AWHAHLAIK nee mahtistoke nin hah mahmookquaukuning aleh winjeketeit warn eh neik linwuk, wauk aleh lauptoonait nun Papimowhsoohaulwait Christ, mauhah ah wain peinjekaweh nin Quekiyoowaukuning nun Katanehtooweit kinjaum ah wain winjeh kesheketa beenk wauk neh Peilseid Wchechaukoong; qui kehemeloomoo aleich winjootmowhwaik nun Watuchmint, aleich naukahlaikq nun Gekiyumnah Jesus Christ, nin keche quitmaukalindwaukun wainjeich melaut yool Ahmeminsul, nin aleh nahquah mauhahweirkah kaingkeh melaukq whukkiyul; naleich sokinehpahlind winjeh nin beenk wauk Keche Ochechaukwul, wainjeich wetaukeimquoseit quiktumaukalindwaukuning nin Christ, wainjeich kalah keshekooseit maiskuniseit Wailsittong.

AILWONTOOWEYUN wauk hulmewh Katanehtooweyun. ailkeh kee aukitmaukaleyun koonjeh ktumaukailmaun nun Noah wauk wameh wetahwamahcheil nin ahmucholink neh aindahwhachquehringa; wauk wlehta hawewh alissaukahquonut neik kdilnahpamuk Israel, nin maerkahpwaking beesis, aindah kekenooleirtowhwun nin peleik ksokinehpaultoowawaukun; wauk neh aindah sokinehpaulquoseit nun kache ahwhahlut Quesis Jesus Christ nin Jordan sepoong aleh ktumaukalindahmun nin beh, aleich wlehtahseik yoon peleik ktaulwehindwaukun knaukaulkaim, ktilleich pacheh ktumaukailmaun won ahmeminzis, kshehrum ka, wauk neh peilsoowaukunink neh Peilseid Wchechauk; aleich pahlewh linmahwut nin kmunoonksoowaukun ahkmhekitch poosehowh nin pamowhsooweik wtumhrool Christ kutaut kaich nin wlaumwaweta hawaukuning wauk aloolahtanumeit nin naukawhsoowaukunink, wauk muskahnekahpowhwoo nin ahwaultoowaukunink, aleich ailwullehkait neil sahquowhsoowaukunul yoon tahleh aukeeng, wtilleich wauk paun nin hulmewh pumowhsoowaukun; nullitch neh ktindah wetowhsoomaun, aukeeng mauhahweirkah waquahlauk winjeh nin Jesus Christ Nalaulquaing. Amen.

¶ Nepowh waukitch neik Wailsittongeik; witch wtillauptoonain nah Papimitoonhais.

Pindahmook ka nin alaikhekait nun Saint Mark nin weembut treh Chapter, wauk weembut wauk nhra verse.

CHAINGSHESHECHELACH ahmeminsul patahwahwahpahneil neal Christ, wainjeh nahtinnaut. Neik ahlookaukunuk wnukehnahwahwul neal paishwahteit. Shuk aleh nainkq Jesus shewalindum, yoon wtillauptoonahlaun, ahlun he kaitch pachehnahsekaukoog neik chachaungshesheteit ahmeminsuk, chelaum quetillawhnawh nahlach yook aleh nalaulkooseteit nin Katanehtooweit quekiyoowaukunink. Kalah ktillehloomo, mauhitch ahwain, ahmeminsink leh nahtinehmooqua nin Katanehtooweit quekiyoowaukun, mauhaum peinjekawin nin. Wnahtinnah wulluch nee nachkink, poonink neal wnachkul neh whugkaing quitmaukailmahwul.

¶ Nullitch neh Papimitoonhais wsein.

O KATUMAUKAILYUN Pahtumowaus, ahlun henauhrooweh Adam nin aindahahpeit neh ahmeminsink, wameich waquahlawh aushtawh weich nun wiskeh linnoo pahsooquewh nun whugkaing. Amen.

Ahlun heik wameh neil mahnoonksoowaukun mahnelayoowahlitch ,nin whugkaing, aushtawhweich neh leich ahlumekin wameh neh Wchehchaukoong nalaulquaukeil. Amen.

Weengeh kmeil nin ktahlooiswaukun, wauk neh muskuniswaukun wainjeich paminaut waukitch wtilleh mah quaquiinhawin neil mahtahnittoowul wauk neil akeoowekeil, wauk neh weyoos. Amen.

Ahlun he kaitch tah ahwain poonehnumaukiyun nin dilleimkwuswaukuninahnink wauk neh bumtoonhawaukuninahnink wtimmehnahlitch neil waukoong tahleh loopwawaukunul wainjeichiyink neil hulmewh ainhowhtoowaukunul nin kitmaukailmooksoowaukunink, O kaitmaukailmookseyun Nalaulwayun Pahtumowaus, aupcheh pamowhseyun, wauk wamehquaik lailpeyun alautkinootmun, nin aukeeng mauhah weirkah wewalahlahqueil. Amen.

AILWONTOOWEYUN aupcheh pamowhseyun Pahtumowaus, won kache ahwhaulut Quesis Jesus Christ, nin neal poonalindahmahwenain neal nmumkoowaukuninahnul, nin pemechewh whugkaing wainjeh sookauhait nbeh wauk mokum, wauk neh alehlaut wameh wtahlookaukunul nin wtilleich wewheendahmahwaun wameh neal aquaukawecheil, waukitch wtilleh sokinehpahlahnawh nin witisheenzwaukun nun Watuchmint wauk nun Waqueesmint, wauk nun Peilseid Wchehchaukwul; kenaukaulquoseim mach, ktilleich pinahwalindahmin wnaukawhsoowaukunoowahwul yook mahwalahcheik; pelehtool yoon beh nakahtahmaing; ahloonah won ahmeminz qui won katah sokinehpaulquoseit, ochewekaukonitch neh tilleich nelaulquosein nin apehteit neik kenechahnuk mamauskunisecheik wauk kaitmaukailmooksecheik nin Jesus Christ Nalautquaing. Amen.

¶ Oonahtinahwahlitch nun Papimitoonhais neal ahmeminzul, unitch aleh lauptoonahlaut aleitch laut neal alaungoomahcheil nun Ahmeminzhish.

Weloowah Ahmeminzhish.

¶ Keshe welahteta, umbitcha, nullitch neh kneh wsokinehpahlaun, unitch aleh leirseit.

N. KSOKINEHPAHLIL ka nin tahleh witisheenzwaukuning nun Watuchmint, wauk nah Waqueesmint, wauk nah Peilseid Wchechauk. Amen.

¶ Nullitch neh Papimitoonhais wsein.

KELOON kmishenahwenah won chungahmeminzis windahqueh winjeh manehreing Christ mamaikshoomul, wauk wtilleh wecheh keikhah winjeh keikhekun aushtatahekun, qui yoon winjeh chelaum quauktah meirhahmissewin weweendahmin aleh wlistonk Christ leh psahquetahahnaip waukitch wtilleh mahtaukain winjeh nin muchkawalahtekun wtilleich mahtaukahtumin muttowhsoowaukun wauk aukeh, wauk neil maitseit mahnitoowul, wauk wainjeich shuk gumawh Quopteinmeit Christ wtilleich shachkahpawewh sojillein wauk ahlookaukahnein sakeh yoon tahlowhseit aukeeng. Amen.

¶ Nullitch neh nun Papimitoonhais oowitch.

KNAWAMOO qui awahlehlaik nee mautistoke wauk duchquamuk won qui Chungahmeminzhish aleh wiskeh keshekeit, wauk winjehiyeet nin Whugkaing Christ wekeit, yooquah melahtook kaukanaumwaukuninahnul nun Kacheh Pahtumowaus winjeh yoon walehkeil; wauk nachpeh miyaut pinahwalindahmoowaukun winjeh pahpahtumahtowh naikmah, wainjeich won Ahmeminzhish taumseh loochwhait waleik lowhsoowaukun sakeh yoon tahlowhseit.

¶ Nullitch neh Papimitoonhais wsein, Yuch palitumowahtook,

NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch, lakitch aleh ti-hiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwaun meyaink, wauk mewalindumowhweiiain njunowhsoowaukuninahnul, ailkeh neloon mewalindumawhwaink neik chachunehlawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh inatehkink. Amen.

¶ Nullitch neh nun Papimitoonhais oowitch.

NELOON kemilinain daheweh kaukanaumwewh naikqteh kitmaukailyun Watuchmikiyun, nin ail kahtowh wlehlahwailkiyun kee wainjeich wiskekeit won Ahmeminzhish nachpeh Peilseid Kchechauk, yooh meshin won Ahmeminzhish tahleh kdilnahpamuk apehteit, wauk leh wainjeich nelaulquoseit winj peleik wlistumwawaukuning. Wauk noondiyalinswewh koonjootmoolnah kee ktumahkalumka won aleh bigkoop leh muttowh soowaukuning wauk lahpewh pimowhseit leh wlowhsoowaukuning, wauk aleh nachpeh qtowhnind leh Christing nin tahleh wnoopwaukuning, wainjeich nehlind nun muttowhsoowaukun, wauk shekaunzh aintrink nun whugkie muttowhsoowaukun, waukitch aushtawh nahtinink nin wnoopwaukun nun Quesis, waukitch ahloot wtilleh nahtinumin nin wtaumwewaukun, nullitch neh aindah wequehring tahlowhsoowaukun aushtawitch wetowhsoomaut wameh neal wailsittongeil geeskahwaut nin tahleh hulmewh kekiyoowaukuning; leh Christ Nalaulquaingwink. Amen.

¶ Nullitch neh wameh wnehpahivooltenawh nunitch Papimitoonhais oowitch Watuchmikiyun wauk Waiskehkeing nullitch yoon Weendahmahwahnawh.

QUI hah won Chungahmeminzhish muskunauptoonain winjeh keloo leh alooquapeyaik wtilleich poonailmaun neal maitseit mahnittoowul wauk wameh wtahlookawaukunul, wtilleich shuk wlistowhwaun neal Pahtumowausul wauk wtilleich gootailmaun; keloo hah qui ktilleich mshahtahminawh gumawh ktilkehqualehmooksenawh ktilleich nawahnawh won Ahmeminzhish wtilleich macheh wawehtoon alahkakemint wainjeich nelewh wawehtauk ailkeh muskunauptoonatoop, nachpeh waim keloo. Wauk wainjeich ahloowewh kahtowh wawehtauk yool walehkeil wtilleich gumawh klistumin aindah Pimitoonhaink; wauk ahloowewh wtilleich kahtowh wawehtoon nin wlistumwawaukun, wauk neal Nalaulquaing Pahpahtumwawaukun, wauk nin weembut aintraleik Aukakeindwaukun winjeh nelewh ayeleirseit, wauk wameh neal ktukahneil wailsittong aum wawehtoot wauk wlistonk wtilleh wchechaukwul pimowhsein; waukitch wainjeich won Ahmeminzhish wleh keshekinin wtilleich wawehtoon peilsoowewh wlistumwawewh pumowhseing; wtilleich wawehtoon aupcheh nin wsokinehpaulkooswaukun ktilleh nawhquetillookqnain nelaum wailsittumaingweil; wainjeh aum nahwundahmaing nin oolowhsoowaukun nun Pamowhsoohaulquaing Christ, wauk wainjeich nulneh umba lenaukqseyaing; aleik bigkoop wauk lahpewh aumweep winjeh keloon nullitch neh wainjeich keloon ah wain sokinehpahseit mahnelaip winjeh muttowhsoowaukuning, wauk aumwewh lahpewh leh wlowhsoowaukuning; wainjeich gumawh poonahlindahmaink wameh mamahtekeil wauk mahcheh pinowhwalindahmoowaukunul, wauk wainjeich gumawh muskunneh loochwhiyaing waleik peleik tahlowhsoowaukun.

¶ Nullitch neh nun Papimitoonhais oouwitch.

KELOO ktilleich wleh saukehahnawh won Ahmeminzhish ktilleich paishwahnawh nin leh Kakiyumhait Papimitoonhais wainjeich nachpeh pahpahtumowaut wtilleh aum muskunneh wlaumwawetahaun, nullitch ailkeh kongeh weendonk wlistumwawaukun, wauk Nalaulwait Pahpahtumwawaukun, wauk nin weembut aintraleik Aukakeindwaukun winjeh nelewh ayileirseit; wauk wainjeich aukakeimquoseit ahloowewh nin wlistumwawaukunewh aukakeindwaukun nin kesheirtahseik.

Project Canterbury