¶ Wauk nepowhwoowuk nun Papimitoonhais aleich quochemoolaut enauhauin ahwain yook linnahpawug wtillehaum yuch ahnawh aleich sokinehpahlind enach mah, neik haum nachkootinga mautah, nullitch neh nun Papimitoonhais wsein yoon.
AWAHLILAIK yoon hah muttowhsoowaukunink wainjeh keshekecheik wameh neik linwug; wauk lauptoonawh nun kakekaquaink Christ, mauhah ahwain kongeh peinjekaweh Pahtumowaus quekiyoowaukuning mah aunjewh keshekequaik nin winjeh beenk wauk winjeh Peilseid Wchechaukoong; ktahyaundumoolnawh ktilleich winjootmowhwahnawh Pahtumowaus Watuchmint winjeh witisheenzwaukuning Gekiyumnah Jesus Christ, nin oolehindwaukun wainjeich melaut yool linnahpawhwul naikmahwauj waleh lehkoteit sokinahpahlinjeik nin beh wauk neal Peilseid Wchechaukwul wainjeich winjeh nelaulkoseteit pahpahtumwawhwaukuning Christ, wainjeich indoteit pahpahtumawhwaukuning.
¶ Nul yoon Papimitoonhais wsein. Yuch pahtumowahtook. KAUNZHE wauk ailwontooyun wetauhaimkoteit wameh neik kaitmauksecheik, wechawhkoteit wameh neik nakawhseteit nin wainjeich wetauhaminjeik pumowhsoowaukunoowah neik Wailsittongeik, wauk olaumwewaukunoowah neik manehlahcheik; koonjootmoolonauk wainjeich ktumaukailmut yook linnahpawhwug; nin aleh nahsehkumoteit peleik ksokinehpaultoowaukun, yoh nin pahtumwawaukuneh aunjewh pimowhsoowaukuning winjeh ahwosaukumawh neal muttowhsoowaukunoowahwul. Nahtin ka O Nalaulwayun yoon ayehtoop awaulut Quesis winjootmooka kmeilkaimwauj: poowhekaka ketowhnikaimwauj melenanaukq qui neloon wainjootmaink; lailmenain quelumaink nmuchkuminain; wauk towhwinenain neloon poowhekiyaing; wainjeich kahrunehteid yook linnahpawug nin hulmewh kitmaukalindwaukun wainjeich ahwosaukumawh winjeh pelehquiseteit wainjeich nah pahteid hulmewh kekiyoowaukuning nin wainjeh meilyaink nun Christ Nalaulquaing. Amen.
¶ Nepowhwaukitch neik Wailsittongeik, unitch wtil lauptoonain nah Papimitoonhais. Pindahmook ka nin alaikhekait nun St. John nin hra ahnehquehringeil neal auptoonahkunul, shayahrink wainjeh ahlumaukeindahseik.
AHPOOP mah nun Phariseeweh linnoo, Nicodemus asheinzeid, quekiyumwahwul neik Jewuk; nul nun aleh nahsekahwaut neil Jesus peiskawhnooweh, wauk wtillahwul, Rabbi, nwawetoonain ktilleh kee nun akakeengait winjeh paun Pahtumowausink; mauhaum ahwain quongeh indoowhnul yool kaunzhahlokawaukunul kee alullokiyun, Pahtumowausul kinj wechawhquika. Jesus nachkootum wauk wtillahwul, Kalauk, kalauk, ktillil, Mauhitch nah linnoo aunjewh keshekequa, mauhah quongeh namoowin Pahtumowaus quekiyoowaukun. Nicodemus wtillahwul, Taunaum hah oonjeh keshekeen nun linnoo macheh meloosiseta? waweichaum lahpewh peinjekawh neil kuchkul wahtaink wainjaum keshekeit laup? Jesus wtillahwul, Kalauk, kalauk, ktillil, Mauhitch nah linnoo aunjewh keshekequa winjeh beeng wauk winjeh Wchechaukoong, mauhah quongeh peinjekawin Pahtumowaus quekiyoowaukuning. Nin hah weyoosing wainjeh keshekink weyoosooweh neh, wauk nin Wchechaukoong wainjeh keshekink Wchechaukoo neh. Cheh mah shalindumoohaikq yoon alehlun, aunjewh wij keshekeimwah. Kashrink ailwaig kpindumin leh kaunshoowawh; shuk mauhah kongeh weendumoowin taunait wainjehlauk wauk taunait alehlauk: nul yoon wtindinawah waimeh neik Wchechaukoong wainjeh keshekecheik.
KACHEH hulmewh Pahtumowausyun, ahwosaukumawh Watuchyaing, kmelilinain yool ktumaukeh nkaukanaumwaukuninahnul, aleik peinjeekulleyaink kitmaukalindwaukuning, wauk tahleh koolaumwawetahawaukuning; aupcheik ahlumehkehtowhwenain yoon ktumaukailmooksoowaukun wauk yoo wlaumwawetahawaukun. Meil ka yook linnahpawug Peilseidcheil Wchechaukwul wainjeich kalah aunjewh hesheketeit wauk wainjeich wetaukehmint tahleh hulmewh pumowhsowaukuning asheweh leh nun Nalaulquaing Jesus Christ, nun wetawhzoomquon wauk wecheh kekiyoowaumquon, wauk neil Peilseid Wchechaukwul, qui wauk hulmaukumeik tahlewh. Amen.
¶ Quekloolahwul Papimitoonhais neal katah sokinehpaulkoseitcheil. AWAULKOSYAIK keloowah yoon paitch nepowhweyaik, katah nahtinumaikq yoon peleik sokinehpaultoowaukun kpindowhwahwahwug ka yook katailkeik aleh pahtumwailhoquaik wainjeich meshinquaik wauk wainjeich ktumaukailmookquaik Gekiyumnah Jesus Christ, wauk wainjeich mewalindumahquaik neal kmuttowhsoowaukunoowahwul, wainjeich meilquaik nin ahwosaukuniawh tahleh kekiyoowaukun, wauk nin hulmewh pimowhsoowaukun. Wauk naikmah Nalaulquaing Jesus Christ oowh tahleh wtauptoonaukuning nin wainjeich meilquaink wameh yool wainjootmaingweil: kalauk quottah lahlookain yoon ayeit.
Hraimbwauk macheh wtillauptoonain nun Jesus Christ katah leh ktumaukailmowait, keloo waim umba keshehreh weendahmook, yoon apehteit yook naahwalahcheik, ninitch ktilleh ahshahnahnawh maitseit mahnittoo, wauk wameh neal wtahlookawaukunul waukitch neal aupcheh ktilleich wlaumwawalindahmin aupcheh nin Pahtumowaus peleik Tauptoonaukun, waukitch ktilleh wleh kshehreh aukailnumnul neal wtukakeindwaukunul.¶ Unitch wtillaun nun Papimitoonhais, neal katah sokinehpaulkoosehcheil, mahmiyowhsoowahlitch.
Quotchemoolil. KTUSHAHNOWH hah nah maitseit mahnittoo wauk wameh neal wtahlookawaukunul, wauk neal ahlowh walehnahquaukeil yoon tahleh aukeeng, wauk neal khralingawaukunul, wauk neal pwahleh lehtahawaukunul weyoosing wainjehiekeilj ktilleich mah nahwundahmoowin neal wauk mauhaum saukahquonookoowin?
Nachkootum. Ndushaunmin nullach waim.
Quotchemoolil. KOOLAUMWAWAILMOWH hunnah Katannehtoweit Watuchmint kaunzheh ailkehqualehmookseit ayilleh keshetoot wosaukumawh wauk aukeh. Wauk wah Jesus Christ Waqueseeng, Nalaulquaing. Peilseid Ochechaukwul keshekenooquok, wainjeh wah Mary keshekenaut, mautah weirkah wawehaukq linwul. Wauk ahyahwaindonk sakeh pamowhseit winjeh wah Pontius Pilate, wauk psahquetahoond wauk auptahmahlisoo wauk qtowhwanaup leh boowaukuning. Naerheh keishqueka aumweep, wauk ispewh leh ahwosaukumawh, wauk oolehmahtuppein wtilnahahwuning Pahtumowaus Watuchwheeng kaunzheh Ailwailmookseit: nullitch nin oonjeh yohaun wainjeich mahweh keshaukinehmaut neal pamowhsecheil wauk neal manehlahcheil ? Koolaum wawailmowh huiinah Peilseid Wchechauk wauk maischayaik pahpahtumwawaukun, wauk wtilleh ahwaultenawah neik nalaulkoosecheik, wauk mewalindahseik nin muttowhsoowaukun, wauk aumwewawaukun leh wahtoowapejng wauk hulmewh pumowhsoowaukun?
Nachkootum. Wameh neal gshehreh wlaumwawalindahminul.
Quotchemoolil. NUL hunneh ail wlaumwawalindahmun koonjeh kahtowh sokinehpaulkoosein?
Nachkootum. Nullach nee deta-haun.
Quotchemoolil. KOOLEICH hah gumawh weengeh aukailnumnul neal Pahtumowaus wteta-hawaukunul; wauk neal wtukakeindwaukunul, ktilleich pmissein nin tahleh tah sakowhseyun?
Nachkootum. Goodcheich nulneh lahlookain, nin Katanehtooweit wetauhameta.
O KAIKTUMAUKAILYUN Pahtumowausyun, nah kaitch hrooweh Adam ahpeta nin whugkawahwink yook linnahpawug msitchawhwitch waquahlawh, aushtawitch wiskeh linnoo pahsooquewh nin whugkawahwink. Amen.
Aulunhekaitch wameh neal mahnoonksoowaukunul mahnehlayoowahlitch nin tahleh whugkawahwink aushtaweitch leh ahlumehkenool wameh neal Wchechaukoong nalaulquaukeil. Amen.
Weengeik meil pahtahweilsoowaukun, wauk muskuniswaukun wainjeich ahloowehkahwahteit, waukitch wtilleh wsahmehahnawh maitseit mahnittoowul, wauk kinneh aukeh, wauk kinneh weyoos. Amen.
Neik ka poonehnumaukiyaingweik nin tahleh dilleimkooswaukuninahnink wauk kinneh dukkakeingawaukuninahnink, quaurhahnenawautch waukoong tahleh loopwawaukunul, ninitch tahleh kitmaukalindwaukuning oonjeitch ahyuminawh nin hulmewh ainhowhtoowaukun, O kaitmaukailmookseyun, Nalaulwayun Pahtumowaus, aupcheh pamowhseyun, wauk neal wamehquaik lailpeyun alakeil, nin tahleh aukeeng mauhah weirkah waquahlahqueil. Amen.
AILWONTOOWEYUN aupcheh pamowhseyun Katanehtooweit, won kacheh ahwahlut Quesis Jesus Christ, neal dilleich shaumaukoonain nmuttowhsoowaukuninahnul, nin tahleh wlungwcing wainjeh sokahlauk nin beh wauk nin mokum, wauk aindah lahta neal akakeimahcheil wtilleh loomahwahnawh wameh neal linnahpawul, wauk wtilleich sokinehpahlaun nin tahleh wtisheenzwaukuning tahleh Watuchmint, wauk nah Waqueesmint, wauk nah Peilseid Wchechauk; knaukaulkaimka ktilleich pinahwalindahminul vool wnaukawhsoo waukunwahwul yook mahwahreingeik; qui kaitch yook linnahpawug qui katah sokinehpaulkoosecheik ootchwehkahquanawautch nin kitmaukalindwaukun aupcheich wtilleh nelaulkoosenawh nin apehteit neik knehchahnuk mamauskahnisecheik wauk kaitmaukailmooksecheik, nin tahleh Jesus Christ Nalaulquaing. Amen.
¶ Aindah nesheedt quelahleta neal katah sokinehpaulkoosecheil koochehmoolahwahlitch nun Papimitoonhais nin asheenzeleit, nullitch wsokinehpahlaun, unitch aleh lauptoonait,
N. KSOKINEHPAHLIL ka nin tahleh wtisheenzwaukung nun Watuchmint, wauk nah Waqueesmint, wauk nah Peilseid Wchehchauk. Amen.
¶ Nullitch neh nun Papimitoonhais oowitch. KELOON kmishenahwenah won linnahpawh windahqueh winjeh manehreing Christ mamaikshoomul, wauk wtilleh wecheh keikhah winjeh keikhekun aushtata-hekun, qui yoon winjeh chelaum quauktah meirhahnissewin weweendahmin aleh wlistonk Christ leh psahquetahahnaip waukitch wtilleh mautaukain winjeh nin muchkawalahtekun wtilleich mahtaukahtumin muttowhsoowaukun wauk aukeh, wauk neal maitseit mahnitoowul, wauk wainjeieh shuk gumawh Quopteinmeit Christ wtilleich schachkahpawewh sojillein wauk ahlookaukahnein sakeh yoon tahlowhseit aukeeng. Amen.
¶ Nullitch neh nun Papimitoonhais oowitch. KNAWAMOO qui awahlelaik nee mahtistoke wauk duchquamuck won yook linnahpawug aleh wiskeh keshekeit, wauk winjehiyeet nin whugkaing Christ wekeit, yooquah melahtook kaukanaumwaukuninahnul nun kacheh Pahtumowaus winjeh yoon walehkeil; wauk nachpeh miyaut pinahwalindahmoowaukun winjeh pahpah tumahtowh naikmah, wainjeich yook Hnnahpawug taumseh loochwhait waleik lowhsoowaukun sakeh yoon tahlowhseit.
¶ Nullitch neh Papimitoonhais wsein, Yuch Pahtumowahtook. NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch lakitch aleh tahiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwaun meyaink, wauk mewalindumowhwenain njunowhsoowaukuninahnul, ailkeh neloon mewalindumawhwaink neik chachunehlawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.
NELOON kemelilinain noondiyalinswewh gaukanaumwaukuninahnul O wosaukumawh Watuchmelaing, qui hah aleh pimowhsoowewh winjeimyaing winjeh ail wawehtillehyaing nin kitmaukalindwaukun, wauk koolaumwawailmeloonah kee; Ahlumehketahwenain yoon katowh wawehtillehyaing wauk muskunisoohail yoon noolaumwawehtahawaukun ninnah aupcheh tahlewh. Meil peilseid Kchechaukwul yook linnahpawug; qui aleh aunjewh kesheketeit, wauk leh wainjeich peinjehkateit hulmewh pumowhsoowaukuning leh nin Nalaulquaingwink Jesus Christ Waqueesmut; nun pamowhseit wauk kakiyumhait nachpeh kee, wtilleich miyowhsoowenawh nun peilseid Wchechaukwul leh aupcheh tahlewh. Amen.
¶ Nullitch neh wameh wnehpahwooltenawh nunitch Papimitoonhais oowitch Watuchmikiyun wauk Wakehkeing nullitch yoon weendahmahwahnawh.
QUI hah yook linnahpawug muskunauptoonain winjeh keloo leh alooquapehyaik wtilleich poonailmaun neal maitseit mahnittoowul wauk wameh wtahlookawaukunul, wtilleich shuk wlistowhwaun neal Phatumowhwausul wauk wtilleich gootailmaun; keloo hah qui ktilleich mshahtahminawh gumawh ktilkehqualehmooksenawh ktilleich nawahnawh yook linnahpawug wtilleich macheh wawehtoon alahkakehmint wainjeich nelewh wawehtauk ailkeh muskunauptoonatoop alooquapeteit yook manehreing, wauk keloo alooquapeyaik papehnaukiyaik ktilleich shachkahcheimwenawh. Wauk keloo ktilleich weweendahmahwahnawh nelaum wawehtooteit wainjeich kalah miyahwahlookateit nin leh Pahtumowaus peleik Wtauptoonaukun, ninitch leh taumseh ahlumehketeit nin leh kitmaukalindwaukuning wauk neal wawehahteit Nalaulquaingweil Jesus Christ wauk tahlowhseteit, peleik wlowhsoowaukuning wauk wawahquahtawaukuning yoon qui tahleh aukeeng.
(¶ Wauk nulneh queekloolahwahlitch neik waiskeli sokinehpahsecheil linnahpawul nullitch hunneh wauk wsein.) WAUK keloo hah aleh qui Sokinehpaulkooseyaig leh Christing, mil nin keloo wauk ktilkeh qualehmooksenawh ktilleich wtummeminzmooksenawh winjeh Pahtumowausing wauk nin wauhrayaig wlaumwawetahiyaig leh Jesus Christ ktilleich pimissenawh walehking nin koolsittumwawaukunwahwing winjeim kooseyaing, wauk wainjeich piyaik nin waindahmeminzmookseyaik nin wauhrayakink; wtilleich wawehtoon aupcheh nin Wsokinehpaulkooswaukun ktilleh nawhquetillookqnain nelaum wailsittumaingweil; wainjeh aum nahwundahmaing nin oolowhsoowaukun nun Pamowhsoohaulquaing Christ, wauk wainjeich nulneh umba lenaukqseyaing; aleik bigkoop wauk lahpewh aumweep winjeh keloon nullitch neh wainjeich keloon ahwain sokinehpahseit mahnehlaip winjeh muttowhsoowaukuning, wauk aumwewh lahpewh leh wlowhsoowaukuning; wainjeich gumawh poonalindahmaink wameh mamahtekeil wauk mahcheh pinowhwalindahmoowaukunul, wauk wainjeich gumawh muskunneh loochwhiyaing waleik peleik tahlowhsoowaukun.
¶ Nullitch nek tapehkumin wameh mamiyowhsooweit linalipawh nun sokinehpaulkooseit wainjeich kalah muskunisoohaulkooseit winjeh nun Kakiyumhait Papimitoonhais, aishkehloop nul nin aindah sokinehpaulkoseit wainjeich kongeh wechelaut Peleik Oocheingawaukun Pahtumowaus.
Project Canterbury