ALEICH QTOWHWNINT NEIK MANEHLAHCHEIK.
The Order for the Burial of the Dead.

¶ Naukeeskahwaud taich neal Manehlahcheil nun Papimitoonhais ahlumeitch shiawhrawh unitch lusein.

NELACH lahpewh aumwewaukun wauk neh pumowhsoowaukun owh nun Nalaulquaing; nunach walaumwawailmeit, peish haim aleh munnehlaut, eyaupcheich pumowhsoo: tahnitch ahwain pamowhseit, wlaumwawailmetaich, mauhahweirkah memahnehlawhweh. St. John xi. 25, 26.

NWAWEHAHWUCH neh wtilleh pumowhsein nun Pamowhsoohahleit, waukitch nin wtilleh nepahwin yoon aukeeng ailkehqueich mauiuchenul keishqueik. Maich ha chaim ooquok mutchetoonawh yoon nhugkie, eyaupcheich hah nawowh nun Pahtumowaus nin tahleh nhugkaing; nelitch dilleh mechewh nawaun winjeh nelewh niskeenzhquong dilleich ahwahain, mauhah ahwain taukun. Job xix. 25, 26, 27.

MAUTAH quaik patoowenah yoon aukeeng, wleh ksheirheh wawehquot ktilleich mahquaik ahlumoorwhahtoownain. Nun nach Nalaulwait makin, nun nach Nalaulwait pahlewh linmahsein; ktumaukailmooquot tach witisheenzwaukun nun Nalaulwait. 1 Tim. vi. 7. Job i. 21.

¶ Macheh qtowhwninda nun Manehlaut nin tahleh mahcheyiyink unitch wsein nun Papimitoonhais.

NUN nach linnoo ochquawul keshekenookook quawrhahnain nin naukaweish tilleh pumowhsein, ootchwekahgoon wauk neh ahwaindahmoowaukun. Pacheh pahsukqueta papahquelashrink leh teelahwowh: ahgahchetawing leh ahlumshemoo mah weirkah gootail ahpewhweh.

Nalach pamowhsoowaukuning ahpehyaing boowaukuning ktindahlowhsenah: ahwanaum hah knachkahlah nah dillahwetauhaimkoonain, kelach shuk, O Nalaulwayun, keil miyahwewh chachaunelahwalainkq nin aleh mahtowhseyaing.

Eyaupcheh weengeh, O Nalaulwayun Pahtumowauseyun kacheh peilseyun, O Nalaulwayun kacheh lailmookseyun, O kacheh aukitmaukaleyun Pamowhsoohaulwiyun, chelaum peinjeikhahlenain nin ahwaindahmoowaukun hulmewh mahnehlawaukun.

Quawetoon nahlach Nalaulwayun yool kahtahtakeil danahnul: chela kpahmooweh neil ktahwaukul ktillaum mauhah ktumauksittahwewenain, eyaupcheik weengeh ktumaukailmenain, O kacheh wleh lehwhiyun Pahtumowauseyun, O kacheh Pumowhsoohaulwiyun, keil aupcheh kacheh aukineimwiyun, chelaum poonumowhwenain kneh aqueh pumowhseyaingwa nin ahwaindahmoowaukun boowaukun.

¶ Nullitch neh likkeh nin aukeh alitch nah lauhaing nin whugkaing nun ahwain nah nepahweit nun Papimitoonhais oowitch.

ALEIK keshetahaut Ailwontoweit kacheh kaunzheh aukitmaukaleit aleh nelewh nahtinnaut neal wchechaukwul winjeh won awaulaig kce mautisnah (ktuckquaminah) won qui shaingehreing, qui aleh pooninumaing nin whugkie yoon aukeeng; aukeh nin aukeh, poonkq nin poonkq, neiskaik nin neiskaik, nin aleh wawehtahwaing wauk naukawhseyaing leh ahtawh aumwewaukun leh hulmewh pumowhsoowaukun, winjeh Nalaulquaing Jesus Christ, nullitch hahnah aleitch aushwahtahquaing khugkienahnul wainjeich lenaukqseyaing welahwailmooksowewh hugkiyaing alauptoonaukauk nin pahtahweilsoowaukun alahlookayaweik nakah hah tapehind wainjeich pataukq wamehquaik nelewh.

¶ Unitch wsein.

BINDUM ahyilleirsoowaukun winjeh ahwosaukumawh dooquin nee, laikhekeil ktumaukail-mooksoowaukahr neik manehlahcheik nin leh Na-laulwatink: nul neh ayeit nun nah Wchehchaukq ahlauhreimwaukah aleh ahlookatetoop.

¶ Unitch wsein Papimitoonhais.

Nalaulwayun ktumaukailmenain.
Christ ktumaukailmenain.
Nalaulwayun ktumaukailmenain.

NUCHWHENAH aipyun ahwosaukumawh whaerlindahsowitch kitisheenzwaukun, kekiyoowaukun payawekitch, lakitch aleh ta hiyun yoon tahleh aukeeng ailkehquelaig tahleh ahwosaukumawh. Melenain qui keishqueik wa taupwaun meyaink, wauk mewalindahmowhwenain njunowhsoowaukuninahnul, ailkeh neloon mewalindumawhwaink neik chachunelawh waimquaimgweik. Wauk chelahbawhnain leh ahquachetoowaukunink, shukquint ketinehnain winjeh matehkink. Amen.

O NALAULWIYUN kaitmaukailmoowiyun, Watuchmaud neil Jesus Christ Gekiyumnah, nun neit pamowhseit wauk nin pumowhsoowaukun taun ahwain walaumwawailmaut neil, nunitch aleh pamowhseit, peshitch gootin aleh aquowhseit; tahnitch ahwain pamowhseit wlaumwawailmahta, hauhah aupcheh mahnehlawh. Knaukaulkamahr. O Watuchmikiyun ktilleich winjeh ispenenain nin tahleh mahcheh pumowhsoowaukuning boowaukuning ninnitch wleh pumowhsoowaukuning aindahlowhseyaing; tah ailkeh gautmainkq yoon pumowhsoowaukun dilleich ahlauhreimwenain nun; ailkehqueitch neh tahleh tpittowh aumweeng maumchenul keishqueik, lailmenain dilleich ktumaukailmooksenain nin tahleh kisheenzhgoong, dilleich krahnenain neh kitmaukalindwaukun meluttitch nah awhahlut Quesis wameh neil awaulquon wauk queirhooquon unitch wtillaun, Yoohaukq ka keloowah kaitmaukailmookseyaig wanehjahnemooquaig nun Nuch, meshinmook ka nin Kekiyoowaukun welahwailmooksoowaukun kesheirtaukiyakoop akinnah ahlumehringa yoon aukeh. Melenain ka yoon ktilleh naukaulkain O kaitmaukailyun Katanehtooyun nul nah Jesus Christ Wawlaungoondoohaulquaing wauk Nalaulpawhaulquaing. Amen.

QUITMAUKALINDWATJKUN Gekiyumnah Jesus Christ, wauk nin otahwaultoowaukun Katanehtooweit, wauk nin ojoosindwaukun nun Peilseid Wchechauk qui wetowhsoomenain wauk aupcheh tahlewh. Amen.

Project Canterbury