MIHAYO YA KULOMBA DILU,
MU
SHIKU JOSE MU MWAKA GWOSE.

¶ Kwandia kwa Kulomba Dilu Nindiji asome nilaka etale omo hanio ningi hilili ja Matono julondera. Aho omala ahaye yaliyotonwa hanuma ya hilili.

Aho munhu mubi oleka bubi wakwe echowaliwita, obeja chiza na shakutungirija, akupija nholo yakwe bupanga. Ezek. xviii. 27.

Natambula bubihia wane, na shibi shane mu miso gane shiku jose. Zab. li. 3.

Obise miso gako mu shibi shane, opiagule kukenagula kwane kwose. Zab. li. 9.

Shitambo sha Mulungu shene nholo yabinzika: moyo ogubinzise, ogwoya, Ee Mulungu, otagudalaha. Zab. li. 17.

Tandulage mioyo ingwe, mutatandulage sizwalo singwe, mungalukile Seba Mulungu. wingwe: owe ni wawiza na wa kigongo, ati wangu kulumva, alina wiza wingi, oleka kwenha mushibi. Yoel ii. 13.

Kuli Seba Mulungu wiswe wa kigongo na kulekeja, twalitugomile: nolu twalitutigwaga elaka lyakwe Seba Mulungu wiswe, twigwe mibayo yakwe yaliyotulwa mu miso giswe. Dan. ix. 9, 10.

Ee Seba, otulange, muti kulumva; aliyo mu bufula, naleke kujimila. Yerem. x. 24.

Ngoyage lulu; aliyo butemi wa ngwigulu buli hihi. Matt. iii. 2.

Nikubuka, nikuja kuli baba wane, nikumwila, Baba, nakenagulile ngwigulu, na mu miso gaho, nolu natigelile hangi kwitanagwa mwana wako. Luka xv. 18, 19.

Otijingila nmsango na sesse wako, Ee Seba; aliyo mu miso gako atiho inunhu mpanga kwita kutungirija. Zab. cxliii. 2.

Olutuhaya tutina shibi, tukwilembalemba, nolu hana etimo mu biswe; olu tutambula shibi shiswe, owe ni nzunya na ntungilija kulekeja shibi shiswe, na kubeja mu shoshe eshite sha kutungilija. 1 Yoh. i. 8, 9.

BADUGU batogwa, Matono gatulekeja mu luhilili lungi kutambula shibi shiswe na kukenagula; nolu tutosibisa mu miso ga Mulungu Baba wiswe wa ngwigulu; aliyo tutambula shibi, na moyo mufula, gutina bululu, gwa kwoya, na kwigwa; geti twinhiwe kulekejwa, kwa wiza na kigongo chakwe chanhana. Niswe olu shitwigelile shiku jose kutambula shibi shiswe butongi wa Mulungu; shitwigelile kvitinda shose, olu twikuminga hamo tumeje kulwa shawiza shitale eshowaliotwinha mu makono gakwe, twoleche ekup lyakwe weyalambaga nho, twigwe Mhayo gwakwe gwela, tulombe eshitulikoba na eshitulitogwa sha mill na sha moyo. Kulwesho nabalomba nabikumbilija, bose mulaha, mudimane na nene na moyo gwawiza, na elaka lya bufula, kwisumbi lya kigongo cha ngwigulu, ngohaya hanuma nene;

¶ Kutambula kwa, bose Kuhayiwe nebita lyose hanuma Nindiji, bose batuje mazwi.

Ee Baba wa nguzu jose na wa kigongo nho; Twabiajaga twahubaga mu nzila jako, kina ngholo jajimilaga. Twalondelaga nho maganiko na malusu ga mioyo iswe. Twabinzaga mihayo yako yela. Twalekaga eshitwigelile kwita; Netwitaga eshitatwigelile kwita; Nolu bupanga tutinabo. Aliyo bebe, Ee Seba, otuchile kigongo, biswe bapinha balina shibi. Obalekeje, Ee Mulungu, bakutambulilaga shibi shabo. Obashoshage aboyaga; Geko lagano lyako waliubawila banhu mu Isa Masiya Seba wiswe. Na twakwikumbirija, kulwakwe Ee Baba wakigongo; Geti otwambirije twite ambunyu chiza, tushitungilije shawiza na shahana, Kuli lina lyako lyela likujwe. Amina.

¶ Kwinjaho Shibi, Kuhayiwe na Kasisi wiyene, wimila; banhu batuji mazwi.

Mulungu wa nguzu jose, Baba wa Seba wiswe Isa Masiya, atotogwa alina shibi ache, aliyo kutinda aleke kukenagula kwakwe, abize mpanga; na wabinhaga Balindiji bakwe nguzu, na mihayo, kubawila banhu bakwe, baliboya, Binjweho ga shibi shabo; Owe obalekeje bose baliboya yanhana, na bazunyaga no Anjili yakwe yela. Kulwisho tunombe kutwinha kwoya kwa hana, na Nholo yakwe yela, geti eshotulita ambunyu shintogile; na bupanga wiswe owasagaho bubize wawiza, na wela; geti kumelo tushike mu kuyega kwakwe kwa welelo butoshila; kuli Isa Masiya Seba wiswe.

¶ Banhu bakushosha aha, na kumhelo ya kulomba kwose kwingi, Amina.

¶ Omala, Nindiji atuje mazwi, ahaye Kulomba kwa Seba na elaka etale; banhu hangi batuje mazwi, na bahaye hamo nangwe, naha na buli hibili mu Mihayo Yela.

Baba wiswe, oli ngwigulu, Lina lyako likujwe, Butemi wako wize. Butogwa wako bubejwe munsi, Geti bubejwa ngwigulu. Otwinhe ambunyu shiliwa shiswe sha lelo. Otulekeje kukenagula kwiswe, Geti biswe twabalekeja benabo batukenagula. Otatutongere mu kugema; aliyo otupije mububi: Kulwa butemi, na nguzu, nekujo shako, Welelo na welelo. Amina.

¶ Omala ahaye hanji,

Ee Seba, owasamye milomo iswe.
Shosha. Na miloma iswe ekuhaya ekujo lyako.
Kasisi. Ee Mulungu, otupije wangu.
Shosha. Ee Seba, otugunane wangu.

¶ Aha bose bimile, Kasisi ahaye,

Ekujo libize kuli Baba, na kuli Mwana: na kuli Nholo Yela;
Shosha. Geti yalikuandia, na ambunyu, na welelo butoshila. Amina.
Kasisi. Munkuje Seba.
Shosha. Lina lya Seba likujwe.

¶ Omala ihayiwe hamo imwe Zabuli iji julondera: luti lushihu lwa PASAKA, mu ohvo limbo lingi lulagilwa; na mu lushiku hua ekumi na kenda buli mweji etosomwa aha, aliyo mu kiwhera kwakwe mu Zaburi.

VENITE, EXULTEMUS DOMINO. Zab. xcv.

Nzugwi, tumwimbile Seba: tuyege no mu nguza ja bupiji wiswe.
Tuje butongi wakwe na kubeja: tuoleche benekele na kuyega mu mimbo.
Aliyo Seba omwene Mulungu ntale: na Ntemi ntale kutinda masanva gose.
Mu nkono gwakwe gwene mahururu gansi: na nguzu ja ngulu jakwe.
Nyanza jene jakwe, na waliubeja: na makono yakwe gubeja nsi nomu.
Nzugwi, tulamye, tugabile: tutuja mazwi mu miso ga Seba Meja wiswe.
Aliyo owe Seba Mulungu wiswe: na biswe banhu ba batogolo gakwe, na ngholo ja nkono gwakwe.
Lelo olu ngwitogwa kwigwa elaka lyakwe, mutite bulambu mioyo ing we: kina mu kulubu, na kina mu lushiku lwa kugema mubu;
Aho baguku bingwe bunigema: bupitegeleja, na bubona milimo yane.
Miaka makumi anne nosatwa na kibyalilwe eki, nahaya: Abo banhu bubihia mu mioyo yabo, aliyo batomana nzila jane.
Nabilahila mu budaki wane: geti batingila kwif ula kwane.
Ekujo libize kuli Baba, na kuli Mwana: na kuli Nholo Yela;
Geti yalikuandia, ambunyu, na welelo butoshila. Amina.

¶ Omala julondera Zabuli mu kivihera jalijolagilwa. Na kumhelo ya buli Zaburi mu mwaka gwose, na geko kumhelo Benedictus, Magnificat, na Nunc Dimittis, ihayiwe,

Ekuyo libize kuli Baba, na kuli Mwana: na kuli Nholo Yela;
Geti yalikuandia, ambunyu, na welelo butoshila. Amina.

¶ Omala asome chiza na elaka etale, Soma la Kuandia, lyalilofuma mu Elagano lya Kale, geti yaliyolagilwa mu Kalendari, oluti masomo gangi ku lushiku olu: Nsomi wimila na oguluka mwenekele chiza, geti ebita lyugema kwigwa. Na hanuma limbo eli Una lyakwe, Te Deum Laudamus, shiku jose mu mwaka gwose.

¶ Lolagi, Kuandia ya buli Soma Nindiji ahaye, Ambunyu kuandia Suru mbati, hamo luhilili mbati ya suru mbati, wa kitabo mbati: Na hanuma buli Soma, Aha Soma lya kuandia, hamo Soma lykabili lyamalagwa.

TE DEUM LAUDAMUS.

Twakubeja, Ee Mulungu: twakutambula omwene Seba.
Munsi jose bakulamya bebe: Baba wa butoshila.
Ku bebe Bamalaika bose buhamuka: Ngwigulu, na nguzu jose jilimo.
Kuli bebe Makerubi, na Maserati: shiku jose buhaya,
Mwela, Mwela, Mwela: Seba Mulungu wa Sabaoth;
Ngwigulu na nsi shokola: nekujo lyako.
Luganda Iwikujo Iwa Bahemba: Iwakukuja.
Kusangila kwawiza kwa Banabii: kukukuja.
Ebita lyawiza Bakaniji: lyakukuja.
Kanisa lyela munsi jose: lyakutambula.
Bebe, Baba: wikujo litoshila;
Mwaiia wako omo wike, wanhana: na wawiza;
Nangwe Nholo Yela: Mfuricha.
Bebe Ntemi wikujo: Ee Nasiya.
Bebe Mwana wa butoshila: wa Baba.
Aho waliozunya kubapija banhu: otodalaha munda ya Mwaniki.
Aho watindaga busatwa wa kucha: bigulilaga Butemi wa Ngwigulu ku bose bakuzunya.
Bebe wigasha kunkono gwa Mulungu: mu ekujo lya Baba.
Twakuznnya geti bebe okwiza: kutulekanya biswe.
Kulwesho twakulomba, kubagunana basesse bako: abo waliobakomola na mininga gako gampango.
Obabalile hamo na Beela bako: mu ekujo butoshila.
Ee Seba, obapije banhu bako: obasungulile bingije bako.
Obasuge: na obatule kwigulya kwa butoshila.
Shiku na shiku: tukukuja bebe.
Na twalilamya lina lyako: welelo na welelo.
Twakwikumbirija, Ee Seba: otulinde lelo tutita shibi.
Ee Seba, otulekeje: otulekeje.
Ee Seba, otwinhe kigongo chako: geti biswe twakuzunya.
Ee Seba, mu bebe nazunyaga: naleme kujimila kwa butoshila.

¶ Aho Limbo eli.

BENEDICITE, OMNIA OPERA.

Ee bingwe Milimo yose ya Seba, munsungulile Seba: munkuje Seba, kwa welelo.
Ee bingwe Bamalaika ba Seba, munsungulile Seba: munkuje Seba, kwa welelo.
Ee bingwe Egulu, munsungulile Seba: munkuje Seba, kwa welelo.
Ee bingwe Minzi agali higulya yahape, munsungulile Seba: munkuje Seba, kwa welelo.
Ee bingwe nguzu jose ja Seba, munsungulile Seba: munkuje Seba, kwa welelo.
Ee bingwe Limi, na Mweji, munsungulile Seba: munkuje Seba, kwa welelo.
Ee bingwe Sonda ja Ngwigulu, munsungulile Seba: munkuje Seba, kwa welelo.
Ee bingwe Swalala, na Lume, munsungulile Seba: munkuje Seba, kwa welelo.
Ee bingwe Mbeho ja Mulungu, munsungulile Seba: munkuje Seba, kwa welelo.
Ee bingwe Moto, na Luyilo, munsungulile Seba: munkuje Seba, kwa welelo.
Ee bingwe Shiku ja Mbeho, na Limi, munsungulile Seba: munkuje Seba, kwa welelo.
Ee bingwe Lume, na Sakitu, munsungulile Seba: munkuje Seba, kwa welelo.
Ee bingwe Kugandamija, na Mbeho, munsungulile Seba: munkuje Seba, kwa welelo.
Ee bingwe Shiku ja mbeho, na Mawe ga Mbula, munsungulile Seba: munkuje Seba, kwa welelo.
Ee bingwe Bujiku, na Limi, munsungulile Seba: munkuje Seba, kwa welelo.
Ee bingwe Hape, na Giti, munsungulile Seba: munkuje Seba, kwa welelo.
Ee bingwe Lulabi, na Malunde, munsungulile Seba: munkuje Seba, kwa welelo.
Ee Nsi enkuje Seba, munsungulile Seba: munkuje Seba, kwa welelo.
Ee bingwe Ngulu, na Matumbi, munsungulile Seba: munkuje Seba, kwa welelo.
Ee bingwe Maswa gose ga Nsi, munsungulile Seba: munkuje Seba, kwa welelo.
Ee bingwe Nzwiro, munsungulile Seba: munkuje Seba, kwa welelo.
Ee bingwe Nyanza, na Myirigo, munsungulile Seba: munkuje Seba, kwa welelo.
Ee bingwe Nhunga butale, na shose eshoyera mu Nyanza, munsungulile Seba: munkuje Seba, kwa welelo.
Ee bingwe Noni jose ja Hape, munsungulile Seba: munkuje Seba, kwa welelo.
Ee bingwe Ndimu jose, na Nghombe, munsungulile Seba: munkuje Seba, kwa welelo.
Ee bingwe Bana ba Banhu, munsungulile Seba: munkuje Seba, kwa welelo.
Israeli bankuje Seba, munsungulile Seba: munkuje Seba, kwa welelo.
Ee bingwe Bagabiji ba Seba, munsungulile Seba: munkuje Seba, kwa welelo.
Ee bingwe Basesse ba Seba, munsungulile Seba: munkuje Seba, kwa welelo.
Ee bingwe Nholo na Mioyo yabo Batungirija, munsungulile Seba: munkuje Seba, kwa welelo.
Ee bingwe Beela na Bapolo mu moyo, munsungulile Seba: munkuje Seba, kwa welelo.
Ee bingwe Ananias, Azariya, na Misaeli, munsungulile Seba: munkuje Seba, kwa welelo.
Ekujo libize kuli Baba, na kuli Mwana: na kuli Nholo Yela;
Geti yali kuandia, ambunyu, na welelo butoshila. Amina.

¶ Omala lisomwe geko Soma lyakabili lyufuma Elagano lipya. Na hanuma eyi, Limbo lulondera; oluti lene Sura kulwa lelo, hamo luahiku lwa Yohana Mbatizaji.

BENEDICTUS. Luka i. 68.

Alinha kisa Seba Mulungu wa Baisraeli: aliyo wabalolaga, na wabakomolaga banhu bakwe;
Na wenhaga ipembe ya bupiji ku biswe: mu numba ya Daudi sesse wakwe;
Kina waliohaya mu nomo ga banabii beela: kufuma kwandia kwansi;
Geti batupijiwe mu banishi biswe: na kunkono gwa bose batukolwa;
Kubaolecha kigongo ku baguku biswe:
Na kwizukwa elagano lyakwe lyela;
Kilahilo waliunhilala Ibrahimu guku wiswe;
Kutwinha biswe; geti tupijiwa munkono gwa banishi biswe: tukantumamile haduhu bobu;
Mu mwela na butungirija butongi wakwe: shiku jiswe jose.
Na bebe, Mwana, okwitanwa Nabii wa oyu Ali Ngwigulu: aliyo akuntongela bushu wa Seba kubeja tayari nzila jakwe;
Kubinha banhu kumana bupiji: Na kwinjiwaho kwa shibi shabo.
Kulwa moyo gwa kigongo cha Mulungu wiswe: Mu oyu makingo kuf uma kwigulya akwiza kutulola;
Kumulika kwabo bikala inu giti, na mu nengeje gwa kucha: kukeja mambala jiswe mu nzila ja kuhola.
Ekujo libize kuli Baba, na kuli Mwana: kuli Nholo Yela;
Geti yali kuandia, ambunyu, na welelo butoshila. Amina.

¶ Hamo Zabuli eyi.

JUBILATE DEO. Zab. c.

Munyegele mu Seba, bingwe mashalo gose: mutumamile Seba na kuyega, na mwize mu miso gakwe na limbo.
Mumanile yanhana geti Seba omwene Mulungu: omwene waliutubeja, nolu tuti biswe benekele; biswe banhu bakwe, na ngholo ja matogola gakwe.
Jagi mwibita lyakwe na kuyega, muingile rnwibiiido lyakwe na ekujo: munbeja, muhaye chiza elina lyakwe.
Aliyo Seba omwene wa kigongo, na kisa chakwe cha butoshila: na hana yakwe kushika kibyalilwe ku kibyalilwe.
Ekujo libize kuli Baba, na kuli Mwana: na kuli Nholo Yela;
Geti yali kuandia, ambunyu, na welelo butoshila. Amina.

¶ Omala ahaye Kuzunya kwa Bahemba na Nindiji na banhu, bimila: oluti mu shiku ejo yeti Kuzunya kwa Athanasius kwalagilwa kusoma.

Nazunya mu Mulungu Baba wa nguzu Jose, Mubeja egulu nansi:
Na Isa Masiya Mwana wakwe omo wike Seba wiswe, Waliubuchanda ya Nholo Yela, Obyalwa na Mwaniki Maryamu, Oyugulwa mu shiku ja Pontio Pilato, Okongwa ku msalabu, ocha, ojikwa, Wika mu Hades; Lushiku lwa kadatu ojuka mu bafu, Oja ngwigulu, Wigasa kunkono gwabulyo gwa Mulungu Baba wa nguzu jose; Oku oyu akushoka kulekanya nsango gwa banhu bapanga na bafu.
Nazunya mu Nholo Yela; na Kanisa lya lyela; lya Katoliko; Kusangila kwa Beela; Kulekeja shibi; Bujuko wa mili, na bupanga butoshila. Amina.

¶ Hanuma, Kulomba eshi sholondera, bose batuje mazwi ya liana; Nindiji ahaye kuandia na elaka atale,

Seba abize ningwe.
Shosha. Abize na nholo yako.
Nindiji. Tulombe.

Ee Seba, otuchile kigongo.
Ee Masiya, otuchile kigongo.
Ee Seba, otuchile kigongo.

¶ Omala Nindiji, Basomi, na banhu bose, bahaye Kulomba kwa Seba na elaka etale.

Baba wiswe, oli ngwigulu, Lina lyako likujwe. Butemi wako wize. Butogwa wako bubejwe munsi, Geti bubejwa ngwigulu. Otwinhe ambunyu shiliwa shiswe sha lelo. Na otulekeje kukenagula kwiswe, Geti biswe twabalekeja benabo batukenagula. Otatutongere mu kugema; Aliyo otupije mububi. Amina.

¶ Omala Kasisi wimila ahaye,

Otulekeje, Ee Seba kigongo chako.
Shosha. Otwinhe bupiji wako.
Kasisi. Ee Seba, oninde Ntemi.
Shosha. Okwinhiwa kulomba kwiswe.
Kasisi. Balindiji bako bazvvale kutungilija.
Shosha. Bayege basolwa bako.
Kasisi. Ee Seba, obapije banhu bako.
Shosha. Obasungulile bingiji bako.
Kasisi. Otwinhe kuhola, mu shiku jiswe, Ee Seba.
Shosha. Aliyo atiho wakutulinda, oluti bebe, Ee Mulungu wiswe.
Kasisi. Ee Mulungu, obeje mioyo iswe.
Shosha. Ototwinjaho Nholo yako yela.

¶ Omala Kulomba idatu sholondera; ya kwandia kwa lushiku, kwene kwa Kusangila Kwela; lwa kabili kulwa Kuhola; na lwakudatu kulwa Kigongo kubiza bupanga chiza. Na kulomba eshi lwa kabili na lwa kudatu shiliayiwe shihu jose mwaka gwose, mu kulomba kwa dilu; bose batuje mazwi.

Kulomba lwakabili, kulwa Mhola.

Ee Mulungu, Mubeja na mtogwa wamhola, rnu kukumana bebe ni bupanga butoshila, na mu busesse wako kwe bupongo no; Otulinde biswe basesse bako bufula mu kulwa kwose kwa banisi biswe; geti biswe, twakuzunya mu kugunana kwako, tuleke kuogoha ngtizu ja banisi biswe, kulwa nguzu ja Isa Masiya Seba wiswe. Amina.

Kulomba lwa kudatu, kulwa Kigongo.

Ee Seba, Baba wiswe wegulu, Mulungu wa nguzu jose na butoshila, waliutwinha ambunya kwandia lushiku olu; Otulinde lelo na nguzu jako; na otugunane lelo tuleke kubihaja, nolu tutingile mushibi; aliyo shinhu shose shotulita, okatugunane kubeja shiku jose shakutungilija niu miso gako; kuli Isa Masiya Seba wiswe. Amina.

¶ Omala Kulomba eshi shitano sholondera, oluti Litania esomwe; Kulomba kwakabili kwahanuma kwike kusomwe, kina kwalikutonwa.

Kulomba kulwa Ntemi wiswe.

Ee Mulungu twakwikumbirija obalinde Ntemi wiswe (Mbati . . . ), na nina, na luganda lwa kwe, na banangwa, na ngabe, na banangoma; bose mu mhola na wiza. Obalinde na kigongo chako; obambirije bakwinirije chiza balekanye misango yahana hana; tubize kwigasha hansi yakwe mu mhola na mu wiza; tunkuje tumwigwe kina watulangisa; kuli Isa Masiya Seba wiswe. Amina.

Kulomba kulwa Batemi ba Bulaya.

Ee Seba, Baba wiswe wa ngwigulu, oli ntale wa nguzu, Ntemi wa batemi, Seba wa baseba bose, mu kwisumbi lyako obona abali munsi bose; twakwikumbirija, olole na kigongo chako, Williami, Ntemi wa Badachi, na Vikitoria, Ntemi wa Baingreza, na baclugu bose ba batemi, Obinhe Nholo yako yela; obinhe kigongo cha ngwigulu; obasungulile mu mihayo ya munsi, na obenhe bakashike butemi wako wa ngwigulu; kuli Isa Masiya Seba wiswe. Amina.

Kulomba kulwa Balindiji na Banhu.

Mulungu wa nguzu jose na batoshila, owita wiyene bukumya butale; Obenhele sesse wako Askofu wiswe, Baaskofu bose, Kasisi, na banhu bebalangisa bose, Moyo gwa kisa na bupanga; na obatulile shiku jose, mbula ya kusungula kwako bite eshootogwa. Otwinhe esho, twakwikvimbilija, Ee Seba wiswe, kulwa ekujo lya Nhayi na Mupiji wiswe, Isa Masiya. Amina.

Kulomba kulwa Krusostemi.

Mulungu wa nguzu jose, watwinhaga ambunyu kigongo chako tulombe bose na moyo gumo mu miso gako; na waliulaga geki, aho babili hamo badatu bikuminga mu lina lyako okubinha esho balilomba: Obinhe ambunyu, Ee Seba, eshobalilomba na eshobalikoba sha basesse bako, geti shibigelile kwabo; tubize munsi eyi kumana hana yako, na munsi eyo eyahaya kwiza otwinhe bupanga butoshila. Amina.

2. Kor. xiii.

Kigongo cha Seba wiswe Isa Masiya, na Butogwa wa Mulungu, na Kusangila kwa Nholo Yela, shikale niswe ambunyu welelo na Butoshila. Amina.

Aha Kulomba kwa Dilu Kwamala.

Project Canterbury