MU KULOMBA DILU.
The Creed of Saint Athanasius.

¶ Mu shiku nale eji; Kubyalwa kwa Seba, Kuolecha, Mattiya Mwela, Lushiku Iwa Pasaka, Lushiku Iwa Kulina, Lushiku Iwa Pentekote, Shiku ja Bela Yohana Mbatizaji, Yakobo, Bartolomayo, Mattiya, Simani, Yuda, Andrea, lushiku Iwa Sabato ya Badatu, imwe hamo ehayiwe mu Kulomba kwa Dilu, mu chigasho sha Okuzunya kwa Bahemba, Kutambula oku kwa Kuzunya kwiswe kwa Abamasiya, kivitanwa na banhu Kuzunya kwa Athanasio, na nindiji na banhu bimila.

QUICUNQUE VULT.

Buli munhu ochola kupila: kwandia shimwegelile adime Kuzunya kwene Katoliko.
Kuzunya oko olu buli munhu atolinda kupanga na kwela: atiho kwihulahuja akujimila welelo.
Na Kuzunya Katoliko kwene oko: Geti tunamya Mulungu omo mu Budatu, na Budata mu omo.
Nolu tutijobasangija: nolu kulekanya Asili.
Kunguno obiza Persona Omo wa Baba, ungi wa Mwana: na ungi wa Nholo Yela.
Aliyo Kumulungu kwa Baba, na kwa Mwana, na kwa Nholo Yela, kwene kumo: ekujo lilenganile, Butale wose wa welelo.
Kina Baba, geko Mwana: na geko Nholo Yela.
Baba ati mumva, Mwana ati mumva: na Nholo Yela ati mumva.
Baba atogema kumanwa, Mwana atogema kumanwa: na Nholo Yela atogema kumanwa.
Baba wa welelo, Mwana wa welelo: na Nholo Yela wa welelo.
Aliyo atiho badatu wa welelo: aliyo omo wa welelo.
Geti atiho badatu batogema kumanwa, nolu badatu butubumwa: aliyo omo ati mumva, na omo atogema kumanwa.
Geko Baba wa nguzu jose, Mwana wa nguzu jose: na Nholo Yela wa nguzu jose.
Aliyo atiho badatu wa nguzu jose: aliyo omo wa nguzu jose.
Geko Baba omwene Mulungu, Mwana omwene Mulungu: na Nholo Yela omwene Mulungu.
Aliyo bati Bamulungu badatu: aliyo Mulungu omo.
Geko Baba omwene Seba, Mwana omwene Seba: na Nholo Yela omwene Seba.
Aliyo bati Baseba badatu, aliyo Seba omo.
Aliyo kina twahatikwa na Nhana ya Bamasiya; kuntambula buli Persona mwenekele kubiza Mulungu na Seba;
Geko twalemejiwa na mihayo ya Abamasiya mu mande jose: kuhaya, Bamulungu badatu, hamo Baseba badatu.
Baba atitwa: nolu atumumva, nolu atubyalwa.
Mwana omwene mu Baba wiyene: atitwa nolu, atimumva, aliyo wabyalagwa.
Nholo Yela yene mu Baba na Mwana: nolu atitwa, nolu ati mumva, nolu atubyalwa, aliyo ofuma.
Geko Baba omo, aliho bati Baba badatu: Mwana omo, bati Bana badatu, Nholo Yela omo, bati Nholo Yela badatu.
Na mu Budatu obu atiho wa kwandia, nolu wa hamelo: atiho omo wakutinda ungi, nolu wakugeha.
Aliyo Persona Badatu bose bene bawelelo hamo, na balenganile bose.
Kulwesho mu shinhu shose, kina shalishohayiwa: Omo mu Budatu, na Budatu mu omo alamyiwe.
Oyu ochola kupijiwa: shimwegelile kudedekanya geko ya Budatu.
Kutinda eyi, imwigelile ku bupiji wa welelo: geti azunye yanhana Kwitwa mili gwa Seba wiswe Isa Masiya.
Kunguno Kuzunya kwanhana kwene, geti twazunya na tutambula: geti Seba wiswe Isa Masiya, Mwana wa Mulungu, omwene Mulungu na Munhu.
Mulungu, wa Asile ya Baba, waliobyalwa kwandia nsi: na Munhu, wa Asile ya Nina, obyalwa munsi.
Mulungu hana, na Munhu hana: obiza na nholo ya masala na mili gwa munhu;
Alenganile na Baba, mu Kurnulungu kwakwe: na atalenganile na Baba, mu kubiza munhu.
Nangwe olu obiza Mulungu na Munhu: atiho babili, aliyo Masiya omo;
Omo; kuti kugalucha Kumulungu kubiza mili: aliyo kwa kutwalwa munhu kubiza mu Mulungu;
Omo hana; kuti kwa kusangija asile; aliyo mu kusangija ya kumo.
Aliyo kina nholo ya masala na mili shobiza munhu omo: geko Mulungu na Munhu obiza Masiya omo;
Walioyugulwa kwa bupiji wiswe: wika mu Hades, ojuka lushiku Iwakadatu mu bafu.
Oja ngwigulu, wigasa kunkono gwabulyo gwa Baba, Mulungu wa nguzu jose: oku akushoka kulekanya banhu bapanga na bafu.
Mu kwiza kwakwe banhu bose bakujuka hamo na mibili yabo: bakafunya kubala kwa milimo yabo. Nabo abalibita chiza bakwingila mu bupanga butoshila: nabo abalibita yabubi mu moto gwa welelo.
Oku kwene Kuzunya kwa Banhu bose mande jose: olu munhu atozunya no, atogema kupijiwa.
Ekujo libize kuli Baba, na kuli Mwana: na kuli Nholo Yela.
Geti yali kuandia, ambunyu: na welelo butoshila. Amina.

Project Canterbury