¶ Tu Sambeyang ti ditelah Litani, iya nya, Sambeyang Pinta: iya dipenyanyi, tauka dibacha udah Sambeyang Pagi, Hari Minggo, Hari Reba, Hari Jemat, Hari lain mega nunda ti diator olih Bishop.

O ALLAH Apai, ti di serga: kasih ka kami orang bedosa.
O Allah Apai, ti di serga: Kasih Ka kami orang bedosa.
O Allah Anak, Penebus mensia: kasih ka kami orang bedosa.
O Allah Anak, Penebus mensia: kasih ka kami orang bedosa.
O Allah Roh Alkudus, ti datai ari Apai, ari Anak; kasih ka kami orang bedosa.
O Allah Roh Alkudus, ti datai ari Apai, ari Anak: kasih ka kami orang bedosa.
O Apai, Anak, Roh Alkudus, endang satu Allah; kasih ka kami orang bedosa.
O Apai, Anak, Roh Alkudus, endang satu Allah: kasih ka kami orang bedosa.

Tuhan anang ingatka penyalah kami, anang ingatka penyalah aki ini kami, anang malas dosa kami; sayauka kami, O Tuhan ti badas, sayauka anembiak ti udah ditebus Nuan enggau darah. Nuan, anang nganu kami belama lama.
Tuhan ti badas, sayauka kami.
Ari samoa penyai enggau pengrosak; ari dosa, ari akal enggau langgar seitan; ari anu Nuan, ari ukum meruan,
Tuhan ti badas, lepaska kami.
Ari ati petang; ari ati sumbong, ati begah-begah, ati bula-bula; ari ati kapapas, ati pedis, ati jai enggau orang,
Tuhan ti badas, lepaska kami.
Ari bambai enggau butang, ari samoa dosa lain mega ti ngasoh. mati; ari akal dunya, ari akal ingin ati dirimpu, ari akal seitan,
Tuhan ti badas, lepaska kami.
Ari nitar, ari biobalai; ari penyakit, ari pemedis; ari lapar pungkang; ari munsoh, ari kena bunoh, ari pemati ti ngejal,
Tuhan ti badas, lepaska kami.
Ari samoa aum enggau prang ngelaban prentah; ari samoa ajar bula ti mai tesat, ti mai beserara; ari ati ti kras, ati ti nadai iboh ka jako enggau pesan Nuan,
Tuhan ti badas, lepaska kami.
Olih Nuan nyadi mensia; olih Nuan diada, olih Nuan disunat; olih Baptisa, olih Pasa, enggau Penguji Nuan,
Tuhan ti badas, lepaska kami.
Olih Nuan tusah datai ka beploh darah; olih Nuan merinsa lalu diregang; olih Nuan mati lalu ditumbak; olih Nuan angkat idup baru, lalu niki ka serga; olih penatai Roh Alkudus,
Tuhan ti badas, lepaska kami.
Leboh kami merinsa, leboh kami nyamai: leboh karni mati, leboh. hari kiamat,
Tuhan ti badas, lepaska kami.
O Tuhan Allah, kami orang bedosa minta Nuan ninga ka kami; minta Nuan mrentah Eklisia Nuan di samoa menoa dalam jalai ti kena;
Tuhan, kami minta Nuan ninga ka kami. Intu Tuhan Raja kami dalam sembah Tuhan, dalam olah lurus;
Tuhan, kami minta Nuan ninga ka kami.
Iring ati iya arap ka Nuan, takut ka Nuan, rindu ka Nuan, awak ka iya bepanggai di Nuan, lalu ngemesaika Nama Nuan;
Tuhan, kami minta Nuan ninga ka kami.
Saup iya, dinding iya, lalu asoh iya menang ngelaban samoa munsoh iya;
Tuhan, kami minta Nuan ninga ka kami.
Bri berkat nyadi peninding ka Tuan Rani; enggau Raja Muda, enggau samoa anak Tuan Raja;
Tuhan, kami minta Nuan ninga ka kami.
Bri ati trang ka samoa Bishop enggau Padri, enggau Dikon, awak ka sida tau nemu jako Nuan, lalu mandangka iya dalam ajar sida, dalam olah sida.
Tuhan, kami minta Nuan ninga ka kami.
Bri penemu enggau penyimat ka samoa Tuan Tuau dalam Kunsil Negri, enggau samoa orang Tuai menoa tu;
Tuhan, kami minta Nuan ninga ka kami.
Bri berkat ka samoa orang ti megai pechara, saup sida, ngambika sida mutus samoa pechara enggau lurus, lalu nirika barang ti kena;
Tuhan, kami minta Nuan ninga ka kami.
Intu, lalu bri berkat, ka samoa anembiak Nuan;
Tuhan, kami minta Nuan ninga ka kami.
Asoh samoa bansa inensia diau sa ati enggau baik enggau badas;
Tuhan, kami minta Nuan ninga ka kami.
Bri kami ati ti rindu, ti takut ka Nuan, ati ti bendar nitih ka samoa pesan Nuan;
Tuhan, kami minta Nuan ninga ka kami.
Bri anembiak Nuan berkat tambah menambali, awak ka sida ninga ka jako Nuan, lalu nyambut iya enggau ati badas; lalu numbohka kerja Roh Alkudus;
Tuhan, kami minta Nuan ninga ka kami.
Kasih ka samoa orang ti tesat, ti kena akal: lalu bai sida pulai ngagai jalai Nuan.
Tuhan, kami minta Nuan ninga ka kami.
Kringka orang ti tan, saup orang ti lemi ati: angkatka orang ti trap, rebahka seitan di baroh kaki kami;
Tuhan, kami minta Nuan ninga ka kami.
Saup, bri nyamai ka samoa orang tusah, orang suntok, orang merinsa;
Tuhan, kami minta Nuan ninga ka kami.
Intu samoa orang ti bejalai di darat, di ai; intu samoa indu dalam beranak, samoa orang sakit, samoa anembiak ti mit; enjok penyinu Nuan ka samoa orang tutup, orang tangkap;
Tuhan, kami minta Nuan ninga ka kami.
Dinding, saup anak patu, orang balu, orang ti kena keduan;
Tuhan, kami minta Nuan ninga ka kami.
Kami minta Nuan kasih ka samoa mensia;
Tuhan, kami minta Nuan ninga ka kami.
Ampun orang ti pedis ati di kami, orang ti beduan kami, orang ti betenah ka kami; asoh ati sida badas enggau kami;
Tuhan, kami minta Nuan ninga ka kami.
Asoh tumboh bebadas samoa buah tanah; intu iya, awak ka kami bulik pemakai;
Tuhan, kami minta Nuan ninga ka kami.
Bri kami ati jera ka dosa, ampun samoa penyalah kami; bri Roh Alkudus Nuan ka kami, awak ka kami nyeluri olah kami nunda ka jako Nuan;
Tuhan, kami minta Nuan ninga ka kami.

O Anak Allah; kami minta Nuan ninga ka kami.
O Anak Allah: kami minta Nuan ninga ka kami.
O Tuhan ti muai penyalah mensia;
Bri kami penyamai Nuan.
O Tuhan ti muai penyalah mensia;
Kasih ka kami.
O Almesih, dinga ka kami.
O Almesih, dinga ka kami.

Tuhan, kasih ka kami.
Tuhan, kasih ka kami.
Almesih, kasih ka kami.
Almesih, kasih ka kami.
Tuhan, kasih ka kami.
Tuhan, kasih ka kami.

¶ Ditu Padri enggau samoa orang nelah Sambeyang Tuhan ISA.

Apai kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi. Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji: Lepaska kami ari penyai. Amin.

Padri. O Tuhan, anang ngaga enggau kami nunda ka dosa kami.
Saut. Anang malas nunda ka penyai kami.

Besampi kitai.

O Allah, Apai ti kasih; Nuan nadai mejali ati orang ti ngesal ka penyalah, nadai mechat pinta orang ti tusali; Enggau kasih saup sambeyang kami dimoa Nuan, dalam samoa penusah enggau pemerinsa ti nuntong kami; lalu dinga ka kami, awak ka samoa penyai ti datai ngelaban kami olih akal mensia, olih akal seitan tau alah, lalu pambar olih ibun Nuan; anang kami, anembiak Nuan, dirosak olih keduan orang, amai mri puji ka Nuan berari dalam Eklisia Nuan; olih ISA Almesih Tuhan kami.

O Tuhan, angkat, saup Kami, lepaska kami, tegal Nama Nuan.
O Allah, kami udah ninga enggau pending kami; lalu aki ini kami udah. nusi kerja besai ti digaga Nuan, dalam maia sida kalia, enggau maia dulu ari sida.
O Tuhun, angkat, saup kami, lepaska kami, tegal mulia Nuan.
Mulia ka Apai, ka Anak: ka Roh Alkudus.
Saut. Baka mula iya kalia, kamaiatu: datai ka belama lama iya. Amin.
Dinding kami ari munsoh kami, O Almesih.
Enggau kasih peda pemerinsa kami.
Enggau sinu peda penusah ati kami.
Enggau kasih ampun dosa anembiak Nuan.
Enggau kasih dinga sambeyang kami
O Anak Daud, kasih ka kami.
Kamaiatu lalu belama dinga kami, O Almesih.
Enggau kasih dinga kami, O Almesih: enggau kasih dinga kami, O Tuhan Almesih.
Padri. O Tuhan, enjokka kami pengasih Nuan;
Saut. Baka kami udah arap ka Nuan.

Besampi kitai.

Kami minta Nuan, O Apai, enggau kasih peda penglemi kami; olih mulia Nama Nuan, buai ari kami samoa pemerinsa ti patut ditanggong kami; dalam samoa penusah. saup kami arap bendar bepanggai di Nuan, lalu betuai ka Nuan berari, enggau ati enggau pendiau ti tuchi; olih Penebus, olih Seruan kami, ISA Alraesih Tuhan kami. Amin.

Allah ti pemadu bekuasa, Nuan udah mai kami besambeyang sama serta enggau sa ati ngosong Nuan; Nuan mega udah besemaia, enti bisi dua tiga orang begempuru dalam Nama Nuan, Nuan ka mri utai ti dipinta sida: Bri, Tuhan, kamaiatu, utai ti ka deka, ti digiga kami, nunda ka guna kami: dalam inenoa tu asoh kami nemu samoa ajar Nuan, dalam menoa ti ka datai bri kami idup meruan. Amin.

2 Cor. xiii.

Pengasih ISA Almesih Tuhan kitai, pengrindu Allah, saum Roh Alkudus, meruan enggau kitai samoa belama lama iya. Amin.

Tu pengambis Litani.

Project Canterbury