KULOMBA NA KUBEJA MU SHIKU NINGI.
Prayers and Thanksgivings upon Several Occasions

¶ Kwinilijiwa kwandia Kulomba kabili kwa hamelo kwa Litania, hamo cha Kulomba kwa Dilu na Mindi.

KULOMBA.

Kuchoba mbula.

Ee Mulungu, Baba wegulu, waliolaga na Mwana wako Isa Masiya kubo bose buchoba butemi wako, na butungirija wakwe, bakwinhiwa sliinhu shose eshibigelile mibili yabo; Otwenhele, twakulomba, mu buhabi wiswe, mbula yawiza, geti biswe twinliiwe kwanukula matwajo gansi kulwa wiza wiswe, na kuli ekujo lyako; kulwa Isa Masiya Seba wiswe. Amina.

Kuchoba limi.

Ee Mulungu Seba wa nguzu jose, bebe kulwa shibi sha banhu ba kale waliotubija nsi yose, olu bati banhu banane, na hanuma kulwa kigongo chako kitale waliolaga atokenagula hangi geko; Twakwikumbirija mu bupolo, olu biswe shitwigelile nho kulwa bubihia wiswe ehuya lya mbula na minzi, aliyo aho twoyaga no hana okutwenela shiku, ejitwigelile twinhiwe kwanukula matwajo gansi mu shiku jabo; tukilange kulwa kuyugulwa kwako kugaluka bupanga wiswe, na kulwa wiza wako kukwinha kubeja; kulwa Isa Masiya Seba wiswe. Amina.

Mu Shiku ja Bupinha na Nzala.

Ee Mulungu, Baba wa kigongo, bebe, woliogalucha wangubo mu shiku ja nabii Elisha, munsi ya Samaria budo na buhabi kubiza wingi na shinogu; Otulekeje biswe, twalitukubiwa ambunyu geko kulwa shibi shiswe, twinbiwa geko kugunanwa: Okuongeje matwajo gansi kulwa kigongo chako cha ngwigulu; na twakwikumbirija geti biswe, kutwinha chakutwinha chako chingi, twinilija esho kulwa ekujo lya,ko, kulwa kubagunana abalibuchoba shiliwa, na kulwa kuyega kwiswe; kuli Isa Masiya Seba wiswe. Amina.

Mu Shiku ja Bulugu na Yombo.

Ee Mulungu wa nguzu jose, Ntemi wa batemi bose, olina nguzu ku shiuhu shose, nguzu jako atiho munhu ogema kulemeja, nimo gwako gwanhana kubayugula abalinha shibi, na kubachila kigongo kubo aboya yanhana; Otupije mu makono ga banishi biswe; ogehie budoshi wabo, ojimie bubi wabo, omale kwishigela kwabo; geti biswe, tubiza na kulinda kwako kwa shakwibulagila, tulindwe shiku jose mu kabi kose; kxilwa kwigelile kwa Mwana wako omo wike, Isa Masiya Seba wiswe. Amina.

Mu Shiku ja Ehuya aho Bulwile.

Ee Mulungu wanguzu jose, waliwenha kwa budaki ehuya kubanhu bako mubu kulwa kugoma no Musa na Haruni; na hangi, mu shiku ja Ntemi Daudi, obulaga na Kutula Kwihuya shihumbi mpungati, aliyo wizukwa kigongo chako obapija abalibusaga; Otulekeje biswe bapinha balinha shibi, twadimagwa ambunyu na bulwile wingi na lufu; aliyo geti waliozunya shiku ejo kushangija, onagila Malaika mhaji aleke kubayugula, geko na ambunyu otogwe kutwinjaho kutulwa oko na bulwile butale; kuli Isa Masiya Seba wiswe. Amina.

¶ Kuyahiwe mu shiku ejo, mwejo banhu bubejiva Balindiji ba Kanisa.

Ee Mulungu, wa nguzu jose, Mfunya wa shinhu shose shawiza, walioJagila kulwa masala gako ga Mulungu banhu ba nguzu jingi na jingi mu Kanisa lyako; Obinhe kigongo chako, twakwikumbirija na bufula, bose abakwitanwa mu nimo gwose na bulindiji mwilo; obokoje nhana ya kulanga kwako, obazwaiiche bupanga wawiza, binilije mu miso gako, Lina lyako lyela likujiwe, na Kanisa lyako lyela likasungulilwe; kuli Isa Masiya Seba wiswe. Amina.

¶ Kulomba kuhayiwe hanuma Kulomba kwose.

Ee Mulungu, butogwa na nimo gwako, shiku jose kutuchila kigongo na kutulekeja, ozunye kulomba kwiswe; na geti biswe twatungagwa na minyororo gwashibi shiswe, kulwa kigongo chako kitale otutungule biswe; kulwa ekujo lya Isa Masiya Seba wiswe. Amina.

¶ Kulomba kulwa Banhu bose habali hose, kwinilijiwa mu shiku ejo aho Litania litolagihva kuhayiwa.

Ee Mulungu, Meja na Nindi wa banhu bose, twabalombela banhu hose habali hose; geti otogwe kuboolekeja nzila jako kubo, na bupiji wako bamahanga gose gamane. Kutinda shose, twalilombela Kanisa lyako lyela; geti Nholo Yako yawiza akulilinda akulilanga, geti bose abakwitanaga Bamasiya benhwe mu nzila yanhana, na badime kuzunya na moyo gumo, bitambulile mu kuhola, na Kutungirija kwa bupanga. Hangi, twabalombela na wiza wako bose abo, bahabi na bapinha, mu mihayo, na mibili, na mioyo; [* kutinda yose kwabo kulomba kwiswe kucholwa,] geti otogwe kubafuricha na kubagunana mu buhabi wabo, obasungulile balambage, nakulushiku Iwahunuma bafume mu buhabi wabo. Na eyi yose twalomba kuli Isa Masiya. Amina.

* Mihayo eyi ehayiwe aho omo ochoba Kulomba kwa kwibiringa.

KUBEJA.

¶ Kubeja kwa bose.

Ee Mulungu wa nguzu jose, Baba wa kigongo chose, biswe basesse bako abatigelile twakubeja mu bufula na moyo kulwa wiza wako wose na kutogwa biswe, na kuli banhu bose; [* kutinda shose kwabo abachoba ambunyu kutwinha bubeja wabo kulwa kigongo chako chingi chiwabenhera chenhechi.] Twakwisungulila kulwa kutubeja, kutupija, na kusun-gula kwose kwa bupanga obu; aliyo kutinda shoshe, kulwa kutogwa kwako kutotindwa mu kumola nsi na Seba wiswe Isa Masiya; kulwa nzila ya kigongo, na kulolelo kwa ekujo. Na, twakwikumbirija, otwinhe masala twigwe kisa chako chose, geti mioyo iswe ekukubeja etina kusamilwa, na geti biswe otwolekeje ekujo lyako, oluti milomo iswe ike, aliyo mu bupanga wiswe; tukwinha benekele ku kutumamila kwako, na tushiminze butongi wako mu kwela na kutungirija shiku jiswe jose; kuli Isa Masiya Seba wiswe, kuyu hamo na bebe na Nholo Yela bubize ekujo lyose, ku bupanga butoshila. Amina.

* Mihayo eyi ehayiwe aho abo buhaya kubeja kwa kiyongo echo binhiwa.

Kulwa Mbula.

Ee Mulungu, Baba wiswe wa ngwigulu, bebe mu masala na kigongo chako waliotuma mbula ya kuandia na yahanuma kwiza munsi, geti ekutwaja matwajo kwinilijiwa na munhu; Twakubeja na bufula geti watogagwn, mu kuchoba kwiswe kntale, kututiima ambunyu mbula ya kuyega ku banhu bako, na kulwa kulindiji kwako; aliyo biswe basesse bako abatigelile, kuli ekujo lya Lina lyako lyela; kulwa kigongo chako mu Isa Masiya Seba wiswe. Amina.

Kulwa Shiku Jawiza na Limi.

Ee Seba Mulungu, waliotukubi mu kutungirija na ehuya lyako lya minzi na mbula ningi no, na mvi kigongo chako watwifujaganawatufurichaganholo jiswe mu shiku jalimi; Twalikuja Lina lyako lyela kulwa kigongo chako eki, niswe shiku jose tukwigwilija kisa chako ku kibyalilwe na kibyalilwe; kuli Isa Masiya Seba wiswe. Amina.

Kubeja kulwa Shinhu Shingi.

Ee Baba wa kigongo chingi, waliwigwa kulwa kisa chako cha kigongo kulomba kwa moyo kulwa Kanisa lyako, waliogalucha buhabi na budo wiswe kubiza shingi na shinogu; Twakubeja na bupolo kwa wingi obo wako; twakwikumbirija okatuongeje kisa chako ku biswe, geti chalo chisvve kitwaje matwajo gacho, gokoongeje: kuli ekujo lyako, na kuli furicha wiswe; kuli Isa Masiya Seba wiswe. Amina.

Kulwa Mhola na Bupiji mu Banishi.

Ee Mulungu wa nguzu jose, bebe ngoma ya nguzu kubalinda basesse bako mu miso ga banisi babo; twakufunija ekujo na bubeja kwa bupiji wiswe mu kabi ako katale na hape shatupindiaga; Twatambula wene wiza wako tutijufuniwa kubiza ba basesse kubo; twakwikumbirija geti bebe okongeje kigongo chako eki kubiswe, mi yose emane geti bebe Mupiji wiswe; kuli Isa Masiya Seba wiswe. Amina.

Kulwa Mhola mu Buyombia.

Ee Mulungu wa butoshila, Baba wiswe wa ngwigulu, oli wiyene wababeja banhu ba mu numba kubiza na moyo gumo, winjaho budosi wa banhu nguzu na bugomi; Twalisungulila Lina lyako lyela, kunguno watogwa kwinjaho buyombia wabubi waliobiza ku mwiswe shiku eji; twakwikumbilija kulwa bufula otwinhe biswe bose kigongo, tushiminye kufuma lelo kulwa bufula mu mihayo yako yela; na biswe olu twigasa bupanga bufula wa mhola mu kulamia, tukufunije shiku jose kitambo chiswe chikujo na kubeja kwa kigongo eki chako ku biswe; kuli Isa Masiya Seba wiswfe. Amina.

Ee Seba Mulungu, waliotutula kulwa shibi shiswe, otumala kulwa shibi shiswe, kulwa mihayo milamba na kuogohwa kwa shiku eji kushisha; ambunyu, munsango wizukwa kigongo, wakomolaga nholo jiswe mu kuliwa na lufu; twakufunija wiza wako wa Baba, nholo jiswe, na mibili yiswe walioshipija, kubiza kitambo kipanga kumwako, twakuja shiku jose kigongo chako hagati ya Kanisa lyako; kuli Isa Masiya Seba wiswe. Amina.

Project Canterbury