¶ Keagh noewe neawadeanilcoerarake nene Tsinikaghsaeany ne keakayea yagh ne thaayoetste ne yagh teyakotnekosserhouh tsieayaieheye, keteas kayea ne yoedatyaghlohtarhouh, neteas ne ok akaouhha esnoeke waoedataghtoetahgwe.

¶ Ne Ratsihustatsy neoni Tehadirighwawearouhs egh teahoeterane ne Aweaheyoeta tsiyoedaweyadaghgwha ne Onouhsadokeaghtike tsiwadeaearote, neoni oheatouh eahouhdeady, ok thikaweaniyoh kah noekady niyeahoene Onouhsadokeaghtitsherakouh, neteas tsinoekady Yoedatyadadaastha,

IIH ne sewakatketsgwea neoni ne koenhe, ratouh ne Royaner: raouhha nene thaweghtahkouh ne iihtsherakoah, saetho eahaweaheyouh, nok shekouh eashadoenhete: neoni oughkakiok roenhe neoni thaweghtahkonh ne iihtsherakouh yagh noeweatouh thareaheye. St. John xi. 25, 26.

Wakaderyeatare ne Raknereaghsyouh roenhe, neoni nene raouhha ealiadake oteghniseroktaghgweake ne oughweatsyake. Neoni saetho neane kighnakske otsinowa eayodirighweanthouh keaiekea eyeroeda, nok shekouh ne akewaghroene eashiyat* kaghtho ne Niyoh: tsieahiyatkaghtho, ne raouhha yatekyady, neoni ackaghteke eawatkaghtho, neoni yaghtea ne thikate. Job xix. 25, 26, 27.

Yagh othenouh teyoegwahe ne keatho tsiyouhweatsyate, neoni kadokeaghtsihouh tsi yagh othenouh thaoesetewayakeawe. Ne Royaner shakowy, neoni ne Royaner sashakogwaghse; yodaskats ne Raoghseana ne Royaner. 1 Tim. vi. 7. Job i. 21.

Wakirouh, eakadeanikoerarea ne tsiwakhatennyouh: nene yagh ne thaoekenhitea ne keanaghsake.
Eakenikoerarake ne tsixhakaroete ne tsiniyoqht ne akenigwekouh ne waderistanhoetaas: tsinane ne yagh teyakorighwiyostouh tekhekanere.
Thatewakadote ne keanaghsake, neoni yagh othenouh thakirouh: Sahk wakadadoeny, etho, shekouh nene kaweaniyohse; nok yorouhyakeaqt neoni yonikoqhranoewakt ne iihne.
Agweryane tyoghtariheas ne iihtsherakouh, neoni tsinahe ne keanouhtoenyouh ne otsire toetekaghte: neoni ne nea yeskakoete nea takadady ne keanaghsake;
Sayaner, kinyoh wakaderyeatarak ne tsiyeawakatokthaghse, neoni ne tsiniwakeghniserake: none aoekenikouhrayeataouh to neawe eakoepheke.
Satkaghtho, tsinisontstouh ne tsiwakateghniseratennyouh tsiniyouht neok ne tsinateyesnouhsesouhse: neoni tsinitewakyea shateyouht ne yagh Othenouh ne taoeterea ne ieseke; neoni origtiwihiyooewe tsiniyateyoegwetake ne yakoenhe tyogwektouh thiyeyonoweaghtouh.
Ikea ne roegwe tsiroghdeatyoehatye thiyeyonoweaghtouh neok ne yodaghsatare, neoni tehodatenikoerhare yatehayady thiyeyonoweaghtouh: reaghtoeyoeny atshokowaghsera, neoni yagh thahagweny ahatrory oughka eyeroroke.
Neoni noewa, Sayaner, nahotea eawakerhareke: orighwiyooewe egh ok noewe eawakerhareghgwatouh iesetsherakouh.
Toetakyadoetakoh agwekouh ne akerighwaneraaxherake: neoni toghsa ne takoenyatea ne keateghsera aonckoenadaghgwe.
Wakateweanagweke, neoni yagh tesewadunhodoegwas ne tsixhakaroete: ikea iese egh naghsyere.
Erea takhawightas ne sanradarineghtsbera: etho ne IIh ne wakatkeaghreahseroenyatouh ne tsiniyoxte ne sesnoeke.
Neonea eaghtshatyawearatste ne roegwe ne karighwanerea eaghtshogwawishouh, tsineaghtsyerase tsinihoraseghne teawadereaghsaroekoh, ne teskyatyerea ne otsinowa tekoedighrihtannyouh ne kanena: ne kady wahoeny niyateyoegwetake ok thiyeyonoweaghtouh.
Tagwadhouhsadats ne agwadereanayeant, O Sayaner, neoni sadahojuhsad; ai ne tsikoerouhyeaha: toghsa kasatyenawast ne sayanereaghsera tsitewackaghsereatoenyouh.
Ikea thiwakouhwmtsyate ne ieseke: neoni thikatenatineghse, tsiniyouht agwekouh ne khenihokoekeaha.
O tagwadeweateghtea niyorigkwaskha, nene aoesoegwatyeritshe ne akeshatateaghsera: oheatouia tsiniyore uskatoekoghte, neoni nea yagh oya thaoesayoegwatkaghtho.
Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Tsiniyoghtoene ne adaghsawahtsherakouh, egh niyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

Sayaner, ieseke noekady oegwadegwasheataghtshera iekea: tsinahe nea shoetakanegwaghsatenyoetye.
Arekho ne tsiyonoetennyouh shityotoeniouh, neteas ne oughweatsya neoni ne tsiyouhweatsyate arekho shikaghsouh: iese ne Niyoh ne yagh tetyodaghsawe, neoni ne tsiyouhweatsyate ne yagh thiyaoedoktea.
Egh teasetskarhatenyate ne roegwe ne eaghtshadoete: nok shekouh eaghsirouh, Kasewe are, ne yetshiyeaokoeah ne oegwe.
Ikea ne weanyaweeghtsheraghshea niyoghserake ne iese tsiteskanere yaweh ne ok ne theteare: teskanere ne nea yodohetstouh shateyouht ne yakotyewate ne asontheane.
Tsiniyosnore ne nea teasheyarenyaghte, ah neahodiyatawea waakodaghwe: neoni eawakayoene ok eawatyaktsy tsiniyouht ne ohoeteokoeah.
Ne orhoekene ohoete niyouht, neoni yonateghyahroetye: nok ne nea yokarasneha nea kayakouh, kasdathatouh neoni yotakeaheyouh.
Ikea ne yagwatkeaghreahseroenyatha ne nea neadisatyeraghse: neoni yoegwahterouhse ne sanagwheasera.
Saheatouh sadatyeanis ne oegwarighwaneraaxhera: neoni ne tsiniyotaghsehtannyouh ne oegwarigwaneraaxheraokouh teyoswathe ne tsiskouhsoete.
Ikea neonea easanagwhea agwekouh ne tsiyoegwateghniseratennyouh eawatoekoghte: yeayagwafiewe tsiyeyodokte ne oekyoghsera ah niyouht neok ne yekaratoehagwe.
Ne tsiweghniseratennyouh ne tsinityoegwayea tsyadak niyoghserashea: neoni sane ne oegwe tsiniyakoyadaghnirouh, nene yeayoewe ne shatekouh niyoghserahshea: ethone ne akoshatsteaghsera nea ne ok ne tsyorouhyakeant neoni yonikouhraxhat; tsiniyosnore nea ne eawadohetste, neoni nea wedewatoekoghte.
Nok oughka yeyeadery tsinikashatste ne sanagwheasera? ikea ne tyoyaneaha tsiniyore niyesatshanise, egh niyore oni nidisateroese.
O tagwarihoenyea ne ayagwahrate ne tsiniyoegweghniserake: nene egh ayagwaghgwite ne oegweryane ne kanikouhrowaneaghserake,
Toetasatkarhateny are shekouh, O Sayaner, ne tsiyeyodoktaghkouh: neoni shetear ne shenhaseokouh.
O ne tagwanikouhraghseroenyat ne seanideareghtshera, neoni nene yosnore: ne wahoeny ayoegwatoenharake neoni ayoegwatsheanoenihake eghniseragwekouh tsineawe eayakyoenheke.
Toetakyoewesat are shekouh noewa tsinea oedohetste ne wasgwanradarineste: neoni ne tsiyoghseratennyouh tsinoewe ne akearouh naoegwarouhyakeaghte.
Shenatoehas ne shenhaseokouh ne sayoteaghsera: neoni ne shakodiyeaokoeah ne soeweseaghtshera.
Neoni kinyoh ne tsiniyorase ne Royaner Oegwaniyoh ne karak ne oekyouhhake: saterswiyostea ne oegwayoteaghsera ne agwasnoeke tsinikahere ne oekyouhhake, O sateraswiyostea ne agwasnoeke tsiyoegwayoghte.
Oeweseaghtakshera naah ne Raniha, neoni ne Roewayea: neoni ne Onikouhradokeaghty;
Tsiniyoghtoene ne adaghsawahtsherakouh, egh kiyouht noewa, neoni tyutkouh ne eakeahake: tsiyouhweatsyate yagh thiyaoedoktea. Amen.

Noewa ne Christjshotketsgwea tsiraweaheyouhne, neoni ne thotyereaghtouh yoneahoetaouh akaouhhake nene yakotahouh. Ikea tsinahe nea shoetawe ne oegwe tsiyaieheyouhse, tawe oni ne eatsyontketskoh ne yakaweaheyouhserouh. Ikea ne Adouhtsherakouh agwekouh yakaweaheyouh, egh kady oni niyouht rie Christsherakouh egh agwekouh eatsyoedoenhete. Nok tsiniyateyoegwetake ne eatewateweaniyoste tsiniyotyerea ne raouhhake: Christ ne tyotyereaghtouh yoneahoetaouh; tsioghnakeahke ne akaouhha nene Christ, tsinaduntre. Ethone ne nea yeawawe ne tsiyeawadoktea, neonea egh noekady yeashatkawe ne kayanertshera ne Niyohne, etho ne Ranineha; neonea agwekouh eghtake eashody ne yerighwagwarihsyouhs, neoni agwekouh ne yakoterihoetouh, neoni kashatsteaghsera. Ikea raouhha t'kakoete eahaderighwatsteriste, tsiniyore nea agwekouh teashakoraghsitakeaserahgwe ne roewasweaghse. Ne yetsyodoktaghkouh adatsweaouh ne eawaghdoetouh nene keaheyouh. Ikea agwekouh tsiok nahoteashouh nea teahoraghsitakeaseraghgwea. Nok ne onea ehearouh, Agwekouh tsiok nahoteashouh nea wahaghtorarake, yokeant nene tsi yagh ne raouhha egh tehoyataraouh, nenahotea tsi raouhhase agwekouh tsiok nahoteashouh nea wahaghtorarake. Neoni ne onea agwekouh tsiok nahoteashouh eayonattsighyostouh ne raouhhake, ethone oni ne Roewayea yatehayady egh eahateanikouhrayeataghgwe raouhhake nene agwekouh tsiok nahoteashouh ne eahaghtorarake, nene Niyoh ne agwekouh ne akeahake ne agwekouh. Keateaskayea ogh neayoetyere, nenahotea nene yakotnekosseraghtouh ne yakaweaheyouhserouh, tokah ne yakaweaheyouhserouh yagh theatsyontketskohe? nahotea kady karihoeny ne yakotnekosseraghtouh ne yakoweadaserouh, neoni ogh niyotyerea tai egh tewakeanyate teyoteryeatharak tsinikouh hour? Wagwaterihoktaghgwea ne sewatoenharaghtshera nenahotea ne tsmiwakyea ne Christsherakouh Jesus neEghtshitewayaner,kiheyouhse niyateweghnikake. Tokah ne akshereghte ne tsiniyeweyeanotea ne oegwehokouh Ayagwateriyoh ne koedirryoh ne Ephesus, nahotea agwatsheanoenyat ne iih, tokah ne yakoweadaserouh yagh thaoesayontketskoh? kinyoh tetewatskahouh neoni tewaghnekira: ikea eayorheane eateweaheye. Toghsa sewadadenikoerhatea: yodaxhea teyeghtharahgwha kahetkeaghtha ne yoyanere tsiniyeweyeanotea. Sewaye aterighwagwarighsyoeke noekady, neoni toghsa sewarighwanerak; ikea odyake yagh teyakoyea ne ayakoteryeatarake ne Niyohne naoetayawenouh: ne wakadatyaghte ne keaiekea ne sewatehatshera. Nok odyake ne roegweh eahearouh, Ogh neayawea ne yakoweataouh tsieatsyontketskoh? neoni ogh nikayeroetotea eatsyakotstoehatye tsieatsyoewe? Seateh, nene tsinahotea eaghsyeantho yagh teyawet aoedoenhete tsiear nyare eakeaheye. Neoni nene tsinahotea eaghsyeantho, tsieaghsyeantho yaghtea nene oyeroeta akeahake, nok aoyatoskouh ne kanea, tsiniyeawaterashoteane tokah noekea eanekery, keateaskayea ne theakateke ne kanea: Nok Niyoh rawis ne oyeroeta tsiniyouht tsineathaweryeatiyoh, neoni tsiniyatekaneahake aouhha aoyeroeta. Agwekouh ne owarouh yagh ne shakawarat tekea: nok uskat nouhkea tsiniyouht ne owarouh nene ogwehokouh, thikate ne owarouh ne koedirryoh, thikate ne keatsyonkhokouh, neoni thikate ne tsiteaokoeah. Tsinouhkea niyouht ne tsikarouhyate aodiyeroetaokouh, neoni ne aodiyeroetaokouh ne oughweatsyakeghronouh: nok ne oeweseaghtshera ne tsikarouhyate uskat, neoni ne oeweseaghtshera ne oughweatsyakeghronouh thikate. Kea wahy uskat ne oeweseaghtshera ne karaghgwa, neoni thikate ne oeweseaghtshera ne eghnida, neoni thikate ne oeweseaghtshera ne otsistokhokouh; ikea uskat ne otsistok tekyatdihea ne thikate ne otsistok ne oeweseaghtsherakouh. Egh kady oni niyouht ne tsineatsyontketskoh ne yakaweaheyouhserouh: tsikayeanthouh wahetkease, tsieasewatketskoh yagh thaoesoehetkeane: Tsikayeanthouh yagh teyotkoenyeast: tsieasewatketskoh oeweseaghtsherakouh: tsikayeanthouh oyadanetskha: tsieasewatketskoh kashatsteaghserakouh: Tsikayeanthouh tsiniyoenhotea ne oyeroeta, tsieasewatketskoh kanikouhrake oyeroeta. Ikea kayea ne tsiniyoenhotea ne oyeroeta, neoni kayea ne kanikouhrake oyeroeta. Neoni ne wahoeny egh niyouht tsikaghyatouh, Ne thotoegwetatyereaghtouh Adouh ne yoenyatouh ne yoenheoewe adoenhets; ne yetsyodoktaghkouh Adouh ne yoenyatouh ne tsyoedoenhetstaghwha kanikoera. Etho sane, nene yagh ne tetyotyereaghtouh nenahotea ne kanikouhrake, nok nene tsinahotea ne oughwake tsiniyoenhotea, neoni tsioghnakeahke nea nene kanikouhrake. Ne thotoegwetatyereaghtouh nene oughweatsyake thoteragwea, oughweatsyakeghronouh; ne tekenihadont ne oegwe ne na ne Royaner ne karouhyake thoyeaghtagwea. Asehkea ne oughweatsyakeghronouh, egh niyouht naah ne akaouhha oni nene oughweatsyakeghronouh: neoni asehkea ne karouhyakeghserake, egh niyouht naah ne akaouhha oni nene karouhyakeghserake. Neoni tsinc yoegwathawea ne kayaghtoeny ne oughweatsyakeghronouh, eatewathawa oni ne kayaghtoeny ne karouhyakeghserake. Noewa keaiekea katouh, tewadatekeao koeah, nene owarouh neoni ne onegweaghsa yagh thaoetouh aoedaweyate ne raoyanertsherakoun ne Niyoh, ne kady ear kea aoetouh ne yohetkeaouh aoedaweyate tsinoeka ne yagh thaoesoehetkeane. Tsyatkaghtho, wagwanatoehase ne yoterighwatyerouh; Toghsa iewagwekouh yoegweataf, nok tewagwekouh teatsitewatteny, tsiniyosnore ne tsiteyontkaghgwirox, ne yetsyodoktaghkouh ne kahoerawats, (ikea ne kahoerawats ne nea eayehoerawate;) neoni ne yakoweataouh ne eatsyontketsgwaghte ne yagh thaoesoehetkeane, neoni nea teatsitewatteny. Ikea ne keaiekea wahetkease nea egh eakatea ne yagh thaoesoehetkeane, neoni ne keaiekea keaheyouhse nea egh eakatea ne yagh thaoesakeaheyeu Ne kady ne onea ne keaiekea wahetkease eakatea ne yagh thaoesoehetkeane, neoni ne keaiekea keaheyouhse eakatea ne yagh thaoesakeaheye; ethone nea yeawathewe cawadohetste ne tsiniwadady nene kaghyatouh, Keaheyouh eayotyadaghnehgwaae ac adusheanyattshera. O Keaheyouh, kah ne shenouhwakteanitha tesheyaweestaghgwha? O tsiyoedatyadadaastha, kah ne sadusheanyattshera? Ne kanouhwakteaghsera teyakoweestha ne eayaieheye ne nah Be karighwanerea; neoni ne aoshatsteaghscra ne karighwanerea ne naah ne tsikarighwagwarighsyatha. Nok ahoewatouhroeniheke ne Nyoh, nenahotea tsishoegwawy ne adusheanyattshera, ne rorihoeny ne Eghtshitewayaner Jesus Christ. Ne wahoeny, gwanorouhgwha tewadatekeaokoeah, sewarighwahniroehak, sewarighwatokeahak, tyutkouh ne sewaweaniyok ne raoyoteaghsera ne Royaner, ikea tsinikouh sewaderyeatarak nene sewayoteaghsera yagh kayese thaoetouh ne Royanertsherakouh.

¶ Neonea egh eayoewe Tsiyoedatyadadaastha, ne Ratsihustatsy eahearouh,

Roegwe nene roewatewetouh tyakothoewiseake nithawenouh tsiroenhe kea niyorighwesha ronaktote, neoni neok aoskouh ne tewadoenhakariouh. Tsitahoteghyahroetye, neoni egh nea soetyake sakaryeneaghne ne teskyatyerea ne yotsitsyaghrarakouh; sahateko yawet ne ok ne yotaghsatare, neoni yagh noeweatouh thiyaoetkoeteaoewe uskat tsinoewe.
Ne shatewaghseanea tsiyakyoenhetye niyagweaheyouhse: oughka eayakhiyaghdisake ne ayonkhisnyenouh, nok ne ok ne iese, O Sayaner, ne oegwarighwaneraaxheraokouh aorighwake t'karighwayery tsitagwarighwaswase?
Sane, O Sayaner Niyoh sayadadokeaghtikowa, O Sayaner seshatsteaghserowaneahkowa, O sayadadokeaghty neoni seanideareghtsherananouhkovva Sheyadagwas, toghsa egh noeka tagwayaghdoetyet tsityonouhwakteghtsihouh ne tsiniyeaheawe keaheyouh.
Saderyeatare, Sayaner, ne tsiniyotaghsehtannyouh ne oegweryane; toghsa tasadahouhtagweke seanideareghtsherananouh ne oegwadereanayeant; nok tagwayadanouhsdat, Sayaner sayadadokeaghtikowa, O Niyoh seshatsteaghserowaneahkowa, O sayadadokeaghty neoni seanideareghtsherananouk Sheyadagwas, sagwenyatkowa iese ne tsiniyeaheawe Ashetsyeahayea, toghsa tagwarouhyakeant, nea nene yetsyodoktaghkouh ne hour eatsyoegwadatearouh, ne tsiok nikarouhyakeaghserotea ne keaheyouh, aoedoeseaghne souhhake aoedaweghte.
Ikea tsinikouh tsinoedahaweryeatiyoh ne Agwekouh thihashatste Niyoh ne tsesironidearcghscrowanca toesaraghgwe yatehayady noeka ne raodoenhets ne tekanorouhgwe agwadatekeaah keatho nea wahadoekoghte, ne wahoeny ne raoyeroeda egh waagwayea oughweatsyakouh; *oughweatsya keaghne oughweatsya soetouh oghsehara keaghne oghseharasoetouh oghkeara keaghne oghkeara soetouh; ne orighwiyo neoni kadokeaghtsihouh tsiyorharats ne eatsyontketsko ne tsiniyeaheawe eayakoenheke, ne raorihoenyat Shoegwayaner Jesus Christ; raouhha teashadeny ne yoegwayeroedeadunt, nene teaskyatyereane tsiniyouht ne raouhha ne oeweseaghtshera ne rayeroeke, ne eatyoyaneahawe ne kayodeaghserashatste, nenahotea ne rogwenyat ne eahaweyeanakeany agwekouh tsiok nahoteashouh ne yatehayady.
Wakheweanaroeke karouhyake takayeaghtahgwe, nene waoegweahase, S'yadouh, Keagh yeyotaghsawe yakodaskats ne yakoweataouh nenahotea nene Royanertsherakouh yaieheyouhse; etho niyouht wadouh ne Kanikoera; ikea eayakaoerisheatahne tsiyakorouhyakeahatyese. Rev. 14. 13.

* Keatho nea yeayakokeaghroedy ne Oyeroetake ne oughka ok egh eayetake.

Sayaner, tagweadearhek.
Christ, tagweadearhek.
Sayaner, tagweadearhek.

Shoegwaniha Karouhyakouh teghsiderouh, Wagwaghseanadokeaghdiste; Sayanertsherah aoedaweghte; Tsineaghsereh egh neayaweane ne oughweatsyake tsioni nityouht ne Karouhyakouh. Takyouh ne keagh weghniserate ne niyadeweghniserake oegwanadarok: Neoni toedagwarighwiyostea ne tsiniyoegwatswatouh, tsiniyouht ne oekyouhha tsitsyakhirighwiyosteanis ne waonkhiyatswatea. Neoni toghsa tagwaghsharinet tewadadeanakeraghtoeke; Nok toedagwayadakoh tsinoewe niyodaxheah. Amen.

Seshatsteaghseragwekouh Niyoh, souhhake tsyoedoenhetstaghgwha ne akonikouhraokouh akaouhha nene Royanertsherakouh yaieheyatha, neoni souhhake ne akodoenhetshokouh ne tyakaweghtahkouh, ne nea teayoedoekoghte ne tsiyakoghwisheahne ne akoyeroeda, eayoetsheanoeny neoni eayoedoenharea; Yaghgwayouh ne oegweryane oegwadeanouhweradouhtshera, nene tsinoedeseryeaghtiyoh tsisatsyadinekeawe keaiekea agwadadekeaah ne tsitewadoenhakariouh nenekea yorighwaneraaxkouh tsiyouhweatsyate; gweanideaghteany, ne egh naoedaghsenoewene, ne seadearatne tsinisayanere, naserighwetsta yaserighwihewe tsiniyakouh ne sheyadaragwea, neoni taesasterihea ne sayanertshera; nerie oekyouhha, yakagwekte agwekouh ne nea tsyakotoekoghtbuh ne tokeaskeoewetsherakouh tyakaweghtahkoene ne Saghseanadokeaghty, ayoe
fwateweyeaneataghse neoni ayoegwadaskatstoeake, tetsyarouh ne agwayeroeke neoni ne oegwadoenhets, ne tsiniyeaheawe neoni yagh thiyeyodokte soeweseaghtsherakouh; ne raorihoenyat Jesus Christ Shoegwayaner. Amen.

O Ronideareghtsherananouh Niyoh, ne Roniha ne Shoegwayaner Jesus Christ, ne shotketsgwea neoni ne roenhe; ne raouhhatsherakouh oughkakiok eathaweghtahkouh eaghroeriheke, saetho eaghreaheye; neoni oughkakiok roenhe, neoni thaweghtahkouh ne raouhhatsherakouh, yagh thareaheyeoewe; raouhha oni shoegwarihoenyeany, ne Royadadokeaghty Paul, ne toghsa ayakonikouhraxhea, tsiniyouht ne oegwehokouh ne yagh teyakorharats, ikea ne akaouhha waakodawe ne raouhhatsherakouh; Wagweariideaghtea yoegwanikouhraghnetskha, O Raniha, ne asgwaketskoh tsikeaheyouh ne karighwanerea aterighwagwarighsyouhserakouh noeka ayagwadoenhete; nene katke nea eayagwadoekoghte ne keatho tsiyakyoenhe, yayoekyoerisheataghne ne raouhhatsherakouh, tsiniyouht tsiyoegwarhare ne keaiekea agwadadekeaah tsine noewa niyouht; neoni nene, nea agwekouh Tsineatsyontketskoh ne yeseweghniserakoete, tsiayonkhiyadatsheary ayonouhweghtouh ne tsiasatkaghtho; neoni ayagwayena ne thoiekea adaskatshera, nenahotea ne eghtshenoroughgwhatsihouh Eghtsyeaah neonea yeaghshakodatyahse yegwekouh nene yesanorouhgwhagwe neoni yesatshanisgwe, eahearouh Kasene, sewadaskats shakoyeaokoeah ne Rakeniha, aesewayena ne kayanertshera nene shoetoetouhweatsyataghsawea tyetshighseroenyeany: Takyouh keaiekea wagweanideagh.tea, O seanideareghtsherananouh Raniha, ne raorihoenyat Jesus Christ, Shoegwarighwahseroenyeany neoni Shoegwaghnereahsyouh. Amen.

Ne raodearat Shoegwayaner Jesus Christ, neoni ranorouhgwha Niyoh, neoni ne raotyoghgwa ne Onikouhradokeaghty agwekouh aetewesheke tsiniyeaheawe. Amen.

Project Canterbury