¶ Ne tsiyodahsawe ne Orhoekene Adereanayeant, ne Ratsihustatsy eahaweanahnotouh roweanakareny oddyake uskat neteas issi noewe ne niyorihwesoesah ne Kaghyadouhseradokeaghlike yotdaghgwea: neoni ethone nea ne eahearouh tsinahoteali ne oghnakea noekady kaghyadouh ne wadouh niyorihwesoesah.

NE onea ne rorihwaneraaxkouh dushatkarhadeny ne raorihwaneraaxhera ne tsinihatyerhagwe, neoni egh neahayere tsinitkarihwayery neoni attagwarihsyouhtshera, ethone eahayadanoesdate eayoenheke ne raodoenhets.
Kadoederese ne agwaderighwadewahtoeserah, neoni akheadouh tyutkouh yekayea akerighwaneraaxherah.
Satkouhsahset tsiwakerighwanerea, neoni sasaghdont akerighwaneraaxheragwekouh.
Ne adadawy Niyoh naah tekanikouhryakouh: teyotyakouh neoni tsiyakaweryahsanetskha, O Niyoh yagh thaaskeaghroenyane.
Sewadaderyaghsaratsyoekoh neoni yaghtea ne sewanenah, neoni toesasewatkarhadeny Royanerne Sewaniyoh: ikea readearas neoni ronideareskouh, rooikoekatste, neoni kowaneah thorihwayery, neoni shadatrewahtha ne wahetkeake.
Ne Royaner ne Oegwaniyoh raowenk eanidearegfatshera neoni adaderighiwiyosteany, sane eghtshidewanokarouhs: yagh teyoegwathoedadouh eghtsidewaweanoetyouh ne raoweanah ne Royaner ne Oegwaniyoh, ne egh niyayoegwenouh tsinihorihoteah ne oegwaheatouh shoegwayeany.
O Sayaner, takgwadakoh, neok sayaghdorehtsherakouh; yagh sanagweaghtsherakouh, oewa eas neane egh yeaskyathewe ne usgwaghtoede.
Sewadatrewat; ikea ne kayanertsherah ne karouhyake kea ok etho.
Eakatketskoh, neoni rakenighneha eakeghte, neoni eahiyeahahse, Rakeny kerighwaneraakteany karouhyake, neoni ne saheadouh, neoni yagh ne shadetsyahkenah nayoekenadouhgweh iese takyeaah.
Toghsa ayoedahweyate ne katsyeahayeaghtsherakouh ne shenhase, O Sayaner; ikea tsiteskanere ya,gh ounghka ne oegweh teyakoenhe ne ayakoderighwagwarihsyouh.
Tokah aedeweahrouh yagh teyoegwarighwaneraaxherayeah, eadewadadehnikoerhatea, neoni ne tokeaske yagh tewat ne oekyoehahtsherakouh; Nok neonea oegwarighwaneraaxherah enegh eatyoeny, thorighwayery ne Niyoh roderighwagwarihsyouh easeghshoegwarihwiyostea ne oegwarighwaneraaxherahokouh, neoni easeghshoegwanoharehse oegwaderighwadewaghtoetsheragwekouh.

Yoedatretsyaroetha.

Agwagh gwanorouhgwha tewadadekeaokoeha, ne kaghyadouhseradokeahty yoekyoryanerouhs ne tsiok noewe ne aedewadoeterene neoni enegh aetyoeny tsiniyoghnanetarryouh ne oegwarighwaneraaxheraokouh neoni oegwaderighwatewahtoetshera; neoni nene yagh teyoegwadaghsehtouh neteas nayoegwarahke raoheadouh tsirakouhsoete ne Rashatsteaghseragwekouh Niyoh ne shoegwaniha karouhyake; nok tsiaedewadoeterene eghtake aetewadadoeny, ayoegwanikouhreadeahthene, neoni aedewadeweanarahgwe ne oegweryane; ne tsiyaoedoktea ne aedwayena ne aoesaghshoegwarihwiyosteah ne shakat ne kowanaghtsihouh tsinihoyanere neoni tsinihonideareskouh. Neoni sane tyutkouh tsioknoewe ayoegwadadoeneaghtouh aedewadoederesheke ne oegwarighwaneraaxheraokouh raoheatouh ne Niyoh, nok seaha kady nea egh neayoegwayereah, neonea eayoegwatkeanisouhoehake uskahne, ne aoederighwahdeaty ne datshidewanouhweratouh tsiniwatsheanoenyaghserowaneah tewayenas nene raouhha rasnoeke, ne aedewaderighwahteatyete ne atshidewaneatouh, aedewaroeke ne raoweanadokeaghty, neoni atshidewarighwanoetoese tsinahoteashouh teyodouhweatsyohouh, shadeyouht ne oyerouhtake neoni ne adoenhetsne. Ne wakarihoeny wagwadereanayeahase neoni wagweanideaghtea, tsinitsyouh ne keagh noewe, ne aedewe ayoegweryaghsiyohake, neoni ayoegwaweaneadeaghtoehake, tsinoewe tk'anakte ne karouhyake ne eanideareghtshera tyoekeweanaseret niih:

¶ Tyogwektouh yoedoederesdaghgwha ieweagh ne keatyoghgwagwekouh eathoewaweanaghserehte ne Ratsihustatsy, agwekouh deayoedontshotea.

Seshatsteaghseragwekouh neoni seanideareghtsherpwanea Raniha; Teyagwaderyeadawearyes neoni yoegwathaharagwaghtha tsisahate tsiniyouht yodiyadaghtoeouh teyodinakaroetoeha. Esotsy wagwaghnoederatyehte tsiniyoegwanikouhrotea neoni tsinikanoshas ne oegweryane. Yoegwakeaghradaniouh ne sarighwadokeaghtiokouh. Yoegwearouh ne yagh egh teyoegwayereah tsinahotea nene egh nayoegwayereah; Neoni ne egh niyoegwayereah tsinahotea nene yagh egh thayoegwayereah: Neoni yagh teyoegwadakarite ne oekyouhhatsherakouh. Nok iese, O Sayaner, aasgweadeare, yagwayesaghse akearouh yagwadouhs. Sheyadanoesdat, O Niyoh, ne yoedoedereghse ne akon hightsherah. Sasheyerits nene yakonikoeraneaghse; Tsiniyouht tsisarharatstouh yoedatrory ne oegwehokoekeh ne Jesus Christsherakouh ne Shoegwayaner. Neoni takyouh, O seanideareghtsherowanea Raniha, ne raouhha raorihoenyat, Nene oekyouhha ne keagh yaoedaghsawea tsiayakyoenheke ayoegwarighwiyostoehake, ayoegwaderighwagwarisyoehake, neoni ayakyoenhiyohake, Nene oeweseaghtshera ne Saghseanadokeaghty. Amen.

¶ Ne Tsyoedaderighwiyosteanitha ne karighwaneraaxheraokouh ne eahearouh yadehayady ok ne Ratsihustatsy eahadahke; ne Oegwehokouh teayakontskotahke.

Rashatsteaghseragwekouh Niyoh, ne Roniha shoegwayaner Jesus Christ, yagh thadehodoeweatsyony ne raweaheyat ne rorighwaneraaxkouh, nok rodoedaghgwany ne taoesahatkarhadeny ne raorighwaneraaxhera, neoni aroenheke; neoni shakoshatsteaghserawy neoni shakorighoedany ne Raotsihustaokouh, ne ashakodighrory neoni ashakonadatyase ne Raoegweda, ne ayakonikoeranea neoni Aoesayakodenghwiyostahgwea ne akorighwaneraaxhera: Easeshakorighwiyostea agwekouh tsiniy akouh nene tokeaske eatsyoedatrewaghte, neoni orighwiyohoewe eatyakeghtagwe ne Orighwadokeaghty. Ne wahoeny kinyoh eghtshideweanide aghtea ne ashoekyouh ne tokeaske aoesedewadatrewaghte, neoni ne Raonikouhradokeaghty, nene tsinahoteashouh ne aoedaghtshidewahnikouhrayerite, nenahotea tsinedewayere ne oewa neoni ne tsineawe shekouh eatyoenheke ne oghnakeahke, ayoegwayadadokeaghtihake, ne tsioghnakeahke yaedewawe ne raouhhake tsiniyeaheawe yayoegwadoenharake, raorihoenyat Jesus Christ shoegwayaner. Amen.

¶ Ne Oegwehokouh eatyerighwaserakoh ne keatho, neoni tsiyodoktennyouh agwekouh ne oddyakeshouh ne Adereanayeanthokouh, Amen.

¶ Ethone are ne Ratsihustatsy teahadontshotea, neoni eahadereanayea ne Royaner Raodereanayeant eayoghroekatouh ne raoweana; ne Oegwehokouh teayakontshotoeke, neoni eathoewaweanaghserehte, keatho neoni tsioknoewe neane eayontste ne tsinikariwes tsieayoedereanayeah.

Shoegwaniha Karouhyakouh teghsiderouh, Wagwaghseanadokeaghdiste; Sayanertsherah aoedaweghte; Tsineaghsereh egh neayaweane ne oughweatsyake tsioni nityouht ne Karouhyakouh. Takyouh ne keagh weghniserate ne niyadeweghniserake oegwanadarok: Neoni toedagwarighwiyostea ne tsiniyoegwatswatouh, teiniyouht ne oekyouhha tsitsyakhirighwiyosteanis ne waonkhiyatswatea. Neoni toghsa tagwaghsharinet tewadadeanakeraghtoeke: Nok toedagwayadakoh tsinoewe niyodaxheah: Ikea iese saweank ne kayanertsherah, neoni ne kashatsteaghsera, neoni ne weseaghtshera, tsiniyeaheawe neoni tsiniyeaheawe. Amen.

¶ Ethone nea eahearouh.

Ratsi. O Sayaner, senhotoekoh ne agwaghsene.
Eatye. Neoni ne tsiyagwaghsakaroete ayokeadane saneadouhtsherah.
Ratsi. O Niyoh, tesastenhea tagwayadanoesdat.
Eatye. O Sayaner, tesasterihea tagwayenawahs.

¶ Keatho agwekouh teatsyedahne, ne Ratsihustatsy eahearouh,

Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Eatye. Tsiniyoghtoene ne adaghsawahtsherakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.
Ratsi. Eghtshisewaneadouh ne Royaner.
Eatye. Ne Royaner raoghseana wakoewaneadouh.

O KASENE teghtshitewarighwahgwas ne Royaner: oegweryane tewadoenhareagh ne kashatsteaghserakouh ne oegwadusheanyeghtsherah.
Egh yetewe raoheadouh tsirakouhaoete tewadoereah: neoni wenen ne oekyouhha yoegwatsheanoenihak ne raouhhake ne Teyerighwahgwathaokouh.
Ikea ne Royaner Raniyohserowanea: neoni Rakorahtsherowaneah enekea rodohetstaghgwea agwekouh ne niyohokouh.
Ne raouhha rasnouhsakouh agwekouh tsiyodouhweatsyoktanihouh: neoni kaghshatsteahsera ne tsiyouhnyaroenyouh raouhha raoweank.
Ne kanyataraghkehkowah raouhha raoweank, neoni raouhha raoenissouh: neoni ne rasnoeke ne yodearharatouh ne aoeweatsyatheahke.
O kasene, eghtshidewaneatouh, neoni eghtake tewatyadoedy: tedewadontshotea raoheadouh ne Royaner ne Shoegwayadissouh.
Ikea raouhhase ne Royaner ne Oegwaniyoh: neoni ne oekyouhha ne tyoegwe ne raoheahdake, neoni ne teyodinakaroedoeha raouhha rasnoeke.
Ne keaweade eaghtshisewaweanaroeke, toghsa sewadaderyaghsahnirat: ne atshisewanahkoeny, neoni tsiniyouht ne eghniserakouh ne karaghyadahgwea ne karhakouh;
Neonea ne yetshighnihokouhkeaha shaoekeraghyadahgwe: waoegwadenyeatea, neoni wahontkatho ne akyoghdeasera.
Kayery niyoseraghshea tsinikariwes yoekenikouhranoewaktha ne keagh kaghnegwahsate, neoni wakirouh: Ne roenoegwehokouh tehoederyeaghtawearyes ne raoneryaghsakouh, ikea yagh tehadiyeadery ne akhahaokouh.
Ne ronouhhake wakerighwahniradouh ne akenaghgwheaserakouh: nene yagh thiyahoedaweyate ne agwadorisheaghtsherakouh.
Oeweseaghtakshera naah ne Raniha, neoni ne Ronwaye neoni ne Ronigoughriyughstouh.
Eatye. Tsiniyoghtoene ne adaghsawahts herakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

¶ Ethone ne eakoewaweanaghnotouh eayoghroekadouh ne tyotyereaghtouh Teyoedaderaghteanitha eakaraarwea ne Akayouh Kaghyadouhseradokeahtike.--Neoni tsioghnakea neanehe oneagh noewa nene koewayats Te Deum Laudamus, tsiniyadeweghniserake ne oghser agwekouh.

Te Deum Laudamus.

Wagwaneadouh, O Niyoh: yagwadoederese iese ne Sayaner.
Oughweatsyagwekouh yeseanideaghtase: Raniha ne tsiniyeaheawe.
Ne ieseke agwekouh ne karouhyakeronouhokouh radiweanote rodiweadet: ne karouhyakehokouh, neoni agwekouh tsinikashatsteaghserayea netho.
Ne ieseke ne Cherubim neoni Seraphim: ok yekakouhte radiweanote.
3ayadadokeaghty, sayadadokeaghty, sayadadokeaghty: Sayaner Niyoh ne Keatyoghkowaneahokoun.
Karouhyake neoni oughweatsyake thitkahere yotkoenyeaskowah: ne soeweseaghtshera.
Ne oeweseaghtshera raodityoghgwake ne Rodiyadftdokeaghtiokouh (Apostles:) yesaneadouhs ne iese.
Ne tsinibotityoghgwiyoh ne Oheadouh yehadiriwakeas: yesaneadouhs ne iese.
Ne tsiniyotkoenyeast tsitehodinearate ne karighwiyostak roewadiryoghtouh: yesaneadouhs ne iese.
Ne Onouhsadokeaghtike teyaouhweatsyawerhouh: yesayeaderistha ne iese;
Ne Raniha: ne Rayadanorouhkowah; Saneadouhtshera, tokeaske: neoni neok yekeaha
Eghtsyeaha;
Nokoni ne Onikouhradokeaghty; ne Roewesaghtha.
Iese ne Koraghkowah ne Oeweaseagntshera: O Christ;
Iese ne tsiniyeaheawe layeaah: ne Raniha.
Neonea shadeghsadadegwase ne aoesaghsheyadalohneoegwe; yagh tesasweaouh ne kawinouh kanegweadakouh:
Neonea shaghsadeasheany ne keaheyatsheranoewakte: ethone shenhodoegweany ne kayanertshera ne karouhyake agwekouh ne tyakaweghtakouh.
Iese yeseghsiterouh tsiraweyeadeghtahkouh rasnoeke ne Niyoh: raoeweseaghserakouh ne Raniha.
Tyoegweghtahkouh nene teateghse: ne Easgwatsyeahayea.
Ne wahoeny wagwadereanayeahase, sheyenawas ne shenhaseokouh: tsiniyakouh ne sheyadagwaghtouh ne sanegweaghsanorouh.
Ne yadesheyest ne Rodiyadadokeaghtiokouh: ne tsiniyeaheawe oeweseaghtsherakouh.
O Sayaner sheyadanouhsdat ne soegweda: neoni sheyadaderist ne saragweah.
Sherighwakanoenyea: neoni sheyadakaradat ne tsiniyeaheawe.
Niyadeweghniserake ne riiyadeweghniserake: gwakowanaghtha.
Neoni yagwaneadouhs ne Saghseana: tsiniyeaheawe tsiyouhweatsyate yagh thiyaoedoktea.
Takyouh, O Sayaner: tagwadeweyeadouh ne keagh weghniserate ne yagh thayagwarighwanerake.
Tagweadearhek, O Sayaner: tagweadearhek.
O Sayaner, seanideareghtshera tayoegwaswathedea: tsiyoegwadeweanotaghkouh ne iesetsherakouh.
O Sayaner, iesetsherakouh wakadeweanodaghkouh: kinyoh yagh noeweadouh thiyakadehea.

¶ Ethone nea ne eakoewaweanaghnotouh ne Tekenihadont Teyoedaderaghteanitha ne Ase Teakweaneadaouh: neani tsighnakea onea nene kea iekea tsyodaghsawe: tsiniyore tokat ne yeakayerihte ne eakoewaweanaghnotouh ne chapter ne keaweate aoweank, neteas ne Orighwadokeahty ne St. John Baptist's Raodehnisera.

St. Luke 1. 68.

Rodaskats nane Royaner Niyoh ne Israel: ikea shakonadaghrenawy neoni shakoyadagweah ne raoegweda;
Neoni roketsgweagh ne kashatste ne adeadsheanyeghtshera ne oekyouhhake: ne raonouhsakouh ne ronhase David;
Ase egh niyouht tsirodady tsiradighsakaroete ne Raoegwedadoikeaghtiokouh: nenahotea tsinahe tyodaghsawe shiyouhweatsyate;
Nene areah aetewakoh tsinoewe niyoukhisweaghse: neoni ne radisnoeke agwekouh nene yonkhisweaghse;
Ne aoederighwahdeaty ne eanideareghtshera tsinighshakorharatsteany ne yethinihokouhkeaha: neoni reyaghre ne raorighwisaaghtsheradokeaghty;
Ne aoderighwahdeaty tsinihorihwahniradouh raouhhake eghsthidewahnikeaha Agwereant: nene eashoekyouh;
Nene aoesedewadatewcaniyohne ne radisnoeke ne yonkhisweaghse: atshidewayoghtease raouhha yagh thayotterouhgwea;
Oyadadokeaghtitsherakouh neoni aterighwagwarihsyouhsera raoheadouh: eghniseragwekouh tsineawe eatyoenheke.
Neoni iese, Sexaah, eayesanadouhgwe ne oheadouh yehariwakeas ne Enekeaghtsy: ikea egh niyeaheaghse raoheadouh tsirakouhsoete ne Royaner ne easadearharate ne raohahaokouh;
Ne eaghsheyouh ne eayakoderyeatarane ne adusheanyeghtshera ne raoegweta: ikea ne eatsyakoderighwiyostahgwea ne akorighwaneraaxhera,
Nene tsinihonidearouh ne Oegwaniyoh: wahoeny tyodoeniouh ne keahweade ne enekeaghtsy ne eayoegwanadahrenase;
Ne tayakoghswathedea ne akaouhha nene aghsadakouh yeterouh, neoni ne tsiyodaghsatare ne keaheyouh: neoni ne ayoghsharine ne tewaghsike tsiyohadatye ne kayanerea.
Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Eatye. Tsiniyoghtoene ne adaghsawahtsherakouh, egh niyouht noewa, neoni tyutkouh ne eak·eahake: tsiyouhweatsyate yagh thiyaoedoktea. Amen.

Neteas keaiekea Teharighwagwatha. Jubilate Deo, Psal. 100.

O Sewadoenharea ne Royanertsherakouh, agwekouh tsitsyouhweatsyadennyouh: eghtshisewayodeas ne Royaner ne yotsheanoenyahdoehak, nepni kasene raoheadouh tsirakouhsoete taesewariwahgwe.
Orighwiyoh sewadadoenyea nene Roy aner ra ouhha nekea ne Niyoh: raouhha ne kea nene shoegwayahdissouh, neoni yagh thiyadedewayady: raouhha raoegweda ne oekyouhha neoni ne teyodmakaroetoeha raoheadake.
O egh niyahasewegh sewadaweyat tsirodeaeahrakaroete sewadoereagh, neoni ne raonouhsakouh sewaneadouh: tesewadeanouhweratouh raouhhake, neoni yoyanere sewadahtyas ne raoghseana.
Ikea ne Royaner readearas, raonideareghtshera ne tsiniyeaheawe: neoni ne ratokeasketshera eawadatye ne oghnegwahsa tsiwakaghnegwahsadatye.
Oeweseaghtakshera naah ne Raniha, neoni ne Ronwayea: neoni ne Onikouhradokeaghty.
Eatye. Tsiniyoghtoene ne adaghsawahtsherakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

¶ Ne Tekeny skarighware ne Ratsihustatsy neoni ne oegwehokouh eayekeanyatake.

Tewakeghtahkouh Niyohtsherakouh ne Raniha ne Agwekouh thihashatste, Raoenissouh ne karoeya neoni oughweatsya:
Neoni Jesus Christsherakouh neok yekeaha Royeaah Shoegwayaner; Thoyeaghtahkouh ne Onikouhradokeaghtike, Rodoeny ne yagh tekanaghgwayeadery Wary, Rorouhyakeatouh Pontius Pilate, Tehoewayeadanhare, raweaheyouh, neoni roewawayadat; Onakouh rawenouhtouh ne oneghsheah; Ne aghseahadont niweghniserake nishotketssiraweaheyouhne, Shotharadadouh karouhshawenouhtouh, Neoni yesheaderouh tsirawreyeadeghtahkouh rasnoeke ne Niyoh ne Raniha ne Agwekouh thihashatste; Egh dunthayeagh tahgwe nea deantre deadeghshakotsyeahayeahne ne eayakoenhenyoeke neoni ne yakoweadaserouh.
Tewakeghtahkouh ne Onikouhradokeaghtitsherakouh: Ne yeyogwetktouh Onouhsadokeaghty; Ne Tsitehodinearategh ne Rodiyadadokeaghtiokouh; Ne eatsyoedaderighwiyostea ne Karighwaneraaxheraokouh; Ne eatsyontketskoh ne Eyerouhke, Neoni ne tsiniyeaheawe eayakoenheke. Amen.

¶ Neoni tsighnakea nene, keaiekea Adereanayeant duskyadaghsoeterea agwekouh teayoedontshotea: ne Ratsihustasy eadewatyereaghte eathadady eahoweanakarenihake;

Ratsi. Ne Royaner yadesawatyest.
Eatye. Neoni yateyagwatyest ne sanihouhra.

Ratsihustatsy.

¶ Dewadereanayea.

Sayaner, tagweadearhek.
Christ, tagweadearhek.
Sayaner tagweadearhek.

¶ Ethone ne Ratsihuslatsy, Tehadirighwawearouhs, neoni Oegwehokouh eahoedereanayea ne Royaner Raodereanayeant eahodiweanakarehnihake.

Shoegwaniha Karouhyakouh teghsiderouh, Wagwaghseanadokeaghdiste; Sayanertsherah aoedaweghte; Tsineaghseroh egh neayaweane ne oughweatyake tsioni nityouht ne Karouhyakouh. Takyouh ne keagh weghniserate ne niyadeweghniserake oegwanadarok: Neoni toedagwarighwiyostea ne tsiniyoegwatswatouh, tsiniyouht ne oekyouhha tsit

 

 

 

Project Canterbury