U Tarai mala ka Hamerane.

Dofra majagani:

+ Ka Nanhamu, Lord Jesus, iara te khegra. Lord, fakeligau, fiofilo-gau ka u narane igne. Amen.

1. Ne keli na nu lao sutu pupuku ka Suga Tarai egu, ka Sugamu egu. Mala gaogatho-ni God, mala cheke egu agne,

GOD te fiofilo-gau, God te fanomhigau, God te namhagau.

+ Ka Nanhagna Mama, nei Tugna nei u Nagnafa te Blahi. Amen.

            Lord, khokhoni gai.
            Christ, khokhoni gai.
            Lord, khokhoni gai.

Mama i kligna, te Blahi Nanhamu. Te mei nauthoglumu. Te leguni nagnafamu i pari ja teu kligna. Te fegemei gognaro u gano te gijamei legu narane. Te naafedelei naflimai ja teu igehati te naafadelei naflidi. Tose lisu gai Ka u saosagro; te hati fajifla gai Ka u gnognoro. Naugna nauthoglumu, u nafnakno, u siasigla te tifa me tifa. Amen.

2. O fakelini God nogna God nogna Namha u lolokeli.

Mama te Blahi, iara ne Gleaanigo tahu gugna Nou u Namha nei u lolokeli ne falase mei-gau Iago ne posa mei Ka narane igne. Iara te snakre malino Ranhinigo Lord nogu gaogatho te nhigo, u cheke te nhigo, u gloku te nhigo, nu tadi teuare te nhigo iara te cheke Fnaknonigo gognaro. Amen.

3. Te gatho kaise-ni nala mala nha-a fakeli gognaro.

Lord Jesus, Iago te krui-i gauara mala legu Nigo gognaro, nu iara te mala nha-a fatutnani nha-a malino, nha-a fakeli. Amen.

4. Mala tore fakakasa ka i Lord.

God iara, ne nigra, nu Iago te nolagi. Te kuru mei ni Nagnafa te Blahi te mala fadogli-ni u gaogathogu, te fiofilo fakeli gau, iara te mala nha-a fakeli nala ka u saosagro, nu iara te mala gijagu nha-a fakeli gognaro. Amen.

5. Mala ke gatho fapuloi noda u Apublahi.

Egu egu neuara, Lord, mala those sosolo fanagra, gau iara te thothora gugna u fatutuani-ni Christ te lehe kligna gazu fafatha, nu iara te mala magra heta parigna faglaglana nogna Christ ka u gnognoro nafnahi Satan; nu iara te mala magra te namoni gerigna Christ legu narane te thokeni glehe. Amen.

6. Mala ke gatho fapuloni noda u Farereta.

Lord, Bara gau iara thumu ranhini Nou-u fakakasa nu iara Nou-ago te tifa. U Fakakasa Nagnafa te Blahi. Te bio legu narane ka iara te dufini Nou-u nauthoglu te tifa. Amen.

+ God Mama fakeli gau; Jesus Christ faheta gau; God u Nagnafa te Blahi fabhaeni u tiagu; gognaro te tifa me tifa. Amen.

 

Tarai mala ka Grafi.

Lao sutu pupuku ka suga Tarai egu ka sugamu egu,

+ Ka Nanhagna Mama, nei Tugna nei u Nagnafa te Blahi. Amen.

Iago God te filogau! Falaseidi u nafligu, Lord, egu-egu neuara mala nu iara te dia-a nagnafa fakeli tadi; nafugna Jesus Christ. Amen.

Nu gusna fapulonigo ka thathagna God:

Iara ne fiofilo fapulogau nau ginei?

Iara ne eni u nafnotu te mala gijagu balugna u sasa-a?

Nogu gaogatho, nogu gloku ne keli nau?

Iara ne majora ni i-hei, ba ne cheke dia-a ni ihei, ba ne blau ni unha?

Nhigo iago te falalasei ranhini i Jesus unha iago te fai-i honi, te oe egu agne:

            Lord iara, ne jafra ke ulumu-ago; ka u . . . . . Lord khokhoni gau, Nu Iago te na-a fadeleidi u nafligu fateo-teo. Amen.

            Mama i kligna, te Blahi Nanhamu. Te mei nauthoglumu. Te leguni nagnafamu i pari ja teu kligna. Te fegemei gognaro u gano te gijamei legu narane. Te naafedelei naflimai ja teu igehati te naafadelei naflidi. Tose lisu gai Ka u saosagro; te hati fajifla gai Ka u gnognoro. Naugna nauthoglumu, u nafnakno, u siasigla te tifa me tifa. Amen.

            God Mama thofnogna nolagi, Iago ne taji fakelinaura thumu ka narane igne, nu iara te fakelinigo tu-lao te kuru meidi nou thua Angel fateoteo te fiofilo gau ka gromno igne. Nu Iago te fiofilo fakelidi u thua kheragu fateoteo, Iago te krui-i fakelidi; nogna Jesus Christ i fakharhaigu. Amen.

Tarai gugna nanau School.

            God, Iago ne fakekegra-u School igne, te tufa mei gai te mala harini unafuotu Iago te naguni. Nu Iago te nomhidi fablahidi u nomei gloku balugna Nou u gaogatho te Blahi. Nu iago te fadogligai gehati te mala fofodu nau ka u namha, nei ka u gleaglea-a, nu ka u pari keli. Egu egu gai mala rogrini nau u School, Iago te fabranai te fanolagini nomei-u tarai nei gehati te posa ari nau tamuago ka nauthoglumu te fei-au te tifa me tifa. Amen.

            Lord Jesus, Iago te kokonidi mae te nha-a romno, Iago te fakharidi. Amen.

+ Lord, Iago te fabhaedi gaogathodi mae te fatutuani tela tei kokonihi u nauthoglu igne. Mare te turu blakno. Amen.

+ U Fakakasa nogna Lord tahati Jesus Christ, u nahma nogna God, u fofodu nogna Nagnafa te Blahi, te fei nha-a tada tahati fateoteo te tifa me tifa. Amen.

 

KAHA FAKAKASA.

Te eni unha God te Naguni.

Lord, te tusu meiui ka gehati Fakakasa te mala gaogathoni nafuotu Iago te naguni, te mala filo deini, te mala loku leguni, u Nanhamu te Blahi. Nu te siasigla; nafugna i Jesus Christ. Amen.

Te mala Giginni ni God.

God Thofnogna u nolagi, Iago te tusu mei ranhinau Nou u Nagnafa te Blahi, nu iara te harinigo balugna gaogathogu fateoteo, te loku ranhinigo balugna u maumhagu; nafugna i Jesus Christ. Amen.

Mala Gugna Fatutuni.

            Lord, Iago te kruii meini nogu u fatutuani u kharha tamuago, nu iara te mala fatutuani di u nafnotu fateoteo Iago te faririu gau ka Kakafna te Blahi, nei Nou u Grorogro te Blahi; nafugna Jesus Christ. Amen.

Mala Fanaimhi.

            God lolokeli, Iago te kulu na-a naoe mei tagu u nafuotu te keli fateoteo, nu Iago te krui-i gau te mala ofodi u nafnotu feuare, nu iara te namoarinigo nala klignamu, gilei te filonigo thatha fari thatha; nafugna i Jesus Christ. Amen.

Mala Namha.

            God Thofuogna u nolagi, Iago u thofno nama, fafofodu ranhigau u ganogna Nou u namha, mala nu iara te namha-nigo tifa me tifa, nu iara te mala namhadi la nau u bukrei naikno fateoteo; nafugna i Jesus Christ. Amen.

Mala nheta Fapulo.

            Jesus Iago Thofnogu, te krui-i gau iara te mala pala hage legurane u nogu gaju fafatha, te krui-i gau ja teu te tei kokoni na u nafnata te thona fateoteo ka u nauthoglu igne, nu iara te thofnomuago. Amen.

Mala Gaogatho te Blino.

            Lord Jesus Christ, Iago ne hatini tinigu ne kahra ka i thofno nau klolho; Nu Iago te fagumeini nogu Fakakasa, te mala barani u mamagna gaogatho te tona ka tiagu, nu iara te legunigo ka u gaogatho te blino te kuda nafugna Iago te karha ka Mama nei ka Nagnafa te Blahi, te tifa me tifa. Amen.

Mala ka te Fogra.

            Mama Iago te keli, u fogra igne ne dei nau nu iara te torenigo mala filo kokonigau, Iago te fakeli fapulogau. Tosemi te fakabrugau, Iago te ke faheta fapuloni u tinigu, nei iara te mala ke oe fnakhnonigo ka nogu gloku, nafugna i Jesus Christ noda Lord. Amen.

            Mama i kligna, Iago ne snakre mei fogra igne ne dei nau iara tumu. Nu iara te torenigo, te fateteo-u khabru igne mala ke kharha fapulogau iara. Iago te mei au legu narane te krui-i gau; te mala gaogatho fapuloni Christ te pala hage Nogna u Gaju-fafatha te ke nha-a khabru naugu iara nei Iago te krui-i nau te mala nha-a ja teu thofno thumu nafugna Jesus Christ. Amen.

 

 

MALA LEULEGU
NARANE KA GLAMNAGNA WEEK.

SUNDAY.—U Trinity Thofno Blahi.

Blahi, Blahi, Blahi, Lord God thognogna nolagi; mae te fei au hi, nei te mala, mei tifanai.

            God Thofnogna u nolagi te fei tifa, iara te torenigo te mala fatutuani-ni u Trinity Thofno Blahi ka u nauthoglu igne, nei ka nauthoglu te mala mei iara te laseini nau, nei te filoni balugna u Gleaglea-a thatha fari thatha, i Trinity te kharha te fiofilo nau, te tifa me tifa. Amen.

            Tathati te fakelini God u Nogna Nauthoglu te snakre soruni ka u nauthoglu igne.

            U kaisei nauthoglu nala teke fufununi i Lord tahati nei Christ nogna vikere;
            Nei mana te Funei te tifa me tifa.

            Gehati te Oe fakelinigo, Lord God te fiofilodi u bukrei glepo te fei au, nei teke kulu au hi, nei te mei tifanau;
            Nafugna Iago ne hata hage nihi nou nheta te bio na ne fufunu funei na.

            Iago te Gijamu Lord God igehati, te mala hata nou u siasigla u nafnakno nu u nolagi;
            Gugna Iago teke tufunudi u glepo fateoteo Iago te fei nha-a te fufunudi mare.

            Cheke fakelini Mama, nei Tugna, nei Nagnafa te Blahi;
            Ja teu tifa nei gognaro te teo nhigogna. Amen.

MONDAY.—Mae Cheke ne fufunu nafnahi.

U Angel nogna Lord na ne oe ranhini i Mary;
Ame bukla balugna na Nagnafa te Blahi.

Keli, Mary, thau fakakasa, i Lord ka iago. Nei te oenigo thau fakhekheli tadi faase fateoteo, nei u fua-a tiamu Mae fakhekheli la nala;

Mary thau fakhekheli, Idogna God, iago te tarai krui-i gai gognaro nei ka narane glehemai.

Filo mei, thau fakhekheli nogna Lord;
Mana te krui-i nauara ka teu teke na-a naoe he.
Keli, Mary ……

I tofno cheke fakakasai;
Ne na-a ka tahati.
Keli, Mary ……

            Lord, gehati te torenigo, te tofa mei ni Nou Fakakasa ka u gaogathomei. Nu nogna u cheke Angel, ne laseini na u thumu Jesus Christ ne naikno; nu Iago te krui-i gai, ka Nou Gaju fafatha teke nha-a Khabru te mala fofodu ka Iago nu ka Nou u Khegra fapulo ka u thofno siasiglamu; nafugnua i Jesus Christ i Lord igehati. Amen.

Idogna God te Blahi, iago te tarai krui-i gai nei gehati,
Te mala fafaja ka nha-a naoe fateoteo nogna Christ.

Gudi bukrei kheragu,
Iara te fakelinigo, God.

Gudi mae te faririu gau,
Iara te fakelinigo, God.

Gudi mae kheragu fateoteo, nei goi iheire te krui-i gau uve mae te legugau ka te fogra,
Iara na fakelinigo, God.

Nogna God Mama te kulu namhagau.
Nei Thugna God te namha gita nei te ruruthagita ka u nakhiboda balugna u Dadaragna.

Nu nogna God u Nagnafa te Blahi te tofi soruni u namha nogna God ka u gaogathoda.

Nogna nolagi u namha nu nafnakno te tifa me tifa. Amen.

TUESDAY.—U Nagnafa te Blahi.

Lord God Nagnafa te Blahi, Iago te mei, te fafofodu u thiadi mate fatutuani ni u namha.

            Nu iara te torenigo, Lord, te fagumei ni tamuago te mala fabaefakelini u tiagu te romno nu te fadogligau ka u tutuani, nogna Jesus Christ i Lord iara. Amen.

Gugna kahra majagani ka u Apublahi,
Iara te fakelinigo, God.

Gugna nogna fakakasa Nagnafa te Blahi ka Farereta,
Iara te fakelinigo, God.

U karhagu, nu gegu gano, nu gudi nou mala fakhekheli fateoteo,
Iara te fakelinigo, God.

U non bukrei nafnotu fateoteo, Lord, nei u nou mae blahi te cheke fakelinigo; iara na te toutonu tu lao, nei gudi nou u kofu bhobhoi te kmana te teo me kaha tokedi.

Nu fofologu te chekenigo, Lord. Nu u nafnahi fateoteo to fakalini Nanhamu te Blahi te tifa me tifa. Amen.

WEDNESDAY.—Eidi mae Blahi fateoteo u Angel te blahi.

Mae te Blahi.

            Te siasigla tu lao-u nauthoglu nodi mae Blahi te gleaglealegu narane ka i Christ; nei mare te fahage nodi u phoko te vega te leguni Lamb heba mana te tei heva.

            God Thofnogna nolagi, Iago ne loku fodudi mae te ke papasadi ka Namha nogna Christ. Nu Iago te fakakasa mei ranhigau te mala legudi nau mae blahi ka nodi u nha-a te keli, nu iara te mala posa ari tadi mare te filoni u gleaglea te tu lao ka u gaogatho naikno, ka Iago mala taji ranhini ihei te namhanigo; nogna Lord Jesus Christ. Amen.

Mae Angel.

U Angel nogna Lord te nha-a tadi mae te giginni-ni God, te fiofilodi mare.

            God, Thofno karha te tifa, Iago teke fufunu nouni teke papasadi mae Angel u naikno fateoteo mala loku fafaka ranhinigo, nu gehati ja teu te gorho nomei. Nu Iago te snakre khokhoni gai mei, te mala ja teu Angel fateoteo thofnomuago te flaoflalo legu narane ranhinigo jare kligna, nu mare te fakruikrui-i te fanagri gai agne pari, gugna Iago te kru di mei; nafugna Jesus Christ i Lord gehati. Amen.

Mala Fofodu nodi mae Blahi,
Iara te cheke fakelinigo, God.

Eidi iheire te nhionhigo Iago teke faglaglana fanhigodi, teke fakharidi ka kamegna Satan, te loku fodudi mare ka namono fateoteo, pile ke paka ba ke fogna;

Te fakelini Lord; gugna mana te keli nafugna mana te khokhonini: u naikno te fei tifa.

Mala di mae Angel, mae te heta mae te loku legu Nogna cheke mala di nogna naikno mae te loku u glepo ja teu Mana te magnahagedi;

Te fakelini Lord; gugna mana te keli nafugna mana te khokonini; u naikno te fei tifa.

THURSDAY.—U Sacrament te Blahi.

Iago te snakre mei ka nou u vike ka gedi u Angel;
Te tufani tadi u Bread gna kligna.

God, Iago ne eni u Sacrament te Blahi igne, gugna Iago teke faglaglana ranhigau ka Nou u Kabru ke lamnagna; Fadogligai te fatutuani maumaguni nafnotu te tahu te blahi ka Thinimu nei Dadaramu, nu gehati te rogri deini, ka u gaogathomei u nolagi te au regnai gugna; Iago te karha ka mama nu Nagnafa te Blahi kaisei nala, nu te teo nhigogna. Amen.

Gugna u gano Nagnafa ka u Gamu Blahi,
Iara ne fakelinigo, God.

Iare te fakelinigo, Lord God iara, ka gaogathogu fateoteo, te mala oeni u Nanhamu te tifa me tifa,

Iago ne krui-i nau, Lord te ke farereta nau hi.

Tahati te fakelini i Lord, gudi u bukrei fateoteo; te fakelini mana tilomae, leulegu vike kokolo,

Gugna nogna lolokeli te baragita tahati; nu chekegna Lord te tutuani te tifa. Cheke fakelini God!

Cheke fakelini Mama, nei Tugna, nei Nagnafa te Blahi;
Ja teu tifa nei gognaro te teo nhigogna, Amen.

FRIDAY.—U Gaju fafatha te Blahi.

Thosei fa-nha-a ulu gau, nu ka Gaju fafatha nogna Lord Jesus Christ; ka teuana teke tupi juruni hi u nauthoglu ranhi nau, nu iara nogna u nauthoglu.

Nei iago the fakharini u nauthoglu te faglaglana gai ka nou u Gaju fafatha nei ka dadaramu te keli;
Lord, gahati te torenigo, the fakgarigai gehati.

Gugna nou u karha te tifa te tifa ranhigita ka Jesus Christ,
Iara te fakelinigo, God.

Gugna khogri gaogatho mala kokoi naflida te mala chari uluni Satan,
Iara te fakelinigo, God.

Gugna mana te Namhagita te faapu fasalu gita ka u naflida ka thofno dadaragna te faglaglana gita te fufununi u nauthoglu, u fafara nogna God nu te fiofilo gita te tifa me tifa. Amen.

SATURDAY.—Gudi mae te Fatutuani nei te lehe hi.

Iara te nomhini u cheke te soru mei kligna, Te kakafua soruni, Te keli tu lao gognaro iheire te lehe ka Lord: nei u Nagnafa ne cheke di, nu tutuai, mare ne gnafa hi ka nodi u gloku te tahudi.

+ Nei te snakredi ka u nha-a gnagnafa te tifa;
Nei te fabhaedi mare te tifa me tifa.

God Thofno nolagi, u naikno te nhinhigo te karha nala tamuago, iara te torenigo te mala gaogathodi u nagnafa di mae te fatutuani te rikha hi ka u nauthoglu igne nu ka mala ofo nei ka mala meimu, nu te tulao gudi iheire kheragu . . . . . .. Nu te fajifladi, te fabhaedi te fablinodi ka fari hoteigna u gaogatho te dia jare te bhae nala te siasigla te tifa me tifa; gugna Iago te karha te fiofilodi te tifa me tifa. Amen.

God giha kokodi u kolo tathadi u naikno ka nauthoglumu kligna, nu teo me lehe, teo me fadiadia-a, teo me thani, teo me kabru egu tifanau; u nafugna u nafnotu di tifa te giha koko fateoteo.

God iara, te funei fothi gau, iara te cheke fakelinigo; te oeni Nanhamu te tifa me tifa. Iara te oenigo lagurani; iara te fakelini Nanhamu te tifa me tifa.

Alleluia! gugna Lord God tahati, te fiofilo fanagrini u bukre nafnotu tadi tela funei hi. Amen.

U Naoe mala Fakhekheli.

            Tahati te fakelini God.
            Te fakelini Nanhagna God te Blahi.
            Te cheke fakelini Jesus Christ, Thofno God Thofono naikno.
            Te cheke fakelini Nanhagna Jesus.
            Te cheke fakelini Jesus Christ ka u Sacrament te Blahi ka u Altar.
            Te fakelini God ka Nagnafa te Blahi mae te mala fablinodi.
            Fakelini Idogna God, Mary te Blahi.
            Te fakelini God hudi u Angel fateoteo nu bukrei nogna mae Blahi.

Tarai mala ruma ka Suga Blahi.

            God Thofno nolagi, Iago te krui-i gau ka nou u Nagnafa te Blahi ka Sugamu igne, nu iara te mala cheke fafnakno ni Nanhamu te siasigla, nu te mala farheta fapulo gau ka nou u Grorogro te Blahi. Nu Iago te fakelini tiagu ka nagnafa te keli nu iara te fatutuani mhaumhagunigo ka nogu gloku te keli ka thathamuago, nu iara te mala laseini Nou u Cheke te Blahi; nafugna Jesus Christ fakharhaigu. Amen.

Ka te Jifa.

            Lord, Iago te lolokeli, ne nomhidi u nomei tarai nei gehati teari ke ulumu. Te kokodi u gaogatho te zemnu. Nu Iago te fabrananai u nafnotugna Nogu u Grorogro te keli ka tiagu; krui-i gai mei ka nomei nha-a mala gijamei; nafugna Jesus Christ fakarhaigu. Amen.

Tarai mala Gamu.

            Lord, iago te fakelidi gemei te tufa meidi igre; nafugna Jesus Christ noda Lord. Amen.

Ka mala Nhigo Gamu.

Lord, gehati te cheke fakelinigo gudi gemei igre; nafugna Jesus Christ noda Lord. Amen.

Tarai mala thuru.

            Lord, gehati te torenigo, te fabhae ni nomei u gromno; Iago te lolokeli gai gehati ka thua glehe ka-karha ka gromno igre; nafugna Namha nogna Thumu kaisei nala, i Fakahrigai, Jesus Christ. Amen.

            Lord, Iago te fiofiloni suga igne, mala brue kokoni rhegna bukrei gaogatho te di-aa; nu bukrei nou Angel te mei filo fakeli gai ka u gromno igne ka nasnagla, u lolokeli te fei au; nogna Jesus Christ noda Lord. Amen.

            Lord, lolokeli tu lao, Iago te au tamai, te fiofilo gai fari hotei gromno igne gehati te kmu te thuru soru, gehati te kmusa hi ka nafnatagna nauthoglu igne pari, nu gehati te brafa ari nala klignamu: Iago teo me delei te kaisei nala te tifa me tifa. Amen.

            Gehati te turu keli soru;
            Kaisei Iago nala themu Lord, te fakeli gai gehati te nha-a fakuda.

            Tahati te fakelini Lord.
            Tahati te fakelini God.

+ Lord nolagi, Thofno lolokeli, Mama, Tugna, nu Nagnafa te Blahi, te fakeligita te fiofilogita, gognaro te tifa me tifa. Amen.

Tarai nogna ihei te mala fakeikeli gugna Gamublahi.

Kulu filonigu ului, 1 Corinth 11. 23-30.

Tarai egu agne—

Lord God Thofnogua nolagi, Mama kligna, Iago ne cheke mei nauara mala te gamu ka nou Fofodu te Blahi nohna Lord, nu iara ne gatho fapuloni glehegna te memeana, nu nohna Namha te bio tahu. Nu iara teo me gizagu; te gamu ka gedi non goro sua ka nou mala gamu. Iago te tali mei gau iara ke ulumu. Nha-a fadelidi, nogu gnognoro, Iago te faghae gau ka nogu gnognoro. Ihei te gatho deini nogna teke edire? Lord, faririugau regnai, te hoai gaogathogu ke ulumu. Te gatho fapulodi u puhigudi tifa nu fakeligau nagunu ke ukaina egu, nu tifanau ka nogu cheke, nogu gloku te keli nala keulumu; nogna Jesus Christ noda Lord, nu Mana te lehe guda tahati, te fagamu gita ka Thinigna ka Dadaragna te Blahi tu lao. Amen.

Gudi nakhibomu, hura huhu ega fapulonigo egu agne—

1. Unha iara ne fadia ranhini God?
2.  Unha iara ne fadia ranhini kheragu?

Nu gatho deidi u paluha mure cheke egu agne—

Iara te cheke thakle fajifladi nafligu ranhini God Mama, God Thugna, nei God Nagnafa te Blahi, nu ke uludi Angel fateoteo, gugna iara te iho ka nogu gaogatho, nei na cheke, nei ka nogu gloku (nu te tu lao ka . . . . . ). Nafugna teuana iara te toreni God Mama, God Thugna, God Nagnafa te Blahi te khokonigau te nga-a fa-deleidi nafligu igre. Amen.

Project Canterbury