OLAUKOONEE PAHPAHTUMWAWAUCONUL.
Evening Prayer

TAHNAH wtindin nun matowhseit, linoo gloopeta winjeh nin muttowhsoowaukunink aleh wauk lahlookatoop, nullahneh wauk oonjeh lahlookain nin shachkenahquah wauk wlahlookata, nullitch naikmah pamowhsoowahlitch neal wchechaukwul. Ezek. xviii. 27.

Nweengitch pahsooqueh wauk daum nuchwhunk dillowhwitch, nuchwhah nmahtahlooka pacheh ahwosaukumawh, wauk pacheh alooquapeyun, wauk mautah dapeh likkehqual ehmooksewin ktilleh aum shelean gwesis. St. Luke xv. 18, 19.

Kalah aum yaingwa mautah nmuttowhsewenali kpahchoolowhnah hukkienah wauk mautah ktahpetaukoowenah wlaumwawaukun; shuk shachkahcheweyaingweh kmuttowhsoowaukuninahnink winjeh nullitch naikmah tapeh aukitmaukaloo wauk wlaumwawh wainjeich paukehtahtumahquaing kmuttowhsoowaukuninahnul, wauk winjeh pelehnain winjeh wameh chunowhsoowaukunink. 1 John i. 8, 9.

A WAHLAIK keloon nee mahtisuck wauk duchquamuck, Katanehtooweit ktookquanain yoon peleik tauptoonaukun whaerlaleh aindah aum kahtowh shachkahcheimyaing winjeh neal kmuttowhsoowaukuninahnul wauk kmuttahlookawaukuninahnul; ninnah wauk wainjeh maukahtowh ahwain wlukkinehmauk neal nelewh whukkiyul wtillehaum wauk maukahtowh mtukqhumoowin neal kmuttowhsoowaukuninahnul alooquapeit leh Ailwontooweit Pahtumowaus Ahwosaukumawh Watuchmaing; shuk shachkautchmokoo keloo matahwahtanahmeyaik, wauk shewalindahmoweta hiyaik, wauk wailsittahmaik winjeh kdawahwink; wainjeich meshinumaink ktilleh paukehtahtumaukanain winjeh neal kmuttowhsoowaukuninahnul winjeh welowhindwaukuning wauk kaitmaukalingait nun Katanehtooweit. Wauk ahwainjeh kahtowh poonehtahwaink nin alaik kmuttowhsoowaukuninahnul eyais quah nun nawaink Katanehtooweit; ninnah wainjeh kahtowh malone newh maumshahlut nun nalaulquaing ausun naum nin leh geeskahtahweyaingweh queingaukaukanahmowhnah nun Nalaulquaing aleh meshinumaink oonjeh onachkink, wainjeh wauk nawhquetillooquaing pshekeh pahtumwawaukun, wauk aleh pindahmaink peleik tauptoonaukun, wauk weengeh weenwahmoo nin naum wlahpaindahmaink tahleh kahtoowapenahnink wauk kchechaukwnahning. Ktilleich wauk weengeh winjootmoolnain waukitch queingehweenwaumlehnain ktilleich wauk wlahtanumoowaukun ahtowhwenain danahnink, waukitch ktilleh matowhwahtanahmowewh winjootmoolnain, leh tah kakiyoowahpeyun nin ahwosaukumawh kaukitmaukalindwaukun. Yuch weengeh nahwahleik aleh pahtumwiyaink.

¶ Tpittahweh aindah leirseing aindah mahwaweing nahwahlint Papimitoonhais wameh nesheid quelaunk.

AILWONTOOWEYTJN wauk kaiktumaukailyun Watuchmelaing; nmahtahlookanauhum wauk dowhwahnenauhum winjeh Pahtumowausink tepiskahwewh aleh ahnohokoteit mamaik shukq; noosahmeh nahwundahmenain aeloowakeil nelewh danahnul; nmahchetoonanahnul peleik ktukkakeindwaukunul; mautah dindoowinain yool peishah aindoowaingoop, shuk dillahlookanain yool peishaum mah aindoowaingoop: aleh mah ahpehtaukoowaing muskuniswaukun. Shuk Kee, O Nalaulwayun, weengeh ktumaukailmenain neloon kacheh ktumaukowhseyaing; ktumaukailumneik neik O Katanehtooweyun aindah lahlahwalindahmoteit muttowhsoowaukunoowahwink; weengeh quachkoowhulneik lahlahwalindahmoteit; aindumuskun auptoon ahlut wameh matowhsecheik Christ Jesus Gekiyumnah. Wauk melenain, O kaiktumaukailyun Watuchmelaing, ailkeh qualehmut nun quesis; wainjeich nah tahlowhseyaing wlahtanumoowaukuning, wainjeich wewneenjootmaink nin peleik kitisheenzwaukun. Amen.

¶ Aleh pooncdindahseik wameh muttowhsooiuaukunul aleh mechetahseik winjeh Papimitoonhais shuk naikmah nepowhwoo linnalipawug nullowhwewh nesheidquelawug.

AILWONTOOWEYUN Pahtumowaus Watuchmelaing nalauleyaing Jesus Christ, mautah alalehmaukq dilleich bin matowhseit, shuk lah wtillalehmaun wtilleich quoluppelein winjeh muttowhsoowaukunink wauk pumowhselein; wauk melahwul pahtahweilsoowaukun neal Papimitoonhaismul wauk waleik aukakeindwaukun wainjeich mecheirtowhwaut neal wtilnahpamul, wainjeich shewalindahmowetahahteit, aleh ktinquoseteit wlalindahmoweh winjeh muttowhsoowaukunoowahwink. Pahtumowaus weengitch poonalindahmahwaun wauk weengeh nelahpawhhanul wameh shachkahpawewh shewalindongeik, wauk wailsit-tumoteit nin peleik wlahcheimwaukun. Ninnah wainjeh weenwahmaink ktillah ktumaukailmookqnain wlaumwawewh shewalindahmenain, wauk winjeh Peilsechiel Wchechaukwul, wainjeich waineh nelaundelaing alahlookiyaingweil yoon tahleh ninnitch wainjeh ahlauhremoweik pumowhsoowaukuninahnul wainjeich aupcheh peilseyaing wauk peilseyaing; wauk piyaing hulmewh wlalindahinoowaukuning leh Jesus Christ Nalaulquaing. Amen.

¶ Nullitch neh Papimitoonhais nesheidquehrein waukitch wsein Nulaulwait Pahpahtumwawaukun kaunzheirsoowitch, neik linnahpawug wamitch nesheidquehrenook waukitch umba nulneh wtilleirsenah.

NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch, lakitch aleh tahiyun yoon tahleh aukeeng ailkeh quelaig tahleh ahwosaukumawh. Melenain qui keishqueik wa taupwaun meyaink, wauk mewalindumowhwenain njunowhsoowaukuninahnul, ailkeh neloon mewalindumawhwaink neik chachunehlawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Ahloot kinnehlahtumin kekiyoowaukun wauk pahtahweilsoowaukun, wauk quelowhwailmooksoowaukun leh hulmewh wauk aupcheh. Amen.

¶ Nullitch wauk neh Papimitoonhais oowitch.

O Nalaulwayun towhwenemowhwenain zhitoonahnul.
Nachkootmook. Wauk dooninnahnul nawhquotool ktilleh kanaumlenain.
Papimitoonhais. O Pahtumowaus weengeh kekahenain.
Nachkootmook. O Nalaulwayun shahweh we tauhamenain.

Welahwuk nemoo Watuchmint, wauk Waqueesmint: wauk Peilseid Chechauk.
Nachkootmook. Alakoop nenootch wauk qui pacheh, waukitch lawh hulmewh lawh wauk aindah: wequehring yoon aukeh. Amen.

Papimitoonhais. Kaukanahmoo Nalaulquaing.
Nachkootmook. Nalaulquaing witisheenzwaukun kaukanahmahtook.

St. Luke i.
Magnificat anima mea

NCHECHAUKOONG pacheh kaunzhahlookawh Nalaulwait: wauk wainjeh nchechauk wlehlahwaimquoseit Pahtumowausink nee Pamowhsoohahleit.
Hraimbwauk aleh ktumaukahtanahmoweh tahlowhsecheil: wainjeh wleh tahpahlaut winjeh wnachkink neal nakaulquikeil.
Sha qui winjeh shiamink: leh wameh matahtahmoowaukunul ndisheilkookitch kaitmaukailmookseit.
Aleh kaunzhahlookait Pahtumowaus pacheh nhugkaing: wauk peleik witisheenzwaukun.
Wauk quitmaukailmahwul neal quatiyaulquikeil: wameh pacheh auhahnekahweh pamowhsecheik.
Wauk aleh nawhquoning muskuniswaukun winjeh wnachkink: aleh rnewhshekong whalinzwaukunul atakeil wdawahwink.
Quahwauhumoowahwul quanzhialinzwaukunoowahwing lamahtahpeleit: wtillehaum kongeh noondiyalinzwaukuning.
Wauk tapehlahwahahwul neal walehkeil katoopwaukongeik: wauk neik pawulsecheik mautahquaik mishinehmoowewuk.
Pahtumowaus mishahtumin ailkeh aukitmaukaleit wauk ailkeh wetauhamaut neal wtahlookaukunul Israel: wauk ailkeh muskun auptoonahlut nenootch Kuch nahningaukah Abraham wauk ochkahneim aupcheh tahlewh.
Welahwuk nemoo Watuchmint, wauk Waqueesmint: wauk Peilseid Chechauk.
Alakoop nenootch wauk qui pacheh waukitch lawh hulmewh lawh: wauk aindah wequehring yoon aukeh. Amen.

St. Luke ii. 29.
Nunc dimittis

NALAULWAYUN qui nahlawhweh lalum ktahlookaukun wlahpainzooweh kchoopoorwhaulquon: winjeh kee alauptooniyunoop.
Aleh macheh namin winjeh nisheenzhgoonk: nin kee kekawawaukun.
Nin aleh kesheirtahwun: ailheingwahrenoteit: wameh linnahpawug.
Wainjeich wauhrayaig keshahtakaukooteit naloowowhsecheik: wauk oolaukineimkuswaukunoowah kdilnahpamuk Israel.
Welahwuk nemoo Watuchmint, wauk Waqueesmint: wauk Peilseid Chechauk;
Alakoop nenootch wauk qui pacheh waukitch lawh hulmewh lawh wauk aindah: wequehring yoon aukeh. Amen.

¶ Nullitch neh nachkoomaun enah een Apostles' Wailsittumoteit nun Papimitoonhais wauk neik linnahpawug nepahwooltoowugitch.

NTOALSITTUMIN wtilleh ahpein Pahtumowaus Watuchmint kaunzheh ailkehqualehmookseit, ayilleh keshetoot wosaukumawh wauk aukeh. Wauk wah Jesus Christ Waqueseeng, Nalaulquaing, Peilseid Ochechaukwul keshekenooquok, wainjeh wah Mary keshekenaut, mautah weirkah wawehaukq linwul. Wauk ahyahwaindonk sakeh pamowhseit winjeh wah Pontius Pilate, wauk psahquetahoond wauk auptahmahlisoo, wauk qtowhwanaup leh boowaukuning. Naerheh keishqueka aumweep, wauk ispewh leh ahwosaukumawh, wauk oolehmahtuppein wtilnahahwuning Pahtumowaus Watuchwheeng kaunzheh Ailwailmookseit: nullitch nin oonjeh yohaun wainjeich mahweh keshaukinehmaut neal pamowhsecheil wauk neal manehlahcheil. Noalsittumin wtilleh ahpein Peilseid Ochiechauk wauk maischayaik pahpahtumwawaukun, wauk wtilleh ahwaultenawah neik nalaulkoosecheik, wauk mewalindahseik nin muttowhsoowaukun, wauk aumwewaukun leh wahtoowapeing, wauk hulmewh pumowhsoowaukun Amen.

¶ Waukitch neal palipdhtumwawaukunul nahwundahsekeil wameitch neseidquehrenoog, nun Papimitoonhais shiawhwitch pindaukqsoo aleitch kaunzheirseit.

Nun Nalaulwait quehchawhkoowautch.

Nachkootmook. Wauk wechatillehnain kchechauk.
Papimitoonhais. Yuch pahtumowahtook.

Nalaulwayun ktumaukailmenain.
Christ ktumaukailmenain.
Nalaulwayun ktumaukailmenain.

¶ Nullitch nun Papimitoonhais wauk linnahpawug wsenewautch Nalaulwait Pahpahtumwawaukun nacnpeh kaunzheirsoowewh.

NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch lakitch aleh tahiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwaun meyaink; wauk mewalindumowhwenain njunowhsoowaukuninahnul, ailkeh neloon mewalindumawhwaink neik chachunelawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.

¶ Nullitch nun Papimitoonhais nepowhwitch oowitch.

O Nalaulwayun nawhquetillehnain kitmaukalindwaukun.
Nachkootmook. Wauk weengeh melenain pumowhsoowaukun.
Papimitoonhais. O Nalaulwayun weengeh tahpaul nun Queen.
Nachkootmook. Wauk maingeh aukitmaukaleyun pindahwenain aindah winjehmelaing.
Papimitoonhais. Ahpehtahmowh Kpapimitoonhaismuck kshachkahpa waukun.
Nachkootmook. Wauk leh neik kee pepenahwahcheik linnahpawug.
Papimitoonhais. O Nalaulwayun saukeh kdilnahpamuck.
Nachkootmook. Wauk oolahpainsoohail neal nakahtumahweyaingweil.
Papimitoonhais. Melenain koolaurigoondwaukun qui patowhseyaing, O Nalaulwayun.
Nachkootmook. Aleh mautahwain winjeh naukaikq nhukkienah, shuk Kee nhroo, O Pahtumowaus.
Papimitoonhais. O Pahtumowaus pelehenain danahnink.
Nachkootmook. Wauk chela nahtinnahweh Peilseid Kchechauk winjeh ndanahnink.

Nin neshailnekehrink Pahpahtumwawaukun Wlahpainzwewh.

O KATANEHTOOWEYUN wainjeh Kee payaweik nin peleik letahawaukunul wameh walehkeil auchmookawaukunul, wauk wameh walehrink tahlookawaukunul; meil neik kee tahlookaukunug nin wlaungoondwaukun nin aukeh mauhah kaingkeh makookq; nin wainjeich danahnul wainjeich ahpehteit wtilleich ahwilsittahminawh nin kee ktaukakeindwaukunul, wauk wainjeich kee weengeh tahpahleyaing winjeh nee quairhahtahmaingweil mamahtekeil, wainjeich taumseh wlahtanahmowewh nin tahlowhseyaing ahlauhreimwaukuning wauk nahlowhwaukawaukuning leh wlalindahmoweh Jesus Christ Pamowhsoohaulquaing. Amen.

Nin nahrailniahkehrink Pahpahtumwawaukun leh wetauliaimkooswaukuning leh wameh ahweh tnahmookwaukuning.

KESHAHTAIS mowhwenain nin paik nummehkahquaing ktilleh naukaulkaig, O Nalaulwayun; wauk nin ailkeh ahweh ktumaukailyun yoh mewalindumowhwenain wameh neal ahweh lenumoowaukunul qui peiskaik; wainjeich ktumaukailmookseyaing yoon leh wtahwaultoowaukuning wun awahlut Quesis Pamowhsoohaulquaing Jesus Christ. Amen.

Pahpahtumwawauhrahlinjeik neik Queen.

O NALAULWAYUN ahwosaukumawh Watuchmelaing ailweh Kekiyun wameh kekiyuk wauk ailweh Nalaulwayun neik nalaulwacheik, kee naikqteh ahloowekahwaut wameh kekiyuk, apehyun quelahwailmooksoowaukuning panahwaut wameh aukeeng aindahlowhsecheik; nin wainjeh ahlooweh wdaheweh mamaindwahmelaing Kee winjeh quetauhaindwaukuning wainjeich penahquon Queen VICTORIA; wauk wainjeich wetauhamut ailwehlaik Peilseid Kchechaukwul wainjeich indik kee aleh wlalindahmun; wauk wainjeich meshining ahwosaukumawh kmeiltoowaukun; muskunisoohail wauk wainjeich quoneh pumowhseit muskunneh, wauk wainjeich wameh ahloowekahwaut katoonahlookeil; wauk leh wainjeich meshekunk hulmewh wlalindumoowaukun leh Jesus Christ Nalaulquaing. Amen.

Pahpahtumwawauhrahlinjeik neik Ahautchmookause Wtummeminzmul.

AILWONTOOWEYUN Pahtumowausyun aleh moochkahweyaing winjeh koolehta-hawaukuning nweengeh matahwahtanahmowewh, weenwahmil Kee ktumaukail wauk nun Albert Edward Kekye Wales, wauk nun Princess Wales, wauk waim neik Ahaumimmsuck wauk neil Wetahwamahcheil; meil waim Peilseid Chechaukwul, mshinmotetitch nin Ahwosaukumawh kitmaukalindwaukun, meil wameh alaik wlahtanumoowaukun, wauk pashoo waim nin hulmewh kekiyoowaukuning winjeh Jesus Christ Nalaulquaing. Amen.

Pahpahtumivawauconul neik Pajrimitoonhaisuck wauk linnahpawug.

AILWONTOOWEYTJN wauk hulmewh Pahtumowausyun Kee naikqteh aukaunzh ahlookiyun, neirnumowh Kakiyeit Papimitoonhaisminah wauk wameh Papimitoonhasuk wauk wameh neik katailkeik muskunisoohail tahlookawaukunoowah wchechaukqueweh kitmaukalindwaukun; wauk wainjeich wlalindahmowaut Kee, wauk leh wainjeich mautahreing kitmaukalindwaukun. O Nalaulwayun wetauhaindah yoon oolaukineimkuswaukun nun waleh tahpaulquaingq wauk waleh lehquaing Jesus Christ. Amen.

AILWONTOOWEYUN Katanehtooweyun kee meilyaink qui kitmaukalindwaukun miyahweh alalehmeyaink wainjeich aum pahpahtumowhwiyaing kseem ahchah neezhwuk wauk aunhroowuk winjeh mahwaweteta ndisheenzwaukunink nmelahwugitch aleh winjootmowhweteit, qui lah lokail O Nalaulwayun yoon aleh ahyahdahmoteit wauk aleh winjootmoteit yook alokatahquoneik ninnitch wainjeh ahlooweahwahlut, melenain yoon tahleh aukeeng noonjeich wawehtoonain wlumwawaukun, wauk yoon aukeeng payaweik pumowhsoowaukun hulmewh. Amen.

QUITMAUKALINDWAUKUN Gekiyumnah Jesus Christ, wauk nin wtahwaultoowaukun Katanehtooweit, wauk nin oojosindwaukun nun Peilseid Wchechauk qui wetowhsoomenain wauk aupcheh tahlewh. Amen.

Project Canterbury