¶ Banhu bolechwe geko, geti chaimza kubatiza kutitwe aliyo ku hishiku Iwa /Sabato, aho shikuja Beela, aho banhu bibiringa bingi; mabita galiko binhiwe kukanija geti abakubatiziwa begelejiwagwa mu luganda lwa Kanisa lya Masiya,; na hangi mu Kubatiza kwa Sana buli munhu aliho ezukijiwe kutambida kwakwe oku waliumwitila Mulungii geti waliubatiziwa. Kulwisho hangi chigelile Kubatiza kwitwe kwa Mihayo ya banhu baluko. Aliyo yubiza kunguno yakumala, chawiza kubabatiza bana lushiku lungi.

¶ Lolaga, kulwa buli mwana ngosha babize Bimiji babili bagosha na omo nkima; na kidwa buli nkima, Bimiji babili bakima, na omo ngosha.

¶ Aho bana bobatiziwa, Babiyaji bamwigwilije Nindiji bujiku, aho dilu kwandia Kulomba kwa Dilu. Nabo Bimiji, na banhu benekele, hamo na bana, babize kwibeja kwa Fonti; hamo hanuma Kusoma kwakabili kumala mu Kulomba kwa Dilu, aho kwa Mindi, geti Ndimi otogwa kulagila. Na Kasisi olu wiza ku Fonti, (ekokojiwa na Minzi gawiza,) wimila uko, ahaye,

Mwana oyu wamalaga kubatiziwa, hamo atali?

¶ Olu bashoshe, Atali: Kasisi ahaye geke.

Badugu batogwa, kunguno banliu bose babyalilwa nausbibi, nangwe Isa Masiya Mupiji wiswe ohaya geki, Munhu atogema kwingila mu butemi wa Mulungu, atabyalilwe hangi minzi na Nholo Yela; Nabikumbirija munchobe Mulungu Baba wiswe, kulwa Seba wiswe Isa Masiya, geti kulwa kigongo chakwe chingi ainwinhe Mwana oyu kinhu echo etlyakibyalilwe atogema kwinhiwa; abatizwe na Minzi na Nholo Yela, enhwe mu Kanisa lyakwe lyela Masiya, aguluche ebudika lyakwe lya bupanga.

¶ Omala Kasisi ahaye,

Tulombe.

Ee Mulungu Baba wa nguzu jose na butoshila. waliompija Nua na bana bakwe kulwa kigongo chako chingi mu ngaraba baleme kucha na minzi; na waliobenha chiza banhu bako Baisraeli mu Nyanza Yadza, waliolecha geko kikolile cha Kubatiza kwako kwela; na kulwa Kubatiza Mwana wako ontogilwe, mu mongo Yordani, waliogeja Minzi goje mukwigeniha kwa shibi; Twakwikumbirija, kulwa kigongo chako kitale, onole na kigongo Mwana oyu; ougoje na Nholo Yela; geti inwe kupila mu budaki wako, wingile mu ngaraba ya Kanisa lya Masiya; alambage mioyo mu Kuzunya, kuyega kulwa kulolela, alambage mu kwitogwa, wihume mu mahuli ga nsi eyi elimo bupinha, geti lushiku Iwa kumelo ashike munsi ya bupanga haduhu kucha, oko ateme hamo na bebe welelo butoshila; kuli Isa Masiya Seba wiswe. Amina.

Ee Mulungu wa nguzu jose na butoshila, ngunani wa bose abachoba, Mupiji wa bose abokupelela, bupanga wabo bakuzunya, bujuko wabo abocha; Twanombela Mwana oyu, geti oyu, wizaga mu Kubatiza kwako kwela, inhivve kwinjiwaho shibi shakwe mu kubyalwa lwakabili kuli Nholo Yela. Ozunye, Ee Seba, geti waliolaga kuli Mwana wako ontogilwe, ohaya, Mubuje, mukwinhiwa; mukobage, na mukobona; mukomagule, mukwigulwa, Geko otwinlie ambunya eshotwalomba; tubone biswe eshotwakoba; otwigulile lwigi biswe twakomagula; geti Mwana oyu ayege na Kusunguliwa kwa welelo koja kwako kwa ngwigulu, ashike mubutemi butoshila waliolaga kuli Masiya Seba wiswe. Amina.

Mwigwage mihayo ya Anjili eyaliyotonwa Marko Mwela mu Sura ekumi Muluhili ekumi nidatu.
Bunwenhela bana, aba dimeho; na bahemba bakwe bubamokela. Aliyo aho Isa waliobona, olumva no, obawila, Balekagi bana biza kuli nene, nolu mutijobalemeja; kunguno abikolile kina aba butemi wa Mulungu. Nhana nabawila, Atowanukula butemi wa Mulungu kina mwana ndo, atingilamo na kado. Obakumbata, obutula makono, obasungulila.

¶ Anjili yomala kusomwa, Nidiji ite Kolekeja oku kunguhi ya Mihayo ya Anjili.

Batogwa, mwigwaga mu Anjila eyi mihayo ya Mupiji wiswe Masiya, geti waliolagila bamwenele bana; hangi waliobalagila abalibutogwa kubalemeja baleme kwiza kuliwe; obolekeja baiihu bose babalondere abatina kabi. Mwabonaga geti waliokurnucha kulwa milimo yakwe geti obatogwa; kunguno waliobakumbata, obatula makono, obasungulila. Mutubiza na kwiliulahuja, aliyo muzunye lib, geti akumwanukula na kutogwa Mwana oyu; geti akunkumbata mu makono ga kigongo chakwe; akunwinha kusungulilwa kwa bupanga wa welelo, akunwenha mu butemi wakwe wa welelo. Nabiswe olu tumana no moyo gwawiza gwa Baba wiswe wa ngwigulu kulwa mwana oyu, geti waliogolecha kuli Mwana wakwe Isa Masiya; nolu tutubona kwihulahulaja geti okazunye nimo oyu gwiswe gwa butogwa tumwenha Mwana oyu mu Kubatiza kwakwe kwela; tumeje na kuzunya na moyo gwa kulamia, tuhaya,
Mulungu wa nguzu jose na butosliila, Baba wa ngwigulu, twakubeja na bupolo, kunguno watwitanaga biswe tumane kigongo chako, tuzunye mu bebe: Otuongeje Kumana oku, otwitile kulamba oku shiku jose. Omwinhe Mwana oyu Nholo yako yela, abyalilwe Iwakabili, itwe mwingiji wa bupiji wa welelo; kuli Seba wiswe Isa Masiya, obiza na otema hamo na bebe na Nliolo Yela, ambunyu na welelo butoshila. Amina.

¶ Omala Kasisi abawile Bimiji yeko.

Batogwa, mwamwenhaga aha Mwana oyu abatizwe, mwalombaga Seba wiswe Isa Masiya atogwe kumwanukula, kuntungula mu shibi shakwe, kumweja na Nholo Yela, kunwinha buteni wa ngwigulu, na bupanga butosliila. Hangi mwigwaga geti Seba wiswe Isa Masiya waliulaga mu Anjili yakwe kufunya mihayo eyi yose eyo muchoba: nangwe yanliana akudima Elagano lyakwe, akulishisha. Kulwesho, hanuma ya elagano eli, waliulifunya Masiya, Mwana oyu atulema kulaga nhana mwenekele, ku bingwe bimiji bakwe, (kushisha akubiza na masala ga kulizunya mwenekele,) geti akunema Shetaui na milimo yakwe yose, akuzunya no Mhayo gwela gwa Mulungu, akulilondela mu moyo shilagilo shakwe.

Kulwesho nababuja,

Bebe, mu lina lya mwana oyu, wanlema Shetani na milino yakwe yose, ekujo lya dalali lya munsi, na malusu gakwe ga sabo, na malusu ga mili, geti otijushilondera, nolu otijudutwa nesho?
Shosha. Nashilema shose.

Nindiji.

Wanzunya Mulungu Baba wa nguzu jose, Mumbi ngwigulu na nsi?
Na mu Isa Masiya Mwana wakwe omo wike Seba wiswe? Na geti waliobuchanda ya Nholo Yela; obyaIwa Mwaniki Maryamu; geti walioyugulwa mu shiku ja Pontio Pilato, okongwa ku nsalaba, ocha, ojikwa; geti waliwika munzi, na hangi waliojuka lushiku lwakadutu; geti waliulinha ngwigulu, na wigasha kunkono gwa bulyo gwa Mulungu Baba wa nguzu jose; na kufuma oko akwiza hangi kumelo ya nsi, kulekanya nsango banhu bapanga na bafu?
Wanzunya Nholo Yela; na Kanisa ya yela, lya katoliko; Kusangila kwa Beela; Kwinjiwaho shibi; Bujuko wa mili; na bupanga butoshila hanuma kucha?

Shosha. Eyi yose nazunyaga no.
Nindiji. Watogwa kubatiziwa mu kuzunya oku?
Shosha. Chene natogwa.
Nindiji. Okubudima no butogwa wakwe wela wa Mulungu na shilagilo shakwe, na okuyera mweshi shiku jose ja bupanga wako?
Shosha. Nikushidima.

¶ Omala Kasisi ahaye,

Ee Mulungu wa kigongo, ongunane Mwana oyu geti Adamu wa kwandia ajikwe muwe, geti munhu mpya a juke muwe. Amina.

Ongunane geti kutogwa kwose kwa mili kuche muwe, nayo mihayo ya nholo ikale na yongeje muwe. Amina.

Ongunane abize ndimu na nguzu antinde Shetani, na nsi, na mili. Amina.

Ongunane geti oyu atonilwe alia evihwe nguzu na kwinilija kwiswe, azwalichiwe wiza na ngwigulu abize kwinhwa mhela ya bupanga butoshila, kulwa kigongo chako, Ee Seba, Mulungu nsungulilwa, obiza, na otema shinhu shoshe, welelo na butoshila. Amina.

Mulungu wa nguzu jose, na butoshila, Mwana wako ntogwa no, kulwa kulekeja shibi shiswe, waliofunya mu mbazu jakwe minzi na mininga; na waliobalagila bahemba bakwe, bajage bakabalange mahanga gose, bakabatize mu Lina lya Baka, na Mwana, na Nholo Yela; Wigwa, twakwikumbirija, kulomba kwa kwibilinga oku; ogeje Minzi aya goje mu kwigeniha mu shibi; ongunane Mwana oyu, ambunyu kubatiziwa, enhwe mu kisa chako cha kokola, na shiku jose alambe mu mpango gwa bana bako basolwa na bakuzunya; kuli Isa Seba wiswe. Amina.

¶ Omala Kasisi antwale Mwana mu makoito gakwe, abawile Bimiji,

¶ Hangi ontambula Lina lyakwe hanuma bunguwila geti Mwana akulile all nolo antule mu minzi na masala na kwilinda, ahaye,

[Lina]. Nakubatiza mu Lina lya Baba, na Mwana, na Nholo Yela. Amina.

Aliyo olu Mwana atina nguzu chikumala antule minzi kuntwe.

¶ Omala Kasisi ahaye.

Twazunya Mwana oyu mu luganda lwidale lya Masiya, [*] twantulaho lumhenhele lwa nsalaba, mu kalolelo aleme kudimwa minala kutambula kuzunya Masiya waliokongwa, olwage kigosha hansi ya yakwe, na shibi, na nsi, na Shetani; na kulamba kina asilikari na sesse mwisigwa wa Masiya kushisha kumela ya bupanga wakwe. Amina.

* Aha Kasisi ite nsalaba hamakumbisho mu busha wa mwana.

¶ Omala Kasisi ahaye,

Mubone ambunyu, badugu batogwa, Mwana oyu, wabyalagwa lwakabili, enhwe mu mili gwa Kanisa lya Masiya, tumeje Mulungu wa nguzu jose kulwa milimo eyi yawiza; na moyo gumo tunombe, Mwana oyu alinde bupanga wakwe owashagako kina chikolile cha kwandia oku.

¶ Ontala kuhaiwe, bose butuja mazwi.

Baba wiswe, oli ngwigulu. Lina lyako likujwe. Butemi wako wize. Butogwa wako bubejwe munsi. Geti bubejwa ngwigulu. Otwinhe ambunyu shiliwa shiswe sha lelo. Otulekeje kukenagula kwiswe, Geti biswe twabalekeja benabo batukenagula. Otatutongere mu kugema; Aliyo otupije mububi. Amina.

Twakubeja na moyo, Ee Baba wa kigongo, kunguno watogwa kumwitila Mwana oyu, kubyalwa lwakabili na Nholo Yela yako, kumwanukula kubiza Mwana wako kulwa kusola, na kumwigija mu mili gwa Kansia lyako lyela. Na biswe twatwikumbilija na bufula, kunwinha, geti; ocha kuli shibi, obiza bupanga kuli butungirija, hangi obiza wajikagwa hamo nangwe Masiya kulwa kucha kwakwe, akankome munhu wa kwandia, winjiweho hana mpango gose gwa shibi; na hangi, geti wamalaga kusangija kucha kwa Mwana wako, enhiwe kusangija na kujuka kwakwe; geti hamelo, hamo nabo abali; busaga ba Kanisa lyako lyela, wingile butemi wako wa butoshila; kuli Isa Masiya Seba wiswe. Amina.

¶ Omala bose bimila, Kasisi abolekeje Bimiji Kalokeja oku kulondera.

Kulwesho Mwana oyu walagaga ku bingwe Bimiji bakwe kunema Shetani na milimo yak we yose. kunzunya Mulungu, na kuntumamila; shunwigelile bingwe kwizukwa, geti yene milimo ingwe emwigelile kuninda Mwana oyu alangwe, geti obiza na masala gakwilanga, ki labile oki kitale, na lagano, na kutambula, walioshita alia uiu bingwe. Na geti enhiwe kuongeja kushimana eshi, mukuntwala kwigwa Mibayo ya Kulekeja; na kutinda mukumona, wilange Kuzunya, na Kulomba kwa Seba, na Shilagilo Ekumi sha Muluugu, inu mibayo ya cholo, na shmliu sbose shingi emwigelile Mmasiya kumana na kuzunya kulwa bupanga wa nholo yakwe; Na geti Mwana oyu alindwe chiza kuja mu kulamia na Bumasiya; mwizukwe shiku jose, geti Kubatiza kwene chikolile cha kutambula kwiswe; chene kuolndera chikolile cha Mupiji wiswe Masiya, na kwikojiwa nangwe; geti kina owe waliucha, ojuka hangi kulwiswe, geko na biswe, twalitubatiziwa, tuchile shibi, tujukile mu butungirija; tubulage shiku jose kwita mainsu giswe gose ga bubi na mabozu, tushiminze shiku na shiku mu wiza bose na bupanga wa kulamia.

Lolagi no Mwana oyu enhwe kuli Askofu atulwe makono, aho akumana kuhaya Kuzunya, Kulomba kwa Seba, na Shilagilo Ekumi sha Mulungu, nun lulimi lwakwe, alangwe mu Katekisimo ya Kanisa kwalikulagilwa kulwa mihayo eyi.

¶ Chene nhana kulwa Mhayo gwa Mulungu, geti bana abalibubatiziwa, olu bucha kwandia batalikwita shibi sha nimo, atiho wihulahuja bapilaga.

Project Canterbury