¶ Banhu bose abalagaga kwanukula kusangila kwela banguwile Kasisi malina gabo kwandia kwa Lushiku lwakwe.

¶ Obiza omo wabo owaliomanwa kubiza mwita shibi hape, aho waliomwitila bazenganwa biye bubi mu nihayo aho mu nimo, geti luganda lwa Bamasiya bakolagiva eshi; Kasisi, omana eshi, amwitane amwolekeje, atugema hana keiza ha Meza ya Seba, kushisha akolekeja hape, koya kwanhana ogalucha bupanga wakwe wa kioandia, obutigelile geti luganda lwa Bamasiya bazunya mihayo na kwoya kwakwe, abalibukolwa kwandia; nangwe wabafunijaga banhu abo waliokenagula; aho eyoleche geti alina kulaga kwita geko, aho akwinhiwa hagali.

¶ Na geko Kasisi akubitila banhu obabona kubiza balinha shibi na kwikola benekele na benekele; atobaleka kusangila ha Meza ya Seba, kushisha akumana geti bitambulilaga. Na olu omo wabo abalibuyomba ozunya kunekeja mu moyo gose mwiye shose waliomihia, na kufunija esho waliobihia mwenekele; nolu oyu wakabili atozunya hana kwenhwa mu buyio wa kungoha Mulungu, wigasha gwike bujimiji na bubihia wakwe: mihayo yubiza geko, Kasisi shimwigelile amioegeleje owoya kuli Kusangila kwela, nolu ati oya nkali. Aliyo buli Nindiji ompeja munhu, geti yaliyotomwa aha, aho egulya, chigelile, Nindiji antambulile mihayo Askofu kwandia shiku ekumi ninne jitalikubita. Nangwe Askofit, akunekanya nsango owaliubihia kulwa Mihayo ya Kanisa.

¶ Meza, mu saa ya Kusangila yotulwa mwenda gwawiza gwape, ekwimila mu chigasho oko, Kidomba kwa Dilu na Kulomba kwa Mindi kulagila kuhayiwa. Na Kasisi wimila nkilo gwibano gwa Meza ahaye Kulomba kwa Seba, na Kulomba kulondera, banhu batuje mazwi.

Baba wiswe oli ngwigulu, Lina lyako likujwe, Butemi wako wize. Butogwa vvako bubejwe munsi, Geti bubejwa ngwigulu. Otwinhe ambunyu shiliwa shiswe sha lelo. Otulekeje kukenagula kwiswe, Geti biswe twabalekeja benabo batukenagula. Otatutongese mu kugema; Aliyo otupije mububi. Amina.

Mulungu wanguzu jose, mu miso gako mioyo yose mwaja, maganiko giswe gose omanile, nolu kwiganiha kutubiswa; Owite kweja maganiko ga mioyo iswe na kutulamo Nholo Yela yako, geti biswe tukutogwe nho, na tukalikuje Lina lyako lyela; kulwa Masiya Seba wiswe. Amina.

¶ Omala, Kasisi obagalukila banhu, ahaye elaka tale Shilogilo Ekumi sha Mulungu yose; na banhu batuje mazwi, hanuma buli Mhayo, bachobe kulwa kigongo cha Mulungu kulwa shibi shabo eshobalibita, na kigongo chakwe kidinda eyi kulwa shiku jitali kwiza, geti yulondera.

Mulungu waliohaya mihayo eyi; Nene ndi Seba Mulungu wako: Otabi na misanva ingi aliyo nene wike.
Banhu. Seba, otulekeje, okatule mioyo iswe tuidime mihayo eyi.
Nindiji. Otiti lupigi, nolu kikolile chose chose cha shinhu chiliko kwigulya ngwigulu, nolu munsi hansi, nolu mu minzi gali hansi ya munsi. Otasituje esho, nolu otasigabili: aliyo nene Seba Mulungu wako ndi Mulungu wawilu, ndina njigu ku bana bubi wa baguku babo kuli kibyalilwe chakadatu na chakane echabanhu banikolwa, na nene nabalekeja kigongo kuli shiku banitogwa, nabo balinda mihayo yane.
Banhu. Seba, otulekeje, okatule mioyo iswe tuidime mihayo eyi.
Nindiji. Otilahile dalali Lina lya Seba Mulungu wako: kunguno Seba atamulekeja, alilahila Lina lyakwe dalali.
Banhu. Seba, otulekeje, okatule mioyo iswe tuidime mihayo eyi.
Nindiji. Wizukwe lushiku Iwa Sabato olukuje. Shiku etandatu otumame milimo yako yose; aliyo lushiku Iwampungati yene Sabato ya Seba Mulungu wako. Lushiku olu otite milimo, nolu bebe, nolu mwana wako, nolu sesse wako, nolu madale gako, nolu muiiama hanga aliko kumwako. Kunguno mu shiku etandatu Seba waliobeja ngwigulu nansi, nyanza, na shinhu shose shilimo, wifula lushiku Iwa mpungati: kulwesho Seba waliolusungula lushiku Iwa mpungati olweja.
Banhu. Seba, otulekeje, okatule mioyo iswe tuidime mihayo eyi.
Nindiji. Obakuje nso wako na noko wako; geti shiku jako jibi ningi muiisi, aho Seba Mulungu wako akwinha.
Banhu. Seba, otulekeje, okatule mioyo iswe tuidime mihayo eyi.
Nindiji. Otabulage.
Banhu. Seba, otulekeje, okatule mioyo iswe tuidinie mihayo eyi.
Nindiji. Otazingage.
Banhu. Seba, otulekeje, okatule mioyo iswe tuidime mihayo eyi.
Nindiji. Otibage.
Banhu. Seba, otulekeje, okatule mioyo iswe tuidime mihayo eyi.
Nindiji. Otamulembekezi ngwiyo wako mu bumama.
Banhu. Seba, otulekeje, okatule mioyo iswe tuidime mihayo eyi.
Nindiji. Otitage malusu numba ya ngwiyo wako, otitage malusu nkima wa ngwiyo wako, nolu sesse wakwe, nolu nghombe yakwe, nolu nzobe yakwe, nolu shinhu shose esho shalinaso ngwiyo wako.
Banhu. Seba, otulekeje, okatone twakwikumbirija mihayo eyi yose, mu mioyo iswe.

¶ Omala yulondera emo ya kulomba eshi kulwa Ntemi, Kasisi wimila geti kwandia ohaya geki.

Tulombe.

 

 

 

 

 

 

 

 

 

 

 

 

 

 

 

Na hangi biili mwaka kioenhe Pasaka, buli Mmasiya akubala na Kasisi, aho banhu bakive, akabafunije kiifunya kose okumwigelile kwa chimile kufunya mu shiku ejo.

¶ Kulamia kwa Mulungu kumala, fetha eyufunyiwa Offertorio, agabanhwe kulwa milimo yawiza geti kutogwa kwa Kasisi na Balindiji ba Kanisa. Nabo olu batitambulila, etumamilwe kina Askofu waliolagila.

Kunguno yaliyulagilwa mu Mihayo eyi ya Kulindila Shiliwa sha Seba, Basangile binhiwe batuje mazwi; (nacho chigelile, kulwa kolecha twanukule na bufula na kubeja eshotwinha sha Masiya abo bose abusangila abigelile, hangi kulwa kulemeja banhu batijukenagula hamo ekujo na mihayo mu Kusangila Kwela;) aliyo, olu kutuja mazwi geko, kutijidedekanyiwa bubi na munhu hamo kumalwe kwa kutumana na bolo, aho bubi na bukali aliyo Kwigwilija kwa sho kwenhe oku; Kwitagwa kuti kwakulaga kushilamia aho kwigelile kwitagwa, hamo kuli Migati aho Mvinyo wa Sakramento shinhiwa uko mu mili, nolu kulamya Kubizako kwa Nyama na Mininga sha mili gwa Masiya. Aliyo Migati na Mvinyo sha Sakramento shikala mu asili shabo, kulwesho shitolamyiwa; (kunguno echi chubiza kulamya shibumva kulemeja na Abamasiya bose abazunya;) na Nyama na Mininga sha mili gwa Mupiji wiswe Masiya shubiza Ngwigulu, shitaha; kunguno mili gwa Masiya gutogema kubiza mu shigasho shibili hamo.

Project Canterbury