AIL AUKAKEHMINT NIN NAUM ALEH EENG AUKAKEHMINJEIK WAINJEICH WAWEHTOOTEIT EYAISQUAH PAISHWAHWINT LEICH MUSKUNISOOHAHLAUN WINJEH NUN (BISHOP) KAKIYUMHAIT PAPIMITOONHAIS.
A Catechism, That is to say, an instruction to be learned of every person, before he be brought to be confirmed by the Bishop.Quotchemoolil. QUAIK ktisheenzeh?
Nachkootum. N. enah M.
Quotchemoolil. Ahwaik kmeilquon yoon zheenzwaukun?
Nackkootum. Wainjeh Kuchyahneik wauk wainjeh Wtooyahneik winj eh Sokinehpaulkuswaukuning keshekinehkahyaun ndilleich laungoomaun Christ wainjeich wtummeming mookquoii Pahtumowaus wauk wainjeich meshinmaun ahwosaukumawh kekiyoowaukun.
Quotchemoolil. Quaik hah Watuchmahcheik wauk Wakehy ahneik ktillehkook nin likkehquewh?
Nachkootum. Nmuskunauptoonaulkook ka nauhralinahyaukeh leh disheenzwaukuning. Shayahrink, dilleich paukehlaun maitseit mahnittoo wauk wameh wtahlookawaukunul, wauk matahpaimquaukeil yoon tahleh aukeeng, wauk wameh matehkeil wahtuchwapeyul; neshailniyaukeh, dilleich wlistumin wamehquaik walehring oolaumwawetahawaukun Wailsittong; wauk nauhraleh dilleich saukehtooni peleik Pahtumowaus aleh wlalindonk, wauk ktukakeindwaukunul wainjeich indahwaun tah sakeh pimowhseyaun.
Quotchemoolil. Mahtah hah ktetahahweh ktillehaum indin wauk ktilleh wlistumin aleh muskunauptoonaulquon?
Nachkootum. Peishkaitch kalah Pahtumowaus wetauhameta nweingitch indin dahink winj eh kanahmowh ahwosaukumawh Kuchwhenah, aleh winjehmeit yoon pumowhsooweh tahlowhsoowaukun windahqueh leh Jesus Christ Kakekaquaing. Wauk bahpahtumowain Pahtumowaus wainjeich meleit wetauhaindwaukun wainjeich indahwaun nah pacheh sakehring pumowhsoowaukun.
Quotchemoolil. Pindahsoo walehringeil aleh wlistumun.
Nachkootum. NOALSITTUMIN wtilleh ahpein Pahtumowaus Watuchmint kaunzheh ailkehqualehmookseit ayilleh keshetoot wosaukumawh wauk aukeh. Wauk wah Jesus Christ Waqueseeng, Nalaulquaing, Peilseid Ochechaukwul keshekenooquok, wainjeh wah Mary keshekenaut, mautah weirkah wawehaukq linwul. Wauk ahyahwaindonk sakeh pamowhseit winjeh wah Pontius Pilate, wauk psahquetahoond wauk auptahmahlisoo,wauk qtowhwanaup leh boowaukuning. Naerheh keishqueka aumweep, wauk ispewh leh ahwosaukumawh, wauk oolehmahtuppein wtilnahahwuning Pahtumowaus Watuchwheeng kaunzheh Ailwailmookseit: nullitch nin oonjeh yohaun wainjeich mahweh keshaukinehmaut neal pamowhsecheil wauk neal manehlahcheil. Noalsitturnin wtilleh ahpein Peilseid Ochechauk wauk maischayaik pahpahtumwawaukun, wauk wtilleh ahwaultenawah neik nalaulkoosecheik, wauk mewalindahseik nin muttowhsoowaukun, wauk aumwewaukun leh wahtoowapeing, wauk hulmewh pumowhsoowaukun. Amen.
Quotchemoolil. Quaik hah alaukakeimquon yool walehringeil aleh wlistumun?
Nachkootum. Shayahrink dukkakeimkoon dilleich wlistumin wtilleh ahpein Pahtumowaus Watuchmint keshailmookquon wauk wameh keshalindonk aukeh; neshailniyaukeh aleh wlistumaun nin wtilleh ahpein Pahtumowaus Waqueesmint nun katahnaukqheit nee wauk wameh linnahpawul; nauhraleh aleh wlistumaun wtilleh ahpein Pahtumowaus Peilseid Wchechauk nun peleheit wauk wameh pelehaut Pahtumowaus wdilnahpamul.
Quotchemoolil. Nin huksein neik Watuchmahcheik wauk Wakehyuneik kmuskunauptoonaulkook ktilleich saukehtoon Pahtumowaus quetekawaukunul yoh leil kaernoolhah ahtawul?
Nachkootum. Weembut.
Quotchemoolil. Taun hah ahtawul?
Nachkootum. NUL nin tpiskahwewh Pahtumowaus aindah lauptoonait nin tahquenachka aindah keikhahseik Exodus, lauptoonawh, Neelach Nalaulwait Kpahtumowaus nhugkie nun katuchwhahlooquon winjeh Egyptink aukeh, wauk winjeh nin wequahmink ahwaindahmoolkuswaukuning.
I. Nee Nalaulwait Kpahtumowaus; Chelaum ahwaingktugkun koo Pahtumowahsewin nee alooquapeyun tahleh.
II. Chelaum koo lehtahmoowahwin khugki mseenkq, enah wamehquaik alehnahquah, enah omneik ahwosaukumawh apehcheik, enah quaik yoon aukeeng atakeik, enah beeng kataik. Wauk ahlahmaukumeik cheh pahtumowatoohun wauk cheahlookatahwahweh: aleh Nee Nalaulquon Pahtumowaus ndilleh aukauhralingain nee Katanehtooyaun; wauk ndilleh quelahmin mahtahlookawaukun wauk wanehchahnecheik mahtahlookawaukunawah wnehchaunwahwink, leh ta nah pacheh nhra wauk nawin ahahnekowewh keshekecheik neik sheingehnowhwecheik, wauk ndilleh pinoondekain kitmaukawaukun neik aweh ketalooteit neik awhahlecheik, wauk kailnumoteit ndukakeindwaukunul.
III. Chelaum ahlowhqueweendahmoowin Nalaulquon Pahtumowaus witisheenzwaukun. Aleh Nalaulquon Pahtumowaus mautah witillailmahwin ahwaneil wun Wailsittong allowh waweendonk keil kitisheenzwaukun.
IV. Mishahtah kindwawh keishkoo wauk pelehtool. Shuk gudtaush keishkoowul ktahlooka, ktilleich makindahmin wameh ktahlookawaukun. Shuk neshaushtreh keishquaka nin kindwain Nalaulquon kee Pahtumowaus queishkoohun. Nul nin tahleh chelaum pahlewh quik kmehkindahmowin; kee, enauhaum quesis, enah kedahnis, enah ktahlookaukun linnoo, enah ktahlookaukun ochquawh, enah ktaulmoonzuck, enah ahwain chaipseid watrooquon. Aleh naikmah Pahtumowaus keshalindonk waukoong, wauk aukeeng wauk ketauhekun wauk wameh quaik nah atakeil gudtaush aintrehkeishquekaig. Nul nin wainjeh Nalaulquon ktumaukalindonk kindwawh nee keishkoo wauk pelehtoon.
V. Ahwaul kuch wauk kick; wainjeh koonowhseyun yoon tahleh aukeeng, Nalaulquon Kee Pahtumowaus aleh meilquon.
VI. Chelaum kneilwawin.
VII. Chelaum kmahchetoowin wetowhwaindwaukun.
VIII. Chelaum kumootoowin.
IX. Chelaum kmuttaukinehwahwin wetowhsoomut.
X. Chelaum queingehnumowhwahwin wechekaimquon wekeit, chelaum queingehnumowhwahwin wechekaimquon wewul, enah neal linwul wtahlookaukunul, enah neal ochquawul wtahlookaukunul, koolowhwewh wtaulmoonzul, enah onaniyoonksoomul, enah wamehquaik aleh nahquah nalaultong wechekaimquon.
Quotchemoolil. Quaik hah ktilleh aukakeimkoonul yool aukakeindwaukunul?
Nachkootum. Neshaleik dillah kakeimkoon dillailmooksoowaukuning windahqueh leh Pahtuinowausink wauk dillailmooksoowaukun windahqueh leh wechekamuk.
Quotchemoolil. Quaik hah ktillailmookseh windahqueh leh Pahtumowausink?
Nachkootum. Dillailmookseik windahqueh leh Pahtumowausink dilleich wlistowhwaun, wauk quetiyahlaun, wauk ahwahlaun, winjeh ndahink wameh, wauk wameh detahawaukuning, wauk winjeh jechaukoong, wauk wameh nmuskuniswaukuning; dilleich ahlookatahwaun, wauk kaukanahmaun, wauk dillahtahwaun msitchawh naukawhsoowaukun, wainjeich winjootmahwuk, wainjeich wahwluknootmaun peleik witisheenzwaukun wauk wtauptoonaukun, wauk wainjeich miyahwewh ahyahlookatahwuk tah shekaunzh sakowhseyaum.
Quotchemoolil. Quaik hah ktillailmookseh windahqueh leh wechekamuk?
Nachkootum. Dillailmookseik windahqueh leh wechekamuk dilleich ahwahlaun ailkehquailmuk nhugkie, wauk dilleich indin wameh leh wetowht soomuk dilleh wlalindahmin dilleich lekoonawh umba; wauk dilleich ahwahlaun ahwilsittahwaun Nuch wauk Kick; wauk dilleich ahwilsittahwaun Queen, wauk wameh neal wtilleelehnoomul; wauk dillahtahwaun nh'ugkie wameh neik Papimitoonhacheik; wameich yook dilleh noondiyalinzehtahwaun shekaunzh ailkeh indahwaun walehking leh; waukitch mauhah ahwain nmahchelahweh wauk lehahweh; shukwitch dillehkahtowh wamehquaik leh shachaukahpawein; wauk dilleich mauhah sheengehnahsewun winjeh ndahink; wauk dilleich saukehtoon nachkul wainjeich mahquaik nahtinoomahwaun wauk kmootahwaun; wauk dilleich saukehtoon nelahnoo wainjeich mauhah mahtauptoonawaun; wainjeich shukq wleh saukehtahwaun nhugkie klumowhsoowaukuning; leh wauk wainjeich mauhah weengeh nahmowhwahwuk ktugkun linnoo nalahtongeil; shukq dilloomaukain dilleich nelewh tah quaik windin walahpaindahmahnitch; wauk dilleich indin alalehmookseyaun nin tahleh aindahlowhseing nin tah Pahtumowaus aleh wlalindonk noonjehmukq.
Quotchemoolil.
Bishekin dahmeminzum quawehtoonhah ktillehaum mauhah kongeh indoowin yool kenehlewh innah lowhsewin Pahtumowaus walalindongeil wauk ahlookatahwahwin, wameh yool mauhah nelewh keshe indoonul yool mahwetauhaimkoowahna quitmaukailwaukun ninaum wainjeh aucheh kahtowh aukakeimkusyun wauk aum wainjeh muskunneh pahpahtumwiyun, yoo kilsittoolin tah kalah ktilleh kongehein Nalaulwait panahwailmooquaing pahpahtumwawaukun.
Nachkootum. NUCHWHENAH aipyun ahwosaukumawh whaerlindahsowitch kitisheenzwaukun; kekiyoowaukun payawekitch lakitch aleh tahiyun yoon tahleh aukeeng, ailkehquelaig tahleh ahwosaukumawh. Melenain qui keishqueik wa taupwaun meyaink, wauk mewalindumowhwenain njunowhsoowaukunin^hnul, ailkeh neloon mewalindumawhwaink neik chachunelawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.
Quotchemoolil. Quaik hah koonjootmahwah Pahtumowaus yoon winjeh kanaumwaukuning?
Nachkootum. Noonjootmahwaun ka Nalaulquon Pahtumowaus Kuchwhenah ahwosaukumawh apeit nun makik wameh walehkeil wauk pacheh meleit wetauhaindwaukun wauk melaut wameh linnahpawul, ninnitch wainjeh ahlookatoond wauk naukahlind wauk ahwilsittoond ninnaum wameh aindahwaing; wauk pahpahtumowaun Pahtumowaus wainjeich weengeh meilyaink wameh kataulquaukeil winjeh kchechaukwnahnuk wauk khukkienahnul; wauk wainjeich weengeh ktumaukailmooquaing wauk mewalindahmahquaing kmuttowhsoowaukuninahnul; wauk wainjeich weengeh lahtahwaing ktilleich kekakoonain wauk wainjeich asekahquaing wameh alaik chechaukweh wauk whugkiyewh nauhrahweh indwaukunul; wauk wainjeich weengeh tahpaulquaing winjeh wameh alaik mateik wauk muttowhsoowaukun; wauk ktoonahlooquaing kchechaukwnahning wauk wameh alaik hulmaukumeik boowaukun. Yoon hah dillehnaukahlaun weengitch indin quitmaukailwaukun wauk oolehindwaukun ashewilleh Nalaulquaingwink Jesus Christ. Wauk nunneh noonjeh een Amen, nunneh lakitch.
Quotchemoolil. KAERNOOL hah wcheindwaukunul nahtinnim Christ tahleh Pahpahtumwawaukuning Nachkootum. Shuk neishnool alaik walahpaimquah leh pumowhsoowaukuning, nin ayeeng, Sokinehpaulkuswaukun wauk Nalaulwait Olahquineipwaukun.
Quotchemoolil. Quaik hah ktisheendumin yoon wcheindwaukun?
Nachkootum. Disheendahmin ka aindahmecheh nawhquah wauk wchechaukquewh walahpaimquah, meilquosyaing winjeh naikmah nelewh whugkaing Christ, aleirsooweik miyahwalindahmoweh nul nin eyaupcheh aleich meshinumaing.
Quotchemoolil. Kaerhrail miyah kahtool hah atakeil wcheindwaukuning?
Nachkootum. Nesha: nin miyaut mecheh nawhquah wauk ahlahmewh wchechaukquewh walahpaimquah.
Quotchemoolil. Quaik hah nin mechewh nawhquah innah sokinehpaulkuswaukun?
Nachkootum. Nulkinin beh ahwain sokinehpahseit wtisheenzwaukuning leh Watuchmint wauk Waqueesmint wauk Peilseid Wchechauk.
Quotchemoolil. Quaik hah ahlahmewh wchechaukquewh walahpaimquah?
Nachkootum. Nin ka boowaukun aindah gudtahseik muttowhsoowaukun, shuk aushta wiskeh kesheikwaukun leh shachkahpawaukuning; yoon hah wahtoowapeyeh lalehmooksoowaukun kesheikwaukun nin matehkoo, wauk neik ahmeminzuk queshauptoonaulkuswaukunoowah, shuk keloonah ktahpenain aindah pelehquoseteit ahmeminzuk winjeh walahpaimquah.
Quotchemoolil. Quaik hah quacheh moolinjeik katah sokinehpaulkoosecheik?
Nachkootum. Yool ka neishnool wtilleich shewalindahmahwetahaun wauk poonehmin muttowhsoowaukun shukwitch wauk wtilleh muskunneh wlaumwawetahahnawah wauk wlistuminawh Pahtumowaus aleh muskun auptoon ahlaut ayilleh kesheirtahwaut yoon wcheindwaukun.
Quotchemoolil. Quaquinj aum hah sokinehpahseteit naleh mautah tapeh shewalindahmoteik?
Nachkootum. Hraimbwauk muskunauptoonahlahwul ayillewh winjeh miyahwalindahmoowaukunoowahwink nin alahteit aindauch tapeh likkehquayieeteit nelewh aindauch shewalindahmowetahahteit.
Quotchemoolil. Taun hunneh aindah kesheirtahseik wcheindwaukun Nalaulwait Olahquineipwaukun?
Nachkootum. Nin ka aindah kalah maumshahtahseik wtauptumulliswaukun Christ nin walahpaimquah rneshinumaink.
Quotchemoolil. Quaik hunneh mechenawhquah Nalaulwait Olahquineipwaukun?
Nachkootum. Aupwaun ka wauk wesaukehmahpo nin Nalaulwait aleh kesheirtauk wainjeich meshinnahseik.
Quotchemoolil. Quaik hah alahmewh mahnawhquotook?
Nachkootum. Whugkie ka wauk mokum Christ nin kalauk nahtinnahseik wauk mashinnahseik winjeh kalah wlaumwawetahawaukuning Nalaulwait Olahquineipwaukun.
Quotchemoolil. Quaik hah neal walahpaimquaukeil aleh numaingwitch wainjeich kalah nahtinu maing?
Nachkootum. Muskuniswaukuning ka wauk ailkehqualehmookseyaing kchechaukwnahnuk winjeh whugkaing wauk mokuming Christ, ktilleh whugkienanah winjeh aupwaun wauk wesaukemahpo.
Quotchemoolil. Quaik hah kcheimoolahwuk yook nahsekongeik Nalaulwait Olahquineipwaukun?
Nachkootum. Nin ka taukalah wtilleh shewalindahmahwetahahnawah winjeh alaik muttowhsoowaukunoowah wtilleich shuk ahnawh wiskeh pumowhsoowaukuning, wauk wlaumwawetahahnawh leh Pahtumowaus quitmaukalindwaukun ashehwilleh Christing, nachpeh wlalindumoowaukuning mishahtumwawaukun winjeh wtauptumuliswaukun, wauk wainjeich wameh ahwaulteing.
Project Canterbury