ATOR
SAMBEYANG LEMAI,
TIAP HARI SAPEMANJAI TAUN.
Evening Prayer.

¶ Ka pun Sameyang Lemai, Padri macha barang siti dua genteran tu ari Surat Kudus. Udahnya, iya nelah jako-ajar ti nampong genteran.

LEBOH orang ti salah ngelengkaka penyalah ti udah digaga iya, laly ngaga ti ngena, ti lurus, iya ngidupka samengat iya. Ezek. xviii. 27.

Aku ngaku penyalah aku, dosa aku di moa aku berari. Maz. li. 3.

Kalihka moa Nuan, anang meda dosa aku; kendas samoa penyalah aku. Maz. li. 9.

Piring Allah, nya ati runtoh; ati ti runtoh, ati ti ngesal enda dipechat Nuan, O Allah. Maz. li. 17.

Charikka ati kita, anang nyarikka kalambi kita; pulai kita ngosong Tuhan, Allah kita; olih Iya kasih, Iya sinu amai, Iya lobah nganu orang, pemadu penelap Iya. Joel ii. 13.

Tuhan, Allah kitai bisi pengasih enggau pengampun, udah pen kitai ngelaban Iya, udah pen kitai enda ngasi ka nyawa Tuhan Allah kitai, ti ngasoh kitai bejalai nunda ka pesan ti dibri Iya ka kitai. Dan. ix. 9, 10.

O Tuhan, pejeraka aku, amai enggau kena: anang enggau nganu, enggaika Nuan ngambiska aku. Jer. x. 24. Maz. vi. 1.

Perubahka ati kita, olih prentah serga nyau dampih. S. Mat. iii. 2.

Aku ka angkat, ka ngagai Apai aku, lalu akuu ka madah ka Iya: Apai, aku udah sala ngelaban serga, udah salah di moa Nuan, aku nadai agi badas dikumbai anak Nuan. S. Lukas xv. 18, 19.

Anang mai anembiak Nuan bechara, O Tuhan: di moa Nuan nadai siko mensia ka dikumbai lurus. Maz. cxliii. 2.

Enti kitai madah kadiri nadai penyalah, kitai ngakal diri, nadai pengamai dalam ati kitai. Utang enti kitai ngaku penyalah kitai, Allah endang tau dikarap, endang lurus, Iya ka ngampun penyalah kitai, lalu nunchi kitai ari samoa penyai. 1. S. Joan i. 8, 9.

MENYADI aku, Surat Kudus suah ngajar kitai ngaku samoa penyalah kitai, penyai kitai; anang kitai ngamun iya, anang belalai ka iya di moa Allah Apai kitai de serga: amai ngaky iya enggau ati ti baroh, ti ngesal, ti nangi, ti nunduk; awak ka kitai bulih pengampun, olih pemadas enggau pengasih Iya ti nadai bepemadu. Patut kitai berari ngaku penyalah kitai di moa Allah; amai lebih agi patut, leboh kitai begempuru sama samoa dalam greja, awak ka muji Iya, olih utai badas ti disambut kitai ari jari Iya, ka ngemesaika Nama Iya, ka ningaka jako Iya, ka minta utai ti ka guna tuboh, enggau utai ti ka guna samengat kitai. Kra, aku ngumbok samoa kita ti ditu sama enggau aku ngadap Allah, enggau ati tuchi, enggau nyawa begadai, nitih ka aky.

¶ Sampi ti Ngaku Penyalah, ti disebut samoa orang nunda udi Padri, samoa besugang.

APAI ti pemadu bekuasa ti pemadu kasih: Kami udah tesat udah limpang ari jalai Nuan. Kami udah nitih ka peneka ati diri. Kami udah ngelaban pesan Nuan. Kerja badas nadai digaga kami; Kerja jai udah digaga kami; Lalu nadai bisi pengrai dalam ati kami. Tuhan, kasih ka kami orang bedosa. O Allah. sayauka orang ti ngaku penyalah sida. Orang ti ngesal ati bai pulai ngagai jalai ti lurus; Nundaka semaia Nuan ditusi ka mensia dalam ISA Almesih Tuhan kami. Apai ti kasih, kami minta olih. Nama Tuhan ISA; Saup kami dudi liari betuai ka Nuan, Lalu diau badas diau lurus, Awak ka ngemesaika Nama Nuan. Amin.

¶ Pengampun Penyalah, disebut Padri aja ti bediri; orang meruan besugang.

ALLAH, Apai ISA Almesih Tuhan kitai, enggai meda mensia mati dalam penyalah, amai Iya rindu meda orang muai olah jai, lalu idup; Iya udah mri kuasa enggau pesan ka Padri ti Penyuroh Iya, madah ka pengampun penyalah ka samoa anembiak Iya ti ngesal ati. Iya ngampun, Iya ngelepaska, samoa orang ti berubali ati, ti enggau pengambis ati arap ka Injil. Kra, badas kitai minta bri Iya ati ngesal, minta bri Roh. Alkudus; awak ka Iya rindu ka utai ti digaga kitai kamaiatu; awak ka olah kitai lurus enggau tuchi salama kitai idup; lalu kitai masok pengandal Iya ti nadai bepemadu; olih ISA Almesih Tuhan kitai. Amin.

¶ Udahnya Padri besugang, lalu enggau nyawa trus nelah Sambeyang Tuhan ISA, orang mega besugang, lalu nelah iya serta enggau iya.

APAI kami di serga: Kudus me Nama Nuan: Datai me prentah. Nuan: Jadi me peneka Nuan, Baka dalam serga, baka nya dalam bumi: Bri kami sa hari tu pengumbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji; Lepaska kami ari penyai: kra Nuan empu prentah, enggau kuasa, enggau mulia; Datai ka belama lama iya. Amin.

¶ Udahnya Padri nelah.

O Tuhan, buka mulut kami.
Saut. Lalu nyawa kami ka mandangka puji Nuan.
Padri. O Allah, pantas ngelepaska kami.
Saut. O Tuhan, tangkas saup kami.

¶ Ditu samoa bediri, lalu Padri nelah.

Mulia ka Apai, ka Anak: ka Roh Alkudus.
Saut. Baka mula iya kalia, kamaiatu: datai ka belama lama iya. Amin.
Padri. Puji Tuhan olih kita.
Saut. Nama Tuhan ti dipuji.

¶ Udahnya Mazmur ditelah, tauka dinyanyi, nunda ka baka iya udah diator. Udah nya dibacha ari Surat Penyanggup Lama, Bacha siti, baka ti diletak. Ambis nya, tu ti benama Magnificat, iya nya, Pantun Maria Dara tuchi, ditelah.

MAGNIFICAT. S. Lukas i.

1. SAMENGAT aku ngemesaika Tuhan: ati aku andal dalam Allah Penglepas aku.
2. Kra Iya udah nilik: pemaroh aku anembiak Iya.
3. Peda ka nyau ari kamaiatu: samoa serak orang ka ngumbai aku beberkat.
4. Kra Iya ti bekuasa udali ngaga ka aku utai ti besai: Nama Iya kudus.
5. Pengasih Iya meruan ka serak menurun samoa: datas orang ti takut ka Iya.
6. Iya udali mandangka kuasa enggau jari Iya: Iya udah mambarka orang sumbong dalam jangka ati sida.
7. Iya udah. nurunka orang ti kring ari krusi iya: Iya udah ninggika orang ti baroh.
8. Orang lapar dikenyang ka Iya enggau utai ti badas: orang raja diasoh Iya pulai puang.
9. Iya udah nyaup Israel anembiak Iya, awak ka ingatka pengasih Iya: munyi jako Iya enggau aki kitai, enggau Ibrahim, enggau anak uchu iya, datai ka belama iya.
Mulia ka Apai, ka Anak: ka Roh Alkudus.
Baka mula iya kalia, kamaiatu: datai ka belama lama iya. Amin.

¶ Amai Mazmur tu ti benama Cantate Domino tau ditelah nganti ti dulu tadi; enti enda sambilanblas hari bulan leboh iya ditelah dalam macha Mazmur.

CANTATE DOMINO. Mazmur xcviii.

1. NYANYI ka Tuhan pantun ti baru: olih Iya udah ngaga kerja nyelai.
2. Jari kanan Iya, lengan kudus lya: udah ngaga salamat ka Iya.
3. Tuhan udah begarika salamat lya: Iya udah mri penglurus Iya tampak di moa samoa bansa mensia.
4. Iya udah ingatka pengasih Iya, ka pemendar Iya, enggau orang Israel: samoa punggang bumi udali meda salamat Allali kitai.
5. Angkatka nyawa kita ka Tuhan samoa menoa: kangau, nyanyi, bri puji.
6. Nyanyi puji ka Tuhan enggau engkratong: enggau engkratong enggau nyawa belagu.
7. Enggau suling enggau enserunai: angkatka nyawa di moa Tuhan ti Kaja.
8. Awak ka tasik brauh enggau samoa isi iya: dunya enggau samoa orang ti diau dalam iya.
9. Awak ka samoa batang ai betempap jari: bukit mega serta nyanyi enggau andal,
10. Di moa Tuhan: olih Iya datai bechara ka bumi.
11. Iya ka bechara ka dunya enggau lurus: ka samoa bansa orang enggau bendar.
Mulia ka Apai, ka Anak: ka Roh Alkudus.
Baka mula iya kalia, kamaiatu: datai ka belama lama iya. Amin.

¶ Udahnya Bacha siti ari Surat Penyanggup Baru dibacha. Ambis nya, tu ti benama Nunc Dimittis, (iya nya Pantun Simeon) ditelah.

NUNC DIMITTIS. S. Lukas ii. 29.

1. O TUHAN, kamaiatu Nuan ngelepaska anembiak Nuan pulai enggau salamat: nunda ka jako Nuan.
2. Kra mata aku udali meda: penglepas Nuan.
3. Ti udah ditaga Nuan: di moa samoa mensia.
4. Iya trang, awak ka nerangka samoa bansa orang: mulia Israel anembiak Nuan.
Mulia ka Apai, ka Anak: ka Roh Alkudus.
Baka mula iya kalia, kamaiatu: datai ka belama lama iya. Amin.

¶ Amai Mazmur tu ti benama Deus Misereatur, tau ditelah nganti ti dulu tadi; enti enda leboh hari bulan ka duablas.

DEUS MISEREATUR. Mazmur lxvii.

1. ALLAH kasilika kitai, bri berkat ka kitai: pandangka penampak moa Iya song kitai.
2. Awak ka jalai Nuan ditemu dalam dunya: salamat Nuan olih samoa bansa orang.
3. Awak ka samoa bansa orang muji Nuan, O Allah: awak ka samoa bansa orang sampal muji Nuan.
4. Awak ka samoa bansa orang andal ati lalu nyanyi: olih Nuan ka beletakka mensia enggau lurus, Nuan ka mrentah samoa bansa orang ti di bumi.
5. Awak ka samoa bansa orang muji Nuan, O Allah: awak ka samoa bansa orang sampal muji Nuan.
6. Tanah ka numbohka buah iya: Allah, Allah kitai, ka mri kitai berkat.
7. Allah ka mri kitai berkat: lalu samoa punggang bumi ka takut ka Iya.
Mulia ka Apai. ka Anak: ka Roh Alkudus.
Baka mula iya kalia, kamaiatu: datai ka belama lama iya. Amin.

¶ Udah nya Aku arap dinyanyi, tauka disebut, olih Padri enggau samoa orang ti bediri; enti enda hari leboh Quicunque Vult disebut.

AKU ARAP ka Allah, Apai ti pemadu bekuasa, Pengaga langit enggau bumi.
Aku arap ka ISA Almesih Anak tunggal Iya Tuhan kitai, Iya dikandong olih kuasa Roli Alkudus, Diada ka Maria darah tuchi, Iya merinsa maia Pontius Pilatus, Iya diregang, lalu mati, lalu ditumbak, Iya nurun ka sabayan: Ka tiga hari Iya pulai idup baru, Iya niki ka serga, Iya duduk puak kanan Allah, Apai ti pemadu bekuasa; Ari nyin Iya ka datai baru ka nembuka pechara mensia, orang ti idup, enggau orang ti mati.
Aku arap ka Roh Alkudus; Ka Eklisia Katolika ti tuchi; Ka Saum orang tuchi; Ka Pengampun penyalah; Ka Pengangkat tuboh orang ari mati; Ka Idup meruan. Amin.

¶ Udahnya Sambeyang tu ti dudi, samoa orang besugang: utang dulu Padri nelah enggau nyawa trus,

Tuhan enggau kita.
Saut. Lalu enggau ati nuan.
Padri. Besampi kitai.

Tuhan, kasih ka kami.
Almesih, kasih ka kami.
Tuhan, kasih ka kami.

¶ Ditu Padri, orang penyanyi enggau orang samoa nelah Sambeyang Tuhan ISA enggau nyawa inggar.

APAI kami di serga: Kudus me Nama Nuan: Datai me prentah Nuan: Jadi me peneka Nuan, Baka dalam serga, baka nya dalam bumi: Bri kami sa hari tu penguinbas dipakai kami. Ampun kami penyalah kami, Baka kami ngampun orang ti salah enggau kami. Anang mai kami ngagai penguji: Lepaska kami ari penyai. Amin.

¶ Padri bediri lalu nelah.

O Tuhan, enjok ka kami pengasih Nuau.
Saut. Bri kami salamat Nuan.
Padri. O Tuhan, intu Raja kami.
Saut. Enggau kasih, dinga kami leboh kami nyampi ngadap Nuan.
Padri. Samoa Padri Nuan serayong enggau penglurus.
Saut. Bri ati andal ka samoa orang ti dipilih Nuan.
Padri. O Tuhan, intu anembiak Nuan.
Saut. Bri berkat ka pesaka Nuan.
Padri. O Tuhan, asoli menoa baik salama kami idup.
Saut. Olih kami nadai penyaup, enti enda Nuan aja, O Allah.
Padri. O Allah, gaga ati kami tuchi.
Saut. Anang ngambi Roh Alkudus Nuan ari kami.

¶ Udahnya ditelah Sampi tiga: siti, ti diletak ka hari nya: ka dua, ti minta Penyamai; ka tiga, ti minta Dinding ari Pengrosak. Dua tu ti dudi nadai kala diganti, iya ditelah tiap hari dalam Sambeyang Lemai.

SAMPI TI KA TIGA, MINTA DINDING ARI PENGROSAK.

KAMI minta Tuhan nerang ka petang kami: lalu olih pemesai pengasih Nuan dinding kami ari samoa penusali malam tu lagi; olih. pengrindu Anak tunggal Nuan, ISA Almesih, Penglepas kami. Amin.

¶ Dalam greja endor orang nyanyi, ditu Pantun dinyanyi.

¶ Udahnya Sampi lima tu dibacha, enti enda leboh Litani ditelah; leboh nya, mina dua ti dudi dibacha balca diator dalam Litani.

O TUHAN, Apai kami di serga, ti pemadu tinggi, ti pemadu bekuasa, ti Raja ari atas samoa taja, Tuhan ari atas samoa tuan; Kami minta Tuhan enggau kasih peda Tuan Raja kami; bri iya penoh enggau Roh. Alkudus, awak ka iya ngiga ti ka deka Nuan, lalu mansang dalam jalai Nuan. Bri iya maioh penau badas. Asoh iya gayu, saup iya ngalahka samoa munsoh iya, bri iya penyamai meruan: olih ISA Almesih Tuhan kami. Amin.

O ALLAH, ari Nuan datai samoa peneka tuchi, samoa pragam badas, samoa kerja ti lurus; Bri kami penyamai nya ti enda tau ulih ari dunya tu: awak ka ati kami tetap nitih ka pesan Nuan; awak ka kami ti didinding Nuan ari munsoh, tau idup enggau flyamai enggau salamat: olih ISA Almesih Penglepas kami. Amin.

ALLAH ti bekuasa, ti pun samoa pemadas, kami minta Tuhan mri berkat ka Tuan Rani enggau Raja Muda, enggau Raja Muda, enggau samoa anak Tuan Raja; bri sida Rob. Alkudus Nuan: enjok ka sida pengasih Nuan ari serga; ngerajaka sida enggau berkat serga; bai sida datai ka prentah. Nuan ti nadai bepemadu: olih ISA Almesih Tuhan kami. Amin.

ALLAH ti bekuasa ti meruan, Nuan aja ti taungaga kerja ti besai; Bri Roh Alkudus Nuan nurun datas samoa Bishop, datas samoa Padri, datas samoa orang ti dalam ibim sida; Bri sida berkat Nuan berari; awak ka sida ngaga samoa ti ka deka Nuan; Bri tu, O Tuhan, olih Nama ISA Almesih Seruan kami. Amin.

ALLAH ti pemadu bekuasa, Nuan udah inai kami besambeyang sama serta enggau sa ati ngosong Nuan; Nuan mega udah besemaia, enti bisi dua tiga orang begempuru dalam Nama Nuan, Nuan ka mri utai ti dipinta sida: Bri, Tuhan, kamaiatu, utai ti ka deka, ti digiga kami, nunda ka guna kami: dalam menoa tu asoh kami nemu samoa ajar Nuan, dalam menoa ti ka datai bri kami idup meruan. Amin.

Pengasih ISA Almesib. Tuhan kitai, pengrindu Allah, saum Roh Alkudus, meruan enggau kitai samoa belama lama iya. Amin.

Project Canterbury