¶ Ne Tyothoewisea, ne watokea tsinahe Tyowirayeataouh, nea easeioa daweyaie ne Onouhsadokeaghtike eayodadaghgweanyagwadagwea neoni egh deawadontshotea tsinoewe niwatesheaniyoh, tsiniyouht ne tsinoedayeweyeanodeahatye, neteas tsineayakoteweyeanoenyea ne Arighwawakhoene: Neoni ethone ne Ratsihustatsy eahearouh ne aouhhake,

IKEA tsinikouh tsinoedahaweryeatiyoh ne Agwekouh thihashatste Niyoh ne tsinihoyanere wayouh ne skeanea thateghsatoekoghte, neoni waghyayadanouhsdate tsinikowanea teyoteryeatharak ne waoedadatewetouh Exaah; ne wahoeny seryane eghtshatoerea ne Niyoh, neoni eaghsirouh,

Eahinorouhgwhake ne Royaner, ne wahoeny tsiwaharoeke ne akeweana neoni ne agwadereanayeant.
Ne wahoeny tsiwahagwatahouhsadatshe, ne eakarihoeny Eahirouhyeaharhake raouhha tsineawe eakoenheke.
Ne tsitewaskote ne keaheyouh ne tewakaghgwadasehtoene: neoni ne tsiniyorouhyakeant ne oneghshea ne wakatyenawastoene.
Waketsheary teyonikoerharat neoni yonikouhraxhat, ethone nea wakerouhyeahare ne Raoghseana ne Royaner: O Sayaner, Wakoeyeanideaghtea, tesatoekoghtak ne agwadoenhets.
Readearas naah ne Royaner, neoni roterighwagwarighsyouh: etho ne Oegwaniyoh ronideareghtsherananonh.
Ne Royaner shakoyadanouhsdats ne tyakodeanikoerokte: Kayese katoesgwe, neoni raouhha wahakyatakenha.
Egh sasatkareaghragwat tsinoewe ne satorisheatshera, O agwadoenhets: ikea ne Royaner waghyatsheanoenyataghgwea.
Neoni oghniyotyerea? ikea toesaghsadoekohtagwe ne agwadoenhets tsikeaheyouh: k'kaghteke tsitewackaghserahriouh, neoni ne kaghsike ne ayoryeneaouh.
Egh eakaghdeady raoheatouh ne Royaner: ne tsiwatouhweatsyate ne yakoenhenyouh.
Tewakeghtahkouh, ne karihoeny untkeweaninekeane; yahoegwakdate ne kowanea tewateryeatakariouh: Wakirouh ne karokteghkeaha thakoeny, Agwekouh ne oegwehokouh yakonoweaghse.
Ogh niwatsheanoenyaghserotea yeahiyouh ne Royaner: ne agwekouh tsinoetahakerighwayeritshe ne raouhha?
Eakyena ne cup ne adusheanyeghtshera: neoni yeakerouhyeahare ne Raoghseana ne Royaner.
Unckaryake ne tsiniwakeweaneataouh noewa tsiteayekaghneroenyoeke agwekouh ne raoegweda: ne raonouhsakouh ne Royaner, etho shatewaghseanea ne iese, O Jerusalem, Roneadont ne Royaner.
Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Tsiniyoghtoene ne adaghsawahtsherakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

Tokah yagh Royaner theahaoenike ne tsikanouhsote: neok ne atkaroenyat ne raodiyoteaghsera ne tsirodinouhsoeny.
Tokah yagh Royaner theahanikoerarake ne tsikanatayea: ok oriwakouh tsironatyewate ne radinatanouhne.
Neok ne atkaroenyat ne sewayoteaghsera nene kasteriheaoeke thaoneane nok easewatketskoh, neoni oghnakea nea niyeasewatorishea, neoni easewake ne kanadarok sewanikoerare: ikea egh seh niyouht tsishakowis ne shakonorouhgwha akosereaghtake.
Tsyatkaghtho, exhaokoeah neoni ne eakaneahoetea neatewe ne akonegweatakouh: nene adadawy neoni t'kayeaghtahgwha ne Royanerne.
Ne teskyatyerea ne kayeagwireokouh ne rasnouhsakouh ne rashatste ne roegwe: etho oni niyouht ne nityakoyoesa ne exhaokoeah,
Yodoenharak naah ne roegwe nene rahawe kananouh ne rayeagwiraraghgwha; yagh teyawet ahoetehea, nok eateghshakonadatyahse ne roewadisweaghse ne tsiyoteaeaghrakaroete.
Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Tsiniyoghtoene ne adaghsawahtsherakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

Sayaner, tagweadearhek.
Christ, tagweadearhek.
Sayaner, tagweadearhek.

Shoegwaniha Karouhyakouh teghsiderouh, Wagwaghseanadokeaghdiste; Sayanertsherah aoedaweghte; Tsineaghsereh egh neayaweane ne oughweatsyake tsioni nityouht ne Karouhyakouh. Takyouh ne keagh weghniserate ne niyadeweghniserake oegwanadarQk: Neoni toedagwarighwiyostea ne tsiniyoegwatswatouh, tsiniyouht ne oekyouhha tsitsyakhirighwiyosteanis ne waonkhiyatswatea. Neoni toghsa tagwagsharinet tewadadeanakeraghtoeke; Nok toedagwayadakoh tsinoewe niyodaxheah: Ikea iese saweank ne kayanertsherah, neoni ne kashatsteaghsera, neoni ne oeweseaghtshera, tsiniyeaheawe neoni tsiniyeaheawe. Amen.

Ratsi. O Sayaner, tsyadanouhsdat keaiekea tyothoewisea senhase.
Eatye. Ne aouhha egh yoteweanotaghkouh ne iesetsherakouh.
Ratsi. Ne keahak ne iese ne aouhhake ne yonouhsaghnirouh kashatsteak;
Eatye. Tsinoewe nihadikouhsoete ne koewasweaghse.
Ratsi. Sayaner, tagwadahouhsadats ne oegwadereanayeant.
Eatye. Neoni kinyoh yeyagwaweananiharan ne ieseke.

O Seshatsteaghseragwekouh Niyoh, yahgwayouh wagweanideaghte watgwanouhweratouh nene tsinoedaghsenoewene wateghsatoekohtagwe keaiekea tyothoewisea senhase ne tsinikarouhyakeaghserowanea neoni teyoteryeaghthara waghkakea tsiwaoenakerate ne Exaah; Takyouh, wagweanideaghtea, seanideareghtsherananouh Raniha, nene aouhha, ne aorihoenyat ne sayenawatshera, wahoeny tetsyarouh aoetayaweghtahkoehake tsiayoenheke, neoni ne ayoyaneahawy ne tsiayoghdcatyoehatye ne tsinisarihotea, ne keatho oughwake tsiyoenhe; nok oni yakayataraghne ne tsiniyeaheawe ne soeweseaghtshera ne tsiyeatsyakoenheke ne tawe; ne raorihoenyat Jesus Christ Shoegwayaner. Amen.

Project Canterbury