE SA VAL
RAVRAV MULE LE UME GA RON.

I gihgih ni luw trereh en atri en the wute hou, en tuwa sa niveh, pah nan ni luw tas otren velvele mule.

Sa ise gasa wun heleluk tren en gasa ni en makag, ni wun makag en nenve ga tu oh le, sa ni wun makag en nenve ga tawolwol, ni ga makag es en talatin ehe.--Esek. 18, 27.

Na ga ete veglele nok vihvihig pah; sa mok en gasa maleto utugo nawok.--Eh 51. 3.

Ke ran nawon tren mok lelen pah mantren mok sele avav pah. Eh 51, 9.

En atai ga taptapul ututuh en olol na God; God ke gate vail en toqai ga taptapul ututuh sa ga manmanreg.--Eh 51, 17.

Ge ewore en toqamu sa sao ulumu, gamu heleluk uh Lord God gamu: ehe ni ga loltatpe sa ga mamaruh, ni gate lolpitpit weheg avuh, sa ni ga lolvi vagtuwa, ni gate visrig munse gasa ga tretrem valeh, mere nin tretrem.--Joel 2, 13.

Masvun Lord God igit en masvu mamaruh sa en tretremwute en pogei; sa git en vihig ne git gate ron avuh elnan Lord God igit, sa et van on le Le moon nin map utugo nawot.--Daniel. 9, 9, 10.

Lord ke wuveg na, sa mun en ronwuveg, sa sao mun en lolpitpit, na mete tage wuwute.--Jer. 10, 24.

[4] Ge tretrem valeh; en gagni en vitiga at maken en rah nok ma.--Matt 3, 2.

Na ga tarakas, na ga van kel uh Tamak, na ga vele muni sa, Emam, na ga makag gasa wute en Le at maken, sa le nawon, sa na gate sa avuh sa ket vis naton ina.--Luk 15, 18, 19.

Lord, sao veveveg wirigag mon tratrun sa ga se oh mok haghag, engagni isen tuwa gate makag tawolwol kel avuh on le nawon.--Eh 143, 2.

Sa git ga vele sa en gasa gate en avuh on le git, git ga makag lelen kel git, sa en ususwe gate en avuh on git; sa git ga hapul tete oh moot gasa, ni ga makag ga tu en mon velvele ligligeg oh tretremwute moot en gasgasa sa ga makag atat git tren moot en gasgasa pah.--1 John 1, 8, 9.

GE tahik! En Tehteh ga ron ga vahvahtev vaqihqihi git sa git ga tretren tete, sa ga veleulul oh moot en gasgasa, sa oh masvoot ga gasa pah; sa sao galgal, sa sao sunuw utugo en gasa tren nawon God Tirigman i Tamat maken; sa vele ulul ehe mun en tretrem wute pogei, en gagni mon lolwi sa mon lol mamaruh gate metmet avuh.

Sa en vis sa git ga vele ulul gatgatun gahe oh poget le nawon, sa et le en vavak ehe on git ga woma, sa ga hag tuwa, sa et vewi God oh nenve gawi pah ni ga hou ma mun git, saet mahpeg trereh en roron, sa wet mon en velvele tirigaron, sa et tata oh nenve pah tirigepet sa talatet gawi ehe.

Gagni heg na ga tias gamu pah ga hag tuwa hene, sa et van on tuwa oh tani haghag at maken, mun toqai ga mahtag sa mun alen ga maluplup; git velvele sa:

[5] Eman Tirigman, Tirigmamaruh; game en talev, en lelen tren elan mere sheep en tage. game en suuh pahwo en nenve pah lolome en tretrem visrig en teteren ehe. Game en vahvahle wute mon en le vatou ga ron; game gate makag avuh en nenve pah ken gaun sat makag; sa game en makag en nenve pah ken vele utugo; san es gate en avuh on game.

Sa inik Lord, ke maruh game ge gasgasa ga mamamroh. Ke ukeg game ga vele ulul mome gasa. Ke wuvag kel game ga tretrem valeh; mere ken ligligeg mun en tratrun pah le Christ Jesus i Lord game.

Emam tirig mamaruh, ke ukeg ma mun game gagni ine; tren noknok game et hag wi, hag tawolwol, hag tantaninig; hahan ga ron ni henhen ehe. Amen.

Sa i Priest ni tarakas, ni luw trereh en Velvele Ulwute gasa; sa en sul ge te taqav ret maqe.

God Tirigman, Taman Lord git Jesus Christ gate mares avuh ise gasa ni mat te, sa ni heleluk kel tren hagnenan gasa, ni es: sa ni ga manag ge Gihgih mon en Le, sa ni ga gaun ge, sa ge hapul sa ge mahpeg trereh mun gese wun tretremvaleh en Ulwute sa Ukag pogei tren ge; Ni ga tretremwute sa ni ga ulwute poge tren gese wun tretremvaleh ususuwe, sa ga tretremtup lolwawah mon en Le ga wi ga ron.

En gagni hene, git tiatias ne, ni hou ma mun git en tretremvaleh ususwe, sa mon en Vu ga ron; git et gihgih noknok en nenveh pah ni ga mares, sa git et hag mahtag, hag ron valiqinet; sa on le uhle git tren en malaklak ret mini; mun Jesus Christ i Lord igit. Amen.

Sa en otren qin i Gihgih ni taqav, ni luw en velvele tata ga vage sa,

God masvun en masvuh mamaruh sa en tretrem [5/6] wute pogei; ke ron lolwi game ga tata tretremsusu munik; ke ulwute tren game en gasgasa en es sa en vivih game; en gagni mon en loltaptape sa mon en mamaruh ga lav; sa game et trem-meeg i Jesus Christ, i Pultuwa, i Tata munik oh game. Amen.

Sa en velvele tata heg

Lord, game ga tias inik, ke ronag mamaruh nome en tata; ke lolwi game ga veleulul munik oh pogeme, ke ul mamaruh tren game en gasgasa wetluw pah gameeg game, ga wenwenis en lolome; mun Christ i Lord game. Amen.

Emam maken, hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretrem wute pogeme, mere game ga tretrem wute en poge. Sao ukukrag game le galgalve. Ke la game tren en gasgasa. En mon en vitiga, sa en man, sa en henhen, ti ti tie. Amen.

Lord, ke wak en wesleme.
En sul. Veleme et mahpeg trereh en roron.
I Priest: God, vategteg ma, vaes game.
En sul. Lord, gegei ma, pirin game.

Ge qatqat et taraka, sa i Priest ni vele sa,

Ve ronoron en Mam, sa en Natui, sa en Vu ga ron;
En sul. Mere ga tie, sa noknok, gate pah es avuh. Amen.
I Priest: Ge vewi i Lord.
En sul. Game ga vewi hahan Lord.

[7] En Eh 95.

1 Git le en eh mun Lord: git le ririv melaklak mun i Vat vaes git.
2 Git van wewi utugo le nawon: git le rivriv melaklak muni en eh.
3 Sa i Lord God liwo: i tirig vuol make vu pah.
4 On le leman en qanen gagamgameg: sa mon en liwi taw ga papaprav.
5 En mon en lam nin tin: san le man en gihgih en tanimarekrek.
6 Git tautuw, row taqav: git row taqav utugo i Lord i Tin git.
7 Sa ine i God igit: sa git on le mas moon , sa en sheep on tele panen.
8 Sa gamu wun ron en elnan qirig! sao pupuruh vat mere at Meripa sa masa on le mas vatrawo.
9 Ge tupumu en makag etete na: en taltalvunpak na, sa en ete mok en gihgih.
10 En ta gapre vas lolok en taverih oh atri herek; sa na ga vele sa: Geren sul lololelen, sa ge gate ronveregil avuh en mateelak.
11 Sa nan ligeg lolpitpit sa: Ge gate tren avuh oh mok tani nere.

Ve ronoron en Mam ........
Mere ga tie ........

En vewi God

Game ga vewi inik, God: sa hapul trereh inik i Lord.
En maram pah ga trem-meeg inik: Emam gati tie.
Ge Angel pah ga vele wetwetlag munik: en maken sa en neve pah ga man lolon.
Ge Kerubim mete Seraphim: ga vele sese sa,
Ron, Ron, Ron: Lord God Sabaoth;
[8] En maken san vaan: ga vovo mig henhenin.
En munmun Sala ga ronoron: ga vewi inik.
En pulpul gawi moge Prophet: ga vewi inik.
En munmun Martur ga tretrem-met: ga vewi inik.
En Veol ga ron valvanu pah: ga hapul tretreh inik;
Emam, mon vitiga: gate sin utugo es avuh;
Tirig Naton: trem meeg tuwawo;
Sa en Vu ga Ron: i Vage.
Christ! inik: i vuol ga ronoron.
Inik Natun Emam: ga haghag ret ma ve.
Ken kere rakas en makag es en tratrun pah: ke gate vail en toqan rove punmav.
Ken leriag en tehriki tren en mate: ken wak en vitiga maken mun ge ga tretremtup.
Ken hag on matunan God: on le henhenin Emam.
Game ga tretremtup uh inik ga kel ma ohna: sa et veveg game.
Game ga tata munik ehe, ke pirin game mon tratrun pah: ken tunkel game mun tirig nenve ga tun en traren.
Ke luw tuwa game mige mon tratrun ga ron pah: on le henhen ga ti tie.
Lord, ke vaes mon sul: ke lolwi ge memeren.
Vuol utugo game: saplag rakas ret game.
Game ga ve valqin Inik: i Liwo sisa;
Sa game ga ve meeg en hahan: ti tie, ti tie, gate pah es avuh.
Lord: ke manag utugo game qirig: tren en gasgasa pah.
Lord, maruh game: maruh game.
Lord, mon mamaruh ni hag make me: ga vavatul maken.
Lord, nan vavatul maken: san ukukrag na sa na vavatul masil.

[9] Git vewi i Lord.

1 Git vewi i Lord God Israel: ehe nin vilete sa ni en tunkel en mon sul;
2 Sa nin vatu en maue esvit: on hihi David en mon tratrun;
3 Mere nin vele mun vala ge prophet mon ga ron: on le qetge maram ma;
4 En vasgit tren talvun mavu: sa tren lema ga vapu git:
5 Sa et maruh ge tuptuput: san tretrem kel oh mon en ligligeg ga ron;
6 Sa et tu en velvele: nin ligligeg mun tamat i Abraham.
7 Sa ni et makag rowol git tren lema talvun mavu: git lak mawmawui epsev muni.
8 Git et hag ron: hag tawolwol le nawon valqinit.
9 Sa ga ve inik, mini, en prophet mon i Rahveve: ehe ke ga mo utugo nawon Lord, sa et wuvag en mate elan.
10 Et makag lolmaren en mon sul oh esve: sa en tretrem wute en poge.
11 Mun lol mamaruh mon God igit: en henhenei at maken ga vilete git ehe.
12 Sa et henhen gese ga hag le hil sa le malmal mate: sa et qet tawolwol en ronot on le mathale tamat.
Ve ronoron en Mam ........
Mere ga tie ........

Ge rerev malaklak.

1 Ge rerev malaklak mun Lord, vanu pah: ge mawmawui malaklak mun Lord, van utugo nawon mun le qahgi en eh.
2 Ge ronovegil uh Lord sa ine God: nin tin git, [9/10] sa gate moot avuh: git en mon sul sa en sheep on le mas moon.
3 Ge ol su vewi on mateperet moon, ge van vewi on saran: vemeeg ni, vewi hahan.
4 Sa i Lord ga wi, sa ni ga mamaruh ret: ni gaususwe val atri pah.
Ve ronoron en Mama ........
Mere ga tie ........

Esvik ga ve ronoron.

1 Esvik ga ve ronoron i Lord: san talatik ga malaklak uh God i Vaesvik.
2 Ehe nin ete man: irove mon ga tretrem susu.
3 Sa, ete ma, tren noknok atri pah ga vis na rove gawi.
4 Ehe i Man en makag ga lelev muna: sa hahan ga ron.
5 Sa ni ga mamaruh ret: ge ga tretrem-meeg ne suuh atri pah.
6 Nin le trereh en vavak mun leman: nin harav selselen ge ga tretrem-ha kel ge le toqa.
7 Nin ran su ge qahqahgi tren tano: sa nin sapleg rakas ge ga tretrem su.
8 Nin lele mun ge ga siag mun nenve pah ga wi: sa nin ve sisiag ge merehim.
9 Nin tuan Israel mon tratrun: nin tretrem kel oh velvele nin ligeg mun ge taput, sa ni ga maruh Abraham mete hihi atune ga tie, tie.
Ve ronoron en Mam ........
Mere ga tie ........

En Eh 98.

1 Ge le en eh gararak mun Lord: ehe nin makag en ga lelev pah.
[11] 2 En lele leman en matu san leman ga ron: en gihgih es en es muni.
3 I Lord en hapul tete en esvin: nin lil tete mon en tawolwol le nage tag pah.
4 Nin tretrem kel oh mon mamaruh sa en ususwe mun hihi Israel: en uhle maram en ete esvin God igit.
5 Val vanu pah! Rerev malaklak mun Lord: wetlag, le qahgi, le vewi.
6 Le vewi mun Lord le vitipou: on le vitipou san lene eh vewi.
7 Ge revrev malaklak le nawon Lord I Vuol: mun herev en koukou, mun en lake en ke.
8 En lama et truntrun sa nenve pah lolon: en maram, sa gete ga hag lolon.
9 En tun garigrig pah geret weswes lema: en taw pah geret le qahgi on tuwa le nawon Lord: ehe ni ga van ma saet veveg en maram.
10 Ni ga veveg en maram mun tawolwol: san tratrun pah mun en uswe.
Ve ronoron en Mam ........
Mere ga tie ........

Lord, noknok ke ukag.

1 Lord, noknok ke ukag vasiv en mon tratrun: mere ken vele ehe.
2 Ehe matakne: en ete esvin.
3 Ken makag salmat: on le nawo tratrun pah.
4 En maren ga makag mamaren en val sul pah: en henhene at Israel en mon sul.
Ve ronoron en Mam ........
Mere ga tie ........

[12] En Eh 67.

1 God ke lolwi game, ke lolwi game: ke henhen le nawon utugo game.
2 En mateelan lak nanrag at maram: en esven mi ge sul pah.
3 En tratrun pah, et vewi inik, Lord: en tratrun wetluw pah et vewi Inik.
4 Lele vanu pah malaklak, rererev: ehe ke ga veveg entag en tratrun pah, ke ga tumo lele vanu pah at maram.
5 En tratrun pah et vewi inik, Lord: en tratrun wetluw pah et vewi Inik.
6 San tani ga makag wote en sinag ga linlinag: God, God igit, ga makag ga wi sisa git.
7 God ga makag gawi sisa git: san talvun maram ga tretrem meeg ne.
Ve ronoron en Mam........
Mere ga tie........

En tretremtup moge Sala

Ina ga tretremtup God e Mam Tirigman, i tin maken sa en vaan:
Sa i Jesus Christ Naton en tuwawo Lord igit; en rereem ne mon Vu ga Ron; en wote min Rove punmav Meri; nin hag mamamroh lalnan Pontius Pilat; ge en wehe teteleman; nin mate; geren leh ne; nin van pani; on le qen nitilnan nin tavrakas kel tren en mate; nin van rakas kel maken; ni ga hag on matunan God Emam i Tirigman; ni ga hew ma ohna sa et veveg ge ga es sa en mat nok.
Ina ga tretremtup en Vu ga Ron; en Veol ga Ron val vanu pah; en Pultuwa naga Ron; en ulwute gasgasa; en tirigepe ga tavrakas kel, sa en eses ret. Amen.

[13] I Lord ni hag mi gamu.
En Sul. Sa min talaten.

Git tata.

Lord, maruh game.
Christ, maruh game.
Lord, maruh game.

Emam maken, Hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretremwute pogeme, mere game ga tretremwute en poge. Sao ukukrag game le galgalve; Ke la game tren en gasgasa. Amen.

Lord, le trereh ma mon en mamaruh mun game.
En Sul. Hou ma mun game esvin.
I Priest: Lord, vaes ge vuol pah.
En Sul. Ron mamaruh game ga ve atrew inik.
I Priest: Ke makag ge gihgih mon en le, geret gihgih tawolwol.
En Sul. Ke makag malaklak en mon sul ken ete rakas nok ge.
I Priest: Lord, vaes mon sul.
En Sul. Makag gawi ge memeren.
I Priest: Lord, tamat wo en taume.
En Sul. Ehe ise vageh gate tuan es avuh game; sa inik mahgem God.
I Priest: God, makag atat en toqame.
En Sul. Sao leleriag mon en Vu ga Ron tren game.

En tata ga luw val matpeh

God, inik kere tamat, ke ga mares en pultuwa; ise wun ron wuvag inik ni ga eses ret, sa ise wun mamawui munik ni ga hag wahwah; Tutugo game ge tratrun tretremsusu mon tren en talvun mavu mete [13/14] row uh game: game ge ga vavatul tremmet maken i tutugo, gate matmatwus avuh en vavak mon talvunmavu; gagni en vavak mon Jesus Christ i Lord game. Amen.

Lord, Emam maken, God Tirigman, tirig eses ret, ken ses wahwah game ma en tren en matpeh heg; Tutugo game qirig mun mon man ga vavak; tren game mete siv qirig on le gasgasa, tren mate van trempure utugo val masvu mategaqa; ke qet man mome gihgih wetluw sa et makag gahi nenve pah ga tawolwol on le nawon; mun Jesus Christ i Lord game. Amen.

En tata ga luw val ravrav.

God, i tirigkere teteren ga ron pah, sa en trem-met ga wi pah, sa en gihgih pah ga tawolwol; Hou ma mun mon tratrun pah en tamat henen en maram gate la es avuh; en toqame lak netnet oh ga manas utugo mon le vatou pah, sa game lak hagepsev hag tamat, gate matmatwus avuh en talvunmavu, gagni inik ga tutugo game; mun Jesus Christ i Vaesume, i gihgih sa utugo en pogeme. Amen.

Lord; gami ga tiasnik, hen mome en helhelig; tu utugo maruh game tren en mategaqa pah on le qin atheg; gagni en tatatpe mon Naton en tuwawo, i Vaesume, i Jesus Christ. Amen.

En tata oh val mesu tratrun wetluw.

God, ken tin, sa te etetugo male en tratrun pah, game ga tias susu iniko oh val masmasvu tratrun pah; sa ket hapul trereh en mateelan mun ge, sa esven mun sul pah. (Sa game ga tata kere hag uh ge le mome vanu heg lologaqen maleto.) San tigriheg, game ga tata oh hagni Veol wetluw at maram, ni wi; [14/15] mon Vu ga wi ni qet sa ni man utugo ne, et le gese ga vis sa ge ge Christ on le matale ususwe, ge et tau en tretremtup mun o tretrem ontuwa, sa mun ga-tamat, sa mun haghag ga tawolwol. Sa game tata munik, Emam tirigawi, uh ge ga lolwon, mete gese ga sen, sa ge ga mamamaroh; (sa kere hag game ga tata uh ... ga sen heg mi game;) mon ke ga makag vasev sa ga tuan vagvageh ge oh nenve pah ga wes sese ge, ge et hag vasev on le sine sensen henen, sa ge et rowol wahwah ohna tren mo lele ga mamamroh te. Game ga tata mereheg, gagni i Jesus Christ. Amen.

En vetvele vewi.

God Tirigman, Emam tirig mamaruh, igame ge tratrun mon pah gate se avuh, sa game ga vewi trem susu, sa ga vewi mun vavak inik, ehe ke ka lolwi sa ga loltatape game sa en tratrun pah; (sa ehe ken ete tugo wahwah ge heg ga mares ga vewi inik ehe.) Game ga vewi inik ehe inik en tin game, sa ga ete tugo game, sa ga le ma mun game en nenve pah gawi ga tu oh hagne at heg. Sa game ga vewi inik kere hag ehe ken tunkel en maram, en gagni mon loltatatpe garig sisa, mun Lord game, Jesus Christ; sa ehe ken kere en otren alen game ga la mon en houhou mee; sa ehe game ga hag rere en hagne henhen ohna.
Sa igame ga tias inik, ke hou ma mun game et ronwuvag oh mon en masvu lolwi wetluw; en toqame et vewi uswe inik, game gate mahpeg en roron mun wesleme wo, sa mun hagneme oleh; game et mares tapume en mawmawui munik, game et van ron, van tawolwol on le nawon valqinime; mun Jesus Christ i Lord game, game ga trem meeg ga ve hene ine sa inik sa en Vu ga Ron, en uhli gaiv. Amen.

[16] God Tirigman, ken hou ma mun game sa game pah et tata ontuwa munik noknok; sa ken ligeg sa en tratrun niru sa nitil wun hag tretrem en hahan, ke ga le en nenve en tias ehe; Lord, ke makag wes qirig mome mares, sa mome tata ga tu oh tirig pirinime; le ma mun game en lolmaren oh mon en ususwe on le maram heg, sa en eses ret en le maram hereko. Amen.

En houhou mon Lord game i Jesus Christ, san tatatpe mon God, sa en pulpul mon en Vu ga Ron, ni hag mi gami pah ga tie ga tie. Amen.

EN LITANI

God, Emam maken: maruh game ge gasgasa ga mamamroh.

God Natui, i Tunkel maram: maruh game ge gasgasa ga mamamroh.

God Vu ga Ron, ga rowol tren en Mam sa en Natui: maruh game ge gasgasa ga mamamroh.

Triniti ga Ron, Tirigawi, ga hene; ge ive nitil, sa God tuwa: maruh game ge gasgasa ga mamamroh.

Lord, sao tretremkel oh pogeme sa oh poge tupume: sao sese mun game oh pogeme; Lord tirigawi, ke ukag game, ke ukag mon sul, ken tunkel game mun tirig nenve ga tun en traren; sao lolpitpit ret game.

Lord tirigawi, ke ukag game.

Tren gasa pah san mategaqa pah; tren en gasgasa, tren Satan mete gal es mete row uh game; tren mon en lolpitpit, sa tren metmet ret.

Lord tirigawi, ke ukag game.

[17] Tren en lolhil; tren en tretremha, sa en tretrem-keke, sa en hagne galgal: tren lolsa, sa en vavapou, sa en lolwonwon, sa tren alen vageh pah tren le tatatpe,

Lord tirigawi, le game.

Tren en pakpak sa en poge mete wetluw pah; tren en galgalve maram, sa en pehve, sa i Satan,

Lord tirigawi, le game.

Tren en pa sa en lenvuh; tren en sensen, sa en sensen valakreg, sa en siag; tren en mavu sa en vuh purawo, sa en met ganwon,

Lord tirigawi, le game.

Tren en vileririg, san hag utugo pal, sa en rowvatu; tren en le vatou galgal; sa en eterakas woh en le vageh tren le uswe, tren selen; tren toqe puruvat, sa en mataktak mon en Velvele sa mon Le vatou,

Lord tirigawi, le game.

Mun en lelev gawon sa ga ron henen ken Tratrun; mun mon en Wote ga ron; san mon Teve vaglele; mun mon Huwe-ga-ron, sa en mon Nowo, sa en mon Gal etete,

Lord tirigawi, vaes game.

Mun mon Pulehwon ga hakhak, sa mon en Tutno tratrareg; mun mon en Wolwolas, sa en mon Ronmimrehe; mun mon Mate ga vetren, sa mon en Leh; mun mon en Tarakas kel hen, sa en Van rakas; sa mun vane ma mon Vu ga Ron,

Lord tirigawi, vaes game.

On mome lolwon; on game ga lolwahwah; on le qin mateme, on le qin veveg game,

Lord tirigawi, vaes game.

Lord God, igame ige gasgasa ga tias inik, ke ron game; ke rig utugo mon en Veol ga ron vel vanu pah on le matale tawolwol;

Lord tirigawi, game ga tata tias munik, ron game.

[18] Ke makag lolmaren Bishop mete Priest mete Dikon pah, ge gihlele uswe, sa ge man oh mon Velvele; sa ge vele tete mun elna sa mun hagnena;

Lord tirigawi, game ga tata tias munik, ron game.

Ke hou mun ge liwo utugo game, ge ta wetvag en hou, sa en lolmaren, san man;

Lord tirigawi, ...

Ke makag gawi, ke etete utugo ge Veveg; ge veveg tawolwol, sa ge tau man uswe;

Lord tirigawi, ...

Ke makag gawi, ke etete utugo mon sul wetluw;

Lord tirigawi, ...

Ke hou mun vanu pah, ge pulpul, hag tamat, trem ontuwa;

Lord tirigawi, ...

Ke hou ma mun game en loltatatpe nik, et loltintinin nik, et suuh lolhakhak mon Le vatou pah;

Lord tirigawi, ...

Ke hou tuan mun en mon sul wetluw, ge ron epreh, sa ge letatpe matgehgeh mon en Velvele, sa ge ow suuh en Vu;

Lord tirigawi, ...

Ke sapleg kel ge lelelen sa igese i Satan en gal es ge, ge kel ma on matale uswe;

Lord tirigawi, ...

Ke makag netnet gese ga tu; ke makag vasiv sa ke pirin ge lolvaruru; la rakas kel ge en sevsev; puleh wute i Satan ilelne ronome;

Lord tirigawi, ...

Ke van tuan gese en mategaqa pah en wes vagvageh ge; ke pirin ge gate pirin kel es ge; ke makag vasiv gese ga hag mamamroh;

Lord tirigawi, ...

Ke etete utugo gese ga van te vano, sa ga huhe le lam; sa en gamto pah ga sinen, sa ge sensen pah [18/19] sa ge memeni pah; ke maruh gese en le pal ge, sa en livis ge;

Lord tirigawi, game ga tata tias munik, ron game.

Ke tutugo, ke leqeh en matru pah, sa ige ro wena pah, sa ge pah ga hag velmesel, sa ga hag mamamroh;

Lord tirigawi, ...

Ke maruh en tratrun pah;

Lord tirigawi, ...

Ke tremwute en poge talvunmavu mome, metese wun makag matporawo game, sa wun henhenrag game; pe wilirih kel en toqa;

Lord tirigawi, ...

Ke hou game gangan ma, ke etete utugo, sa game et le malaklak on tirig vula;

Lord tirigawi, ...

Ke hou mun game en tremvaleh uswe; ke trem-wute en mome en gasgasa pah, sa en tremlilil, sa matamol; ke hou ma en hou Vu ga Ron mon, game et wuveg en hagneme suuh mon en Velvele ga Ron;

Lord tirigawi, ...

Naton God, game ga tata tias munik, ron game.
Naton God, game ga tata tias munik, ron game.

Lamb mon God: i leriag en pogen maram;
Hou mon en tamat ma mun game.

Lamb mon God: i leriag en pogen maram;
Maruh igame.

Christ, ron game.
Christ, ron game.

Lord, maruh igame.
Lord, maruh igame.

Christ, maruh igame.
Christ, maruh igame.

Lord, maruh igame.
Christ, maruh igame.

[20] Emam maken, Hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretremwute pogeme, mere game ga tretremwute ´n poge. Sao ukukrag game le galgalve; Ke la game tren en [´n] gasgasa. Amen.

I Priest: Lord, sao makmakag game ga se oh mome lelenve trenik.

En Sul: Sao visvisrig mun game oh mome en gasgasa.

Git tata.

God, Emam i mamaruh, ke gate sutagtage gese ga mehethet sa en talate ga manmanreg, ke ga ron ge ga lolwon ga tata munik; ke pirin maruh igame ga tata munik on game ga hag masel sa ga hag mamamroh: ke ron tapehpeh igame, en nenve gasa pah i Satan san tratrun en vis sa et makag igame mee ge et tage vagtuwa; igame en tratrun mon pah et hag wawah tren gese ga mares ga makag etete igame, et vewi gahe inik on le Veol mon ga ron, mun Jesus Christ i Lord game.

Lord, tarakas, pirin game, le game tren en talvun-mavu en gagni hahan.

God, game en ron nok ge tupume en haro teptepe ma mun game oh gihgih pah ga meeg ken makag on atre, sa on le tap ah ga tie, ge gate wote avuh maleto.

Lord, tarakas, pirin game, le game tren en talvun-mavu en gagni hahan.

Ve ronoron en Mam ....
Mere ga tie ......

Christ, ke tu utugo igame tren talvunmavu.
Ke trurun maruh ma maeme ga hag mamroh.

[21] Ke trurun maruh igame ga lolwon.
Ke tremwute maruh poge sul mon.

Ke ron maruh igame ga tata.
Naton David, maruh game.

Christ, ke ron igame noknok sa valqin.
Christ; ke ron maruh igame, Lord Christ, ke ron maruh igame.

Lord, ke la ol ma mon en maruh mun game.
Ehe game ga sev uh nik.

Git tata.

Emam, igame ga tias epreh inik, ke trurun maruh igame ga mawuwuh; ke makag talev tren game en nenve pah gasa ga se oh pogeme; sa ke hou ma mun game sa game et sev sa et vatul maken mahgen i tirig maruh, on game ga hag mamamroh, sa game et mawmawui gahe munik mun hagne ga ron, sa ga mahtag, en roron sa henhenen ni ga ehe, mun Jesus Christ i Lord game, Ine tuwa i Pultuwa, i Tata uh game. Amen.

God Tirigman, ken hou ma mun game sa game pah et tata ontuwa munik noknok; sa ken ligeg sa en tratrun niru sa nitil wun hag tretrem en hahan, ke ga le en nenve en tias ehe; Lord, ke makag wes qirig mome mares, sa mome tata ga tu oh tirig pirinime; le ma mun game en lolmaren oh mon en ususwe on le maram heg, sa en eses ret en le maram hereko. Amen.

En houhou mon Lord game i Jesus Christ, san tatatpe mon God, sa en pulpul mon en Vu ga Ron, ni hag mi game pah ga tie ga tie. Amen.

[22] EN OTREN VELVELE TATA PAH.

Oh Uh.

God Tirigman, ken tin sa ke te ete tugo male en maram wetluw sa nenve pah lolon; ke maruh game, ehe sinag en wes game, ke ukag ma en uh, en sinag ni vavaroag ehe, sa game et vewi malaklak hahan ga ron; mun Jesus Christ i Lord game. Amen.

Oh Alo.

God Tirigman, ken tin sa ke te etetugo male en maram wetluw sa en nenve pah lolon; ke maruh igame, oh uh truntrun valqin en wes igame, ke ukag ma en alo, en sinag ni hag varoav ehe, sa game et vewi malaklak hahan ga ron; mun Jesus Christ i Lord game. Amen.

On ga sensen.

God Tirigman, ke ga liwo utugo en es sa en mate; game ga vele trereh munik oh pogeme, sa ehe ke ga taltalvonpak igame noknok ga se oh pogeme.

Sa i game ga tata munik, mun tretrem gahe oh mesvon ga mamaruh lav. Lord, ke ga mares, ke leriag tren geme en sensen heg; Lord, vaes ige ga sen; sa ke vele utugo en sensen tren gese gawi maleto; le kel mule ma en hag eses, sa en hag malaklak; sa game et tremtup inik, sa et mares nik tren mo, mun en ve hen gahe hahan; mun Jesus Christ i Lord, i Vaesgame. Amen.

Uh ge, ga tatan ge valvanu pah mun Dikon sa mun Priest.

God Tirigman, Emam maken, ken tun en Veol valvanu pah maram mun pulan, mun moe nenve tun traren Naton en metatpe: ke ete maruh ma mon en [22/23] Veol; sa noknok ke qet sa ke man lolo en mon tratrun pah en Bishop, ige Altag utugo pulan en sheep pah, tren ge mete tatan malmale ise, sa ge et ete rakas mana igese ga se oh gihgih en alen ga ron onle mon Veol. Sa ke hou mon hou at maken mugese ga tatange oh val gihgih; ge makag trereh henhenen mun en hagnena, sa mun mo en alen vatou, sa ge pirin en tratrun pah, sa ge le mo en es, mun Jesus Christ i Lord game. Amen.

Uh ge ga rowrow le lam.

God Tirigman, ken tin sa te etetugo male en lam, sa en lan, sa en pa; ke etetugo i Bishop mete gese ga rowrow mini.

Ka veletugo en lanvuh sa en rep mete vuh wes ge. Ka vaes ge tren en av, sa en pa; sa tren en ak sa mete row hag make vat; sa tren ge mete van huhe en sensen sa en mategaqa pah te. (Ke tutugo ge on ge ga hue i salin on vanu pah lologaqin, tren gese mete vine ge, sa tren mete vagil matperewo mige.) Ke makag wes mo mares, ke manag mo velvele, ge lologaqin et ron mon en rere le gawi. Ke la kel wahwah ge mule ma, sa game pah et hag ontuwa mule mun en vewi gahe inik; mun Lord game i Jesus Christ. Amen.

Uh ge tahit ga hag me ge lologaqin.

God Tirigman, ke etetugo en mon tratrun pah, ken ve rakas ge, sa ge et gihgih mon le mege a ...... Ke pirin gahe ge mun en Vu ga Ron, ge lolmaren mo uh mon en velvele, sa ge et suhu tastas ehe; ke tuan ge, ge et vatou entag ge lologaqin, sa ge et tegen mo en velvele mun hagnena ga tatre ehe. Ke etetugo ge tren en sensen, sa tren en mategaqa pah te. Ke manag mo en gihgih pah; hahan et totgaga ehe; mun Jesus Christ i Lord game. Amen.

[24] Uh ge lologaqin pah.

God Tirigman, ke maruh ge pah male lologaqin trenik, te hag male le gahil, sa on le malmalne mate. Ke gaun at en Vu ga Ron, ni gihgih mermer on le toqa, ge et ete vaglele oh mo en gasgasa, ge ron tretremtup en velvele uh Jesus i Vaes, ge et tau malaklak en le ga gararak ga tu oh eses ret; mun Jesus Christ i Lord game. Amen.

Oh mot vanu.

God Tirigman, ke trurun lolwi game ga hag tuwa hene. Ke etetugo en vanu heg tren en sensen, sa en siag, sa en av, sa en lanvuh, sa en mategaqa pah. San tigri hene, ke pirin game pah, sa otren et vatou entag, sa otren et ron entag; sa game pah et hag entag, mun vewi inik ehe ken makag lolmaren nok game, sa mun tretrem gahe uh ge on mome vanu lologaqin maleto; mun Jesus Christ i Lord game. Amen.

EN TATA PAH GA TU OH VAL QIN

Sunday.

God Tirigman, game ga vewi nik uh Jesus Christ en tavrakas kel tren en mate mere qirig, sa oh Vu ga Ron en hew taqe ma make Sala mere qirig mule. Sa igame ga tata munik oh metenan Jesus, ni makag met en gasgasa tren game; sa oh mon tavrakas, ni makag tavrakas game sa et hag gararak. Sa i game ga tata munik oh Vu ga Ron, ni vesuh ret onle game, ni makag etete igame oh gasgasa, game tremvaleh ehe; sa ni makag etete game uh i Jesus i Tawolwol, game et tremtup ne; sa ni makeg etete game en veveg i Satan, san game et qihqihi es tren ne; [24/25] game et suuh vahrow oh hagne vu heg lalnan, sa onle qin veveg, et tavrakas huhe en eses ret; mun Jesus Christ i Lord game. Amen.

Monday.

Emam Tirigman, ke makag game et tremtup i Naton i Jesus Christ en wote mi tirig punmav, saet makag wote mule game tren en gasgasa, sa tren en metmet ret. Ke makag game en tau nok en Huwe-ga-ron, game te vesuh vahrow male ga se oh enenen Christ, sa ge memeren, sa ge nat vitiga atmaken; game et van tawolwol on matale Le Vatou mon, gate talev tren, gate titeg, sa et van tawolwol pah; mun Jesus Christ i Tirig tawolwol, en met uh game, sa en tavrakas kel, te hag ret male on matunan, i Vaesgame, i Lord game. Amen.

Tuesday.

God Tirigman, ken hen en sul en hag lolhil mun Jesus Christ, i Tirig marmaren; ke haka en hil tren toqeme mun mon en Velvele, wa mun mon Vu; ke hina gete le vanome mun en mamaren at oh es ret; ge et ete veglele oh mo gasgasa en lolqin inik; ge et tremtup i Jesus Vaesume pah; ge et le mo alen tatpe sa en tamat, en vatu sa en hagne lolhil et sao vagtuwa tren ge, ge qet ma uh nik mun en trem valeh sa en tremtup, sa et suuh gihnai oh Mon en Le; mun Jesus Christ i Lord game. Amen.

Wednesday.

Lord Jesus! ke makag game et trem kel gahe oh ken tratrun wowo uh game, sa en hag mamamroh sa en ukag kel nik on le leman i treren nik, sa en le lema gasgasa en vatvatnalenlen nik, sa tilig nik, sa [25/26] en makag metmet nik. Lord, ke makag game et tatpe lav nik mun en tremkel ehe ken ron mimrehe merehenen, en gagni game et rowol kel tren Satan sa en mate ret mee. Sa ke makag game et suuh en maklen gawi, game gate vagvagel mise, gate trotro oh pug on ga tie, gate vavapou en talvunmavu; game et hag qasus, hag roron; mere inik en makag nok mon, game et van tretrem en mesvon ga lolwi sisisa, mun en mares lav en pul ret minek atmaken, ke ga hag ehe mi Emam sa en Vu ga Ron, God tuwa, ti titie, ti titie. Amen.

Thursday.

Lord Jesus! ke en mule rakas kel i maken, ka ga haghag ret on matonan God Emam: ke qet atrew en lolome et tretrem gahe oh nenve pah minek atmaken, et van tretrem malaklak en hagne hena minek ohna; sa inik henen en tunkel game tren en mate, sa ke en le ma mun game en es ret; sa game ga vewi inik, sa en Mam, sa en Vu ga Ron, God tuwa, ti titie, ti titie. Amen.
Lord, ke ga liwo utugo en viirin pah atmaken sa lalnan; ke wuvag salmet mun game, ge ron uh nik, en vanu gawi atmaken, mere ken ligeg nok ehe, game et haghag ret ohna minek ehe, mun en ve ronoron gahe inik sa en Mam sa en Vu ga Ron, God tuwa, ti titie, ti tide. Amen.

God Tirigmamaruh, ke makag game et trem epsev ehe ken ukag i Jesus Christ, san met mere qirig uh game, sat leriag en gasgasa tren game ga tretremtupne; sat tun mun game en tavrakas kel tren mate, san eses ret.
[27] Emam, ke pirin game mun mon Vu, game et tremkel gahe oh mon mamaruh lav; game et tatpe gihnai inik, et keke entag mon Le; mun Jesus Christ, i Gihgih se nh game, i Vaesme, i Pultuwa, i Metwel game, sa en tavrakas kel, sa en mule rakas kel, sa ga hag minik sa en Vu ga Ron, God tuwa, ti titie, ti titie. Amen.

Saturday.

Lord Jesus! ken mat oh game, sa epen en en le qanin, sa talaten en hag at Paradis, mige talate en sul en tremtup ga tie oh nik ga wote ma, sa ket man en mate.
Ke tivig tage tren game mome en gasgasa; ke makag game et hag kokmag heg mun en tretrem gahe oh qin matename, sa oh qin henen ket veveg game wetluw lolon; sa i game ga to tren maram hog, ke la talateme et hag qokto, et hag mapsag minik a Paradis; sa on le pahpahne qin ke sa utugo talateme mun epevu en irih masvu hene mee, gate tra mule, game et vanrakas uh nik, et hag ret maken minik sa en Mam, sa en Vu ga Ron, God tuwa, ti titie, ti tie. Amen.

[28] EN ALEN
OH GANGAN REVREV MON LORD,
SA
EN PULTUWA GA RON.

Sa ise wun hag gasa, sa ise wun vegasa ise, sa ise wun makag gasa ise, sa ni gate tretrem valeh ehe, i Gihgih ni sutugo ne tren ni ga le malmale en gangan revrev mon Lord.

Emam maken, Hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretremwute pogeme, mere game ga tretremwute en poge. Sao ukukrag game le galgalve; Ke la game tren en gasgasa. Amen.

God Tirigman, en toqai pah ga wakran utugo nawon; ke ga gihlele mome mares pah; ise gate patnag es mon tretrem roron trenik; makag mahtag en tretrem pah on le toqame mun ke ga mahpeg ma mon Vu ga Ron; game et tirig tatpe inik, et ve meeg en Hahan ga ron, mun Jesus Christ i Lord game. Amen.

God en vis en velvele pah heg, en vele sa, Ina i Lord God inik, sao tretrem uh God vageh tren na entuwa.

Lord, maruh game; ke qet en toqame et keke en le vatou heg.

Sao totot mon en totogal, sa en epe viirin on le tuk maken, sa on le tani lalnan, sa on le lam on kere. [28/29] Sao tautautuw utugo ge sa sao trem meege, uh ina i Lord God inik, God ga mataigihgih utugo en nenve ga tu uh na, na ga makag ket en puge tama make matu ga tren nitilne atri sa nivas nan; sa na ga maruh ge ga melmeletril ga tatpe ina, ga keke mok Le vatou pah.

Lord, maruh game; ke qet en toqame et keke en le vatou heg.

Sao veve malmale hahan Lord God inik; ehe i Lord gate veveg esu ise wun ve malmale en hahan.

Lord, maruh game ......

Ke tretrem oh Qin Nere sa et vatapne. En qin letuwa ke mawmawui, ken makag mon en gihgih pah lolo; sa en qin lavurunan en Qin Nere mun Lord God inik; sao makmakag mon gihgih lolon, inik, sa i naton en merat sa en gamto, sa ive ga wel moon en merat sa en gamto, en pulan qo, sa en tag on mateperet moon. Sa en qin letuwa i Lord en tin en maken sa en lalnan sa en lam sa en rotrot ga meletril pah lolo, sa en qin lavurunan ni nere ne lolon; sa en gagni henen i Lord en vewi en qin levurunan, nin vatapne.

Lord, maruh game ......

Ke tretrem meeg taman meten veven, sa et makag qihqihi en qinen on le vanu i Lord God inik ga le at munik.

Lord, maruh game ......

Sao vuhvuh purawo en tratrun.

Lord, maruh game ......

Sao pakpah.

Lord, maruh game ......

[30] Sao palpal.

Lord, maruh game; ke qet en toqame et keke en le vatou heg.

Sao henhenrag mon tauvanu.

Lord, maruh game ......

Sao teteren oh umen mon tauvanu; sao teteren oh wonon tauvanu, sa ive ga wel mon en merat sa en gamto, sa en pulan qo sa en viirin pah mon.

Lord, maruh game; sa igame ga tata munik, ke teh hou Mon en le vatou pah heg on le toqame.

Na ga tretremtup God tuwa Eman Tirigman, i tin en maken sa en lalnan, sa en nenve pah git ga ete sa en nenve pah git gate ete avuh:

Sa i Lord tuwa i Jesus Christ, Naton God wot-tuwo, Naton Taman mo ma tren en maram pah; God ma tren God, Maren ma tren Maren: Tirig God ma tren tirig God; Naton God, gate ive ga tin; Woru Taman en mesvui tuwa; en tin en nenve pah mune.

Ni en hew ma maken uh git en tratrun pah sat vaes git; En rereem ne mon Vu ga Ron mi tirig punmav Mary, Nin tratrun; ge en vatkane make wolwolas uh git lalnan Pontius Pilat; en met; en lehne; on le qin nitelnan Nin tavrakes kel mere en teh ehe; Nin van rakas i maken; Ni ga hag oh matonan Emam. Ni ga van ronoron mule ma sa et veveg ge ga es sa en met nok. Mon vitiga gate pah es avuh.

Na ge tretremtup en Vu ga Ron; i Lord sa i Vaes ga rowol ma tren Emam san Natui; git ga trem meeg ga ve ronoron tuwa Ine sa en Mam sa en Natui. Ni en vele mun ge Prophet pah.

[31] Na ga tretremtup en Veol tuwa valvanu pah mo ge Sala. Na ga vele tete en Huwe-ga-ron tuwa oh tremwute pogei; Na ga hag rere en makag tavrakes ige met; sa en es onle maram ga van ma. Amen.

Nomu marmaren ni hena le nawo tratrun pah sa ge ete mo momu gihgih gawi, sa et makag ronoron i Tamamu maken ehe. Matt. 5.

Ge sao hekheken tuwa momu en tirignenve pah on le tane, en marawraw sa en tete gate gan musi ehe, sa en tratrun pal ga hektag sa ga pal. Sa ge heken tuwa momu tirignenve pah maken, en marawraw sa en tete gate gan musi ehe, sa en tratrun pal gate hegtag gate pal. Matt. 6.

En val viirin pah gamu ga mares en tratrun pah geret makag mun gamu, ge makag momu mere henen munge; ehe heg en Le sa ige Prophet pah. Matt. 7.

Gate val tratrun ga visvis mun na sa, Lord, Lord, sa ga ol patnag es onle vitiga atmaken; sa ise wun makag en mares mon Tamak ga hag maken. Mt. 7.

Sakeus en tu en vele mun i Lord sa, Ete, Lord, talvun pulak na ga le mun ge masa, sa na tau mok en him oh vele galgal, na ga la kel vagvas. Luke 19.

I ve ga havu matkeskes en iwi ga kekeres matkeskes mule, sa i ve ga havu lolwi ga kekeres lolwi mule.

Val tratrun ni makag mere nin trem met nok onle toqan ehe; sao mere vivris, sa en vis vagtuwa mune ehe; ehe God ga mares ive ga le mun nawo havlak. 2 Kor. 9.

[32] I ve ga hag ronag ni taur pul mi i ve ga vatou ne onle viirin pah gawi.

Ge sao lelelen, gate popo es avuh God. En gagni en tratrun wun ga vahou how en naha, sa ni ga kekeres mule henen. Gal. 6.

Sa ise en viirin pah at onle maram hag mine, sa ni wun matreg i tahen ga hag mamamroh, sa ni ga makag wonwon en toqan tren ne, en tatpe God ga en ahle onle ne? 1 John 3.

Ise ga maruh en tratrun masa, ga le qokto mun i Lord; sa ne ga pukel mune en nenve nin hakrag tapon te. Vele Vatna pah 19.

I Gihgih et map rakas en him en vile tuwa, sa en Bread sa en Wine mere ga tatreh oh Ganron lak vele sa.

Igit tata oh Veol pah nan Christ, te vatu male heg lalnan.

God Tirigman, Tirig eses ret, ken gaun game mun Salan ga ron, sa game et tata, et vewi inik oh tratrun pah; game ga tias epreh inik, (Ke le gawi mome him oh pirin masa sa en olol,) sa ke le maruh mome tata; ke mahpeg mon Vu ga uswe onle Veol wetluw mon, ni pultuwa, ni nagmau pah. Ke makag ge ga vele en hahan ga ron, ge et tiag wetluw on mon vevele ga uswe gate vavelvelte ehe, ge hag pulpul, vetatatpe. Game ga tias inik ke tuan maruh utugo en tratrun liwo pah, en tau nok elnan Christ, ge gagaun entag en tratrun pah onle mo vanu, ge pirin gese ga wi, sa ge vagel nana ge gasgasa.

Emam maken, ke hou mun ge Bishop pah, sa ge Gihgih Mon Le, ge manes trereg entag, sa ge et suuh mon en velvelem ge et gihgih mon en Sakrament ga ron mere ken gaun. Ke hou mun sul mon pah, sa [32/33] mun ge heg, mon hou atmaken, ge ron epreh, ge tau tremsusu mon Velvele ga ron; ge hag ron, hag tawolwol utugo nawon val tau.

Sa game ga tias meeg nik, Lord, ke makag vasev ke tuan gese ga hag lolwon, siag, sensen, mamamroh.

Sa game ga vewi hahan ga ron en gagni en tratrun pah en to nok tren maram heg mun tremtup meeg nik; ke makag igame et suuh telka ga wi, game et pultuwa ohna on le mon vitiga maken. Hou ma heg pah, Emam, mun Jesus Christ, i Pultuwa, i Tata uh game. Amen.

Igese ga vis sa ge ga le mo en Pultuwa ga ron et turakas, sa i Gihgih ni vele sa,

Gete! Ge tratrun nan Lord! Sa gamu ga mares ga van ma oh Pultuwa ga ron mon epen Christ i Vaes git sa traren, ge tremkel uh i Paul en tiatias en tratrun pah, sa ge amam vavak kel ge, sa ge vavuh roron kel ge mo, tren ge mete gan wo en bread henen, sa tren mete un wo en le lah henen.

Sa igit wun le en Sakrament ga ron heg mun toqe tremvaleh uswe, sa ga tremtup mau, git ga le en hou lav ehe, ehe git ga gan-vu pehven Christ sa git ga un traren; git ga hag on le Christ sa i Christ on le git; git ga tuwa mi Christ sa i Christ ga tuwa mi git.

Sa en mate mule lolon, sa git wun le malmale; ehe ga veveg-met git ga trem mataktak wo oh epen Christ i Vaes git sa en traren; git ga gan sa ga un en mate; ehe git gate ete vaglele epen Lord; git ga makag gagan en lolpitpit mon God ni tretrev utugo git: git ga vahvahtev ne ni makmakag git mun en sensen pah ga vagvageh, sa mun sele mate ga qihi.

Gete! Ge tahik, ge veveg kel gamu sa gamu gasa, [33/34] tren God ga veveg gamu merehenen; ge tremvaleh uswe oh gasgasa gamu en makag nok; ge tremtup netnet i Christ i Vaes git; ge wuveg en hagne namu; ge hag tatatpe pah mi ge tratrun pah, gamu lak le kokmag en nenve gawon ga ron heg.

Sa tigre nenve, ge le en vavak oh vewi meeg God en Mam, en Natui sa en Vu ga Ron, ehe en tunkel en maram mun i Vaes git i Christ, God san tratrun, en met, en ronmimrehe sisa; ehe ni mapwute reag en henen tren ni, sa nin met make Wolwolas uh git ge gasgasa, ga mamamroh, en hag on le hil sa on le malmalne mate, sa et ran git mun ge meren God, sa et sapleg rakas igit onle es ret.

Sa nin kere sa en gaun git oh Nenve-gowon ga ron, ga vage vahrow en toqat, sa et makag ete vaglele git ehe ni ga tatpe git, et git tremkel gahe ehe nin met; tren git mete lolqin i Jesus Christ, Ine en tuwa i liwo utugo git i Vaes git, en tatpe sisa git; sa ehe nin met uh git; sa ehe nin tun en nenve pah gawi gawon mun git mun treren tirig ron sisa.

En gagni henen git vewi gahe ine sa en Mam sa en Vu ga Ron, mere en gaun te; git ukag kel git sa et suuh en nenve nin gaun sa ni ga mares; git le en vavak oh mawmawui uswe mun ne mun alen ga ron ga tawolwol valqinit tren on ga met. Amen.

Sa gamu wun tretrem valeh enentag oh pogemu; sa wun hag loltatpe pah mige en tratrun pah; sa wun mares uswe ga wuveg en elnamu, et suuh oh le vatou pah mon God, ga van tren noknok on mate-elan ga ron; ge van tretremtup ma; ge le momu en Sakrament ga ron heg oh vage gamu; ge veleulul epmage mun God Tirigman, mun en row-taqav utugo ne.

[35] God Tirigman, Taman Lord game Jesus Christ, Tin nenve pah, Veveg tratrun pah; game ga vele trereh, en wenis game oh gasgasa sa oh gihgih gasa ga meletrel, game en makag matmohe vaqiqihi utugo henhenen, God, mun tretretrem pah, sa mun velvele pah, sa mun mome gihgih; game en vahvahtev inik ke ga vigil, sa ke ga lolpitpit game ehe.

Game ga tremvaleh sisisa, game ga lolwon entag oh mome vihvihig pah; toqame ga mahokhok on game ga tremkel ehe; pogeme ga mavat met game. Emam Tirig maruh, ke maruh game, ke maruh game; ke tremwute en hagne ga tie, en gagni i Naton i Lord game Jesus Christ; ke makag game et mawmawui munik tren noknok, mun hagne gararak, mere ke ga mares; game ga trem meeg, et ve ronoron en hahan, mun Jesus Christ Lord game. Amen.

I Gihgih ni tarakas, sa en sul te taqav male, sa i Gihgih ni vele sa,

God Tirigman, Tamat maken, en ligeg maruh en tremwute pogai tren gese wun heleluk uh ne mun toqe tremvaleh, mun tremtup mau, ni maruh gamu, ni lolwi gamu, ni makag wahwah pah gamu tren en pogemu, ni tegen gamu mun nenve gawi pah ni vage gamu, ni la gamu on le eses ret, mun Jesus Christ Lord igit. Amen.

Ge ronag en velvele vage git i Vaes git i Christ ga vele mungese ge heleluk uswe uhne.

Gete, gamu pah ga nal sa ga gapuleh, ge van ma uh na, sa na ga makag mapsag su gamu. Matt 11, 28

God en tatpe mere en maram si nin ukag i Natun wotuwa, sa ise wun tretremtup ne gate met, sa ga tau mon eses ret ehe. John 3, 16.

[36] Ge ronag mule i Paul en vis sa.

Heg en velvele ga tremtup vagtuwa sa ga tu uh git ga le pah, sa Christ Jesus en van ma le maram sa et vaes ge gasgasa. 1 Tim. 1, 15.

Ge ronag mule en velvele i John en teh sa.

Sa ise wun gasgasa, i Tata mun Emam uh git ga hag i Jesus Christ i Tawolwol; sa ine en tetereg oh mot gasgasa. 1 John 2, 1.

Ge qet atrew toqamu.

En Sul: Game ga qet atrew mun Lord.
I Gihgih: Git vewi i Lord God igit.
En Sul: Gawi ga tawolwol ga makag mere.

I Gihgih mahgen ni vele sa,

Ga uswe, gawi, ga tawolwol, en tirig gihgih mere-heg, ehe game valqin valvanu gavewi Inik, Lord, Emam ga Ron, Tirigman, Tirig eses ret, God!

En gagni ene game ga en Angel pah sa en tirig Angel pah, sa en vu pah maken et vewi, et ve ronoron hahan ga ron; game ga vewi Inik, sa Ron, Ron, Ron, Lord God Sabaoth, en maken sa en lalnan ga vovomee en henhenen; game ga ve ronoron Inik, Lord i rah sisa. Amen.

Ga luw pirin mereheg on le qin Jesus en wote lolon

Ehenik en le nok ma Jesus Christ Naton sa et wote uh game mereqirig; mon en Vu ga Ron en makag ni en tirig tratrun mi on tirig punmav Mary veven; sa nin wote-mahtag sa et makag mahtag game tren en gasgasa pah. En gagni ene game ....

[37] Sa on le qin Jesus en tavrakas kel tren mate.

Sa en tirig nenve game ga vewi Inik uh Naton Jesus Christ i Lord game en tavrakas kel tren mate; ehe Ine en tirig Lamb mon en Rowhahul en olol uh game; sa nin lereag en pogen maram; sa nin makag tage en mate mun metenan, sa nin ses kel mun game en eses ret mun mon en tavrakas kel on le es. En gagni ene game ......

Sa on le qin Jesus en van rakas maken.

Mun Naton gatatpe Jesus Christ i Lord game; ehe ni en tavrakas nok mun hene garig, gawon tren mate, sa nin row trereh mun ge Sala pah, sa nin van rakas maken on le nawo pah sa et makag salmet en wehni mun game, sa game et van rakas on le tanoi ni ga hag tee, sa game et vuol tuwa mine ehe on le henen. En gagni ene game ....

Sa on le qin Pentekost en Vu ga Ron en hew ma lolon.

Mun Jesus Christ i Lord game, oh Vu ga Ron en hew ma maken mere qirig, mere Jesus en ligeg uswe te, sa en trunoi mere en lan en qesag wehag ma maken, sa en gamre ev en row hag val qatu Sala, saet vatouge, sa et qet ge on uswe pah; sa nin hou mun ge, ge vele rakas mun gat valvanu; sa ge gate matmatwus, sa ge le en vavak oh ga vele trereh gawon gahe valvanu pah mun en Le gawi; en gagni game en to kel tren en helheleg sa an alen on tirig mamaren sa en lolmaren uh nik sa Naton Jesus Christ. En gagni ene game ....

Sa on le qin Trinity, ige ive nitil sa God tuwa.

Inik God tuwa, sa Lord tuwa; gate Ive tuwa, sa ige Ive nitil on le masvu tuwa. Ehe game ga tremtup [37/38] tup oh henen Natui sa oh henen Vu ga Ron mere game en tremtup oh henen Emam, game ga tremtup ga tatreh pah ehe. En gagni ene game ....

I Gihgih ni rowtaqav, ni tata sa,

Lord maruh game, game gate trem matmohe sa game ga se sa et van ma oh tani-gangan mon. Game gate sev oh alname sa ga tawolwol, sa oh mon mamaruh garig gawon.
Game gate se saet vilereag en manrive onlalne tani-gangan mon; san mesvun, Lord, ga mamaruh lav.
Lord maruh, ke hou ma mun gamete gan pehvin Naton gatatpe i Jesus Christ, et un traren, epeme gasgasa lak atat mun epen sa lak havil talateme mun traren tirig ron sisisa; game et hag ret on le Ne sa Ine on le game. Amen.

I Gihgih ni tavrakas, ni vele sa,

God Tirigman, Emam maken, Ken le maruh ma Naton wotuwa Jesus Christ Ni met make wolwolas sat tunkel game mee; sa on Nin map kelne maken Nin olol utugo Nik vagtuwa mun en olol henen ga se entag, sa en pu met en pug maram wetluw: sa Ni en kere sa on le Le gawi garon Nin gaun game sa et gihgih gahe en nenve oh tremkel oh metenan tirig-ron sisisa, on Ni ga kel mule ma; Emam Tirig mamaruh, game ga tata epreh munik. Ke ron game; sa on game ga tau en Bread sa en Wine heg ken tin ti, mere Naton i Vaesume i Jesus Christ en kere rono ti, mun tremkel ehe Nin met sa Nin ron mimrehe, ke makag game et tau valval en epen sa traren tirig gawi sisa.

Sa on le qin henen en treren Ne Nin tau en Bread, sa en vewi pah, et teqe wore, et le valval munge [38/39] ronag, et vis sa, Tau gan, heg en epek en le uh game, ge makag mereheg sa et tremkel uh Na mee. Merehenen mule en pah en gangan, Nin tau en lah, sa en vewi pah Nin le munge, et vis sa, Ge un pah heg, ehe heg trarek mon en ligligeg ga gararak en vil uh gamu metemu en tratrun sul sa et ul en gasgasa tren gamu. Ge makag mereheg, on gamu ga un heg, mun tremkel uh Na. Amen.

Sa on ga le munse en Bread ni vele sa,

Epen Lord igit Jesus Christ en le uh nik ni keke epen sa talaten ga tren on le eses ret. Tau, gan heg, mun tremkel uh i Christ en met uh nik; ke gan tremtupne on le toqan mun en vewine.

Sa on ga le munse en lah ni vele sa,

Treren Lord igit Jesus Christ en vil uh nik ni keke epen sa talaten ga tren onle eses ret. Un heg, mun tremkel oh traren Christ en vil uh nik; sa mun vewine.

Emam maken, hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretrem wute pogeme, mere game ga tretrem wute en poge. Sao ukukrag game le galgalve. Ke la game tren en gasgasa. En mon en vitiga, sa en man, sa en henhen, ti ti tie. Amen.

Lord Emam maken, igame ige tratrun mon pah ga tias epreh inik, Emam tirigawi, sa ke tau maruh en velvele oh veronoron Inik sa oh vewi Inik game ga olol utugo nik mee. Sa game ga tias epsev nik ke hou mun game sa mun mon en Veol wetluw ge tremtup [39/40] traren Jesus en ul gasgasa, sa en nenve pah gawi Naton Jesus Christ en tun mun game mun matenan.

Lord, igame ga map kel game utugo nawon at heg, sa talateme sa epeme, mun en olol trem entag, sa ga ron, sa ga es. Sa igame ga tias epsev inik, ke makag tok game en tau valval en Pultuwa ga ron heg mun Mon en hou, sa mun Mon tatan at maken.

Ga uswe, game gate se avuh sa et map en nenve olol utugo nik en gagni pogeme en qihqihi; sa game ga tias nik sa ke tau utugo en alen sa en gihgih heg game ga pu nik mee; sao het avuh elname sa gawi, sa tremwute mome vihvihig pah, mun Jesus Christ i Lord game, game ga trem meeg sa ga ve ronoron inik, Emam Tirigman, sa en Vu ga Ron tuwa mini, en maram en uhli gaiv. Amen.

Sa en velvele heg,

God Tirigman, Tirig eses ret, game ga vewi gawon Inik, uhnik gate vael game, sa Ke ga pan game ga tau kokentag en Nenve-wonseg ga ron heg, mun en sinag-vu, mun epen Naton i Vaes game Jesus Christ sa traren tirigawi gawon.

Game ga vewi Inik, uhnik ga makag ete vaglele game mee ehe Ke ga mares game, sa Ke ga lolwi game; sa ehe game ge tirig enene epen Naton ga-wonseg, en munmun tratrun tremtup; sa ehe game ga hag ohna on le vitiga gatri ret en gagni Naton metatpe en metwel game, en ron mimrehe uh game.

Sa game ga tata epsev munik, Emam maken; Ke pirin game mun Mon en hou, game et pultuwa pah min en munmun tratrun ga ron mon; game et makag en gihgih gawi, Ken tretrem te sa game et suuh ehe; mun Jesus Christ i Lord game, game ga trem meeg, et ve ronoron Ine, sa Inik, s en Vu ga Ron, ti tie, ti tie. Amen.

[41] Pah nan et tavrakas pah et vele entuwa sa,

Ve ronoron God make tuk, sa ni tamat at maram, en tratrun pah ge pulpul gawi kel! Game ga vele gawi Inik, ga ve meeg Inik, ga vewi Inik, ga taotuw utugo Inik, ga ve ronoron Inik, oh henen garig gawon, Lord God, Vuol atmaken, God Emam Tirigman.

Lord, Natui wotuwa Jesus Christ! Lord God, Lamb mon God, Naton Emam, Inik i leriag pogen maram, Ke maruh igame. I leriag en pogen maram, Ke maruh igame. I leriag en pogen maram, tau utugo mome tata. I hag on matuan God Emam, Ke maruh igame. Ehenik God tuwa ga ron; Inik tuwa i Lord; Inik tuwa, Christ, sa en Vu ga Ron ga rah veve gawon on le henen God Emam. Amen.

En tamat mon God, ise gate lolmaren es ehe, ni keke en toqamu sa en lolomu, gamu ga ete vaglele, gamu tatpe God sa Naton Jesus Christ i Lord igit. God Tirigman, en Mam, en Natui, en Vu ga Ron makag gawi gamu noknok sa ohna gate pah es avuh. Amen.

[42] EN VAVUH-VALUI

Ise hahan?
........

En su en hahan mere on gagehe?
On en huwe-ga-ron ina, en makag na sa na eenen Christ, sa na meren God, sa na leh oh vitiga at-maken.

En naha ken ligligeg mun God, on le huwe-ga-ron inik?
Na en ligligeg oh nenve nitil.
Tuwa; sa na lilwute i Satan sa mon en gihgih wetluw, sa en nenve matmares pah sa en nenve ga hewhewsa pah at le maram heg gasgasa; sa en teteren gasa pah at le pehvei.
Niru; sa na tremtup en velvele pah ga tu oh elnan Christ.
Nitil: sa na matgihgih utugo en Le ga ron, God ga mares, Nin gaun te ehe; sa na ga suuh en Le henen valqinik ga met.

Ke ga mares ga tremtup ga matgihgih utugo en Le henen?
Na ga mares; sa God ga pirin na, na ga makag mere; sa na ga le en vavak oh vewi Tamat atmaken, ehe Nin veol ina ma on le alen-es mun Jesus Christ i Vaes git. Sa na ga tata mun God, Ni hou ma muna na vesuuh vahrow on le alen-es heg valqinik ga met.

[Catechist:] Ke vele matmo en Tremtup.
Ina ga tremtup God e Mam Tirigman, i tin maken sa en vaan.
Sa i Jesus Christ Naton en tuwawo Lord igit; en [42/43] rereem ne mon Vu ga Ron; en wote min Rove punmav Meri; nin hag mamamroh lalnan Pontius Pilat; ge en wehe teteleman; nin mate; geren leh ne; nin van pani; on le qin nitilnan nin tavrakas kel tren en mate; nin van rakas kel maken; ni ga hag on matunan God Emam i Tirigman; ni ga hew ma ohna sa et veveg ge ga es sa en mat nok.

Ina ga tretremtup en Vu ga Ron; en Veol ga Ron val vanu pah; en Pultuwa naga Ron; en ulwute gasgasa; en tirigepe ga tavrakas kel, sa en eses ret. Amen.

Ke vele qatutgi en tirig nenve ke ga tremtup ehe?
Tuwa: sa na ga tremtup God en Mam, Ni en tin na sa en nenve pah.
Niru: sa na tremtup God en Natui, Ni en tunkel na sa en tratrun pah.
Nitil; sa na tremtup God en Vu ga Ron, Ni ga makag ron ina sa gese wetluw God ga ete rakas ge.

Nivih en le gaun pah mon God?
Gapre tuwa.

God en hapul totow mun gese oh le gaun henen pah?
Munge at Israel on le vanu vatrawo. Ni vele sa, Ina i Lord God inik, Nan makag rowol inik ma tren en vanu Misraim ken hag livis tee.

1 Sao tretrem uh God vageh tren na entuwa.

2 Sao totot mon en totogal, sa en epe viirin on le tuk maken, sa on le tani lalnan, sa on le lam on kere. Sao tautautuw utugo ge sa sao trem meege, uh ina i Lord God inik, God ga mataigihgih utugo en nenve ga tu uh na, na ga makag ket en puge tama make natu ga tren nitilne atri sa nivas nan; sa na ga maruh ge ga melmeletril ga tatpe ina, ga keke mok Le vatou pah.

[44] 3 Sao veve malmale hahan Lord God inik; ehe i Lord gate veveg esu ise wun ve malmale en hahan.

4 Ke tretrem oh Qin Nere sa et vatapne. En qin letuwa ke mawmawui, ken makag mon en gihgih pah lolo; sa en qin lavurunan en Qin Nere mun Lord God inik; sao makmakag mon gihgih lolon, inik, sa i naton en merat sa en gamto, sa ive ga wel moon en merat sa en gamto, en pulan qo, sa en tag on mateperet moon. Sa en qin letuwa i Lord en tin en maken sa en lalnan sa en lam sa en rotrot ga meletril pah lolo, sa en qin lavurunan ni nere ne lolon; sa en gagni henen i Lord en vewi en qin levurunan, nin vatapne.

5 Ke trem meeg taman meten veven, sa et makag qihqihi en qinen on le vanu i Lord God inik ga le at munik.

6 Sao vuhvuh purawo en tratrun.

7 Sao pakpak.

8 Sao palpal.

9 Sao henhenrag mon tauvanu.

10 Sao teteren oh umen mon tauvanu; sao teteren oh wonon tauvanu, sa ive ga wel mon en merat sa en gamto, sa en pulan qo sa en viirin pah mon.

Ke vele qatutgi en tirig nenve en gaun nik te ehe?
En gaun na oh le niru, na ga makag mun God, sa mun en tratrun.

En naha en le ke ga makag mun God?
En gaun na, sa na tremtup ne, sa na trem meeg ne, sa na et le en vavak oh tatpe lekteg gawon Ine, sa na tretrem gahe uh Ne, sa na gihgih ron mune, sa na vegawi Ne, sa na et votul epsev maken, sa na tata mune, sa na trem meeg Hahan ga ron sa Mon [44/45] en Velvele, sa na mawmawui uswe muni valqinik ga met.

En naha en le ke ga makag mun en tratrun?
En gaun na sa na ga tatpe ine mere na ga tatpe kelna, sa na makag mun tratrun pah mere na ga mares ge ga makag muna; sa na tatpe i tamak meten vevek, sa na et trem meeg iworo, sa na et pirin woro; sa na trem meeg ige ga ete utugo ina, sa nat ron suuh ige; sa na hag trem susu utugo ge ga regreg, sa ige vatou na, sa ige ga lolmaren tren ina; sa na gate vuhtawu ise, sa na gate vuhvuh nawon ise: sa gate trowtrow, gate vavapou roron ise on le toqak: sa na et o utugo epek tren mete pakpak, mete gangan pospos, mete unun pospos: sa na mete pugtratra, mete makag ave en ligligeg, mete wel gelgel: sa mete tatatan ave oh pulanse, sa na mete palpal, sa na mete alentultul se, mete henhenrag ise, sa na mete mamares wo oh pulanse vageh; sa na et mawmawui entag oh gak sinag, sa na et hag vasev mee en hagne henen, God en eterakas sa nat hag utugo ne mee.

Te! Ke tretrem ehe ke gate tau es avuh tapon en Le gaun mon God, sa ke gate mawmawui es avuh mune sa Ni wun gate hou at munik. En gagni henen ke tata gahe mu ne Ni hou mere munik. Sa noknok ke vele matno en velvele tata i Lord en vatou git te ehe.

Emam maken, Hahan ni ron. Mon vitiga ni van ma. Mon mares ni wesis vaan mere maken. Le ma qirig mun game en sinag ga tu ehe qirig. Ke tretremwute pogeme, mere game ga tretremwute en poge. Sao ukukrag game le galgalve; Ke la game tren en gasgasa. En mon en vitiga, sa en man, sa en henhen, ti ti tie. Amen.

[46] On ke ga tata mere, ke ga am en naha mi God?
Na ga tata mun Lord God ina i Tamat maken, Ni hou ma muna sa mun tratrun pah, sa git et gihgih ron mune, sa et mawmawui mune, sa et manas utugone, mere en gaun te.
Sa na ga tata mun God, Ni le ma mun git en nenve pah talatet san epet ge et wi ehe; sa ni maruh git, Ni tremwute en pogit; sa Ni vaes git, sa Ni tu-utugo git tren nenve gasa mete wes entalatet sa epet, sa Ni le git tren en gasgasa pah, sa tren hagne gasa, sa tren Satan en talvunmavu, sa tren en metmet rot.
Sa na ge tata epsev mune Ni makag mere, ehe Ni ga mamaruh sa ga lolwi, mun Lord igit i Jesus Christ.
En gagani henen na ga vele pirin, Amen, Ni makag mere.

En naha en hahai Sakrament?
En Sakrament en vaglele melehmohe ga ete, ga vaglele en hou-vu at on loloi ga le ma mungit, en mon Christ en kere mon, sa git et le en hou-vu henen mee, sa git et gihlele mule mee uh git ga tau en hou-vu henen.

Niveh en Sakrament i Christ en kere mun en Veol moon?
Niru vagtuwa, en tratrun pah ge et le pah sa et es mee; en Huwe-ga-Ron sa en Ganron.

En talvun niveh seseworo?
Niru; en vaglele at melehmohe ga ete, sa en hou-vu at on loloi.

Sa wun vele oh Sakrament Huwe-ga-Ron en naha en vaglele at melehmohe ga ete?
[47] En Tun; ga huwe ise mee on le Hahe Mama sa en Natui sa en Vu ga Ron.

En naha en hou vu at le loloi?
En metwute gasgasa, san wote-rarak mee en tawolwol; ehe git ige wotemee gasgasa; ige nat lolpitpit, et irih nat hou mee.

Sa ise wun am en Huwe-ga-Ron, ni makag en naha?
Ni tremvaleh, sa ni tremtup.

Ni ga tremvaleh gagehe?
Ni tremvaleh lilwute gasgasa.

Ni ga tremtup gagehe?
Ni tremtup netnet en nenve pah God ga ligligeg mune on le Sakrament henen.

Oha ga huwe-ga-Ron en tawo pah gate gihlele en tremvaleh sa en tremtup?
Ehe ge ga ligligeg ehe mun ge valu valehge, sa wun qahgi hag, ge ga makag mo en nenve en ligligeg valehge te ehe.

Sa wun vele oh to Sakrament, Ganron: en kere oh naha?
Sa git et trem gahe uh Christ en olol mun metenan, sa oh nenve pah gawi git ga le mee.

En naha en talvun at melemohe, en vaglele, on le Ganron?
En Bread sa en Wine, i Lord en gaun sa et le.

En naha en talvun at le loloi, en nenve en vaglele ehe?
Epen Christ, sa Traren, ige tremtup ga tau uswe, ga le trun on le Ganron.

[48] En naha en nenve gawi git ga le velvel mee?
En vage sa en makag mol talatet mun Epen Christ sa Traren, mere git ga vage sa ga makag mol epet mun en Bread sa en Wine.

Sa ise won mares ga le mon en Ganron, ni ga makag en naha?
Ni nounou kel uh ne sa ni trem valeh uswe oh pogen pah at on ga tie, sa ni tretrem mot oh hagne rarak, ni tremtup mau uh God ga maruh ne mun Christ, ni tremkel oh metenan mun vewine, ni hag tatatpe gahe mige tratrun pah.

Project Canterbury