Ndugu wendigwa, wanhu wose wahowa welekigwa mu wfhi, na woile welekigwa kwa mutufi wasidahile kumwendesa Mulungu, ninga wakwikala mu wihi, wahatenda vihile lugano; Naye Mwihula wetu Isa Masiya kalonga hodaha munhu kwingila mu Undewa wa Mulungu hono helekigwa kayhi kwa meji na kwa Muye Musunhile; niwatasanye mumutase Mulungu Baba kwa Mundewa wetu Isa Masiya, yawenghe wanhu wawa [yamwinghe munhu yuyu] kwa ubasi wakwe wingi, mbuli zizo zoile wasidaha [hodaha] kuzona kwa weleko wawo [wakwe] wabatizwe [yaba-tizwe] kwa meji na Muye Musunhile, wegaligwe [yegaligwe] mu ilundo dyera dyakwe Masiya; wande wovva [yande kowa] mp'hindi zakwe zoile nyumi.

¶ Mufundi yagolose zimbuli digoya vina wanhu wengi aha munhu yumwedu.

Chifugame.

Agwe Mulungu Mudaha wa katali, woile warmwihula Nua na nyumba yak we kwa ubasi wako wingi mu chombo wahofe kwa meji, wegala digoya wanhu wako waana wa Israeli mu luanda Iwa Shami; uhonese futa ya Ubatizo wako wera, na kwa kubatizwa Mwanago Mwendigwa mwikolongo Yardeni watenda meji gera yahevuge kwa chinyele mu wihi. Chikutasa kwa ubasi wanhu wawa [munhu yuyu] uwahevuge, uwasunhe kwa Muye Musunhile wone uhonya mu raaya gako wengile mu nyumba ya Kanisa lakwe Masiya; wande wowa waugufu mu kuhuwila, waseke mu kuhuwila, wahandigwe mu kiyenda hatta wagende kumhero isi ya tuni hachaka kufa, wekale uko kwako mimwaka yose, kwa Isa Masiya Mundewa wetu. Hano.

Agwe Mulungu Mudaha wa katali, Mutasa wa wakiwa, Mulela wa wose woile wakwijila kwa ngufu, uzima wa woile wahuwila, na kwinuka kwawo woile wafa, chiwatasila wanhu wawa, awekwijile kwa Ubatizo wako, wenghigwe kulegusa kwa wihi wawo, kwa kuelekigwa kwa Muye wako. Uwavumile Agwe Baba vina weja walonga na Mwana wako Mwendigwa, uhalonga, taseni na mokwinghigwa, hanangeni, na mokona, toweni na mokumuliligwa. Uchingh'ase Hambiha choile chikutasa, chone ase choile chikuhananga, uchikumulile ruulango choile chikutowa; wanhu wawa wasekeleligwe na nghwina swamu ya kusunha kwako kwa ulanga, wafike mu Undewa usihera woile walonga kwa Isa Masiya Mundewa wetu. Hano.

¶ Imeni.

Tegelezeni zimbuli za nsachilo, zoile zawandikwa na Yohana mu sura ya kadatu kwa lukilili Iwa kulongora.

Howa na munhu wa Mafarisayo disina dyakwe Nikodemo, Mukulu wa Wayahudi. Yuyu kamwijila Isa Mu chilo kamutamila, Rabbi chikumanya Gwegwe Mwalimu kulawa kwa Mulungu; kwa nhani hodaha munhu kuzitenda za kujuma zoile ukutenda, yahowa hasina Mulungu naye. Isa kamutamila, chaweru, chaweru nikutamila hono helekigwa kayhi hodaha munhu kuona Undewa wa Mulungu. Kamutamila Nikodemo, yadahaki kuelekigwa yahowa mugosi, kadaha kwingila kayhi mu inda ye nyinakwe na kuelekigwa? Isa kamutamila, chaweru, chaweru, nikutamila yoile helekigwa kwa meji na Muye hodaha kuingila mu Undewa wa Mulungu. Woile welekigwa kwa mutufi ni mutufi, na woile weleklgwa kwa Muye ni Muye. Uhajume nihakutamila, soko mwelekigwe kayhi; Meho ikupubuta hoiyendile, Kuhulika idjwi dyakwe; ninga humanyile aha koyikulawa aka koyikuluta nhaivi wose yoile yelekigwa kwa Muye.

Ndugu zangu muhulika mu nsachilo ayi zimbuli zakwe yeye Mwihula wetu Isa Masiya vina munhu hono helekigwa kwa meji na moyo hodaha kuingila mu Undewa wa Mulungu. Mwona vina mbuli ayi ichagila muno chihaidaha. Nhavi magera ga kukwila kulanga; zo chikusoma mu sura ya kunihero ya nsachilo ya Marko ho yawatuma wasungula wakwe, yawatamila, gendeni mu isi yose mulongele nsachilo kwa makungugo gose; yoile kohuwila yahabatizwa kohona. Chona nhavi vina ubatizo vo ukuchenela. Kwa chinghone Petro Mwijunibe, yahalonga ya kulongola nsachilo, wengi iwengila mu moyo, wainutamila yeye na wejumbe, anye wandugu chitende choni? Kahitula, kawatamila, lambeni, mukabatizigwe anye wose kwa kulegusa kwa wihi; naye mokwinghigwa Muye Musunhile; kwa nhani kulagana kwenu, na kwa welekwa wenu, na kwa wose woile kutali; wose woile womwinanga Mundewa Mulungu wetu. Na kwa mbuli nyingi kayi kawonesa, yakulonga, kihonyeni mu cheleko achi choile chagilila. Kwa nhani vina mujumbe ayudiya--ayudiya kakonyesa hengi, ho hatta ubatizo na sambiha ukuchihonya si kusuuhisa mutufi ninga hitula dya moyo muswamu kwa Mulungu, kwa kufufuka kwakwe Isa Masiya.

Muhowe na magelagela, ninga huwileseni, vina kowavumila kwa nghwina wanhu wawa wahalamba mu mimoyo, ma wamwijila kwa uhuwilo, kowalegusila wihi wawo, kowengha Muye Musunhile, wenghigwe kumota kwa ugima wa katali, wakone Undewa usikuwa na Iwimbi.

Nase chihamanyisa digoya dyakwe iswamu Baba wetu wa kuchaiiya kwa wanhu wawa, vina voile kachonesa kwa Mwana wakwe Isa Masiya, chimulumbe kwa uhuwilo na moyo wa kufuga, chihalonga:

Mulungu Mudaha wa katali, Baba wa kulanga chikulumbisa woile kwenda kuchinanga ase chimanye ubasi wako chikakulmwila, uchongese kumanya na kuhuwila majua gose, uwenghe wanhu wawa Muye wako Musunhile welekwe kayhi, wone kuuhala Uhonya wa katali kwa Mundewa wetu Isa Masiya yekalage na yatemelage hamwedu na Gwegwe majua gose. Hano.

Wendigwe wetu mwoile mwija, baha kuhananga kuuhokelaubatizo musunhile wrahulika vina wanhu wa baha wamutasa Mundewa wetu Isa Masiya, yende kuwahokele na kuwtanotesa kuwohola mu wihi wenyu na kuwengha Undewa wa kulanga, na umi wa katali wmhulika kayhi vina Mundewa wetu Isa Masiya kalagana mu nonga yakwe disunhile kulafa zimbuli zose zizo zoile chizihananga. Naye chaweru kulagana kwa-kwe koikola kofulusa.

Bassi hanyuma ya kulagana yiyo yoile kailafa Masiya soko irvuhuwile, mu chihanga cha Wakonyesa wenyu wawa, na wose woile baha, kulagana vina momulema Shetani na milimo yakwe yose, mohuwila muno inonga isunhile ya Mulungu. Mozandamila kwa moyo zimbuli zakwe.

Mufundi. Kuraulema Gwegwe Shetani na milimo yakwe yose, kitunya na ukulu chaka wa inuisi, na uvinju wakwe wa ukobo na uvinju wa mutufi uhazandamile?
Hitula. Nizilema zose.
Mufundi. Kuhuwila kwa Mulungu Baba Mudaha, Muumba ulanga na isi. Na kwa Isa Masiya Mwana wakwe chisiwanda, Mundewa wetu yoile yagaligwa inda kwa Muye Musunhile; kaelekigwa ua Mwali Mariyamu, kabulagigwa kwa Pontiyo Pilato; katungikigwa; kafa; keikigwa mu chilalo; kadulika hanhu ha wafile; lidjua lya kadatu kenuka mu chilalo; kakwila ku ulariga; naye yekwikala ha mukono wu kulume wa Mulungu, Baba wene ngufu zose; Naye kokuya kuwalamula wanhu wagima na wafa.
Kuhuwila kwa Roho Musunhile; chilundo chiswainu cha wanhu wose wa Mulungu: Kuhasa kwa woile wera; Kulegusa kwa inaswesa, Kwinuka kwa Mwili, na umi woile usihera.

Hitula. Nizihuwila muno azi zose.
Mufundi. Kuhananga kubatizwa mu uhuwilo au?
Hitula. Noiyo nikuhananga.
Mufundi. Kozikolesa zimbuli zakwe Mulungu nazo zimwendesa uzandamile majua gose.
Hitula. Notenda, iiolumilila niyateiide Mulungu yahanitase.

Agwe Mulungu wa ubasi uwatase wanhu wawa Adamu wa katali yakatilwe munhu wa mushya yonigwe. Hano.

Uwatase, lulanga Iwose Iwa mwili yafwe kwawo nazo zimbuli za Muye zikale zikongeswe kwawo. Hano.

Uwatase wone umi, na ngufu, wamusume Shetani na isi, na mwili. Hano.

Uwatase wahawandikwa baha na utumwa wako kwa kutogoma kwa mikono yetu wavaligwe na uswamu wa kulanga, wakone chinhu cha katali kwa ubasi wako, Agwe Mundewa Mulungu murnotigwa kwikalage na utemelage yose, sambiha na mimwaka yose. Hano.

Mulungu Mudaha wa katali, Mwana wako Mwendigwa yoile kalafa mu mbafu zakwe na meji iui sakami kwa kulegusigwa kwa wihi wetu; kawalongela waanafundi wakwe wagende wawafunde makun gugo gose, wawabatize kwa jina la Baba, na la Mwana na la Muye Musunhile; Ulangise chikukutasa kwetu choile baha: uyasunhe meji aya yahevuge kwa chinyele mu wihi; uwatase wanhu wawa woile wobatizwa nago wahokele ngufu zako za kumema, wadila majua gose mu utalo wa watoto wako wasaguligwa na wa chaweru, kwa Isa Masiya Mundewa wetu. Hano.

Goloko. Nikubatiza kwa disina dya Baba na dya Mwana, na dya Muye Musunhile. Hano.

Chimuhokela ayu mu wayetu wa itewa dyakwe Masiya, chimuguma chitangilo ya musalaba kwa chitangilo yabone soni yahavumila uhuwilo wakwe Masiya yoile yatungikigwa ninga yalewe kwa chilume hasi ya chipepero chakwe na wihi, na isi na Shetani; yahile kviwa asikari na mutumwa wakwe batta kubera kwakwe ku isi. Hano.

Muhona wandugu zangu: vina wawa welekigwa mara ya keli wegaligwa mu mwili wa kanisa lakwe Masiya, chimulumbe Mulungu Mudaha kwa mbuli azi zoile ziswamu na kwa moyo mwedu chimutase wagolose zimbuli zawo zoile zisigala kwa futa ya kukonga kuwo.

Baba wetu woile ku ulanga, Disina dyako diwe clisunhile, Undewa wako wije, Kwenda kwako kutendwe ku isi vina kutendigwa ku ulanga; Chidiyo chetu cba kuchigutisa uchinghe lijua kwa lijua, uchileke maswesa getu vina ase chiwaleka awekuchiswesila, uhachilongose mu ma geza ninga uchibule mu ubi kwa nhani Undewa na ngufu, na ukulu ni wako kwa katali na katali. Hano.

Chikulumba kwa chaweru Gwe Baba wa kulanga ya kuwa kuvumila kuchinanga kumanya kuhuwila kwako, na nghwina yako, uchongese mizungu ayi ukatende ngufu uhuwilo au majua gose; Uwenghe iwanhu toawa Muye wako Musunhile, wahowa welekigwa mara ya keli, wakatendigwe wahala wa Uhonya katali, kwa Mundewa wetu Isa Masiya, wongese kuwa watumwa wako tyakafike kulagana kwakwe kwa yuyo Isa Masiya Mundewa wetu, Mwana wako, yekalage na yetemage hamwedu na Gwegwe na mu Umwedu wa Muye Musunhile hatta majua gose. Hano.

Kwa chinghone wanhu wawa walagana kumwande yenu kumulema Shetani, na milimo yakwe yose, kumwihuwila Mulungu na kumutogomela modaha mwgelagele ya kwamba Iwandi na milimo yenu, no iyo kugelagela ilagana i hoki, na kulagana, na kuvumila dyowoile imtenda sanibiha kumwande ya ilundo adi, na kukonga kumwande yenu woile wasagula kuwa walangilisi; mukawahanange walumililwa kufuswa viswamu nonga isunhile ya Mulungu wone kukula mu nghwina na Mizungu ya Mundewa wetu Isa Masiya, na kwenda kwa inonga kwa kuliganisa na kwa kiasi mu chilunga amu.

Na nyenye moile muvala Masiya sambiha kwa ubatizo no iyo Iwandi Iwenu na milimo yenu kayhi muhatendigwa wadodo wa Mulungu na wa ujeru kwa kuhuwila yoile Masiya, kugenda vina iwagila waana wa ujeru; muhagelagela majua gose ya kwamba ubatizo ukuchonesa kuvumila kwetu; noyiyo kwandamila futa ya Mwihula wetu Masiya na kuligana naye hatta yofa kenuka kwa chinghone yetu. Nhavi na sese choile chibatizigwa chufile wihi chikenuke mukuliganisa, chikome majua gose magelagela getu goile geha, na ubi, chikale lumilile majua gose mu uswamu wose na kwikala digoya. Hano.

Project Canterbury