¶ Kwandia Mihayo yabo abuchola kwitola yuwilwa mu Kanisa Sabato edatu, mu Kulomba kwa Dilu, hanuma lasome lapile; Nindiji ahaye yeti, yayumanila,

Nabawila Mihayo ya Kwitola ya Mbati wa . . . na Mbati ..... Olu munhu mu bingwe omana mhayo, aho kulemeja kwa butungirija. aba babili batudimana mu Kwitola kwela, shibigelile kutambula. Lwene lukangala Iwa kwandia [lwa kabili, aho lwa kadatu] lwa kubuja.

¶ Lushiku, na saa eyaliyidagilwa kulwa kwita Kwitola, banhu abuchola kwitola bize mu Kanisa hamo na bichabo na bazenyanwa biye; na uko bimila hamo, nyosha kwipande lya bulyo, na nkima kwipande lya bumosho, Kasisi ahaye,

Batogwa, twibilingaga aha mu miso ga Mulungu, na mu butongi wa banhu aba, tubadimariye hamo ngosha oyu na nkima oyu mu Kwitola kwela; gwene mhayo gwikujo, ogwaligulagilwa na Mulungu mu shiku banhu balibatali kukenagula, mu chikolile chakudimana kwa kwigeniha Masiya na Kanisa lyakwe; mhayo oyu gwela Masiya waliogunoiiya na ogukuja, aho wali owe, na mu kalolelo ka kwandia waliokwita mu Kana ya Galilaya; na gukujiwa na Paulo Mwela geti kwikujo kuli banhu bose; kulwesho gutudimwa na munhu wangu, atiho mhayo, nolu kwidedekanya, nolu kwilemeja, geti malusu ga banhu gashike, geti ndimu jitina masala; aliyo kwi kujo, na masala, na mhayo na kwitungilija, na kungoogoha Mulungu; tuizukwa chiza Mihayo ya Kwitola kulagilwa.

Kwandia, chalichulagilwa bana babyalwe, balelwe mu boba na kulanga kwa Mulungu, na ku ekujo Lina lyakwe lyela.

Chakabili, chalichulagilwa kubiza bugota wa shibi, bunyasa bupelwe; banhu abatugema kwilemeja bitole, bilinde mabudika ga mili gwa Masiya atiho bubi.

Chakadatu, chalichulagilwa kulwa kuhoya, kwigunana, kuyega, geti chibigelile hinhiwe munhu na nkima wakwe, mu wiza na mu bubi. Mu mhayo oyu gwela aba bizaga kudimanya. Kulwesho olu munhu ogema kolecha mhayo batuolimanyiwa, ahaye ambunyu, aho hanuma welelo afulike.

¶ Hangi, obawila banhu abuchola kwitola, ahaye,

Nachola bingwe babili nabalagila, geti mukushosha ku'lushiku Iwa nsango, aho kwigeniha kwa mioyo yose kukwilonga hape, olu omana omo mu bingwe mhayo gwa kubalemeja mu kwitola, mutambule ainbunyu. Kunguno mwetegeleje liana, geti bose abudimanyiwa geti gwaligutulagilwa Mhayo gwa Mulungu batudimanyiwa na Mulungu; nolu Kwitola kwabo kutina nguzu.

¶ Munhu ofunya mhayo batitole, Mihayo ya Kwitola yubikwa kushisha nhana ekwilonga,
¶ Olu atiho mhayo gwakubalemeja, Nindiji anwile ngosha.

Mbati Wazunya kutola nkima oyu abize nkima wako wakutolwa, kubiza hamo mu kilagilo cha Mulungu mu mhayo gwela gwa Kwitola? Chene ochola okuntogwa, okunyeja, okunkuja, okuninda mu buIwile na bupanga; na, okuleka bakima bose bangi, okubiza nangwe wike, shiku jose ja bupanga wingwe?

¶ Ngosha ashoshe,

Chene natogwa.

¶ Omala Kasisi anwile nkima,

Mbati Wazunya kutolwa ngosha oyu abize ngosha wako wakukutola, kubiza hamo mu kilagila kwa Mulungu mu mhayo gweia gwa Kwitola? Chene ochola, okuruwigwa, okuntumamila, okuntogwa, okunkuja, okuninda mu bulwile na bupanga? okuleka bagosha bose bangi, okubiza nangwe wike, shiku jose ja bupanga wingwe?

¶ Nkima ashoshe,

Chene natogwa.

¶ Omala Nindiji ahaye,

Nani wamwinhaga nkima oyu atolwe na ngosha oyu?

¶ Ambunyu bitambulile benekele na benekele geko.
Nindiji, wanukule nkima mu makono ga baba aho basumba biye, anoleche ngosha adime nkono gwa bulyo gwa nkima na nkono gwabulyo gwakwe, na kuhaya hanuma nangwe geti yulondera.

Nene (Mbati) nakutwala bebe (Mbati) kubiza nkima wane wakutolwa, kubiza na bebe shiku jose kufuma lelo, mu wiza na bubi, mu busabi na buhabi, mu bulwile na bupanga, kukutogwa, kukuliuda, kushisha kucha kukutulekanya, kulwa kulagila kwela kwa Mulungu; kulwesho nakuwilaga nhana.

¶ Omala balekane makono; na nkima na nkono gwakive gwa bulyo, andime nyosha hankono g wakwe gwa bulyo, ahaye geko hanuma Nindiji,

Nene (Mbati) nakutwala bebe (Mbati) kubiza, ngosha wane wakutolwa, kubiza na bebe shiku jose kufuma lelo, mu wiza na bubi, mu busabi na bahabi, mu bulwile na bupanga, kukutogwa, kukulinda, kukwigwa, kushisha kucha kukutulekanya, kulwa kulagila kwela kwa Mulungu; kulwesho nakuwilaga nhana.

¶ Hangi balekane makono; na ngosha nkima Shili, oitula higidya ya kitabo. Na Kasisi, otwala Shili, amwinhe ngosha, aitule halwala lwa kane lwa nkono gwa bumosho yiua nkima. Na ngosha oidimya shili oku, olangwa na Kasisi ahaye,

Na shili eyi nakutola, na mili gwane nakukuja, na shinhu shane shose sha munsi nakwinaga; mu Lina lya Baba na Mwana na Nholo yela. Amina.

¶ Omala ngosha oleka shili halwala lwakane lwa nkono gwa bumosho gwa nkima, batuje mazwi bose babili; Nindiji ahaye,

Tulombe.

Ee Mulungu wa butoshila, Mumbi na Nindi wa banhu bose, bebe Winha kigongo chose cha nholo, Meja wa bupanga butoshila; Obenhele basesse bako aba kusungula kwako, ngosha oyu na nkima oyu, twabasungulila mu Lina lyako; geti, kina Isaaka na Rebeka balibubiza hamo munhana, naba bashishe hana badime elagano na malagano eyobalagana, (Shili eyi inagwa yanukulwa yene chakumana na kalolelo,) babize shiku jose mu kwitogwa na mhola yawiza, babize kina shilagilo shako; kuli Isa Masiya Seba wiswe. Amina.

¶ Hanuma Kasisi adimanye makono gabo ya bulyo hamo, ahaye,

Abo Mulungu waliubadimanya hamo, munhu wose oleme kubalekanya.

¶ Omala Nindiji abawile banhu.

Kunguno Mbati na Mbati bazunaga mu kwitola kwela, batambula eyi butongi wa Mulungu na kwibilinga oku, kunguno balagana geko, bolecha geko kwinha na kwanukula shili, na kudimanyiwa makono; nabatambula aba bali ngosha na nkima hamo, Mu Lina lya Baba, na Mwana, na Nholo Yela. Amina.

Mulungu Baba, Mulungu Mwana, Mulungu Nholo yela, abasungulile, abapije, abalinde; Seba abalekeje abulole na kigongo chakwe; abokoje na kusungula kwose kwa Nholo na kigongo, mubize hamo mu bupanga obu, geti munsi eyahaya kwiza mubize bupanga butoshila. Amina.

¶ Omala Nindiji aho Bimbi, buja ha Meza ya Seba, bahaye aho bimbe Zaburi eyi, yulondera.

Balinha kisa bakungoogoha Seba: bakushiminza mu nzila jakwe.
Kunguno okulya milimo ya makono gako: bebe olina kisa, na okuyega.
Nkima wako akubiza kina mzabibu: ogutwaja mugati wa numba yako;
Bana bako geti matambi ga mzeituni: kina bupindila meza yako.
Lolaga, geko munhu okusungulilwa: oyu wakungoogoha Seba.
Seba kufuma Sayuni akukusungulila: okubona shawiza sha Yerusalemi shiku jose ja bupanga wako;
Hangi, okubabona bana ba bana bako: na mhola ku Baisraeli.
Ekujo libize kuli Baba, na kuli Mwana, na kuli Nholo Yela;
Geti yali kuandia, ambunyu: na welelo butoshila. Amina.

Mulungu otulekeje, otunsungulile: otubakile na musana gwa miso gakwe.
Nzila yako emanwe munsi: bupiji wako ku mahanga gose.
Banhu bakukuja, Ee Mulungu: chene banhu bakukuja bose.
Mahanga gayege gimbe na kuyega: kunguno okubalekanya banhu misanga yanhana, okusuga mahanga agali munsi.
Banhu bakukuja, Ee Mulungu: banhu bose bakukuja.
Nsi ekwenha matwajo gayo: na Mulungu, chene Mulungu wiswe, akutusungulila, Mulungu akutusuiigulila: na mhelo jose ja nsi jikungoogoha.
Ekujo libize kuli Baba, na kuli Mwana, na kuli Nholo Yela;
Geti yali kwandia, ambunyu: na welelo butoshila. Amina.

¶ Zabidi yumala, ngosha na nkima batuje mazwi ha butongi wa Meza ya Seba, Kasisi wimile ha Meza, obagalukila, ahaye.

Ee Seba, otulekeje.
Shosha. Masiya, otuchile kigongo.
Nindiji. Seba, otuchile kigongo.

Baba wiswe, oli ngwigulu. Lina lyako likujwe. Butemi wako wize. Butogwa wako bubejwe innnsi, geti bubejwa ngwigulu. Otwinhe ambunyu shiliwa shiswe sha lelo. Otulekeje kukenagula kwiswe, Geti biswe twabalekeja benabo batukenagula. Otatutongere mu kugema; Aliyo otupije mu bubi. Amina.

Nindiji. Ee Mulungu, obapije basesse bako;
Shosha. Abakuzunya.
Nindiji. Ee Seba, obenhele kugunana kufuma mu chigasho chako chela;
Shosha. Obalinde shiku jose.
Nindiji. Obize lugutu lwabo lwa nguzu,
Shosha. Mu miso ga banisi babo.
Nindiji. Ee Seba, wigwe kulomba kwiswe.
Shosha. Kulila kwiswe kushike oko ali.

Ee Mulungu wa Ibrahimu, Mulungu wa Isaaka, Mulungu wa Yakobo, obasungulile basesse bako aba, obibe mbeyu ya bupanga butoshila mu mioyo yabo; geti buli mhayo kufuma Mhayo gwako gwela bakulangwa, bashishe yanhana milimo yabo. Obalole, na kigongo, Ee Seba, kufuma ngwigulu, obasungulile. Na geti waliobenhela Ibrahimu na Sara, kusungula kwako, ku kuyega kwabo kutale geko ozunye kubenhela kusungula kwako basesse bako aba; binhiwe kwigwa butogwa wako, na kwigasha mho!a hasi ya nkono gwako, balambe mu butogwa wako kushisha ku mhelo ya bupanga wabo; kuli Jsa Masiya Seba wiswe. Amina.

¶ Kulomba oku kidondera kutuhayiwa, olu nkima wabitaya shiku ja kubyala bana.

Ee Seba wa kigongo, Baba wa ngwigulu, kulwa chakwinha chako banhu bakwile; Twakwikumbirija, obagunane banhu aba babili, na kusungula kwako binhiwe kubyala bana, babize hamo mu kwitogwa kwa wiza kwanhana, hangi balole bana babo bulelwa kina Bamasiya, na batungirija, kulwekujo lyako; kuli Isa Masiya Seba wiswe. Amina.

Ee Mulungu, waliwita kulwa iiguzu jako ningi shinhu shoshe kwandia hali hatiho kiuhu; bebe hangi (hanuma shinhu shingi shumala kutulwa kwihera) olagila geti mu ngosha (waliubumva mu chikolile chako) nkima enhiwe kubiza; obasangija, mu kudimanya hamo, olanga geti shiku jose changilo knbalekanya abo waliubita omo kulwa kwitola; Ee Mulungu, waliweja Kwitola kubize kwigeniha kutale, geti mu oku kwene chikolile kolecha kwitola kwa nholo na bumo wa Masiya na Kanisa lyakwe; Obalole na kigongo basesse bako aba, geti ngosha oyu antogwe nkima wakwe, kina Mhayo gwako, (kina Masiya waliontogwa nkima wakwe Kanisa, wiinha kulwayo, olitogwa olyeja geti mili gwakwe mwenekele,) na nkima oyu atogwe akatogehve, abize mwisigwa na kumwigwa ngosha wakwe; na mu bufula, ngelekelo, na mhola, abalondere bakima bawiza na batungilija. Ee Seba, obasungulile bose, obagunane kwingila butemi wako wa butushila; kuli Isa Masiya Seba wiswe. Amina.

Ee Mulungu wa nguzu jose, waliubabeja kwandia Baguku biswe ba kwandia, Adamu na Eva, obeja obadimanya mu kwitola; Ete kwigulya ingwe wingi wa kigongo chakwe, abeje, abasungulile, muntogwe na mili na nholo, mubize hamo mu kwitogwa kwela kushisha ku melo ya bupanga wingwe. Amina.

¶ Hanuma olu atubiza Kwolecha kwa kubolecha ebigelile ngosha na nkima wakwe, Nindiji asome geti kulondera.

Bingwe bose abitolaga, aho mwalaga kutwala mhayo gwela gwa kwitola, mwigwage Matono gela guhaya kulwa mihayo na milimo ya bagosha ku bakima babo, na ya bakima ku bagosha babo.

Paulo Nhemba, mu nyaruba yakwe kuli Baefesi, sura yakatano, wabinha kilagilo eki bagosha bose abutola; Bagosha, mubatogwe bakima bingwe, geti Masiya waliulitogwa Kanisa, wiinha kulwayo, geti alyeje alyoje kwa luyilo lwa minzi, mu Mhayo; inhiwe mwenekele kwiyenela Kanisa lya ekujo, litina edone, nolu kwikunakuna, nolu echikolile kina eshi; aliyo libize lyela, litina kukenaguka. Geko na bagosha ebigelile kubatogwa bakima babo kina mibili yabo benekele. Wakuntogwa nkima wakwe witogwa mwenekele; kunguno atiho munhu wose wakukolwa mili gwakwe mwenekele, aliyo ogulisa na kugubeja, geti na Masiya Kanisa; kunguno tuli mabudika ga mili gwakwe, Kulwesho munhu akuneka ise na nina, akwisangija na nkima wakwe; nabo babili bakvibiza mili gumo. Oku kwigeniha oku kutale; aliyo nahaya ku Masiya na Kanisa. Aliyo, nabingwe omo na omo buli munhu, antogwe nkima wakwe, geti witogwa mwenekele.

Nangwe oyu Paulo Mwela, obatonela Bakolossai, obawila geko bagosha bose abutola; Bagosha, muba togwa bakima bingwe, nolu mutijubakalikila.

Mwigwage hangi geti Petro Mwela, Ntumwa wa Masiya, alina nkima mwenekele, obawila abutola; Bingwe bagosha, mubize na bakima bingwe mu masala; munkuja nkima, geti lunanga lutina nguzu, nabo bingiji bichingwe ba kigongo cha bupanga, kulomba kwingwe kuleme kulemejwa.

Kushisha Ambunyu mwigwaga emwigelile ngosha ku nkima wakwe. Geko ambunyu, abingwe bakima, mwigwage mwilange ebigelile ku bagosha bingwe, geti yaliyugumuka mu Matono gela.

Paulo Mwela, mu Nyarubu eyo kuli Baefesi, obalanga geko; Bakima,. bigwe bagosha bingwe, kina kuli Seba. Kunguno ngosha omwene ntwe gwa nkima wakwe, geti Masiya omwene ntwe gwa Kanisa: na omwene Mupiji wa mili. Kulwesho geti Kanisa lyunwigwa Masiya, geko na bakima ku bagosha babo mu buli mhayo. Na hangi ohaya, Nkima atijuleka kunkuja ngosha wakwe.

Na mu Nyaruba yakwe kuli Bakolassai, Paulo Mwela obinha kilagilo eki kiguhi; Bakima, bigwe bagosha bingwe, geti chigelile mu Seba.

Petro Mwela hangi obalanga chiza, Bingwe bakima, bigwe bagosha bingwe benekele; geti olu bangi batigiwa Mhayo, hanuma benhwe atiho Mhayo kulwa chimile cha bakima; olu bulola chimile na kulungalunga kwingwe hamo kuogoogoha. Kwibeja kwingwe, kuleme kubiza kwa hanze, kulwa kwishegela nzwili, nolu mu kuzwala thahabu, nolu mu kuzwala, myienda; aliyo ebize munhu wa kwigeniha wa moyo, mu kwibeja okutukenaguka; yene nholo ya bufula na bupolo, ya mpango ningi mu butongi wa Mulungu. Kunguno geko na bakima beela kale, abalibunolela Mulungu, balibuzwala bigwa bagosha babo benekele; geti Sara walionwigwa Ibrahimu, omwitana Seba wakwe; na bingwe mwabizaga bana bakwe, olu mwita chiza mutijoogoha kukanga kose.

¶ Wangu olu bagema banhu abitolaga banukule Kusangila kwela mu shiku ja kwitola, aim hanuma hado ya Kwitola kwabo.

Project Canterbury