¶ Eyais quah tquahpoohahlahwind neik kutah wetahwaindecheik, nhrin kindwain shiawh weweendahsoo nin manehrenooteit neik Wailsittonyeik, ninitch aleh lauptoonait nun Papimitoonhais.

NWEENDAHMIN nach neh tahquahpoohaultoowaukun nun M. aindahlowhseit ---- wauk nach N. aindahlowhseit ----. Qui hah keloowah ahwain wawehtaukqua aum quaik wainjeh ahmah wetahwaindeteikq, queindahminawh aum. Nul ewh qui shayahrink quechemoolteing. Qui hunneeshin quechemoolteing. Qui nhrin quechemoolteing.

¶ Kneh katah Wetahwaindoohaulteinga, neshckahpahwoowugitch neik katah wetahwaindeteit, linna-hahwuninyitch windahqueh nepowhwoo nun linnoo, min nunjehtvuninkiteh nepowhwoo nun Ochquawh nunitch oowh nun Papimitoonhais.

KACHEH ahwaulkiyaig, kmahwalahnach yoon qui nah alooquapeit Pahtumowaus, wauk yook manehrenooteit, yook panahsecheik, nin aleh taukoowhahlinjeik won Linnoo wauk Ochquawh nin keche Wetahwaindoohaultoowaukun; waleirtootoop nun Pahtumowaus, ais pameh ilpwahta, nun Linnoo, aindah nawhquetillooquaingwa nin aleh miyowhsooweteit neik wailsittumoteit nin tahleh Jesusink; naikmaimb Christ aindah willeh letaukq, nin aindah gootin aindah wetahpeit nin aindah wetahwaindoohaultink, wauk neh shayahrink quaukaunzhahlookawaukun aindah wlehtaukq nin tahleh Cana, Galileeing, wauk knah St. Paul oop leh wlit wtillehaum wameh weweenawh linwuk; mauhrah qui nin aukiyaurkahmeh wnahtinimoowun, nin tahleh pinnahwalindahmoowau-kuning, wauk neh wlahlookawaukuning, wauk neh wtillehaum quetiahlaun Pahtumowaus.

Nin hah qui wtehta-hahnawh yook neezhwuk linnahpawug qui katah tahkoowhahlinjeik. Qui aum hah ahwain qui pinoondekata ninnah wainjeh mah kongeh tahkoowhahlahwint nin tahleh shachkahlookawaukuning qui aum ahwain weendahmin wainjeh aum mah tahrkoowhahlahwiii equa wlit aupcheh wsahseingwawahpein.

¶ Kekehloolaut neil katali taukooichahlinjeik unitch wtillaun.

ALEH wall kehemeloomwah aleh wawehtahwaikq, nin ktilleich ahcheimwenawh ailkeekq krwhahweh keishqueik leh aukineimkoos-waukunink, ninitch tahleh aindautch mccheirtahseik neal kahchehreingeil wdahul kalah kaum ahwain keloowah neesheyaig wawehtahwaqua nin wainjeh aum mah taukoowhahlikawaik nin leh Wetahwaindoohaultoowaukuning, qui aum hah queindahminawh. Kahtowh wleh wawehtook, wameh neh aleh mah taukoowhahlahwinjeik nin alauptoonaukauk tauptoonaukun nun Pahtumowaus, mautah wtaukoowhahlookoowewahwul neal Pahtumowaus, wah mahquaik lahpaimquotooweh nin Wetahwaindoohaultoowaukunwah.

¶ Mauhitch quaik ahwain equa unitch wtillaun nun Pajnmitoonhais neal Linwul.

KINNAHTENAH howh wah Ochquawh katah weweyun, nin katah leh wetahwamut nin alauptoonatup nun Katanehtooweit, nin Wetahwaindoohaultoowaukuning Ktahwahlahwitch hah, kooleitch hah lehowh koolaungoomahwitch hah kooleitch hah tahpahlah wenahmulseta, wauk walahmulseta; ktilleich mah sahsahkehahwin neik wameh ktukkahneik, naikmautch hah shuk qui nhroohah ktahtahpahlowh aelewh tah sakowhseyaig.

¶ Unitch wsein nun Linnoo.
Nweengitch nulneh indin.

¶ Unitch wtillaun nun Papimitoonhais neal Ochquawh.

KINNAHTENAH howh wah Linnoo katahwhreyun nin katah leh wetahwamut nin alauptoonatup nun Katanehtooweit, nin Wetahwaindoohaultoowaukuning. Quahwlistowhwahwitch hah quetauhamahwitch hah ktahwahlahwitch hah, koolaungoomahwitch hah, kooleitch hah tahpahlah wenahmulseta, wauk waleh mulseta, ktilleich mah sahsahkehahwin neik wameh ktukahneik, naikmautch hah shuk qui nhroohah ktahtahpahlowh aelewh tah sakowhseyaig?

¶ Nun Papimitoonhais wtillahwullitch neal Linwul nin nahchenachkain winjeh kdilnahahwuniny nah Ochquawh wdilnahahwuning unitch wtilleh nahnachpehlootahquon.

NEE hah M. kinnahtinil kee N. aleh kahtowh Wetahwamelun, ktilleich nehlahlelin, qui keishqueik wauk aupcheh tahlewh, wlehindahwaingwa enah mahcheh indahwaingwa, tapehliyauna enah ktumaukseyaun, wenahmulseyahna enah wauk walumullisehyahna, ktilleich ahwahlelin, wauk ktilleich tahtahpahlelin, ta hah lah nah pacheh aindah chepoorhahlookquaing boowaukun, alauptoonatinnah Katanehtooweit ktilleich wetahwamelin; nul yoon qui koonjeh melehlin noolaumwawaukun.

¶ Aindah poonindeteta, aushta naikmah nah Ochquawh wnahtinnahwul neil Linwul unitch aleh lauptoonait.

NEE hah N. kinnahtinil kee M. aleh kahtowh Wetahwamelun, ktilleich nehlahlelin, qui keishqueik wauk aupcheh tahlewh, wlehindahwaingwa enah mahcheh indahwaingwa, tapehliyauna enah ktumaukseyaun, wenahmulseyahna enah wauk walumulliseyahna, ktilleich ahwahlelin wauk ktilleich tahtahpahlelin, ta hah lah nah pacheh aindah chepoorhahlookquaing boowaukun, alauptoonatinnah Katanehtooweit ktilleich wetahwamehlin; nul yoon qui koonjeh melehlin noolaumwawaukun.

¶ Nullitch neh lahpewh poonindenawh ivnachquahwink wauk nun Linnoo melaum Tetehyauk neal Ochquawul. Nullitch nah Papimitoonhais wnachtinumin nin Tetehyauk melahnitch neal Linwul, nullitch neh wtillaun ahtool nin kekewh wlahiwlnjink nin minunjehwahnink nun Ochquawh. Wauk nun Linnoo quokailnuminitch nin Tetehyauk, wauk wtukkakehmahwahlitch nun Papimitoonhais oowitch.

NACHPEH yoon Tetehyauk nee koonj wetahwamelin kee, wauk koolahwewh nhugkie nee ktilleich ahwahlelun kee, wauk koolahwewh wameh diyehkunnul nee ktilleich meelilin nul kee, nin wtisheenzwaukun nun Watuchmint, wauk nun Waqueesmint, wauk nun Peilseid Wchechauk. Amen.

¶ Nullitch neh Papimitoonhais wsein,

Yuch Pahpahtumowhwahtook.

O HULMEWH Pahtumowauseyun Keshalingait wauk Walehleehaut wameh neal linnahpawiil, Waindinumahseit wameh neal kakaunzhelakeil ktumaukailmooksoowaukun, Wainjehyiyeik neh hulmewh pumowhsoowaukun; pacheik neirnumowh neik ktahlookaukunug kitmaukailmooksoowaukun, won Linnoo wauk wah Ochquawh, kaitmaukailmaingweik nin tahleh ktisheenzwaukuning: ailkehqueh wleh wetahwaindetetoop mah neik Isaac wauk Rebecca, ninnitch a umba yook linnahpawug wtilleich nahwundahminawh yoon aleh alauptoonateit, aupcheich wtilleh wetahwaindenowh nin tahleh keche ahwaultoowaukuning, wauk wtilleh pumowhsenawh alalehmooquok neal ktilleilmoowaukunul, nin tahleh Jesus Christ Nalaulquaing. Amen.

¶ Nullitch neh wtiniah saukehnachkadooliain nun Papimitoonhais unitch aleh lauptoonait.

Neal ka Wetahwaindoohacheil nun Katanehtooweit, chelah ahwain wchaijpoorwhahlahwin.

¶ Unitch wtillaun nun Papimitoonhais linnahpawug.

ALEH keshetahahteit won M. wauk won N. nin aleh kahtowh wetahwaindeteit nin tahleh Wetahwaindoohaultoowaukuning, aleh nawhquetekateit nin tahleh alooquapeit Pahtumowaus wauk yook wameh manehrenooteit, wauk aleh memeilteteit neal oolaumwawaukunwahwul, wauk aleh memeilteit neal wnachquahwul; nweendahminah neh wtilleh yookeen Wetahwaindesuk, nin tahleh wtisheenzwaukuning nun Watuchmint wauk nah Waqueesmint, wauk nah Peilseid Wchechauk. Amen.

¶ Waukitch nah Papimitoonhais melahwul nin Quitmaukalindwaukun.

KATANEHTOOWEIT Watuchmint, Katanehtooweit Waqueseing, Katanehtooweit Peilseid Wchechauk kitmaukailmookowah, saukehkoowautch, waukitch kooleh tahpaulkoowah; queingehkaitch Nalaulwait ktumaukaloowewh saukehkoowah, ktilleich tapeh lah waquinawh wameh neal ktumaukailmooksoowaukunul willehindahwaqua yoon tahleh aukeeng ninnitch koonjeh krunnehnawh hulmewh pumowhsoowaukuning aindah payaweik tahlowhsoowaukuning. Amen.

¶ Nullitch neh Papimitoonhais wsein.

Nalaulwayun ktumaukailmenain,
Christ ktumaukailmenain.
Nalaulwayun ktumaukailmenain.

NUCHWHENAH aipyun ahwosaukumawh whaerlindahsoowitch kitisheenzwaukun; kekiyoowaukun payawekitch, lakitch aleh tahiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwain meyaink, wauk mewalindahmowhwenain njunowhsoowaukuninahnul, ailkeh neloon mewalindumawhwaink neik chachunehlawh wairnquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.

¶ Nullitch neh Papimitoonhais wsein.

O WAPAHTUMOWAUSMOQUON Abraham, Wapahtumowausmoquon Isaac, Wapahtumowausmoquon Jacob, ktumaukalum ka won Linnoo, wauk wah Ochquawh, aukeh hah mowh neal hulmewh pumowhsoowaukunul wachkuneim nin tahleh wdawahwink aintreh ait wawehtooteit neal tauptoonaukunul kalautch kechewh wtilleh lahlookanawh nin alauptoonaukauk. Waukoong ka winjeh pahpinnowh, O Nalaulwayun ktumaukalum ka, wauk willeh leh. Ailkehqueh ktumaukailmahtoop neik Abraham wauk Sarah aindah willeh leh hahta; nul kenneh weengeh lahpewh leh ktumaukalum won Linnoo wauk wah Ochquawh; aindautch ahlookatahmooteit ktetahawaukun wauk aupcheh, wauk aindautch nahlowhwaukateit nin tahleh ksaukehwawaukuning nunnitch wainjeh tahlowhseteit nin tahleh ktahwaultoowaukuning tah sakeh lalahrateit nin leh Jesus Christ Nalaulquaing. Amen.

O KATANEHTOOYUN kelach neh kaunzhe muskuniswaukuning wamehquaik koonjeh keshetoonul eyais quah quaik atahkoop, wauk aleh (wameh quaik wameh keshe weleirtahwahna) ktilleirtoon nin nun Linnoo (alehnaukqseyuii wauk alailmookseyun aleh kesheud) wtilleich wundowhsein Ochquawh; aindah wetowhwaindoohahlahta, ktilleh loomahsein leh ahmah chepoorwhahiahwun neal takoowhahlahcheil nun Pahtumowaus nin tahleh Wetowhwaindoohaultoowaukiming; O Pahtumowaus kelach pelehtoon nin Wetowhwaindoohaultoowaukun tepiskahwewh alalehmooquah nin wtilleh miyowhsoowenawh neik Wailsittumoteit nun tahleh Christ; ktumaukalum won Linnoo wauk wah Ochquawh; ktilleich ahwahlaun Linnoo wauk neal Wewul, nin alauptoonaukauk nin ktauptoonaukun (tepiskahwewh ailkeekq ahwahtung nun Christ nin aleh wetahwaindung Wlistumwawaukun, aleh makik neh whugkie, wauk aleh ahwahtung wauk aleh tahtahpahtung tepiskahwewh nin naikmah nelewh nin oyoosum) wauk won Ochquawh wtilleich ahwahlaun wauk wtilleich lalehmooksein, wtilleich wleh saukehauri wauk wtilleh ahwilsittahwaun neal Wahrecheil; aupcheich ktowhsoowaukuning wauk wawahquahtawaukuning, wauk klumowhsoowaukuning wtilleh tilleich nahwaukain nelapwahcheil Ochquawul wakekeingeil. O Nalaulwayun ktumaukalum ka yook aelewh pooninumowh ka nin wtilleich nelaulkoosenawh nin hulmewh Kekiyoowaukuning, nin tahleh nun Jesus Christ Nalaulquaing. Amen.

¶ Nullitch neh Papimitoonhais wsein.

KACHE Pahtumowauseit ka, naikmah shiawh queshalehmahpahneil neal kekaisminahningaukah Adam wauk Eve, Wetahwaindoohahlahpahneil mah nin aleh taukoowhahlaut queingeh kaitch meilkoowah nin welahwailmooksoowaukun quitmaukalindwaukun, kpashoo knawautch, waukitch kitmaukailmokoowah, ktilleich wlehlahwahahnawautch nin tahleh khugkawahwung wauk kchechaukwahwung, ktilleich wetahwaindenawh nin tahleh pelehking ahwaultoowaukuning tahsakawhseyaig. Amen.

Project Canterbury