MARRIAGE SERVICE, AHA LUSONA AHA KUKWELA.

Wendigwa chihakikonghola baha mu meso mwa Mulungu na kumwande ya Malundo yaya chilungise hamwedu mulume yuyu na muke yuyu mu kukwela kusunhile no yiyo digoya ina kutunya yoile ilongigwa na Mulungu magera wanhu wasina na kubana kwa fumbo ya kulungisa kwa chinyele Masiya na ilundo dyakwe. No didyo disunhile Masiya kaitunya kwa kuwa uko yeye kwa kujuma wa kulongola hoyatenda mu Kana ya Galilaya.

Itogoligwa na Paolo Musunhile vina ina kutunya kwa wanhu wose. Kwa chinghone yiyi ihakolwe hasina kulonga, hasina kugelagela, kuzongesa lulanga Iwa wanhu vina makala wasina mizungu; ninga kwa. kugelagela na hasina kusumikisa, mu kogoha kwa Mulungu,; chihazigelagela chinghone za kulongigwa kukwela.

Kulongola, Ilongigwa wadodo walekwe, wakalelwe mu kumogoha na kumumanya Mulungu kwa kutunya kwa disina dyakwe disunhile.

Kayhi, ilongigwa kuwa miti ya wihi, lulanga lulekigwe, wanhu wasinghigwe wakikolese wakikwele wekale mitufi wa mwili wakwe Masiya wasio na uchafu.

Kayhi, ilongigwa kwa kuduwa na kutasa, na kuho-ngesa yoile iwagila yumonga yenghigwe na miyagwe mu kumota na mu usungu.

Mu digoya didyo disunhile wanhu wawa weja wakilungise. Vina inunhu wo wose yekudaha konesa chinghone wahakilungise mu digoya yalonge sambiha, aha hanyuma yanyamale.

¶ Yawalongele wawa weli nhavi.

Niwahananga nyenye weli vina womuhitula dijua dya kulamula chinyele ya mimoyo yose hozikuwa, mwazi, yahamanya yumonga wawo wenu chinghone yo yose ya kuwadingisa muhakilungisa mu kukwela, yaivumile sambiha; kwa nhani manyeni vina woile waki lungisa hasina mbuli ya Mulungu, wasilungigwe na Mulungu aha kukwela kwawo si viswamu.

¶ Munhu yahalafa chinghone wahalunyise kwa digoya lusona lulekelwe, hatta yoile ya chaweru yamanyigwe.

¶ Hono hachaka mbuli Mufundi yamulonge mulume,

Gwegwe [ ] komulonda mwanamuke yuyu kuwa mukago wa lusona, mwikale hamwedu kwa mbuli ya Mulungu, mu digoya disunhile ya kukwela komwenda, komunyamasa, komwimilisa mutamu na mugima, kowaleka kayhi wengi wose wikale naye yuwayeka majua gose goile go mukuwa umu mu isi?

¶ Mulume yahitule,

Heeye, Notenda.

¶ Ihera Mufundi yamulonge muke,

Gwegwe [ ] Komulonda mulume yuyu kuwa mulume wako wa lusona wikale hamwedu kwa mbuli ya Mulungu mu digoya disunhile ya kukwela? Komuhulika, komutogomela, komwenda, komutunya, komwimilisa mutamu na mugima kowaleka wengi wose wikale naye yuwayeka majua gose goile mokuwa umu mu isi?

¶ Muke yahitule.

Heeye, Notenda.

¶ Ihera Mufunde yatende Mulume kwa mukono wakwe wa kulume, yamulonde muke kwa mukono wakwe wa kulume, yakalonge hanyuma yakve nhavi.

Anie [ ] nikulonda Gwegwe [ ] Kuwa mukangu wangu wa lusona kuwa nagwe tangu diyero, mu maswamu na mu gehile, mu kongesa na kuhunguka, mu utamu na ugima, nikwende nikakwigale hatta kufa kochitemanula kwa mbuli muswamu ya Mulungu na kwa yiyo nikwingha kuhuwiln k wangu.

¶ Ihera wakileka mikono, na Muke kwa mukono wakwe wa kulume yamulonde Mulume kwa mukono wakwe wa kulume, yakalonge na yeye hanyuma ya Mufundi.

Anie [ ] nikulonda Gwegwe [ ] kuwa mulumangu wangu wa lusona, kuwa nagwe kukonga diyero mu maswamu na gehile, mu kongesa na kuhunguka, mu utamu na ugima, nikwende, nikwigale, nikuhulike hatta kufa kochitemanula, kwa mbuli yakwe isunhile Mulungu, na kwa yiyo nikwingha ya kuhuwila kwangu.

¶ Ihera wakileke kayhi mikono. Mulume yamwinghe Muke nyamwidole, yeke muchanya ya chitabu. Mufundi yahalonda Nyamividole, yamwinghile Mulume yegume muchanya ya chidole cha kane cha mukono wa kumoso wa Muke, Mulume yahakola uko nyamioidole, yahafundwa na Mufundi, yalonge.

Kwa nyamwidole yiyi nikukwela, kwa mutufi wangu nikutunya, sawo yangu yose ya mu isi nikwingha kwa isina dya Baba na dya Mwana na dya Muye Musunhile. Hano.

¶ Ihera Mulume yahaleka nyamwidole mividole mwa Muke, wafugame mafindi wose weli, Mufundi yalonge,

Chitase.

Agwe Mulingu wa katali Mumba na Mudima wa wanhu wose; ulafage nghwina yose ya moyo, kukonga ya ugima wa katali; Uwagalile watumwa wako wawa kumota kwako, mulume yuyu na muke yuy woile chiewamotessa kwa isina dyako, vina Isaaka na Rebeka vo woile wekala hamwedu na wawa wafuluswe wakakole mbuli na malagana woile wayatenda mugati yawo, nyamwidole yiyi yoile ila figwa ikahokeligwa ihowa chilangilisi, wekale hamwedu majua gose mu kiyenda na mu digoya isunhile wakazandamile inonga dyako kwa Isa Masiya Mundewa wetu. Hano.

¶ Ihera Mufundi yalunge mikono yawa ya kulune hamwedu yalonge.

Woile Mulungu kawalungisa Mwana Wadamy vahawatemanula.

Wahowa [ ] na [ ] wakivumila mu kukwela kusunhile, wakonyesa yaya kunwande ya Mulungu na Malundo yaya, wakingha ya kuhuwila wonesa yaya kwa kulafa na kuhokela nywamwidole na kwikola mikono; Niwalonga Mulume na Muke hamwedu kwa isina dya Baba na dya Mwana na dya Muye Musunhile. Hano.

Mulungu Baba, Mulungu Mwana, Mulungu Musunhile, yawamotese nyenye, yawalangise, yawadime; Mundewa yawalangise kwa ubasi kwa kwiyenda kwakwe, yawamemese na kumota kose wa moyo na nghwina; mwikale hamwedu mu isi yiyi, mone mu isi yoile ikwija mwinghigwa uni wa katali. Hano.

Project Canterbury