¶ Aha lolagi no, geti mihayo yulondera etinilijiwa kwabo abalibucha batali kubatiziwa, nolu abalibolekanyiwa, nohi abalibibulaga benekele.

¶ Kasisi na Balangi bugusanya miniba butongi haniango gwa ngunda ya kigila, biya butongi wago, hamo mil Kanisa, hamo kunze, buhaye,

Nene ndi bujuko na bupanga, waliohaya Seba: oyu wakunizunya nene, olu oeha, akubiza mpanga: na buli munhu mpanga na onizunya nene atocha butoshila. Yoh. xi. 25, 26.

Namanile geti Nkomoji wane mpanga, nangwe lushiku Iwa kumelo akwimila munsi. Na geti hanuma ya ekunza lyane ngino jikuboja mili oyu, nene mu mili gwane nikumona Mulungu: nikumono mwenekele, na miso gane gakumona, nolu ati ungi. Yobo xix. 25-27.

Tutwenha kinhu munsi eyi, nolu tutogema kubucha kinhu ako. Seba waliwenha, na Seba waliwenjaho; Lina lya Seba likujwe. 1 Tim. vi. 7. Yobo i. 21.

¶ Hanuma bingilaga kanisa, Zabuli eyi yulondera esomwe.

Dixi, custodiam. Zab. xxxix.

Nalinohaya, nakujilinda nzila jane: geti natokenagula na lulimi Iwane.
Nakulinda nomo gwane kina choma mu nomo gwa nzobe: aho babubi bubiza mu miso gane.
Nalinofleka, natohaya mhayo: chene kufuma milimo yawiza; aliyo bupinha wane waliongeja.
Moyo gwane gwene moto munene, geti nakwiganika moto gubaka: omala nahaya na lulimi Iwane;
Seba, oniolecha kumelo yane, na bulebe wa shiku jane chakwe: niki niolecha bolo wane.
Lolaga, witaga shiku jane kina kita nzwala: na bupanga wane mu miso gako kiti kinhu; na nhana buli munhu mu wiza wakwe omwene dalali no.
Buli munhu oyera mu nengeji, busatwa wabo wene dalali: obiringa sabo, atomanile nani akwinhwa.
Na ambunyu, Seba, iialindaga kinahe? Kulolelo kwane mu bebe. Onilekeje kukenagula kwane: Otinitila kuduka buchiru.
Naliniza kinunu, natwosarnyia nomo gwane: kunguno bebe waliwita.
Oninjeho kutwalwa kwako: namalagwa kuhva lupi Iwankono gwako.
Aho onshoka munhu kulwa shibi shakwe, wabola nguzu na wiza wakwe, kina tunge: yauliana buli munhu omwene dalali.
Wig we kulomba kwane, Ee Seba, na wig we kulila kwane: Otofleka mu gisoji chane.
Aliyo nene ngeni kwako: na mshiminzi, kina baguku bane.
Onileka kado, ninhiwe nguzu: kwandia nafuina, na nobiza natiho.
Ekujo libize kuli Baba, na kuli Mwana: na kuli Nholo Yela;
Geti yali kwandia, ambunyu: na welelo butoshila. Amina.

¶ Omala yulondera Lisonio lyalilyutwalwa mu Sura ya ekumi nitano ya Nyaruba ya kwandia wa Paulo Ntumwa kuli Bakorinti.

1 Kor. xv. 20.

Ambunyu Masiya wajuchiwagwa mu bafu, matwajo ga kwandia abo abalibolala. Kunguno kulwa munhu kucha kwalikwiza, kulwa munhu hangi bujuko wa bafu waliwiza. Kunguno mu Adamu bose bucha, geko mu Masiya bose bakubiza bapanga. Aliyo buli munhu mu kwihera kwakwe: Masiya matwajo ga kwandia; hanuma abo abali mu Masiya, aho oyu akwiza. Omala mhelo iza, aho akubinha butemi kuli Mulungu, omwene Baba; aho akwinjaho kushugu na nguzu. Kunguno imwigelile kutema, kushisha akubatula banishi bakwe bose hansi ya mambala jakwe. Mwanishi wa kumelo akumala omwene kucha. Kunguno, Watulaga shinhu shose hansi ya mambala jakwe. Aliyo aho ohaya, Shinhu shoshe shotulwa hansi yakwe, elongaga atiho oyu waliutula shinhu shose hansi yakwe. Aho shinhu shose shatulagwa hansi yakwe, hanuma Mwana wiyene akutuIwa kuliwe waliotulwa shinhu shose hansi yakwe, geti Mulungu abize shose mu shose, Hamo bakwita kinahe balibubatiziwa kulwa bafu? Olu bafu butujuka, kinahe babatiziwa kulwabo? Kinahe niswe twikala mu bupinha shiku jose? Nalema, kwikujo lingwe badugu, nalinalyo mu Masiya Isa Seba wiswe, nacha shiku jose. Olu kulondera chirnile cha banhu nalinibulaga na ndimu nhali mu Efeso, shinigelile kinahe? Olu bafu butojuka, tulye tungwe, kunguno ntondo tukucha. Mutijolembwalembwa: Banhu babubi baboja chimili chawiza. Mishage butungirija, na mutijukenagula; aliyo bangi batina kumana kwa Mulungu: Nahaya eyi ku minala ingwe.
Aliyo mbati akuhaya, Bafu bajuchiwa kinahe? na mu miliki biza? Bebe mbuli, eyo obiba etuzwa, olu etocha: na eyo obiba, obiba guti mill gukubiza, aliyo mbeyu gwike, hamo ngano, hamo inginayo; aliyo Mulungu owenha mili kina otogwa, na buli mbeyu mili gwayo. Nyama yose eti nyama emo: aliyo yubiza emo ya banhu, na nyama ingi ya madale, na ingi ya none, na ingi ya ndilo. Yubiza mili ya ngwigulu, na mibili ya munsi: Aliyo ekujo lyago gvva ngwigulu lingi, na ekujo lyago gwa munsi lingi. Yubiza ekujo lya limi, na lingi lya mweji, na lingi lya sonda; kunguno sonda emo ete geko sonda ingi tnu ekujo. Geko bujuko wa bafu. Gobibwa mu kubola; gvijichiwa mwikujo: gubibwa mu bolo; gujuchiwa mu nguzu: gubibwa mili gwa munsi eyi; gujuchiwa mili gwa nholo. Geti yubiza mili gwa munsi, gubiza mili gwa nholo. Geko yatonagwa, Munhu wa kwandia Adamu waliubiza munhu mpanga. Adamu wa kumelo waliubiza nholo yakwenha bupanga. Aliyo esho sha nholo shite kwandia, aliyo esho sha munsi eyi; hanuma esho sha nholo.
Munhu wa kwandia munsi, wilongo; munhu wa kabili wa ngwigulu. Geko oyu wilongo, abo bilongo geko: na geko wa ngwigulu, abo ba ngwigulu geko. Na geti biswe twabuchaga kikolile cha wilongo, tukubucha geko kikolile cha wa ngwigulu.
Nahaya eyi, badugu, geti nyama na mininga shitugema kwingila mu butemi wa Mulungu; nolu kubola kutingila ati kubola. Lolaga, nabawila kwiganiha: Biswe bose tutolala, aliyo biswe b'ose tukugaluchwa, wangubo, liso lyukabia, mu membe yakumelo: aliyo membe ekulila, na bafu bakujuchiwa bati kubola, na biswe tukugaluchiwa. Kunguno ikwigelile kubola oku kuzwale ati kubola, na oku wa kucha kuzwale oti kucha, hanuma gukubiza mhayo gwaligutonwa, Kucha kwamilagwa mu kutinda. Ee kucha, kutinda kwako kuli hali? Ee kucha, kusatwa kwako kuli hali? Kusatwa kwa kucha kwene shibi; na nguzu ja shibi jene mihayo ya Musa: Aliyo Mulungu akujiwe, oyu owatwinha biswe kutinda kuli Seba wiswe Isa Masiya. Kulwesho, badugu batogwa, bubize kulamba, mutugegema, muongeje shiku jose mu nimo gwa Mulungu, kunguno mumanile geti nimo gwingwe guti gwa dalali mu Seba.

¶ Aho biza Jcunze, na mimba gutulwct tayari kiituhva munze, Kaslsi ahaye, aho Kasisi na Balanyi bimbe:

Munhu obyalwa na nkima alinajo shiku ndo kwikala aha, nangwe okola bupinha. Ozwa, na obutwa, kina mashwa; obita kina nengeje, nolu atikala mu kigasho.
Hagati ya bupanga tubize mu kucha: kuli nani tuchoba kuhva kugunana, aliyo kuli bebe, Ee Seba, oli kulwa shibi shiswe obiza buclaki wa butungirija?
Aliyo, Ee Mulimgu Seba, mwela nho, Ee Seba wa nguzu jose, Ee Mupiji mwela wa kigongo chose, otijutuleka mu busatwa wa kucha kwa butushila.
Omanile, Seba, kwiganika kwa mioyo iswe; otichiba matu ga kigongo chako kulwa knlomba kwiswe; aliyo otulekeje Seba, inwela no, Ee Mulungu wa nguzu jose, Ee Mupiji mwela na kigongo no, bebe Nekanya wawiza na wa butushila, otijutuleka ku lushiku Iwa kumelo kulwa busatwa wa kucha kujimila.

¶ Omala, wilongo okaponyiwa kwigulya, mimba na bangi bimila hihi, Kasisi ahaye.

Kunguno Mulungu watogagwa na kigongo chakwe kitale kutwala ku inwenekele nholo ya ndugu wiswe ntogwa aha wacha.ga, kulwesho twatula mill gwakwe munze; wilongo kwilongo, mabu ku mabu, lububu ku lububu; mu kulolela kwanhana atiho kwihulahuja kwa bujuko wa bupanga butoshila, kulwa Seba wiswe Isa Masiya; akugalucha mill gwiswe gwa kubola, geti gukubiza kina mill gwakwe gwikujo, kulwa nguzu jakwe, mwejo ogema kutula shinhu shose ban si yakwe.

¶ Omala ahaye aho imwe,

Nalinigwa elaka kufuma ngwigulu, lyuhaya ku nene, Tonaga, Kufumu lelo balinha kisa bafu balibticha mu Seba: geko Nholo ahaya; kunguno hakwifula mu milimo yabo.

¶ Omala Kasisi ahaye,

Seba, otulekeje.
Masiya, ofulekeje.
Seba, otulekeje.

Baba wiswe, oli ngwigulu, Lina lyako likujwe. Butemi wako wize. Butogwa wako bubejwe munsi, Geti bubejwa ngwigulu. Otwinhe ambunyu shiliwa shiswe sha lelo. Otulekeje kukenagula k wiswe, Geti biswe twabalekeja benabo batukenagula. Otatutongero mu kugema. Aliyo otupijo mububi. Amina.

Kasisi.

Ee Mulungu wa nguzu jose, hanio na bebe ikala nholo jabo abalibufuma aha mu Seba, na hamo bebe nholo jabo abazunya, hanuma bajiminjaga nigo gwa mibili, bubiza mu kuyega na kwifula; Twakubeja no, kunguno watogagwa kunpija oyu ndugu wiswe mu bupinha wa munsi eyi yabubi; twakwikumbirija, geti otogwe, kilwa wiza na kigongo chako, kushisha wangu bulebe wa basolwa bako, na kukangirija butemi wako; geti biswo, hamo nabo bose bafumaga mil kuzunya kwanhana kwa Lina lyako lyola, twinhiwe kumelo wiswe na kuyega, hamo mu mili na mu nholo, mu ekujo lyako kulwa butushila; kuli Isa Masiya Seba wiswe. Amina.

Kulomba.

Ee Mulungu wa kigongo, Baba wa Seba wiswe Isa Masiya, obiza bujuko na bupanga; mu oyu buli munhu wakunzunya akubiza mpanga, geti ocha; na buli munhu obiza mpanga, na onzunya, atocha kit butushila; watulangaga, na Ntumwa, wako mwela Paulo, tutujusatwa, kina banhu batina kulolela, kwabo bulala muwe; Twakwikumbirija na bupolo. Ee Seba, otujuche mu kucha kwa shibi kuli bupanga wa butungirija; geti, biswe aho tukufuma bupanga obu, twifule muwe, geti twalolela ndugu oyu wifula; na geti, mu Bujuko wa bose ku lushiku lwa hanuma, tubonwe bawiza mu miso gako; na twinhiwe kusungula oku, geti Mwana wako ntogwa akubawila banhu bose abakutogwa abakukoogoha bebe, ohaya, Nzugwi, bana abalinha kisa ba Baba wane, mwinhiwe butemi obu walibutilwa ku bingwe kufuma kuandia nsi: Otwinhe eyi, twakwikumbirija, Ee Baba wa kigongo, kulwa Isa Masiya, Nagirija na Nkomoji wiswe. Amina.

Kigongo cha Seba wiswe Isa Masiya, na butogwa wa Mulungu, na kusangila kwa Nholo Yela, shikale niswe bose, ambunyu, na butushila. Amina.

Project Canterbury