TAHNAH wtindin nun matowhseit linoo gloopeta winjeh nin muttowhsoowaukunink aleh wauk lahlookatoop, nullahneh wauk oonjeh lahlookain nin shachkenahquah wauk wlahlookata, nullitch naikmah pamowhsoowahlitch neal wchechaukwul. Ezek. xviii. 27.

Nweengitch pahsooqueh wauk daum nuchwhunk dillowhwitch, nuchwhah nmahtahlooka pacheh ahwosaukumawh, wauk pacheh alooquapeyun, wauk mautah dapeh likkehqual ehmooksewin ktilleh aum shelean gwesis. St. Luke xv. 18, 19.

Kalah aum yaingwa mautah nmuttowhsewenah kpahchoolowhnah hukkienah wauk mautah ktahpetaukoowenah wlaumwawaukun; shuk shachkahcheweyaingweh kmuttowhsoowaukuninahnink winjeh nullitch naikmah tapeh aukitmaukaloo wauk wlaumwawh wainjeich paukehtahtumahquaing kmuttowhsoowaukuninahnul, wauk winjeh pelehnain winjeh warn eh chunowhsoowaukunink. 1 St. John i. 8, 9.

AWAHLAIK keloon nee mahtisuck wauk duchquamuck, Katanehtooweit ktookquanain yoon peleik tauptoonaukun whaerlaleh aindah aum kahtowh shachkahcheimyaing winjeh neal kmuttowhsoowaukuninahnul wauk kmuttahlookawaukuninahnul; ninnah wauk wainjeh maukahtowh ahwain wlukkinehmauk neal nelewh whukkiyul wtillehaum wauk maukahtowh mtukqhumoowin neal kmuttowhsoowaukuninahnul alooquapeit leh Ailwontooweit Pahtumowaus Ahwosaukumawh Watuchmaing; shuk shachkautchmokoo keloo matahwahtanahmeuaik, wauk shewalindahmoweta hiyaik, wauk wailsittahmaik winjeh kdawahwink; wainjeich meshinumaink ktilleh pauketahtumaukanain winjeh neal kmuttowhsoowaukuninahnul winjeh welowhindwaukuning wauk kaitmaukalingait nun Katanehtooweit. Wauk ahwainjeh kahtowh poonehtahwaink nin alaik kmuttowhsoowaukuninahnul eyais quah nun nawaink Katanehtooweit; ninnah wainjehh kahtowh malone newh maumshahlut nun nalaulquaing ausun naum nin leh geeskahtahweyaingweh queingaukaukanahmowhnah nun Nalaulquaing aleh meshinumaink oonjeh onachkink, wainjeh wauk nawhquetillooquaing pshekeh pajtumwawaukun, wauk aleh pindahmaink peleik tauptoonaukun, wauk weengeh weenwahmoo nin naum wlahpaindahmaink tahleh kahtoowapenahnink wauk kchechauknahning. Ktilleich wauk weengeh winjootmoolnain waukitch queingehweenwaumlehnain ktilleich wauk wlahtanumoowaukun ahtowhwenain danahnink, waukitch ktilleh matowhwahtanahmowewh winjootmoolnain, leh tah kakiyoowahpeyun nin ahwosaukumawh kakitmaulkalindwaukun. Yuch weengeh nahwahleik aleh pahtumwiyaink.

¶ Tpittahweh aindah leirseeing aindah mahwaweing nahwahlint Papmitoonhais wameh nesheid quelaunk.

AILWONTOOWEYUN wauk kaiktumaukailyun Watuchmelaing; nmahtahlookanauhum wauk dowhwahnenauhum winjeh Pahtumowausink tepiskahwewh aleh ahnohokoteit mamaik shukq; noosahmeh nahwundahmenain aeloowakeil nelewh danahnul; nmahchetoonanahnul peleik ktukkakeindwaukunul; mautah dindoowinain yool peishah aindoowaingoop, shuk dillahlookanain yool peishaum mah aindoowaingoop; aleh mah ahpehtaukoowaing muskuniswaukun. Shuk Kee, O Nalaulwayun, weengeh ktumaukailmenain neloon kacheh ktumaukowhseyaing; ktumaukailumneik neik O Katanehtooweyun aindah lahlahwalindahmoteit muttowhsoowaukunoowahwink; weengeh quachkoowhulneik lahlahwalindahmoteit; aindumuskun auptoon ahlut wameh matowhsecheik Christ Jesus Gekiyumnah. Wauk melenain, O kaiktumaukailyun Watuchmelaing, ailkeh qualehmut nun quesis; wainjeich nah tahlowhseyaing wlahtanumoowaukuning, wainjeich wewheenjootmaink nin peleik kiticheenzwaukun. Amen.

¶ Aleh poonalindahseik wameh muttowhsoowaukunul aleh mechetahseik winjeh Papimitoonhais shuk naikmah nepowhwoo linnahpawug nullowhwewh nesheidquelawug.

AILWONTOOWEYUN Pahtumowaus Watuchmelaing nalauleyaing Jesus Christ, mautah alalehmaukq dilleich bin matowhseit, shuk lah wtillalehmaun wtilleich quoluppelein winjeh muttowhsoowaukunink wauk pumowhselein; wauk melahwul pahtahweilsoonwaukun neal Papimitoonhaismul wauk waleik auhaheindwaukun wainjeich mecheirtowhwaut neal wtilnahpamul, wainjeich shewalindahmoweta-hateit, aleh ktinquoseteit wlalindahmoweh winjeh muttowhsoowaukunoowahwink. Pahtumowas weengitch poonelindahmahwaun wauk weengeh nelahpawhhanul wameh shachkahpaweweh shewalindongeik, wauk wailsittumoteit nin peleik wlahcheimwaukun. Ninnah wainjeh weenwahmaink ktillah ktumaukailmookqunain wlaumwawewh shewalingahmenain, wauk winjeh Peilsechiel Wchechaukwul, wainjieich wameh nelaundelaing alahlookiyaingweil yoon tahleh ninnitch wainjeh ahlauhremoweik pumowhsoowaukuninahnul wainjeich aupcheh peilseyaing wauk peilseyaing; wauk piyaing hulmewh wlalindahmoowaukuning leh Jesus Christ Nalaulquaing. Amen.

¶ Neik linnahpawug aleich nachkootmooteit aindah wequeirseing wameh neal pahpahtumwawaulvwriul nunneh lakitch, Amen.

¶ Nullitch neh Papimitoonhais nesheidquehrein waukitch wsein Nalaulwait Pahpahtumwawaukun kaunzheirsoowitch, neik linnahpawug wamitch nesheidquehrenook waukitch umba nulneh wtilleirsenawh qui wauk ahlowh tah likkeh aindah pahtumowhwaing.

NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch, lakitch aleh ta-hiyun yoon tahleh aukeeng ailkeh quelaig tahleh ahwosaukumawh. Melenain qui keishqueik wa taupwaun meyaink, wauk mewalindumowhwenain njunowhsoowaukuninahnul,ailkeh neloon mewalindumawhwaink neik chachunehlawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Ahloot kinnehlahtumin kekiyoowaukun wauk pahtahweilsoowaukun, wauk quelowhwailmooksoowaukun leh hulrnewh wauk aupcheh. Amen.

¶ Nullitch wauk neh Papimitoonhais oowitch.

O Nalaulwayun towhwenemowhwenain zhitoonahnul.
Nachkootmook. Wauk dooninnahnul nawhquotool ktilleh kanaumlenain.
Papimitoonhais. O Pahtumowaus weengeh kekahenain.
Nachkootmook. O Nalaulwayun shahweh we tauhamenain.

¶ Nullitch neh waim wnehpahwooltenawh nun Papimiloonhais oowitch,

Welahwuk nemoo Watuchmint, wauk Waqueesmint: wauk Peilseid Chechauk.
Nachkootmook. Alakoop nenootch wauk qui pacheh, waukitch lawh hulmewh lawh: wauk aindak wequehring yoon aukeh. Amen.

Papimitoonhais. Kaukanahmoo Nalaulquaing.
Nachkootmook. Nalaulquaing witisheenzwaukun kaukanahmahtook.

¶ Nullitch nin ein enach nachkoomaung yoon nachkoomwawaukun nahwundahseik.

Venite, exultemus domino.
Nachkoomwawaukun xcv.

O YOHAUK yuch weengeh nachkoomahwah towh Nalaulquaing: yuch weengeh wdaheweh wlalindahmotook nin leh muskuniswaukuning nun Pamowhsoohaulquaing.
Yuch pahtook alooquapeit nachpeh wlalindahmoowaukun: wauk metahtootowh hukkienahnul ktilleh wlalindahmoowahnain nachpeh nachkoomwawaukunul.
Nalaulwait kaunzheh Pahtumowauseit: wauk kaunzheh ailweh Kekiyumhait wameh ktaukahneil mahnitoowul.
Wauk naikmah wnachkink wanieh ahtawh yoon aukeh: wauk nin ailkeh muskunaik nin wahchewhwul wameh neik naikmah wnehlahtumin.
Wauk ketauhekun wnehlahtumin wauk queshetoon: wauk nin wnachkink oonjeh yoon keshaijpoohain yoon aukeh.
O yuch ahlookatahmoowahtook wauk kahwelahsetowh: wauk nesheedquetahwahtowh alooquapeit nalaulquaing Keshalehmooquaing.
Naikmah Nalaulquaing Kpahtumowaus: nah wauk wameh neal wtilnahpamul wtahlahwul nin waukanachhekuning, wauk neal mamaikshoomul wameh wnachkink ahpoowul.
Qui yoon keishqueik weengeh pindah nin quaunzheirsoowaukun Katanehtooweit chelaum muskahnakitch neal kdawah: ailkehquewh linmootetoop neik yoon tahlowhsetetoop wauk nin aindah keishqueka aindah ahquachehindoop nin tahleh lahwawh.
Aindah neik koowhahwingaukah ahquachecheteta shuk: wauk wnaminawaup neh dahlookawaukunul.
Naweenauka treh kahtinawh zaukeh nee shewalindahminuk yook ahahnekahwewh tahlowhsecheik nulneh wauk zeim: yook hah linnahpawug gumawh wtillahlookanawh nin mautah walalindahmoowaun tahleh wdawahwink, aleh mautah wawehtoteit nee windahquewh aleh wlalindahmaun.
Qui nmuskun auptoonain nmahnoonksoowaukuning: wainjeich mauhah peinjekateik tahlauhreimwaukuning.
Welahwuk nemoo Watuchmint, wauk Waqueesmint: wauk Peilseid Chechauk.
Alakoop nenootch wauk qui pacheh, waukitch lawh hulmewh lawh, wauk aindah: wequehring yoon aukeh. Amen.

¶ Nullitch nin aukeindahsoo wainjeich noostahseik shayahririk waindinaliseik nin Maerwheyiyeik Laikliekuning, wauk machieitch nullitch neh een enach nachkoomaung nin nachkoomwawaukun sheindahsoo.

Te Deum laudamus.

NELOON kaukanahmeloonah Kee O Katanehtooyaun: wauk neloon koolaumwawailmeloonah ktilleh Kee Nalaulwain.
Wauk wameh aukeeng ktahlookataukaim kee: hulmewh Watuchmookseyun.
Wauk kee wameh neik Angeluk kaunzhahlaumwetaukook: tahleh ahwosaukumawh wauk wameh nin pahtahweilsoowaukunul nah tahleh.
Wauk kee Cherubim wauk Seraphim: alitch gumawhweh kaunzhahlaumwetahquoneik,
Peilseyun, peilseyun, peilseyun: Nalaulwayun Katanehtooyun ahlauhreim waukuneyun.
Ahwosaukumawh wauk aukeeng wameh waichwahtowhwun wlalindahmoowaukun: wauk quelahwailmooksoowaukun.
Neik welahwailmooksecheik kdilnahpamuk neik Apostleug: wameh kaukanaumkook kee.
Wauk neik waleh wchoosindecheik neik Shashiawawhsetetoop: wameh kaukanaumkook kee.
Wauk neik wawillisecheik keshahtasecheik kdilnahpamuk: wameh kaukanaumkook kee.
Yoh peleik pahpahtumwawaukun wameh weengeh wawehtekail ailkehgoong aukeh: wainjeich wlistahquoneik kee.
Ktilleh Watuchmooksein: hulmewh wlahtanah-moowaukun.
Kee maerkelik, walaumwayooweit: wauk naikqteh Queesmut.
Wauk koolowhwewh nun Peilseid Chechauk: walehlahwakahseit.
Nullait hah Kee Kakiyun tahleh welahwailmooksoowaukuning: O Christ.
Nullait hah Kee hulmaukumeek Waqueesmookquon: Watuchmut.
Aindah hah Kee mishauleyaingwa ktillehaum nelahpawh-hahlaun yoon aindahlowhseit: mautah kaunwzhalinseweh ktillehauiii tahleh keshekein kaitmaukseit kekuchquawink.
Wauk aindah looweyunna wesaukumulsowewh nm boowaukun: eyahpitch queingeh tahwinmowhwahwuk kekiyoowaukun ahwosaukumawh wameh neik Wailsittongeik.
Qui hah Kee klumahtuppein nin tilna-hahwuning nun Katanehtooweit: nun welahwailmook-soowaukuning Watuchmut.
Wameh noalsittuminain ktilleich iyauskumawh: paun aleich aukineimyaing.
Neloon qui wainjeich pahpahtahmoolaing wechimneik ktahlookaukunug: aleik wauk nelah-pawhhahlut winjeh kpesheik kmokuming.
Leh wameh wainjeich wetaukeimkoosechiek weitch nalahlahcheil: hulmewh quelahwailmooksoowaukuning.
O Nalaulwayun saukeh neik kdilnahpamuk: wauk ktumaukalumneik wetakahquoneik.
Wauk weengeh tahpaul wameh: wauk ispin wameh hulmewh.
Keishqueik qui keishqueik: neloon welahwelehenain kee.
Wauk kaukanaumlenain kitisheenzwaukuning: aupcheh tahlewh.
Weengeh tahpahlenain O Nalaulwayun: qui keishqueik wainjeich muttowhsewaing.
O Nalaulwayun ktumaukailmenain: ktumaukailmenain.
O Nalaulwayun ktumaukalooweh keshahtakowhwenain: aleh naukahlelaing kee.
O Nalaulwayun kee aleh naukahlelun chelah: weirkah kpoonailmewin.

¶ Nullitch neh tileh aukeindahseik lahpeivh neshailniahkehrink ivaindinahseik nin Waiskehyahyeik Laikliekun, wauk nullitch nahtinnahseik nachkooniwaivaukun.

Jubilate Deo
Nachkoomwawaukun c.

O WEENGEH wlalindahmook leh Maulwatink wameh aintreh aukeeng ahpeyaig: saukehhoo weengeh Nalaulwait nachpeh wlalindahmoowaukun, wauk yohauk alooquapeit nachpeh kanaumwaukun.

Wauk weengeh miyahwalindahmook Nalaulwait naikmah Katanehtooweit: naikmah wauk keshekoonah wameh mautah keloonah; wameh naikmah wdilnahpamul, wauk neal mamaikshoomul ahpoowul waukanaukhekuning.

Onah loolteek nin wtisquaundanachkink nachpeh kanaumwaukun, wauk nin wekeit wecheh kanaumwaukun: weengeh wlalindahmowh naikmah, wauk weengeh adwillauptoonail nachpeh witisheenzwaukun.

Wauk aleh Nalaulwait wlaungoamquaing, naikmah kitmaukaloo leh hulmewh aupcheh wauk wlaumwayoowoo winjeh ahahnekahwewh keshekecheik ta wauk qui paich.

Welahwuk nemoo Watuchmint, wauk Waqueesmint: wauk Peilseid Chechauk.

Alakoop nenootch wauk qui pacheh waukitch lawh hulmewh lawh wauk aindah: wequehring yoon aukeh. Amen.

¶ Nullitch neh nachkoomaun enah een Apostles' Wailsittumoteit nun Papimitoonhais wauk neik linnahpawug nepahwooltoowugitch.

NOALSITTUMIN wtilleh ahpein Pahtumowaus Watuchmint kaunzeh ailkehqualehmookseit, ayilleh keshetoot wosaukumawh wauk aukeh. Wauk wah Jesus Christ Waqueseeng, Nalaulquaing, Peilseid Ochechaukwul keshekenooquok, wainjeh wah Mary keshekenaut, mautah weirkah wawehaukq linwul. Wauk ahyahwaindonk sakeh pamowhseit winjeh wah Pontius Pilate, wauk psahqueta-hoond wauk auptahmahlisoo, wauk qtowhwanaup leh boowaukuning. Naerheh keishqueka aumweep, wauk ispewh leh ahwosaukumawh, wauk oolehmahtuppein wtilna-hahwuning Pahtumowaus Watuchwheeng kaunzheh Ailwailmookseit: nullitch nin oonjeh yohaun wainjeich mahweh keshaukinehmaut neal pamowhsecheil wauk neal manehlahcheil. Noalsittumin wtilleh ahpein Peilseid Ochechauk wauk maischayaik pahpahtumwawaukun, wauk wtilleh ahwaultenawah neik nalaulkoosecheik, wauk mewalindahseik nin muttowhsoowaukun, wauk aumwewaukun leh wahtoowapeing, wauk hulmewh pumowhsoowaukun. Amen.

¶ Waukitch neal pahpahtumwawaukunul nahwundahsekeil wameitch neseidquehrenoog, nun Papimitoonhais shiawhwitch pindaukqsoo aleitch kaunzheirseit.

Nun Nalaulwait quehchawhkoowautch.

Nachkootmook. Wauk wechatillehnain kchechauk.
Papimitoonhais. Yuch pahtumowahtook.

Nalaulwayun ktumaukailmenain.
Christ ktumaukailmenain.
Nalaulwayun ktumaukailmenain.

¶ Nullitch nun Papimitoonhais wauk linnahpawug wsenewautch Nalaulwait Pahpahtumwawaukun nachpeh kaunzheirsoowewh.

NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch lakitch aleh ta-hiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwaun meyaink; wauk mewalindumowhwenain njunowhseewaukuninahnul, ailkeh neloon mewalindumawhwaink neik chachunelawh waimquaimgwiek. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.

¶ Nullitch nun Papimitoonhais nepowhwitch oowitch.

O Nalaulwayun nawhquetillehnain kitmaukalindwaukun.

Nachkootmook. Wauk weengeh melenain pumowhsoowaukun.
Papimitoonhais. O Nalaulwayun weengeh tahpaul nun Queen.
Nachkootmook. Wauk maingeh aukitmaukaleyun pindahwenain aindah winjehmelaing.
Papimitoonhais. Ahpehtahmowh Kpapimitoonhaismuck kshachkahpawaukun.
Nachkootmook. Wauk leh neik kee pepenahwahcheik linnahpawug.
Papimitoonhais. O Nalaulwayun saukeh kdilnahpamuck.
Nachkootmook. Wauk oolahpainsoohail neal nakahtumah weyaingweil.
Papimitoonhais. Melenain koolaungoondwaukun qui patowhseyaing, O Nalaulwayun.
Nachkootmook. Aleh mautahwain winjeh naukaikq nhukkienah, shuk Kee nhroo, O Pahtumowaus.
Papimitoonhais. O Pahtumowaus pelehenain danahuink.
Nachkootmook. Wauk chela nahtinnahweh Peilseid Kchechauk winjeh ndanahnink.

Nin neshailnekehrink Pahpahtumwaivaukun Wlahpainzwewh.

O KATANEHTOOWEYUN Kee apehyun keshetahwun wlahpaiswaukun wauk ahwaultoowaukuneyun keshetahwun hulmewh kekawaukun, ahwain nepahweit neloon ahwainakaulquon auskahmeh nelahpawhhaulkoosootch; wetauhamenain kee shawhsecheik nakaulquoneik winjeh wameh alaik katoonahlookquaingweik, ninnitch wainjeh neloon naukahtahmaing nin aquewh ksaukehwawaukuning wainjeich mauhahquetahmoowaing mateik pahtahweilsoowaukun winjeh ailwehindik Pamowhsoohaulquaing Gekiyumnah Jesus Christ. Amen.

Nin nahraelnikehrink Pahpahtumwawaukun Quitmaukalindwaukun.

O NALAULWAYUN ahwosaukumawh Watuchmelaing Ailwontooweyun wauk hulmewh Katanehtooweyun, kee aleh saukehtoowaukun winjeh paishweyaing winjeh akinnah nooeheh ta wauk qui pacheh yoon keishqueik; wauk weengeh saukeh henain winjeh nin kmuskuniswaukun; wauk wetauhamenain qui yoon keishqueik wainjeich mah mahtahrenoowaing nin alaik mut-towhsoowaukun, wauk dillehaum mah nahsekahmoonain wameh neal alakeil ahwaindahmoowaukunul; shuk wameh neal dahlookawaukuninah nooquah wameh geshelahlookanain neal alaukakeimyaingweil, wainjeich wauk aupcheh kongeh lahlookiyaing nin wlalindahmun ta nah pacheh alooquapeyun winjeh Jesus Christ Gekiyumnah. Amen.

O NALAULWAYUN ahwosaukumawh Watuchmelaing ailweh Kekiyun wameh kekiyuk wauk ailweh Nalaulwayun neik nalaulwacheik, naikqteh ahloowekahwaut wameh kekiyuk, apehyun quelahwailmooksoowaukuning panahwaut wameh aukeeng aindahlowhsecheik; nin wainjeh ahlooweh wda-heweh mamaindwahmelaing Kee winjeh quetauhaindwaukuning wainjeich penahquon Queen VICTORIA; wauk wainjeich wetauhamut ailwehlaik Peilseid Kchechaukwul wainjeich indik kee aleh wlalindahmun; wauk wainjeich meshining ahwosaukumawh kmeiltoowaukun; muskunisoohail wauk wainjeich quoneh pumowhseit muskunneh, wauk wainjeich wameh ahloowekahwaut katoonahlookeil; wauk leh waineich meshekunk hulmewh wlalindumoowaukun jeh Jesus Christ Nalaulquaing. Amen.

Pahpahtumwawauhrahlinjeik neik Ahautchmookause Wtummeminzmul.

AILWONTOOWEYUN Pahtumowausyun aleh moochkahweyaing winjeh koolehta-hawaukuning nweengeh matahwahtanahmowewh, weenwahmil Kee ktumaukail wauk nun Albert Edward Kekye Wales, wauk nun Princess Wales, wauk waim neik Ahaumiminsuck wauk neil Wetahwamahcheil; meil waim Peilseid Chechaukwul, mshinmotetitch nin Ahwosaukumawh kitmaukalindwaukun, meil wameh alaik wlahtanumoowaukun, wauk pashoo waim nin hulmewh kekiyoowaukuning winjeh Jesus Christ Nalaulquaing. Amen.

Pahpahtumwawauconul neik Papimitoonhaisuck wauk linnahpawug.

AILWONTOOWEYUN wauk hulmewh Pahtumowausyun Kee naikqteh aukaunzh ahlookiyun, neirnumowh Kakiyeit Papimitoonhaisminah wameh Papimitoonhasuk wauk wameh neik katailkeik muskunisoohail tahlookawaukunoowah wchechaukqueweh kitmaukalindwaukun; wauk wainjeich wlalindahmowaut Kee, wauk leh wainjeich mauta-hreing kitmaukalindwaukun. O Nalaulwayun wetauhaindah yoon oolaukineimkuswaukun nun waleh tahpaulquaingq wauk waleh lehquaing Jesus Christ. Amen.

O PAHTUMOWAUS Keshailmoowayun wauk waleh tahpahlut wameh ahwain, noondiyalinsweh queinwaumloonah nin ailkeh ktumaukailmut wameh ahwain, nin aleh wlalindahmun ktillehaum wainjeich wawehtooteit, kekawawaukun wlumulliswaukun wameh leh aquaukawecheik. Wainjeich ahlooweh pahpahtumwiyaing walehking tahlowhsoowaukuning wlistumwawaukuning, wainjeich wullehlaik winjeh wailseit Kchechaukoong, wainjeich wameh neik ayehteit noalsittum wainjeich saukahquonokoteit leh wlaumwawaukuning, wauk muskuninmoteit tpittowh wlaumwawehta-ha-waukun, wauk wlahpainzwaukuning wauk miyahweh shachkowhsoowaukuning. Qui wameh dillahnain kee Watuchmookseyun ailkeh willehindahwun wameh pacheh ahwlehnahmoo-waukuning apehcheik, wauk sahqualindahmoowaukuning paitch, wauk weengeh wlehlahwakowh wauk keka, wauk meil aleh ahyaundahmoteit nin wetauhaimkooswaukun, wainjeich meilquoseteit wlalindahmoowaukuning winjeh aleh ktinquoseteit winjeh wsahqualindahmoowaukunwahwink. Yoon qui wameh noonjootminain leh Jesusink. Amen.

AILWONTOOWEYUN Pahtumowausyun Watuchmikiyun wameh kaitmaukaleyun neloonah kaitmaukahlookaukuneyaing kmelilinain wameh noondiyalinzooweh wda-heweh kaukanaumwaukun winjeh wameh alaik koolehindwaukun wauk ailkeh ktumaukalooweh ahwaulyaing wauk wameh ahwain. Kitmaukailmenah kee keshailmeyaing, wauk waleh tahpaulyaing, wameh quiak leh yoon aindahlowhseyaing; wauk ailweh aukitmauk ailyun wainjeh nelahpawh-haulkooseyaing winjeh Nalaulquaing Jesus Christ, wauk ailsittahmaing, wauk wlahpainzoohaulkooswaukun, wainjeich meshinumaink welahwailmooksoowaukun. Wauk queinwaumlenain kee melenain wameh alaik kitmaukailwaukun wainjiech nawhquinmaing kaukanaumwaukun mauhah shuk winjeh doonahnink shukwitch msitchawh winjeh pumowhsoowaukuninahnink, koonjeh melilnain nhukkienah ktilleich ahlookatoolnain wauk dilleich tahlowhsenain mechewh alooquapeyun nin peilsoowaukuning wauk shachkowhsoowaukuning shekaunzh sakeh wahwahpunhrenaing, windahqueh leh Nalaulquaing Jesus Christink, ktilleich wechawhlenain wauk Peilseid Wchechauk winjeh wameh ahwilsittumwawaukuning wauk welahwailmooksoowaukuning leich aupcheh tahlewh. Amen.

Pahpahtumwawhrahlint St. Chrysostom.

AILWONTOOWEYUN Katanehtooweyun kee meilyaink qui kitmaukalindwaukun miyahweh alalehmeyaink wainjeich aum pahpahtumowhwiyaing kseem ahchah neezhwuk wauk aunhroowuk winjeh mahwaweteta ndisheenzwaukunink nmelahwugitch aleh winjootmowhweteit, qui lah lokail O Nalaulwayun yoon aleh ahyahdahmoteit wauk aleh winjootmoteit yook alokatahquoneik ninnitch wainjeh ahlooweahwahlut, melenain yoon tahleh aukeeng noonjeich wawehtoonain wlumwawaukun, wauk yoon aukeeng payaweik pumowhsoowaukun hulmewh. Amen.

2 Corinthians xiii.

QUITMAUKALINDWAUKUN Gekiyumnah Jesus Christ, wauk nin wtahwaultoowaukun Katanehtooweit, wauk nin oojosindwaukun nun Peilseid Wchechauk qui wetowhsoomenain wauk aupcheh tahlewh. Amen.

Project Canterbury