¶ Aho banhu bakulile, buhaya kubatiziwa, mihayo yenhwe kuli Askofu, aho oyu akunlagila, shiku yapungati aho jingi, na Babiyaji aho bangi ba masala; geti babujiwe chiza, aho bamalaga kulanga mu, Mihayo mitale ya Abamasiya; na buolechiwe kwibejabeja tayari mu Kulomba na Kudila kulwa kwanukula kwa Sakramento yda oku.

¶ Olu bulolwa tayari, Bimiji, (banhu bibiringa ku, lushiku lwa Sabato aho lushiku lungi hoa fieela) bakubiza hihi Fonte hanutna ya Lasome Iwakabili, hamo Kidomba kwa Dilu, aho Mindi, geti Nindigi atogwa.

¶ Na omila oku, Kasisi ababuje, geti munhu toabo wamalaga kubatiza; Olu basbosha, Yaya; omala Kasisi ahaye geki,

Badugu batogwa, kunguno banliu bose babyalilwa mu shibi, (naga gwakubyalwa mili gwene mili,) nolu ababyalilwa mili batogema kutogelwa Mulungu, aliyo bikala mushibi, bita kukenagula kwingi kwa bugalile; Nangwe Mupiji wiswe Isa Masiya ohaya geki, Munhu atogema kwingila mu butemi bwa Mulungu, atabyalilwe bangi Minzi na Nholo Yela; Nabikumbirija munwitane Mulungu Baba wiswe, kulwa Seba wiswe Isa Masiya, geti abinhe banhu aba kulwa kigongo chakwe chingi mibayo eyo etiyakibyalilwe; babatiziwe na minzi na Nbolo Yela, na benhwe mu Kanisa lyelalya Masiya, bagalulwe mu mabudika gakwe ga bupanga.

¶ Aha Kasisi ahaye,

Tulombe.

Ee Mulungu Baba wa nguzu jose na butoshila, walionpija Nua na bana bakwe kulwa kigongo chako chingi mu ngaraba baleme kucha na minzi; na waliobenha chiza banhu bako Baisraeli mu Nyanza Yaza, waliolecha geko kikolile Kubatiza kwako kwela; na mu Kubatiza Mwana wako ntogwa, mu mongo Yordani, waliogeja minzi kulwa goje mu kwigeniha kwa shibi; Twakwikumbirija, kulwa kigongo chako kitale, obalole na kigongo aba basesse bako; oboje na Nholo Yela; geti bapile inu budaki wako, bakingile mu ngaraba ya Kanisa lya Masiya; balambage mioyo mil kuzunya, bayege mu kwiganika, na balambage mu kwitogwa, bikume mu mahuli ga nsi eyi elimu bupina, geti lushiku Iwa kumelo bashike munsi ya bupanga haduha kucha, oku kutema hamo na bebe welelo butoshila; kuli Isa Masiya Seba wiswe. Amina.

Ee Mulungu wa nguzu jose na butoshila, Ngunani wa bose abachoba, Mupiji wa bose abakupeiela, Bupanga wabo bakuzunya, Okujuka kwabo abucha; twabalombela banhu aba, geti aba, babizaga ku Kubatiza kwako, binhwe kwinjiweho shibi shabo, mu kubyalwa lwakabili kuli Nholo. Obazunye, Ee Seba, geti waliulaga kuli Mwana wako ontogilwe, ohaya, Mubuje, mukwinhiwa; mukobage, mukubona; mukanyage, mukwigulilwa: Geko otwinhe ambunyu biswe eshatwalomba; tubone biswe eshotwachoba; otwigulile lwigi twakanya; geti banhu aba bayege na kusungula kwa welelo koja kwako kwa ngwigulu, bashike mu butemi butoshila waliotulaga kuli Masiya Seba wiswe. Amina.

Mwigwage mihayo ya Anjili, Yohana Mwela yaliotonwa, mu Sura yakadatu na muluhililo lwakwandia.

Lolagi waliubiza munhu wa Bafarisayo, lina lyakwe Nikodemo, ntale wa Bayahudi: oyu wiza ku Isa bujiku, onwila, Rabbi, tumanile geti bebe nangi wafumaga kuli Mulungu: aliyo atogema munhu wakwita bulolelo geti bebe owitaga, olu atina nangwe Mulungu. Isa oshosha, onwila, Hana, hana, nakuwila, Olu munhu atabyalilwe bapya, atogema kubona butemi wa Mulitngu. Nikodemo onwila, Ogema kinabe munhu kubyalwa aho ashilile? akugema kwingila lwa kabili munda mwa nina, kubyalwa? Isa oshosha, Hana, bana, nakuwila, Olu munhu atabyalilwe na minzi na Nholo, atogema kwingila mu butemi wa Mulungu. Gwaligubyalwa mili gwene mili; na gwaligubyalwa Nholo gwene nholo. Otokumya geti nakuwila, Shibegelile kubyalwa bapya. Mbeho yahwehweta geti yutogwa, na wigwa kuluduma kwayo, aliyo otomana nolu oko yufumu, nolu okwilija: geko buli munhu obyalwa na Nholo.

¶ Hanuma ahaye Kwolekeja oku kukulondera.

Batogwa, niwigwa mu Anjili eyi mihayo ya Mupiji wiswe Masiya, geti munhu olu atobyalilwe minzi na Nholo, atogema kwingila butemi wa Mulungu. Mu mihayo eyi mugema kiibona kutwigelile kutale ya kwiganiha oku, oku tugema kudima. Hangi, lushiku Iwa Kulinha kwakwe ngwigulu (geti tusoma mu Sura ya kumelo ya Anjili Marko), waliobalagila bahemba bakwe, ohaya, Mujage mu nsi jose, na muwile Anjili kuli buli munhu. Oyu wakuzunya na obatiziwa akupila: aliyo owe atozunya akulekanyiwa. Mweyi yutuolecha shinhu shitale twinhiwa mu kubatiza. Kulwesho Petro Mwela Nhemba, aho wancha kuwila Anjili aho bingi balibosatwa mu mioyo yabo, na balibunwila owe nabangi ba Bahemba, Bingwe banlm na badugu, Twite kinahe? walioshosha na waliobawila, Mwoyage, na mubatiziwe buli munhu kulwa kwinjiwaho kwa shibi, na mukwinhiwa Nholo Yela. Aliyo lagano kuli bingwe na kuli bana bingwe, na kuli abo bose abali kulo, abo bakwitanwa na Scbji wiswe Mulungu. Na mihayo mingi hangi waliobolokoja, ohaya, Mwipije benekele mu kibyalilwe eki ekigomile. Kunguno (geti Nhemba oyu ohaya hangiho) Kubatiza kutupija ambunyu, (kuti kutweja malusu ga mili, aliyo shosha moyo gwawizn. kuli Mulungu,) mu kujuka kwakwe Isa Masiya. Mutihulahuja, aliyo muzunage nho, geti akubazunya na kigongo ehakwe banhu aba, aboyaga mioyo, na abiza na kuzunya kuliwe; akubinjaho shibi shabo, akubinha Nholo Yela; abinbe kusungula kwa bupanga butoshila, na binhiwe mu butemi wakwe kulwa butoshila. Kulwesho biswe tumanile nho kutogwa kwa Baba wiswe wa ngwigulu ku banhu aba, geti waliobalecha kuli Mwana wakwe Isa Masiya; tumeje mu kuzunya na moyo gwa kulamia, tuhaye,

Mulungu wa nguzu jose na butoshila, Baba wa ngwigulu, twakubeia, geti waliotogwa kutwitana biswe tumana kigongo chako, na kuzunya mu bebe; okongeje kumana na kuzunya oko, mu biswe shiku jose. Obinhe banhu aba Nholo Yela yako, babynlo hangi, babize kwingila bupiji butoshila; kuli Isa Masiya, owe obiza mpanga na otema liamo na bebe na Nholo Yela, ambunyu na butoshila. Amina.

¶ Aha Kasisi ahaye banhu abakubatiziwa geki:

Batogwa, mwizaga aha kuchoba kwinhwa Kubatiza kwela, mwigwaga geti kwibiringano oku balombaga, geti, Seba wiswe Isa Masiya atogwe kubenha na kubasungulila kubatungula mu shibi shingwe, kulunha butemi wa ngwigulu, na bupanga butoshila. Mwigwaga hangi, geti Seba wiswe Isa Masiya waliulagamu Mhayo gwakwegwela kutwinha shinlm shose eshotwashikobeja; lagano eli lyakwe, owe nhana akulidima akutungirija, akuliboja yanhana.

Kulwesho, hanuma lagano eli lyalilynlagwa na Masiya, mutokija ningwe abesigwa, mu miso ga benaba Bimiji bingwe, na kwiringa oku bose, mwalaga geti mukunema Shetani na milimo yakwe yose, inukuguzunya no Mhayo gwele gwa Mulungu, na mukulondera inu mioyo ingwe shilagilo shakwe.

¶ Aha Kasisi abuje buli munhu owakubatizwa wiyene, mihayo yakushosha geti yulondera:

Bebe wanema Shetani na milimo yakwe yose ekujo lya dalali lya munsi, na malusu gakwe ga sabo, na malusu ga mili, geti otijushilondera, nolu otijndutwa nesho?

Shobe. Nashilema shoshe.

Kumuja.

Wanzunya mu Mulungu Baba wa nguzu jose, Mumbi ngwigulu na nsi?
Na mu Isa Masiya Mwana wakwe omo wike Seba wiswe? Na geti waliubuchanda na Nholo Yela; obyalwa na Mwaniki Mavyamu; geti, waliuyugulwa na Pontio Pilato, okongwa ku nsalaba ocha, ojikwa; na geti wika ruunze, na hangi ojuka kulushiku Iwakadatu; geti olinha ngwigulu, na wigasa kunkono gwabtilyo gwa Mulungu Baba wa nguzu jose; na kufumu oko akwiza hangi kumelo yamunsi, kulekanya nsanyo bunhn bapanga na bafu?
Na wazunaga Nholo Yela; na Kanisa lya lyela, lya Katoliko, Kusangila kwa Beela; Kwinjiwaho shibi; Bujuku wa mili; na bupanga butoshila hanuma kucha?
Shoska. Eyi yose nazunyaga nho.
Kubuja. Watogwa kubatiziwa mu kuzunya oku?
Shosha. Chene natogwa.
Kubuja. Okubudima no butogwa wakwe wela wa Mulungu na shilagilo shakwe, na okuyera mweshi shiku jose ja bupanga wako?
Shosha. Nikulambaga kushidima geko, olu Mulungu onigunane.

Ke Mulungu wa kigongo, obagunano banhu aba geti Adamu wa kwandia ajikwe mubo, na geti munhu mpya a juke mubo. Amina.

Obagunane geti malusu gose ga mili guche mubo, nayo mihayo ya Nholo ikale na yongeje mubo. Amina.

Obagunane babize badimu na nguzu bantinde Shetani, nansi, na mili. Amina.

Obagunane geti aba, batonilwe aha benhwe nguzu na kwinirija kwiswe, bazwalichwe wiza wa ngwigulu, babize kwinhwa mhela ya bupanga butoshila, kulwa kigongo chako, Ee Seba Mulungu nsungulilwa, obiza, na otema shinhu shoslie, welelo na butoshila. Amina.

Mulungu wa nguzu jose na butoshila, Mwana wako ontogwa Isa Masiya, kulwa kulekeja shibi shiswe, waliofunya mu mbazu jakwe minzi na mininga, na waliobalagila bahemba bakwe, bajage bakabalange mahanga gose, na babatize mu Lina lya Baba, na Mwana, na Nholo Yela; Wigwa, twakwikumbirija, kulomba kwa kwibiringa oku; Ogeje minzi aya goje mu kwiganiha mu shibi; obagunane banhu aba ambunyu kubatiziwa benhwe mu kisa chako cha kokola, na shiku jose bigashe mu mpango gwa bana bako basoIwa na bakuzunya, kuli Isa Masiya Seba wiswe. Amina.

¶ Ambunyu Kasisi atwale buli munhu kubatiziwa na nkono ywabulyo, antule hihi Fonte, ababuje Bimiji Lina; hanuma alobeke mu minzi, aho atule minzi leuntwe ohaya,

[Lina]. Nakubatiza mu Lina lya Baba, na Mwana, na Nholo Yela. Amina.

¶ Aha Kasisi ahaye,

Twazunya oyu mu luganda mwidale lya Masiya; * na twantulako lumehere lwa Nsalaba, mu kalolelo aleme kudimwa minala kutambula kuzunya kwa Masiya waliokongwa, na olwage kigosha hansi ya membera yakwe, na shibi, na nsi, na Bhetani; na kulamba, kina asilikaro na sesse mwesigwa wa Masiya kushishu kumelo ya bupanga wakwe. Amina.

* Aga Kasisi ite Nsalaba hamakumbisho mu bushu wa munhu.

¶ Omala Kasisi ahaye,

Mubone ambunyu, Badugu batogwa, geti aba babyalagwa lwakabili, na balibenhwa mu mili gwa Kanisa lya Masiya, tumoje Mulungu wa nguzu jose kulwa milimo eyi yawiza, na moyo gumo tunombe, goti aba balindo bupanga wabo obwasagako kina chikolilo cha kwandia oku.

¶ Aha Kulomba kwa Seba, kuhayiwa, lose batuje mazwi,

Baba wiswe, oli ngwigulu, Lina lyako likujwo. Butemi wako wize. Butogwa wako bubejwe munsi, Geti bubejwa ngwigulu. Otwinhe ambunyu shiliwa sluswe sba lelo. Otulekeje kukenagula kwiswe, Geti biswe twabalekeja benabo batnkenagnla. Otatutongere mu kugema; Aliyo otupije mu bubi. Amina.

Twakubeja na bufula,, Ee Baba wa kigongo, kunguno waliotogwa kutwitana tumane kigongo chako, na kukuzunya; Otongeje kumana oku, na owite kudima kuzunya oku shiku jose. Obinhe banhu aba Nholo Yela yako; geti aba babyalwaga lwakabili, na bitwe bingiji ba bupiji bntoslnla, kuli Seba wiswe Isa Masiya, bakaongeje kubiza basesse bako, na bashike malagano gako; kulwa oyu Seba wiswe Isa Masiya Mwana wako, obiza mpanga, na otema hamo na bebe na Nholo Yela, welelo butoshila. Amina.

¶ Omala, bose bimila, Kasisi ahaye mihayo eyi yulondera; obawila Bimiji kwandia.

Kunguno banhu aba balagaga mu miso gingwe kunema Shetani na milimo yakwe yose, na kunzunya Mulungu na kuntumamila; ibegelile kubizukija, geti nimo gwingwe kubizukija, kilahilo eki, lagano, na kutambula, bitaga ambunyu mu miso ga kwibiringa oku, na kutinda mu miso gingwe abaltasola kubiza bakanji babo. Na bingwe mubitane balambage kula njiwa chiza mu Mhayo gwela gwa Mulungu; geti habize bakule mu kigongo, na mu kumana kwa Seba wiswe Isa Masiya, na babize bapanga, wa Mulungu, wa butungirija munsi eyi ya ambunyu.

(¶ Hanuma, obawila banhu ababatiziwagtwa, akaongeje kuhaya,)

Ningwe, mwazwalaga Masiya ambunyu mu Kubatiza, ngabo na nimo gwingwe hangi, mwitwaga bana ba Mulungu na ba musana, kulwa kuzunya mu Isa, Masiya, mushiminze kina chibegelile bana ba Masiya, na bana ba musana; mwizukwe shiku jose geti Kubatiza kwatulanga kutambula kwiswe; kwene, kulondera chikolile cha Masiya Mupiji wiswe, na twikolanijiwe nangwe; geti kina oyu waliocha, na waliojuka hangi kul wiswe; geko biswe, bamalaga kubatiziwa, tuchile mu shibi, na tujukile mu kutungirija; bulage shiku jose maganiko giswe gose ga shibi, na shiku jose tushiminze mu wiza wose na bupanga wa bufula.

¶ Chawiza btili munhu, wabatiziwa geko, atulwe makono ga Askofu hanuma shiku ndo; geti kwanukula Kusangila kwela.

¶ Olu banhu batobatiziwa mu bunigini benhwa kubatiziwa batali bashika miaka ya masala bageme kushosha benekele; chumala kwinilija Mihayo ya Kubatiza Bana, aho mu kabi katale, Mihayo ya Kubatiza Bana mu Numba.

Project Canterbury